Մխիթարյանն ու Սանչեսը միասին Լիվերպուլում են. թարմացված

17:13- Հայաստանի հավաքականի կիսապաշտպան Հենրիխ Մխիթարյանն ու Չիլիի հավաքականի հարձակվող Ալեքսիս Սանչեսն այս պահին Լիվերպուլում են: Ինչպես գրում է Daily Mail-ը, նրանք տեղի իմիգրացիոն գրասենյակում թարմացնում են Միացյալ թագավորությունում իրենց աշխատանքային իրավունքը: 

15:59- Ինչպես հայտնում է Daily Star-ը, այսօր Սանչեսը մարզվելու է ՄՅՈՒ-ի կազմում:

15:57- Երեկ Ալեքսիս Սանչեսին «Մանչեստեր Յունայթեդի» «Քերինգթոն» մարզաբազայում հանդիպել է թիմի լեգենդար նախկին մարզիչ սըր Ալեքս Ֆերգյուսոնը: Մասնագետը ողջունել է նրան:

15:39- Դեռ Մխիթարյանի տեղափոխությունն «Արսենալ» պաշտոնական չէ, բայց համացանցում երկրպագուներն անընդհատ հայտնվում է «զինագործների» մարզաշապիկով նրա լուսանկարները: Ահա հերթականը: Սա իհարկե ֆոտոշոփ է:

11:33- Հայաստանի ֆուտբոլի ազգային հավաքականի կիսապաշտպան Հենրիխ Մխիթարյանն իր ծննդյան օրը եղել է Լոնդոնում՝ «Արսենալ» իր տեղափոխությունն ավարտին հասցնելու նպատակով: Երեկ՝ հունվարի 21-ին, նրան տեսել են Լոնդոնի օդանավակայանում: Լրատվամիջոցներն ընդգծում են, որ ֆուտբոլիստը, որը երեկ նշում էր ծննդյան 29-ամյակը, բարձր տրամադրություն է ունեցել:

Երեկ Մխիթարյանն «Արսենալում» բժշկական հետազոտություն է անցել: «Զինագործների» հարձակվող Ալեքսիս Սանչեսն էլ բժշկական հետազոտություն է անցել Մանչեստերում: Այսօր ֆուտբոլիստները պետք է թարմացնեն Միացյալ Թագավորությունում իրենց աշխատելու իրավունքը, քանի որ երկուսն էլ ԵՄ անդամ երկրից չեն: Դրանից հետո պաշտոնապես կհայտարարվի տեղափոխության մասին:

Հունվարի 22

22:17 - Ըստ բրիտանական լրատվամիջոցների Հենրիխ Մխիթարյանն այսօր վերջին անգամ է եղել «Մանչեստեր Յունայթեդի» «Քերինգթոն» մարզաբազայում: Նա հրաժեշտ է տվել թիմակիցներին:

18:35 - Ասուլիսի ժամանակ Մոուրինյոն ասել է, որ Մխիթարյանը չի մասնակցի վաղվա խաղին:

«Ո՛չ, ընդգրկված չէ թիմի հայտացուցակում, բայց շատ լավ մարզավիճակում է»,- ասել է նա:

18:04 - «Մանչեստեր Յունայթեդի» գլխավոր մարզիչ Ժոզե Մոուրինյոն մամուլի ասուլիս է տվել վաղը կայանալիք Անգլիայի Պրեմիեր լիգայի 24-րդ տուրի «Բըրնլիի» դեմ խաղից առաջ: Նա ասել է, որ Մխիթարյանի ու Սանչեսի տեղափոխության գործարքը դեռ չի կայացել:

«Դեռ ավարտին չի հասցվել: Մխիթարյանը մեր խաղացողն է, Սանչեսը՝ «Արսենալի»»,- նրա խոսքերն է փոխանցում Sky Sports-ը:

16:32 - Մխիթարյանն ու Սանչեսը չհասցրին թիմերով փոփոխվել այսօր մինչև Մեծ Բրիտանիայի ժամանակով ժամը 12:00-ն: Դա նշանակում է, որ նրանք իրենց նորամուտը նոր թիմերում առաջիկա հանգստյան օրերին չեն նշի: Սանչեսն այսօր գնացել է «Արսենալի», իսկ Մխիթարյանը՝ ՄՅՈՒ-ի մարզմանը:

