ԵԱՏՄ-ին Ադրբեջանի անդամակցելու մասին Գլազևի հայտարարությունն անհիմն է.Ադրբեջանցի դիվանագետ

09/10/2017 schedule08:19

Ռուսաստանի նախագահ Վլադիմիր Պուտինի՝ եվրասիական ինտեգրացիայի հարցերով խորհրդական Սերգեյ Գլազևը ցանկալին իրականության փոխարեն է ներկայացնում, հայտարարել է Ադրբեջանի նախկին ԱԳ նախարար Հուսեյնաղա Սադիխովը՝ մեկնաբանելով Գլազևի հայտարարությունը, որ «ԵԱՏՄ-ին Ադրբեջանի միանալու վերաբերյալ վերջնական որոշումը կախված է Հայաստանից»:

Ադրբեջանական լրատվամիջոցները փորձում են տեղեկատվական ֆոն ստեղծել, թե Ադրբեջանը նույնիսկ չի քննարկում ԵԱՏՄ-ին անդամակցելու տարբերակը, հետևաբար Գլազևի հայտարարությունն անհիմն է: 

«Բաքուն հավասարակշռված քաղաքականություն է վարում: Ու թեև դա հեշտ չէ, այդ քաղաքականությունն անփոփոխ է արդեն 25 տարի: Ինչո՞ւ  հիմա փոխել սկզբունքները, եթե ԵԱՏՄ-ին անդամակցությունից ոչինչ չենք շահի: Չխոսենք այն մասին, որ Ադրբեջանը երկկողմ հրաշալի հարաբերություններ ունի ԵԱՏՄ անդամ երկրների հետ: Այդ պատճառով Բաքուն կշարունակի իր ավանդական քաղաքականությունը», - ասել է նախկին ԱԳ նախարարը: 

ԵԽԽՎ-ում Ադրբեջանի պատվիրակության ղեկավար Սամեդ Սեիդովը, մեկնաբանելով նույն հայտարարությունը, նշել է, թե այս կամ այն կառույցին անդամակցելիս Ադրբեջանն առաջին հերթին հաշվի է առնում իր շահերը: 

«Ես առաջին անգամ եմ լսում Գլազևի հայտարարության մասին: Մենք շարունակելու ենք մեր հաջող քաղաքականությունը», - ասել է Սեիդովը: 

Ադրբեջանում նաև համոզմունք են հայտնում, թե իրականում Երևանի և Մոսկվայի համար ԵԱՏՄ-ին Ադրբեջանի անդամակցությունը ցանկալի է, որովհետև այդ դեպքում Ադրբեջանը ստիպված կլիներ վերջ տալ Հայաստանի ուղղությամբ բոլոր սահմանափակումներին: «Սակայն քիչ հավանական է, որ պաշտոնական Բաքուն հրաժարվի Երևանին իզոլացնելու 25 տարվա քաղաքականությունից, քանի դեռ չեն ազատվել իր տարածքները, հետևաբար Գլազևի հայտարարությունները զուրկ են որևէ հիմքից», - գրում են ադրբեջանական լրատվամիջոցները: 

Ռուսաստանի նախագահ Վլադիմիր Պուտինի եվրասիական ինտեգրացիայի հարցերով խորհրդական Սերգեյ Գլազևի հայտարարություն ադրբեջանական լրատվամիջոցներն անակնկալ էին գնահատել՝ նշելով, թե Գլազևն այնպես է ներկայացնում իրավիճակը, կարծես Ադրբեջանն արդեն անդամակցելու հայտ է ներկայացրել, եւ ամբողջ խնդիրը հենց այն է, թե Հայաստանը կարող է օգտվել վետոյի իրավունքից:

«Բարձրաստիճան ռուս պաշտոնյայի հայտարարությունն Ադրբեջանում զարմանք է առաջացրել, քանի որ պաշտոնական Բաքուն նույնիսկ միանշանակ և հստակ դիրքորոշում չի հայտնել ԵԱՏՄ-ին անդամակցելու վերաբերյալ: Ավելին` Ադրբեջանում այդ հարց քննարկողներին ամենաքիչը հետաքրքրում է հարցի մասին Հայաստանի կարծիքը, քանի որ խոսքը տարածաշրջանային ձևաչափով արտաքին քաղաքական ռազմավարական համակարգի ձևավորման մասին է», գրում են ադրբեջանական լրատվամիջոցները: 

Ավելի վաղ Ադրբեջանի արդյունաբերության ու էկոնոմիկայի փոխնախարար Սևինջ Հասանովան չէր բացառում Եվրասիական տնտեսական միությանն Ադրբեջանի անդամակցությունը` նշելով, որ Բաքուն հնարավոր է համարում ձեռնտու միություններին անդամացկությունը: Այդ պատճառով մենք նախ և առաջ պետք է վերլուծի նման կազմակերպություններին անդամակցելու դրական և բացասական կողմերը

Հայաստանում Ռուսաստանի արտակարգ և լիազոր դեսպան Իվան Վոլինկը հայտարարել էր, որ ԵԱՏՄ-ն բավական գրավիչ միություն է շատ երկրների համար, եւ բազմաթիվ երկրներ հայտեր են ներկայացրել այդ միության հետ համագործակցելու համար, բայց Ադրբեջանը նման ցանակություն չի հայտնել։ «Բացի այդ, ԵԱՏՄ-ում բոլոր համաձայնությունների ձեռքբերման համար անհրաժեշտ է բոլոր անդամ պետությունների համաձայնությունը»,- ասել էր դեսպանը` հավելելով, որ ազատ առեւտրի գոտու ստեղծման համաձայնագրեր են ստորագրվել Վիետնամի եւ Սերբիայի հետ, մշակվում են նաեւ նման համաձայնագրեր Իրանի, Հնդկաստանի, Մոնղոլիայի, Իսրայելի, Հարավային Կորեայի, Կամբոջայի եւ Սինգապուրի հետ։

 

Տպել
2014 դիտում

Ակցիա ՌԴ 102-րդ ռազմաբազայի դիմաց

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