Խայտառակեցին խեղճ Մոսիին, բա էլ զինվորը ո՞նց կհարգի իր Գլխավոր շտաբի պետին. Սեյրան Սարոյան

Այս տարի լրանում է Արցախյան շարժման 30-ամյակը: «Հայկական ժամանակ»-ի հետ զրույցում շարժման մասնակից, գեներալ, պատգամավոր Սեյրան Սարոյանը մանրամասներ է պատմել, թե ինչպես է կամավոր մեկնել կռվի դաշտ, ինչպես է կարողացել որսորդական հրացանը թաքցնել կոշիկի մեջ եւ խուսափել զինվորականների շրջափակումից:

«88 թվականին ես 21 տարեկան էի, շարժումը, որ սկսել է, մենք ամենաակտիվ մասնակիցներից ենք եղել, առաջին օրերից գնացել եմ Արցախ: Արցախն այդ ժամանակ շրջափակման մեջ էր, վերտայլոտով էինք կարողանում անցնել: 88 թվականին ռուսական լրատվությունով սաղիս անունները կարդացին, որ վայեննի վերտայլոտ էինք բռնել, որ գնանք Ղարաբաղ: Վայեննիները, որ եկան մեզի բռնելու, ժողովրդին կանչինք, եկան, խառնեցինք իրար, չթողեցին, որ մեզի բռնեն: Ես իմ հրացանն առա փախա, չթողեցի ընձի բռնեին: Հրացանս քանդել, դրել էի սապոգներիս մեջ, որ չտեսնեին: Ուզում եմ ասել, որ սովորական հրացանով սկսել ենք: Էնքան հզոր է եղել մեր մեջ մեր երկիրը պաշտպանելու ուժը, ցեղասպանություն տեսած ժողովուրդ ենք մենք, այդ ցեղասպանությունը էնքան ուժ է տվել մեզ, որ երկրորդ անգամ իրավունք չունեինք նույն բանը թույլ տալու: Ցուրտ, մութ տարիներ, բայց ժողովրդի վեջը չէր, շարժումն այնքան հզոր էր, որ մարդիկ ամեն ինչի դիմանանում էին: Հիմա մի քիչ թանկացում է լինում, իրար ենք խառնվում, բայց էն ժամանակ մարդիկ իրենց ամուսնության մատանին էին վաճառում, որ փայտ առնեն, վառեն, տաքանան: Այսօր տեսնում ես, թե ինչ Արցախ ունենք, էն ժամանակ լրիվ ռմբակոծված էր, մարդիկ պադվալներում էին ապրում, որպեսզի սնարյադներից պաշտպանվեն: Այսօր գնում ես Արցախ, տեսնում ես, որ մի գողտրիկ անկյուն է: Այն դեպքում, երբ մենք ոչ գազ ունենք, ոչ նավթ ունենք, իսկ մեր պետությունն օրեցօր ծաղկում է: Ես չեմ ասում, որ մեր ժողովուրդը լավ է ապրում, բայց վատ էլ չենք: Էն ժամանակ քաղաքում հատուկենտ ավտո կարայիր տենայիր, իսկ հիմա քաղաքում ման գալ էլ չի լինում: Միասնությունն  է, որ մենք այսօր հզոր ենք, ուժեղ ենք, մեզ միասնություն է պետք, երբ մեր ազգը համախմբված է ու մի տեղից է ղեկավարվում, մեր ազգի դեմը խաղ չկա: Հենց սկսում ենք իրար փնովել, պառակտվել, սկսում ենք իրար ուտել, միշտ թուրքը դրան է սպասում: Կարեցել են մի հայի գտնել, որը ծախվել է, առել են՝ ոսկով, փողով, պաշտոնով ու թուրքը եկել գրավել է, բայց ծախվողին առաջինն է սատկացրել, քան նամուս թասիբով մարդկանց: Ինչքա՞ն կարելի է նույն սխալը կրկնել: Պիտի միշտ կանգնած լինենք Արցախի մեջքին, արցախցի ժողովուրդը լավ ժողովուրդ է, մեր ժողովուրդն է: Ի՞նչ տարբերություն Մարտունի, Արցախ, թե Լեննական: Այս հոգեբանությունը, որ մեր մեջից հանենք շատ լավ կլինի: Տեսնում եք Արցախում գյուղատնտեսությունը ոնց է զարգացել, մարդկանց դեմքին ժպիտ կա, իրանք սնարյադները չեն տեսնում, կյանքը փոխվել է»,- ասում է Սեյրան Սարոյանը:

«ՀԺ»-ն գեներալից հետաքրքրվեց, թե այժմ  կա՞ն ծախված հայեր՝ բարձրաստիճան զինվորական պաշտոնյաների շրջանում, ովքեր սրտացավություն չեն ցուցաբերում հայրենիքի, բանակի նկատմամբ: Նշենք, որ բավականին վերջերս մամուլը գրեց, որ գենշտաբի պետ Մովսես Հակոբյանը ռուսական ընկերություններից ապրանքներ է գնում ու իր ընկերությունների միջոցով թանկ գնով վաճառում է բանակին: Այս մասին Սարոյանն ասաց.