Բրիտանական լրատվամիջոցները նշում են, որ Մխիթարյանը չի հասցնի այսօր պայմանագիր կնքել «զինագործների հետ:

^{Սանչեսն այսօր գնացել է «Արսենալի» մարզմանը}

15:39 - Daily Star. Մխիթարյանը պետք է հասցնի «Արսենալի» հետ պայմանագիրը ստորագրել մինչեւ այսօր Մեծ Բրիտանիայի ժամանակով՝ 12:00 (ՀՀ ժամանակով 16:00), որպեսզի կարողանա նոր թիմի կազմում, հունվարի 20-ին կայանալիք Անգլիայի Պրեմիեր լիգայի 24-րդ տուրի «Քրիտլ Փելըսի» դեմ խաղին մասնակցել:

15:27 - Հայաստանի ֆուտբոլի ազգային հավաքականի ավագ Հենրիխ Մխիթարյանին կրկին նկատել են ՄՅՈՒ-ի Քերինգթոն» մարզաբազայում: Այս մասին գրում է բրիտանական Sky Sports-ը: Նա մարզման է գնացել այսօր՝ հունվարի 19-ին:

Սանչեսի տեղափոխությունը ՄՅՈՒ կախված է Մխիթարյանից: Քանի դեռ նա չի համաձայնեցրել պայմանագրի կետերը, «զինագործներ» հետ ֆուտբոլիստների փոփոխությունը չի կարող տեղի ունենալ:

^{Այսօր «Քերինգթոն» է գնացել}

Կիսապաշտպան Հենրիխ Մխիթարյանն «Արսենալ» տեղափոխվելուց հետո չի կարող կրել 22 համարի մարզաշապիկը, որը հիմա ունի «Մանչեստեր Յունայթեդում»: «Զինագործների» կազմում այն պատկանում է կիսապաշտպան Ժեֆ Ռեն-Ադելաիդին: 10 համարը, որով Մխիթարյանը նախկինում հանդես է եկել Դորտմունդի «Բորուսիայում», նույնպես նրանը չի կարող լինել: Լոնդոնցիների կազմում այն Ջեք Ուիլշերինն է:

Արսեն Վենգերի թիմում այս պահին 4 ազատ համար կա: 14-ը, որն ազատվեց Թեո Ուուլքթի հեռանալուց հետո: 15 համարը թողել է Ալեքս Օքսլեյդ-Չեմբերլեյնը: Ֆրենսիս Քոքլենի տեղափոխությունից հետո 35 համարը նույնպես տեր չունի: Ի վերջո, Մխիթարյանը կարող է իրեն վերցնել Ալեքսիս Սանչեսի 7 համարը, երբ վերջինս իր փոխարեն «Մանչեստեր» տեղափոխվի: Այդ համարն «Արսենալում» կրել են այնպիսի ֆուտբոլիստներ, ինչպիսիք են Ռոբերտ Պիրեսը, Դեւիդ Փլեթը, Դեւիդ Ռոքասլը:

Սպասվում է, որ առաջիկա ժամերի ընթացքում պաշտոնապես կհայտարարվի Մխիթարյանի՝ «Արսենալ» տեղափոխության մասին: Նա 4 տարվա պայմանագիր է կնքելու «զինագործների» հետ: ՄՅՈՒ-ն Մխիթարյանին ու որոշակի գումար տալիս է «Արսենալին» Ալեքսիս Սանչեսին ստանալու համար: Բրիտանական լրատվամիջոցների տեղեկություններով՝ «մանկունյանցիների» ղեկավարությունը մասնավոր ինքնաթիռ է վարձել Մխիթարյանին Լոնդոն ուղարկելու, իսկ Սանչեսին այնտեղից բերելու համար: Նշվում է նաեւ, որ Սանչեսի ընտանիքի անդամները Լոնդոն են մեկնել նրա շնորհանդեսին ներկա լինելու համար: