Բաքուն ՅՈՒՆԵՍԿՕ-ին «գործուղում» է Արցախ. Ստեփանակերտը պատասխանում է նույն ոճով

Ադրբեջանի արտաքին գործերի նախարար Էլմար Մամեդյարովը ՅՈՒՆԵՍԿՕ-ին հրավիրել է միանալու Արցախում «ադրբեջանական մշակութային հուշարձանների» մոնիթորինգի անցկացմանը եւ ստացել Ստեփանակերտի պաշտոնական պատասխանը:

Արցախն Ադրբեջանին հիշեցրել է հայկական մշակութային ժառանգության հուշարձանների նկատմամբ Ադրբեջանի իշխանությունների վերաբերմունքի մասին:

Մամեդյարովն Արցախում ադրբեջանական մշակութային հուշարձանների» մոնիթորինգի անցկացմանը միանալու հրավերի մասին խոսել է օրեր առաջ ՅՈՒՆԵՍԿՕ-ի շտաբ-բնակարանում կազմակերպության ղեկավար Օդրի Ազուլեի հանդիպման ընթացքում:

Ըստ պաշտոնական հաղորդագրության, Մամեդյարովն Ազուլեին հայտնել է, թե իբր հայերի կողմից ոչնչացվում են ադրբեջանական հինավուրց մշակութային հուշարձաններն այն տարածքներում, որոնք «օկուպացրել է Հայաստանը», մինչդեռ Ադրբեջանը «շատ նրբանկատորեն» է մոտենում հուշարձանների պահպանմանը:

Մամեդյարովի խոսքին արդեն արձագանքել է Արցախի նախագահ Բակո Սահակյանի մամուլի խոսնակ Դավթի Բաբայանը: Նա նախ հիշեցրել է, որ Արցախի տարածքում բոլոր մզկիթները գտնվում են պետության պաշտպանության ներքո եւ նշել դրանց թիվը:

«Արցախի տարածքում պահպանվել են եղած երեք մզկիթը՝ 2-ը Շուշիում եւ 1-ը՝ Աղդամում: Արցախի տարածքում ադրբեջանական ժառանգության ոչ մի այլ «հուշարձան» չի եղել»,- մեջբերում է Դավիթ Բաբայանի խոսքերը news.am-ը:

Արցախում ադրբեջանական լուրջ պատմամշակութային ժառանգության բացակայության փաստը Բաբայանը բացատրել է զարգացած թյուրք էթնոհանրույթի բացակայությամբ: «Թյուրքական ցեղեր բնակվել են, սակայն ոչ մի «գլուխգործոց» չեն ստեղծել: Եղած երեք մզկիթը վերականգնվել է, դրանք գտնվում են պետության պաշտպանության ներքո»,- ընդգծել Արցախի նախագահի մամուլի քարտուղարը:

Միաժամանակ նա հիշեցրել հայկական մշակութային ժառանգության հուշարձանների նկատմամբ Ադրբեջանի իշխանությունների վերաբերմունքի մասին: Խոսքը, հատկապես միջնադարյան հայկական խաչքարերի՝ Ադրբեջանի կառավարության կազմակերպված ավերման մասին է՝ Նախիջևանի Ինքնավար Հանրապետության տարածքում, հատկապես Ջուղա քաղաքում:

Վերջին բնաջնջման դեպքը եղել է 2005-2006 թվականներին, երբ ոչնչացվել է Ջուղա քաղաքի հայկական գերեզմանոցն իր հազարավոր խաչքարերի հետ։ Այնտեղ գտնվող խաչքարները ջարդված են եղել ծանր շինարարական տեխնիկայի օգնությամբ, իսկ գերեզմանոցի ազատված տարածքը վերածվել է հրաձգադաշտի: Կա նաեւ կատարվածի մասին պատմող տեսագրություն:

Ինչ վերաբերում է ՅՈՒՆԵՍԿՕ-ին՝ նա հիշեցրել է Ադրբեջանի թեկնածուի, ՌԴ-ում Ադրբեջանի դեսպան Փոլադ Բյուլբյուլօղլուի ձախողումը: Նա պայքարում էր այդ կազմակերպության ղեկավարի պաշտոնի համար: «Այն, որ նրան գործնականում չհաջողվեց ոչ մի ձայն ստանալ, շատ բանի մասին է վկայում»,- հավելել է Բաբայանը ու նշել, որ Արցախը թաքցնելու բան չունի եւ դեմ չէ ՅՈՒՆԵՍԿՕ-ի առաքելությանը: «Սակայն նման մոնիթորինգային առաքելությունները պետք է անցկացվեն նաեւ Ադրբեջանի տարածքում՝ Ջուղայից մինչեւ Բաքու: Ադրբեջանում վիթխարի հայկական մշակութային ժառանգություն կա, որը երկրի իշխանությունների ջանքերով ոչնչացվում է»,- ասել է նա:

Եթե Ադրբեջանը պատրաստ է մոնիթորինգային առաքելություններին, ապա Արցախ եւս պատրաստ է, հավաստիացրել է Բաբայանն ու կասկած հայտնել. «Սակայն կարծում եմ, որ Ադրբեջանն ամեն կերպ կխոչընդոտի իր տարածքում մոնիթորինգի անցկացմանը»:

Տպել
2065 դիտում

«Իմ քայլը» հիմնադրամի հաշվեհամարին իր գործունեության վեց ամսվա ընթացքում մուտք է եղել 859 մլն 55 հազար դրամ․ Ա․ Հակոբյան

ԵՊՀ-ում կատարած բացահայտումների ամբողջ ծավալը չէ, որ ներառված է հետաքննության այս փուլում. ՊՎԾ

Տեղեկատվությունը չի համապատասխանում իրականությանը. Աննա Նաղդալյան

ԵԱՀԿ ՄԽ համանախագահներն Ալիեւի հետ քննարկել են ԼՂ հակամարտության կարգավորման հեռանկարները

Պետք է հնարավոր պայմանները ստեղծենք, որ մեր դատավորները սրա-նրա ձեռքին նայելու անհրաժեշտություն չունենան․ վարչապետ

Գարեգին Բ-ն հանդիպում է ունեցել վերապատրաստման դասընթացներին մասնակցող եկեղեցականների հետ

Կառավարությունը որոշեց․ դատավորներն ու ԲԴԽ անդամները կներառվեն սոցփաթեթի շահառուների շրջանակում

ԱՆ-ը հրապարակել է չարորակ հիվանդությունների բուժումն անվճար իրականացնող բուժհաստատությունների ցանկը

«ՀԱՅԲԻԶՆԵՍԲԱՆԿ» ՓԲԸ խորհրդի նախագահ է նշանակվել Արսեն Միքայելյանը  

Վարչապետի որոշմամբ Արմինե Մարգարյանը նշանակվել է Անվտանգության խորհրդի գրասենյակի ղեկավար

Փակ է լինելու «Թումանյան» կայարանից Օձունի խաչմերուկ ճանապարհահատվածը․ պայթեցման աշխատանքներ են ընթանում

Գործադիրը հավանություն չտվեց ԲՀԿ-ական պատգամավորների՝ «Արհմիությունների մասին» օրենքում փոփոխություն կատարելու նախագծին

30 փամփուշտ, պարկուճներ, վնասված Lexus․ ինքնաձիգի գործադրմամբ սպանության փորձ՝ Տավուշում

Արամ Սիմոնյանն ասել է, որ եթե իր դեմ քրգործ հարուցվի, ԵՊՀ-ն պետք է պաշտպանվելու համար․ նախարար (տեսանյութ)

Գեղեցիկ ու դրամատիկ խաղեր Չեմպիոնների լիգայում. «Սիթիի» ու «Ատլետիկոյի» օրն էր (տեսանյութ)

Մասիսի պետական գյուղատնտեսական քոլեջում զարգացման երկու կենտրոն է բացվել

Վարչապետն ու նախարարները կառավարության նիստում գրքի տոնի առթիվ նվերներ ստացան

Մեկնարկել է ՀՀ կառավարության հերթական նիստը․ օրակարգում ընդգրկված է 32 հարց, որից 19-ը՝ չզեկուցվող

Արցախը մոտենում է նախագահական ընտրություններին․ Արայիկ Հարությունյանը հրաժարական տվեց

Հայաստանում օգտատերերի համակարգիչների գրեթե կեսը ենթարկվել է տեղային սպառնալիքների․ «Կասպերսկի Լաբորատորիա»