«Էդ ո՞վ է ասում, էդ ո՞վ է մոգոնում: Բա էլ բանակը ո՞նց են քանդում: Նախ՝ Մովսես Հակոբյանը կապ չունի առեւտրի հետ: Դեպարտամենտ գոյություն ունի, որն առեւտուրն անում է...ոչ նախարարը կապ ունի, ոչ՝ ԳՇ պետը: Հատուկ դեպարտամենտ գոյություն ունի, որը նախարարության ամբողջ էղածացն առնում են, տալիս են բանակին: Այդ բաշխումն անում է գենշտաբի պետը: Այ, խայտառակ անելը ո՞նց է լինում, բանակ քանդելը ո՞նց է լինում, այ սենց: Գլխավոր շտաբի պետին սարքում են առեւտուր անող, կաշառակեր, խայտառակեցին խեղճ Մոսիին, բա էլ զինվորը ո՞նց կհարգի իր Գլխավոր շտաբի պետին, որն ամբողջ բանակն է գլխավորում: Էդ նույն սայթերը կարդում է նաեւ Ադրբեջանը, մեր զինվորները: Այս սենց մարդիկ՝ գրողներն են, որ ասում եմ՝ թուրքի կողմից ծախված են: Իրանք առեւտրի մեջ կա՞ն, էդ որտեղի՞ց իմացան եւ մարդուն խայտառակում են: Բա կարելի՞ է: Մեզնից բեթար էդ սայթերը թուրքերն են կարդում, ոնց որ մենք իրանցը: Ես մի անգամ չտեսա մի սայթ, որ իրանց բանակին, նախարարին կամ գենշտաբի պետին փնովեր, բայց մերոնք ինչ ուզում՝ խոսում են: Հասկացանք, որ ժողովրդավարություն է, բայց ամեն ինչի համար պետք է պատասխան տաս: Ամենահեշտ բանը պրովոկացիա անելն է, ամենասխալ բանն է, որ պետության հաշվին սենսացիա են անում»,- նշեց նա:

Նյութը հրապարակվել է «Հայկական ժամանակ» օրաթերթի փետրվարի 13-ի համարում:

 

Տպել
7002 դիտում

Արմեն Սարգսյանը ներկա է գտնվել Սուրբ Զատկի ճրագալույցի պատարագին

Ֆրանսիացի ոստիկանները պարզել են՝ Աստվածամոր տաճարի որ հատվածից է սկսել տարածվել հրդեհը

Զատիկի լավաշն ենք թխում․ Նաիրա Զոհրաբյանը նոր լուսանկարներ է հրապարակել

Աշտարակում Mercedes-ը մի քանի պտույտ անելով՝ գլխիվայր հայտնվել է դաշտում․ զոհեր եւ վիրավորներ չկան

Քրիստոսի հրաշափառ հարության տոնը վերածնում եւ ամրապնդում է հավատը սեփական ուժերի հանդեպ․ Արմեն Սարգսյանի շնորհավորանքը

Հայաստանում առաջիկա օրերին կրկին տեղումներ են սպասվում

ՀՀ ոստիկանության պետը պարգևատրել է հասարակական խորհրդի անդամներին

Երեւանում կտեղադրվեն Հ․ Սայադյանի, Պ․ Զեյթունցյանի, Կ․ Մելիք-Օհանջանյանի եւ Հր․ Թամրազյանի հուշատախտակները

Դ․ Սանասարյանի դեմ իրականացվող քրեական հետապնդումն անհիմն է, նրա դեմ գործ են սարքել․ պաշտպան Ինեսսա Պետրոսյան

Արցախում 10-ամյա եղբոր սպանության մեջ մեղադրվող 18-ամյա երիտասարդը կալանավորվել է

Քրեակատարողական ծառայությունում քննարկվել են ՔԿՀ–ներում տիրող ապօրինությունների վերաբերյալ ստացված հանձնարարականները

ՀՀ ԶՈՒ գլխավոր շտաբի պետը հանդիպել է ՌԴ Հարավային ռազմական շրջանի հրամանատարի հետ

Վալերի Օսիպյանը կրկին սահմանապահ ոստիկանների է ճանապարհել դիրքեր

Մոնտեբելոյում վնասել ու կոտրել են Հայոց ցեղասպանության հուշարձանի մասին ազդարարող ցուցատախտակը

Առողջապահության փոխնախարարի հետ կապված կոռուպցիոն գործը շոկ էր նախարարության անձնակազմի եւ ողջ համակարգի համար․ Թորոսյան

Անբարենպաստ եղանակի պատճառով վթարվել է Իջեւանի հեռուստակայանը սնող էլեկտրահաղորդման գիծը

Հայաստանն ու Ռուսաստանը քննարկում են զինուժի մարտական պատրաստության համատեղ միջոցառումների կազմակերպման հարցեր

Ձյուն է տեղացել նաեւ Հայաստանի ամենատաք վայրում՝ Մեղրիում․ Գագիկ Սուրենյան

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 250 անգամ

ԵՄ-Հայաստան. եկան, քլնգեցին, գնացին