Երևան
12 °C
Երեւան քաղաքի ավագանին պատրաստվում է հավանության արժանացնել մայրաքաղաքի Մոսկովյան փողոցը վերանորոգելու ծրագիրը: «Հայկական ժամանակ»-ին հայտնի դարձավ, որ Նալբանդյան փողոցից մինչեւ Մաշտոց պողոտա ճանապարհահատվածը վերանորոգելը կարժենա շուրջ 222 միլիոն դրամ կամ 463 հազար ԱՄՆ դոլար:
Ըստ քաղաքապետարանի նախաձեռնության՝ Երեւան քաղաքի Մոսկովյան փողոցի Նալբանդյան փողոց-Մաշտոց պողոտա հատվածը շուրջ երկու տասնամյակ հիմնանորոգման չի ենթարկվել, ինչը դժվարություններ է առաջացնում փողոցային անվտանգ երթեւեկության առումով, ինչպես նաեւ որոշակի դժվարություններ՝ մայթերից օգտվողների պարագայում։ «Ծրագրի իրականացումը հնարավորություն կընձեռի Մոսկովյան փողոցի վերոնշյալ հատվածն ամբողջովին հիմնանորոգել՝ այն համապատասխանեցնելով ժամանակի պահանջներին եւ չափորոշիչներին։ Հաշվի առնելով այդ ամենը՝ մշակվել են Մոսկովյան փողոցի՝ Նալբանդյան փողոց-Մաշտոց պողոտա հատվածի հիմնանորոգման աշխատանքների նախագծանախահաշվային փաստաթղթերը, համաձայն որոնց, ընդհանուր աշխատանքների նախահաշվային արժեքը կազմում է 222 միլիոն 298 հազար դրամ, որն իր մեջ ներառում է նաեւ տեխնիկական եւ հեղինակային հսկողության աշխատանքները»,- ասված է մեր տրամադրության տակ հայտնված փաստաթղթում:
Երեւան քաղաքի Մոսկովյան փողոցի Նալբանդյան փողոց-Մաշտոց պողոտա հատվածի հիմնանորոգման ծրագրի շրջանակներում նախատեսվում է իրականացնել հետեւյալ աշխատանքները՝ երթեւեկելի հատվածի գոյություն ունեցող ասֆալտբետոնի ծածկի 5սմ խորությամբ ֆրեզում, մայթերի ծածկի քանդում (հատվածային), խճային հիմքի տեղադրում 8սմ ներծծված տաք բիտումի մածուծանով (հատվածային), երթեւեկելի մասի 10 հազար 540 քառակուսի մետր ասֆալտբետոնի ծածկի իրականացում: Բացի այդ, նախատեսվում է մուտքերի եւ իջատեղերի 1436 քառակուսի մետր ասֆալտբետոնի ծածկի իրականացում, երթեւեկելի մասի 1083 գծամետր բազալտե նոր եզրաքարերի տեղադրում՝ 15x30 բետոնե հիմքով, մայթերի 346 գծմ բազալտե նոր եզրաքարերի տեղադրում 10x20 սմ բետոնե հիմքով, տոմետ սալիկների վերատեղադրում, բազալտե եզրաքարերի վերատեղադրում, թվով 28 դիտահորի եւ թվով 6 թուջե հանգույցներով անձրեւաորսիչի ուղղում, թեքահարթակների վերակառուցում, այդ թվում՝ 6.67 մետր խորանարդ հարթակի երեսապատում 30 մմ բազալտե սալիկներով եւ նոր եզրաքարերի տեղադրում՝ 15x30 բետոնե հիմքով:
Քաղաքապետարանում գտնում են, որ ծրագրի իրականացման արդյունքում հնարավորություն կընձեռվի ամբողջական կարգավորել Երեւան քաղաքի Մոսկովյան փողոցի կենսագործունեությունը։ «Երեւան քաղաքի Մոսկովյան փողոցի հիմնանորոգման ծրագիրը հաստատելու մասին» Երեւան քաղաքի ավագանու որոշման նախագծի ընդունման առնչությամբ Երեւան քաղաքի 2018 թվականի բյուջեով նախատեսված միջոցներում փոփոխություններ չեն սպասվում։
Armtimes.com-ը վերանորոգվող ճանապարհահատվածում այսօր արձանագրեց, որ մայթերը, ասֆալտբետոնը, մայթերի եզրաքարերը, խճաքարերը այնպիսի վիճակում չեն, որ վերանորոգելու հրատապություն առաջանա, եւ Երեւանի բյուջեից այդ ծրագրի համար մոտ կես միլիոն դոլար ծախսվի:
Մամուլում բազմիցս է գրվել, որ Երեւանի բյուջեն անխնա մսխվում է ասֆալտապատ ճանապարհները կրկին ասֆալտապատելու պատրվակով: Այդ պատմությունը հաճախ կրկնվում էր Երեւանի Թումանյան փողոցում, երբ գրեթե ամեն տարի առկա ասֆալտը մաքրվում էր եւ տեղում նորից ասֆալտապատում էր իրականացվում:
Մեր լուսանկարներում պարզ երեւում է, թե ինչպիսի տեսք ունեն թեքահարթակները, մայթերի եզրաքարերը եւ այլն: Եթե դրանք չլինեին կամ քանդված լինեին, միգուցե բազալտե նոր քարեր գնելու եւ տեղադրելու անհրաժեշտություն կառաջանար:
Մայթի խճաքարը
Ասֆալտի ծածկը Մոսկովյան-Տերյան խաչմերուկում
Մայթերի եզրաքարերից մեկը
Թեքահարթակներից մեկը
Մայթերի խճաքարերը
Ասֆալտի շերտը
Նյութը հրապարակվել է «Հայկական ժամանակ» օրաթերթի փետրվարի 6-ի համարում:
«Հայկական Ժամանակ»-ը Telegram-ում
Ովքե՞ր կարող են օգտվել կաթի արտադրության սուբսիդավորման ծրագրից, ինչպես գրել դիմում․ մանրամասներ
Գյումրիում ճգնաժամը շինովի է, ըստ Առաքելյանի՝ այն ստեղծում է իշխանությունը․ ինչու ՔՊ-ն չեկավ ավագանու նիստին
Սիրելի´կանայք, լավ նորություն ունեմ ձեզ համար․ Անահիտ Ավանեսյանը տեսանյութ է հրապարակել
ԵՄ խորհուրդը հավանություն է տվել ԵՄ-ի և ԱՄՆ-ի միջև առևտրային համաձայնագրին
Կարապետյանի ունեցվածքն ու կյանքը վտանգի տակ են. Կարապետյանն ու Քոչարյանը ՌԴ-ի գրպանում են․ Ռուբեն Գալչյան
Ֆրանսիան դադարեցրել է միջուկային ռեակտորների աշխատանքը ռեկորդային շոգի պատճառով
Շնորհավորում եմ իմ գործընկեր Ռուբեն Ռուբինյանին, վստահ եմ՝ կկատարի աշխատանքը մեծ պատասխանատվությամբ․ Կոնջորյան
Մարտունիում բժշկական ամբուլատորիա կկառուցվի
Մարգարիտա Սիմոնյանը ինչո՞ւ է հայի ազգանուն կրում. ԱԺ-ում ունենալու ենք ընդդիմադիր գործակալների խմբակ
Կառավարությունը մեղմում է գյուղատնտեսական ծրագրերի շահառուների վարկային բեռը՝ երկարաձգելով մարման ժամկետները
Քաղաքական որոշումը կայացված է, շոյված եմ արդյունքից․ Ռուբինյանը՝ ԱԺ նախագահի թեկնածու ընտրվելու մասին
ԱԺ նախագահի թեկնածու է ընտրվել Ռուբեն Ռուբինյանը
Տեղի է ունեցել «Արծիվ գործընկեր-2026» զորավարժության փակման հանդիսավոր արարողությունը․ տեսանյութ
Դավիթ Համբարձումյանի խափանման միջոցը փոխվել է
Կայացել է Հայաստանի Հանրապետություն-Եվրոպական Միություն անվտանգային և պաշտպանական խորհրդակցությունների նիստը
Թուրքիայի նախագահի խորհրդականն ու Մագդալենա Գրոնոն քննարկել են Ադրբեջան-Հայաստան խաղաղության գործընթացը
Ալիկ Ալեքսանյանը կմնա կալանավորված
Երևանում և ՀՀ խոշոր բնակավայրերում ավելի քան 1500 շքամուտքի էլեկտրամատակարարման ցանց կարդիականացվի
Ընտրությունները վերահաստատել են ՀՀ հավատարմությունը ժողովրդավարական արժեքներին և սահմանադրական գործընթացներին
Դատախազը Գագիկ Ծառուկյանի նկատմամբ քրհետապնդում հարուցելու համաձայնություն ստանալու դիմում է ներկայացրել ԿԸՀ
Բլոգեր Արամ Ավետիսյանը բռնության է ենթարկվել. հարվածողի նկատմամբ հայտարարվել է հետախուզում. ՆԳՆ
ԱԽ քարտուղար Արմեն Գրիգորյանը մասնակցել է Ուկրաինայի վերականգնման համաժողովին
Կանդազի խափանման միջոցը փոխվել է
Դատախազությունը կբողոքարկի Աջապահյանի խափանման միջոցի փոփոխության որոշումը
ՄԹ թագավոր Չարլզ III-ի հրավերով ՇՄ նախարարը Սենթ Ջեյմսի պալատում բարձր մակարդակի ընդունելության է մասնակցել
«Apple» ընկերությունը առանց նախազգուշացման «App Store»-ից հեռացրել է «VK» խմբի հավելվածները
Միքայել Աջապահյանի նկատմամբ կիրառված տնային կալանքը վերացվել է
Շարունակում եմ ներկայացնել «Կրթվելը նորաձև է» շարժման ռազմավարական ծրագիրը. Աննա Հակոբյան
ՆԳ նախարարը պարգևներ է հանձնել Վահե Մելքոնյանին և Փամբակում որոնողական աշխատանքներ իրականացրած ջրասուզակներին
Անգրավ բիզնես վարկ՝ մինչև 15 մլն դրամ
Պետք է սովորենք՝ մենք պետք է գնանք Թուրքիա, իրենք գան Հայաստան. Փաշինյան
Գյումրու ավագանու «Քաղաքացիական պայմանագիր» խմբակցությունը չի մասնակցել ավագանու նիստին՝ հայտնելով պատճառը
Գլենդելի պատմության մեջ առաջին անգամ հայազգի ոստիկանապետ է նշանակվել
Ինչպիսին են ՀՀ տնտեսական ակտիվության ցուցանիշները նախորդ տարվա նույն ժամանակահատվածի համեմատ
Ղարաբաղից տեղահանված ընտանիքների բնակապահովման պետական ծրագրում փոփոխություններ են կատարվել. մանրամասներ
Երևանում և Արմավիրում ուժգին քամին ծառեր է տապալել, տանիքների թիթեղներ պոկել
Բջջային հեռախոսների շուկան ամենաստվերայինն է. մենք կատաղում ենք, թռնում վերև, իջնում ցած, իրենք շարունակում են
Ցանկանում եմ շարունակել ղեկավարել Առողջապահության նախարարությունը. Անահիտ Ավանեսյան
Առողջության ապահովագրության համակարգի գործունեությունը գնահատում եմ լավ. Փաշինյան
Վարչապետը հայտնել է՝ սպասվո՞ւմ են Կառավարության կազմում փոփոխություններ
