Ճըվճվ Արոյի կրտսեր որդու՝ Սերժ Վարդանյանի նկատմամբ այսօր հետախուզում է հայտարարվել

Այսօր լրատվության կիզակետում է Քրեական հեղինակություն համարվող Ճըվճվ Արոյի (Արա Վարդանյան)  ավագ որդին՝ Սարգիսը, որի մասնակցությամբ ողբերգական ավտովթար է տեղի ունեցել լուսադեմին Երեւանի Աբովյան եւ Սայաթ-Նովա փողոցների խաչմերուկում: Պարզվում է, որ այսօր նաեւ հետախուզում է հայտարարվել Ճըվճվ Արոյի  կրտսեր որդու՝ 24-ամյա Սերժ Վարդանյանի նկատմամբ:

Այս մասին մեր հարցին ի պատասխան ասաց ՀՀ քննչական կոմիտեի նախագահի խորհրդական Սոնա Տռուզյանը: Նա ՀՀ քրեական օրենսգրքի երկու հոդվածներով՝ ՀՀ ՔՕ 176-րդ հոդվածի 1-ին մասով (կողոպուտ) եւ ՀՀ ՔՕ 258-րդ հոդվածի 3-րդ մասի 1-ին կետի հատկանիշներով (խուլիգանություն, որը կատարվել է մի խումբ անձանց կողմից) ներգրավվել է որպես մեղադրյալ:

Առաջին դրվագով՝ կողոպուտը տեղի է ունեցել 2017 թվականի սեպտեմբերի 12-ին՝ ժամը 03:00-ի սահմաններում: Տռուզյանն ասաց, որ ըստ գործի նյութերի՝ Երևան քաղաքի Հր. Քոչար փողոցի կամուրջի հարևանությամբ կայանված «Օպել Աստրա» մակնիշի ավտոմեքենայի սրահում Սերժ Արայի Վարդանյանը բացահայտ կերպով պոկելու եղանակով հափշտակել է Կարեն Արայի Գասպարյանի պարանոցի՝ զգալի չափերի 200.000 ՀՀ դրամ արժողության ոսկյա վզնոցը: Դեպքի առթիվ 05.10.2017թ. ՀՀ ոստիկանության Արաբկիրի բաժնում՝ ՀՀ քրեական օրենսգրքի 176-րդ հոդվածի 1-ին մասի հատկանիշներով  (կողոպուտ) հարուցվել է քրեական գործը: «Կատարած հանցավոր արարքի համար Սերժ Վարդանյանին 13.10.2017թ. մեղադրանք է առաջադրվել ՀՀ քր. օր.-ի 176-րդ հոդվածի 1-ին մասով եւ խափանման միջոց է ընտրվել ստորագրություն չհեռանալու մասին:

Երկրորդ դրվագով՝ խուլիգանության դեպքը տեղի է ունեցել նույն թվականի նոյեմբերի 26-ին՝ ժամը 22:30-ից մինչեւ ժամը 23:00-ն ընկած ժամանակահատվածում: Տռուզյանն ասաց, որ Երեւան քաղաքի մի խումբ երիտասարդներ Ն. Զարյան 24 հասցեում գտնվող «Աֆրիկյաններ» ռեստորանային համալիր թիվ 3-րդ առանձնասենյակում, իրենց անձի թվացյալ առավելությունն ի ցույց դնելու մղումով, հասարակական կարգը կոպիտ կերպով խախտելով, բացահայտ անհարգալից վերաբերմունք դրսեւորելով այդ պահին ռեստորանում գտնվող հաճախորդների եւ աշխատակիցների նկատմամբ, շուրջ 5-10 րոպե վիճաբանել են սեռական բնույթի հայհոյանքներ տալու համար իրենց դիտողություն կատարած նշված ռեստորանային համալիրի մատուցող՝ Հովհաննես Գասպարյանի հետ: Այնուհետեւ դուրս են եկել միջանցք, որտեղ Հովհաննես Գասպարյանի հասցեին սեռական բնույթի հայհոյանքներ տալով, վերջինիս նկատմամբ գործադրել են բռնություն, ինչի հետևանքով խաթարվել է ռեստորանային համալիրի բնականոն աշխատանքը:

Դեպքի առթիվ 01.12.2017թ.-ին ՀՀ քրեական օրենսգրքի 258-րդ հոդվածի 3-րդ մասի 1-ին կետի հատկանիշներով հարուցվել է քրեական գործ: «Ձեռնարկված միջոցառումների արդյունքում պարզվել է միջադեպին մասնակցություն ունեցած անձանց ինքնությունը, շարժառիթը, բավարար ապացույցներ ձեռք բերվել, որ դրան անմիջական մասնակցություն է ունեցել նաեւ Սերժ Վարդանյանը։ Երեւանի քննչական վարչությունում 2017 թվականի դեկտեմբերի 23-ին որոշում է կայացվել երկու քրեական գործերը միացնելու մասին: 26.12.2017թ. երկու անձի մեղադրանք է առաջադրվել ՀՀ քր. օր.-ի 258-րդ հոդվածի 3-րդ մասի 1-ին կետով եւ խափանման միջոց է ընտրվել ստորագրություն չհեռանալու մասին: Սերժ Վարդանյանին նախկինում առաջադրված մեղադրանքի ծավալը լրացնելու եւ փոփոխելու նպատակով ծանուցագրեր են ուղարկվել ներկայանալու վարույթն իրականացնող մարմնին, սակայն չի ներկայացել։ Որոշում է կայացվել վերջինիս բերման ենթարկելու մասին, որի կատարումը հանձնարարվել է ոստիկանության համապատասխան ստորաբաժանումներին։ 2018թ. հունվարի 8-ին որոշում է կայացվել Սերժ Արայի Վարդանյանին ՀՀ քր. օր.-ի 176-րդ հոդվածի 1-ին մասով առաջադրված մեղադրանքի ծավալը լրացնել եւ փոխել, նույն օրը որոշում է կայացվել Ս. Վարդանյանին ՀՀ ՔՕ 176-րդ հոդվածի 1-ին մասով եւ 258-րդ հոդվածի 3-րդ մասի 1-ին կետով որպես մեղադրյալ ներգրավելու մասին, նրա նկատմամբ հայտարարվել է հետախուզում եւ միջնորդություն ներկայացվել դատարան խափանման միջոց կալանավորում ընտրելու համար»,- ի պատասխան ասաց ՀՀ քննչական կոմիտեի նախագահի խորհրդականը:

Նշենք, որ Սերժ Վարդանյանի ավագ եղբայրը՝ Սարգիս Վարդանյանը, երեկ իր վարած «BMW X6» մակնիշի ավտոմեքենայով բախվել է Ճանապարհային ոստիկանության 1-ին սպայական գումարտակի պարեկային մեքենային: Վթարի հետեւանքով ՃՈ տեսուչ Արեգ Դավթյանը հիվանդանոցում մահացել է, իսկ ուղեւորը ծայրահեղ ծանր վիճակով տեղափոխվել է հիվանդանոց: Սարգիս Վարդանյանը դեպքից հետո դիմել է փախուստի, ապա մի քանի ժամ անց ինքնակամ ներկայացել է ոստիկանություն: Նրան ոստիկանությունից քիչ առաջ տեղափոխել են ՀՀ Քննչական կոմիտե, նա կարգավիճակն այս պահի դրությամբ դեռ հայտնի չէ:

Տպել
21646 դիտում

Գյումրու ինֆեկցիոն հիվանդանոցում կորոնավիրուսով 84 հիվանդ է բուժվում. ինքնամեկուսացման ցուցում ունի 388 քաղաքացի

Այսօր վարչապետի ճեպազրույցին մասնակցելու է կորոնավիրուսից բուժված «Արմենիա» ԲԿ-ի նյարդավիրաբույժ Դավիթ Պատրիկյանը

Տեսանյութում ներկայացված է միջադեպի միայն մի մասը. Արդարադատության նախարարի մի քանի արձանագրումները

Եթե 38 աստիճանից բարձր է ջերմում, հոսպիտալացման ցուցում է․ պոլիկլինիկայի աշխատակիցը խոսում է նոր կարգի մասին

Նախագահ Արմեն Սարգսյանն ու նախարար Արսեն Թորոսյանը հանդիպել են (տեսանյութ)

ՄԱԿ-ի պարենի համաշխարհային ծրագիրը 233 մլն դրամ կտրամադրի նպաստառու ընտանիքների 6-9 տարեկան դպրոցական երեխաներին

Առավել երկարատեւ կասեցումներ՝ կրկնախախտումների կամ առավել ռիսկային խախտումների դեպքում․ ԱԱՏՄ

Ով պայքարում է իշխանության դեմ, կամա թե ակամա դավաճանում է ազգին. Լեւոն Տեր-Պետրոսյան

Արգավանդ գյուղի մոտակայքում ավտովթար է տեղի ունեցել

ԱԱԾ տնօրենը՝ Գագիկ Խաչատրյանի որդու գտնվելու վայրի, Քյարամյանի հետ հարաբերությունների եւ կորոնավիրուսի մասին

Իրականացվող կոշտ մեթոդները՝ ուղղված համավարակի դեմ պայքարին, օրենքով նախատեսված մեթոդներով իրավաչափ է. փաստաբան

ԱԱԾ տնօրենի պաշտոնից Վանեցյանի հեռանալուց հետո ԱԱԾ-ն մի քանի միլիարդ դրամ մուտք է արել բյուջե. Մարտիրոսյան

Իրավապահների համազգեստով բեմականացում կատարելն այդքան էլ սիրուն չէ, այսօր դրա արդյունքը կտեսնեք. ԱԱԾ տնօրեն

ՀՀ ֆուտբոլի հավաքականի իսպանացի հայտնի մարզիչ Խոակին Կապառոսը Հայաստանում է. նա կարանտինում է

Երբ ուժ չենք կիրառում, ասում են՝ մեղմ եք, խաղալիք եք, թավշյա եք, երբ կիրառում ենք, դիտարկում են բռնություն. ոստիկանապետ

IDBank-ի դեբետային քարտերը կարելի է պատվիրել արդեն նաև Idram-ով

Առաջիկա օրերին սպասվում է փայտիկների մեծ խմբաքանակ, որը կբաշխվի նմուշառում իրականացնող հաստատություններին. Ա. Նիկողոսյան

«Չեմ ասել, թե սխալվել եմ. սա Շվեդիայի համար առավել հարմար ուղի է». Թեգնելը հերքել է սկանդալային լուրերը

«Զինծառայողների ապահովագրության հիմնադրամը» դատի է տվել Տիգրան Ուրիխանյանին․ պահանջում են նաեւ 1000 դրամ փոխհատուցում

ՀՊՏՀ-ի ռեկտորի թափուր պաշտոնի մրցույթը տեղի կունենա հուլիսի 17-ին․ Գալոյանն ավելի վաղ հաստատել էր իր մասնակցությունը