Երևան
16 °C
Տպագրվել է «Հայկական Ժամանակ» օրաթերթի՝ 2005 թվականի մարտի 18-ի համարում
Կիրակի օրը «Մարիոտ-Արմենիա» հյուրանոցում կկայանա հանրապետության փաստաբանների ընդհանուր ժողովը, որը «Փաստաբանության մասին» նոր օրենքի հիման վրա կձեւավորի Փաստաբանների Պալատ, կընտրի Պալատի նախագահ եւ խորհուրդ: Պալատի նախագահի թեկնածուներից մեկին՝ Ենոք Ազարյանին, մենք արդեն ներկայացրել ենք: Այսօր կներկայացնենք նախագահի հիմնական թեկնածուներից մյուսին՝ չնայած Ռ.Սահակյանն առանձնապես ներկայացվելու կարիք չունի. նրան Հայաստանում բոլորն են ճանաչում, հատկապես իրավապահ համակարգում: Նա ծնվել է 1947-ին, Երեւանում, ավարտել է Վոլգոգրադի բարձրագույն իրավաբանական դպրոցը, ստացել է քրեագետ իրավաբանի որակավորում:
Մինչեւ 1984 թիվն աշխատել է ՆԳ համակարգում՝ որպես քննիչ, բաժանմունքի պետ, 85-ից ընդգրկվել է ՀՀ փաստաբանական կոլեգիայի շարքերը, միության խորհրդի անդամ է եղել, 1990-ին ընկերների հետ ստեղծել է «Արցախ» իրավաբանական կոնսուլտացիան, որը մի շարք հնչեղ քրեական գործեր է վարել՝ հատկապես ղարաբաղյան շարժման առաջին տարիներին: Ռ.Սահակյանն 88-ին սումգայիթյան դեպքերից անմիջապես հետո մեկնել է Սումգայիթ, ապա Բաքու եւ պաշտպանել բռնությունների ենթարկված մեր հայրենակիցներին: Փաստաբան Ռուբեն Սահակյանն իր աշխատանքային գործունեության ընթացքում բազում հաղթանակներ, երբեմն նաեւ պարտություններ է գրանցել՝ նա համարվում է մեր ժամանակների ամենահմուտ փաստաբաններից մեկը, որից զգուշանում են քննիչները, դատավորներն ու դատախազները:
Նրա պաշտպանյալների թվում եղել են գրեթե բոլոր կուսակցությունների, իշխանության եւ ընդդիմության տարբեր թեւերի ներկայացուցիչները: Նա 88-ից եղել է ՀՀՇ իրավաբանական խմբի անդամ, պաշտպանել է ՀԱԲ-ի Ռազմիկ Վասիլյանին, Ճայ Մայիսին, 95-97թթ. դաշնակցության ղեկավարներին («Դրոյից» հետո նրան սկսեցին դաշնակցական համարել, դաշնակցությունը նրա անունը մտցրեց իր 98-ի ընտրական ցուցակում), Ալեքսան Հարությունյանին (հոկտեմբերի 27-ի գործով), վրացահայ Պողոս Պողոսյանի ներկայացուցիչն էր դատարանում: Փաստաբանական գործունեության ընթացքում նրա նկատմամբ 2 անգամ քրեական գործ է հարուցվել, իսկ հետագայում կարճվել՝ հանցակազմի բացակայության պատճառաբանությամբ: Պրն Սահակյանը հատկապես հայտնի է նրանով, որ երիտասարդ փաստաբանների մի մեծ խումբ է աճեցրել, նրանք իրենց փաստաբանական հաջողությունների մեջ տեսնում են Սահակյանի ավանդը:
Երբ փաստաբաններից որեւէ մեկին վտանգ է սպառնում, նա անմիջապես կանգնում է նրա կողքին: Այդպես եղավ երբ քրեական գործ հարուցվեց Կրոմվել Գրիգորյանի, Նիկոլայ Բաղդասարյանի նկատմամբ, Արկադի Վարդանյանի պաշտպան Ս.Ջաղինյանին տարան ոստիկանություն: Պրն Սահակյանը ոչ միայն ստանձնում է իր գործընկերների պաշտպանությունը, այլեւ ակցիաներ է կազմակերպում նրանց օգտին: Նա գտնում է, որ փաստաբանները պետք է ավելի ակտիվորեն պաշտպանեն իրենց իրավունքները եւ կանգնեն Պալատի նախագահի կողքին, երբ նրանցից որեւէ մեկին առավել համախմբված պաշտպանելու անհրաժեշտություն կծագի: Նա կարծում է, որ հասարակությունը պետք է հարգի եւ հաշվի նստի փաստաբանների հետ, հասկանա, որ «փաստաբանները կարող ուժ են»:
Դրա համար անհրաժեշտ է բարձրացնել փաստաբանների որակը եւ լիարժեք գիտելիքներ տալ նրանց: Իր ընտրվելու դեպքում Սահակյանը փորձելու է ուսումնական հաստատություն ստեղծել, որտեղ բուհի իրավաբանի վկայական ստացած անձինք եւս երկու տարի կուսանեն՝ այս անգամ հատուկ փաստաբան դառնալու համար: Առաջին տարին տեսական գիտելիքներ կստանան, երկրորդը՝ պրակտիկ փորձ: Փաստաբանների բուհում կդասավանդեն փորձված փաստաբաններ, իրավաբաններ: Կկազմվեն փաստաբանական գործունեությանը վերաբերվող բազմաբնույթ գիտա-փորձնական ձեռնարկներ, որոնք կտրամադրվեն բոլոր փաստաբաններին: Փորձառու փաստաբաններն իրենց փորձը կփոխանցեն սկսնակներին: Պալատը նաեւ փաստաբաններին անհրաժեշտ գրականություն, համակարգչային տեխնիկա ձեռք բերելու մատչելի հնարավորություններ կստեղծի, կտրամադրի օրենսդրական նորույթները:
