Կառավարությունն իշխանության ծրագիրն է իրականացնում. ՀՀԿ-ի պատասխանը Հովիկ Աբրահամյանին

Ազգային Ժողովի «Հանրապետական» խմբակցության քարտուղար Գագիկ Մելիքյանը կարծում է, որ երկրում իրականացվող ցանկացած բնույթի տնտեսական, քաղաքական ծրագրերն իշխանությունների գործունեությունն են, իսկ նախորդ եւ ներկա կառավարությունները նույնն են՝ ՀՀԿ-ի գլխավորությամբ: Այս մասին Գագիկ Մելիքյանն ասաց armtimes.com-ի հետ զրույցում՝ անդրադառնալով նախկին վարչապետ Հովիկ Աբրահամյանի վերջին հարցազրույցին, որտեղ նա Կարեն Կարապետյանի կառավարության որոշակի հաջողությունները պայմանավորել էր իր ղեկավարած կառավարության տարիների աշխատանքի արդյունքը:

Նշենք, որ Հովիկ Աբրահամյանը news.am-ին տված հարցազրույցում ասել էր, որ ուրախ է կառավարության ձեռքբերումներով: Միեւնույն ժամանակ նշել էր, որ ռուսական ներքին անձնագրերով Հայաստան ժամանելու հնարավորության ընձեռման ուղղությամբ իր ղեկավարած կառավարությունը երկու տարի աշխատել է, Հայաստան-Իրան ազատ տնտեսական գոտու ստեղծման համար ավելի շատ են աշխատել եւ այլն:

«Ես չեմ փորձում առանձնացնել: Իշխանության ծրագրերն իրականացնում են կառավարությունները եւ կարծում եմ, որ յուրաքանչյուր հաջողություն իշխանության հաջողությունն է, իսկ քաղաքական իշխանությունն այդ ընթացքում չի փոխվել»,- ասաց Գագիկ Մելիքյանը:

«Հանրապետական» խմբակցության քարտուղարն այդուհանդերձ նշեց, որ բոլոր կառավարություններն էլ իրենց գործունեության ընթացքում ունենում են իրենց ներդրումներն ու բացթողումները: «Այդ բացթողումների եւ թերությունների համար պատասխանատու է ընդհանուր քաղաքական իշխանությունը»,- ընդգծեց ՀՀԿ-ական պատգամավորը:

Հովիկ Աբրահամյանի կառավարությունը հրաժարական տվեց 2016 թվականի սեպտեմբերի 8-ին, իսկ 2017 թվականի խորհրդարանական ընտրություններից առաջ՝ հունվար ամսին Աբրահամյանը ՀՀԿ-ն լքեց, որից հետո հեռակա բանավեճի մտավ ՀՀԿ նախագահ Սերժ Սարգսյանի հետ: Աբրահամյանի հեռանալուց հետո ՀՀԿ խորհրդի նիստում Սերժ Սարգսյանն անդրադառնալով այդ թեմային ասել էր. «Մայր գետերը, լայն գետերը, առաջընթաց են ապահովում իրենց հոսքի ողջ երկայնքով: Կյանք են տալիս, հաց են տալիս, ջուր են տալիս: Եվ այն առվակները, որոնք պոկվում են մայր գետից եւ կարճ ժամանակում նորից չեն մտնում նույն հոսքի մեջ, չորանում են ու գնում: Սա է բնության օրենքը»: Կարճ ժամանակ անց Հովիկ Աբրահամյանը հակադարձեց այս պատկերավոր բնութագրին: «Գետերի եւ առվակների փոխաբերությունը լավն էր: Ինքս էլ հավանել եմ: Չմոռանանք նաեւ, որ մայր գետերը ոչ այլ ինչ են, քան ինքնամոռաց առվակների միավորում»,- ֆեյսբուքյան իր էջում արձագանքել էր Հովիկ Աբրահամյանը:

Տպել
2233 դիտում

Շենգավիթում հնչած կրակոցների հետեւանքով մահացածը թաղային հեղինակություն է

Վարչապետը տիկնոջ եւ դուստրերի հետ մասնակցել է Գյումրու օրվան նվիրված տոնական միջոցառումներին (լուսանկարներ)

Այս տարի Գյումրին լինելու է Հայաստանի անկախության տոնակատարությունների կենտրոնը․Նիկոլ Փաշինյան

Գյումրիում մեկնարկել է քաղաքի օրվան նվիրված տոնական համերգը (լուսանկարներ, ուղիղ միացում)

Կրակոցներ Երեւանում․ կա 1 զոհ եւ վիրավորներ․ հայտնաբերվել են պարկուճներ, դանակներ․ Shamshyan.com

Գյումրին հայի համար աշխատասիրության, տաղանդի ու ոգու քաղաք է․ Կոմանդոսը մասնակցում է Գյումրու օրվա տոնակատարությանը

Հավանաբար այս տարվա ընթացքում կունենանք ժամանակացույցը՝ 2 տարի է, 3 թե 4․ Շիրակի մարզպետը՝ տնակների խնդրի մասին

Հենց նոր մի հետաքրքիր տեղեկություն իմացա. Նիկոլ Փաշինյան

Լարված վերջաբան Գյումրիում. Փյունիկը 1-3 հաշվով պարտվեց «Շիրակին»

Լուծարվող գիշերօթիկների աշխատակիցները վարչապետի հետ չկարողացան խոսել

Գյումրին պետք է դառնա Երեւանին մրցակից. Ֆելիքս Ցոլակյանը մասնակցում է Գյումրու տոնի միջոցառումներին (լուսանկարներ)

Մենք 21-րդ դարում ենք, բայց մեր ունեցած տեխնիկան 20-րդ դարի է. Ֆելիքս Ցոլակյան

Նիկոլ Փաշինյանը եւ Աննա Հակոբյանը պարում են Գյումրու Ռուսթավելի փողոցում (տեսանյութ)

Հոկտեմբերի 11-ին նախատեսված է Գյումրու ավտոմաքսատան բացումը․ Դավիթ Անանյան

Փաշինյանն ընտանիքի հետ մասնակցում է Գյումրու տոնի միջոցառումներին (ֆոտոռեպորտաժ)

«Քաղաքի օր» տոնակատարության շրջանակում շահագործման հանձնվեց Շիրազի փողոցը. բացմանը ներկա էր վարչապետը (տեսանյութ)

«Մալաթիա մոլի» շենքում բռնկված հրդեհը մարվել է

Գյումրու օրվա տոնական միջոցառումներին է միացել վարչապետ Նիկոլ Փաշինյանը (լուսանկարներ, տեսանյութ)

Գյումրին բոլոր հարցերում յուրահատուկ տեղ ունի․ ԱԺ փոխնախագահ Ալեն Սիմոնյանը մասնակցում է «Քաղաքի օր» միջոցառմանը

Չապնի եւ Սեւաքար գյուղերում անօդաչու թռչող սարքերով հետազոտվել են հրդեհի օջախները․ 110 բնակիչ տարհանվել է