Գիտելիքներով զինված փաստաբանն իրեն ավելի ազատ կզգա քննիչի, դատավորի մոտ, կկարողանա արագ որոշումներ կայացնել դատաքննության ժամանակ: Այս ծախսատար աշխատանքները կատարելու համար անհրաժեշտ ֆինանսական աղբյուրներն էլ կան՝ սփյուռքահայ որոշ շրջանակներից, այլեւայլ միջազգային կառույցներ պատրաստ են Սահակյանի ընտրության պարագայում օժանդակել փաստաբանների Պալատին: Պալատը լուրջ դեր կունենա նաեւ դատավորներին զսպելու, նրանց թույլ տված խախտումները նվազեցնելու ուղղությամբ՝ քննարկման առարկա կդառնան լոկալ խնդիրներ, ասենք՝ վկաների նախաքննական ցուցմունքները մեղադրական դատավճռում օգտագործելու պրակտիկան, երբ ամբաստանյալը զրկված է եղել այդ վկաներին հարցաքննելու իրավունքից:
Կլինեն կլոր սեղաններ, սեմինարներ, որոնց կհրավիրվեն նաեւ խախտում թույլ տված պաշտոնյաներ: Կձեւավորվի մի հանձնախումբ, որը կուսումնասիրի դատավորների խախտումները ու կդիմի արդարադատության նախարարության վերահսկողության ծառայություն: Փաստաբանները պետք է պաշտպանեն նաև այն քննիչներին, դատախազներին, դատավորներին, որոնց կփորձեն նեղություն պատճառել օրենքի սահմաններում արդարացի որոշում, վճիռ կամ դատավճիռ կայացնելու համար: Ռուբեն Սահակյանի թեկնածությունը չպաշտպանող փաստաբանները լուրեր են տարածել, թե նա պատրաստվում է միությանն անդամավճար չմուծած փաստաբաններին զրկել արտոնագրից: Պրն Սահակյանն ասաց, որ նման մտադրություն ինքը չունի. հարկավոր է նախ պարզել չվճարումների պատճառը, եթե դա սոցիալական է, ապա՝ գուցե պարտքերը զիջվեն:
Եթե կապված է վստահորդներ չունենալու հետ, պետք է օգնել, որ ունենան: Ռ.Սահակյանը կարծում է, որ Պալատի նախագահ ընտրվելուց հետո ինքը պետք է գիշեր-ցերեկ աշխատի, իսկ դա նշանակում է, որ ստիպված կլինի հրաժարվել պրակտիկ փաստաբանական գործունեությունից՝ տարեկան կվերցնի 1-2 գործ, այն էլ փոքրածավալ՝ փաստաբանական իրականությունից չկտրվելու, նրանց խնդիրները պատկերացնելու եւ պրոցեսների դինամիկային հաղորդակից լինելու համար: Իսկ հեռանկարում կարող են ծագել նոր հրամայականներ, որոնց հայ փաստաբանը պետք է պատրաստ լինի դիմավորել ըստ արժանվույն:
Արմինե Օհանյան
Արարատ Միրզոյանն ու Սաուդյան Արաբիայի Թագավորության ԱԳ նախարարը կարևորել են պարբերական ուղիղ չվերթների իրականացումը
Աշխարհի գավաթ․ Հայաստանի մարմնամարզության հավաքականի 3 ներկայացուցիչ եզրափակչում է
Մոտեցումը հստակ է, որակի հարցում կոմպրոմիս չի լինի․ քաղշինկոմիտեի նախագահը և Շիրակի մարզպետը եղել են շինհրապարակներում
Ինչու են ռուս խաղաղապահները դուրս գալիս Լեռնային Ղարաբաղից. ինչ պայմանավորվածություն կա
Խաղաղություն տանող ճանապարհը դժվար է, միայն կողմերի միջև երկխոսությամբ է հնարավոր հասնել դրան․ Կասուն՝ Խանդանյանին
«Խաղաղության խաչմերուկ»-ը մեր ճանապարհային քարտեզն է դեպի խաղաղություն․ Ալեն Սիմոնյանը՝ Լիտվայի ԱԳ նախարարին
Փոխվարչապետը «Վեոլիա» ընկերության փոխնախագահի հետ երկկողմ հետաքրքրություն ներկայացնող հարցեր է քննարկել
Քաղաքացին ընկել է շենքի նկուղը
Վրաստանը չի հրաժարվի «Օտարերկրյա գործակալների մասին» օրենքից. Կոբախիձե
Ինչ վիճակում է երրորդ հարկից ընկած 1-ամյա երեխան. ԲԿ-ն նոր մանրամասներ է հայտնել
Լավրով & Մարգո քոմփնին պատմության մեջ կմնան իրենց «հայրենիքին» ստորագույն հարվածը հասցրած կիսահայեր․ Սաֆարյան
Գյումրիում տղամարդը սպառնացել է նետվել կամրջից և ինքնասպան լինել
Բնակիչները գոհունակություն են հայտնել Կառավարության նախաձեռնությունից․ մանրամասներ վարչապետի տավուշյան այցից
«ՊԱԶ»-ը բախվել է քարե պարսպին և հայտնվել մեղվափեթակների մեջ․ ուղևորներին մեղուները խայթել են, 29 հոգի հիվանդանոցում է
Ռուս խաղաղապահների առաքելությունը Լեռնային Ղարաբաղում լիովին կատարված է․ Պետդումա
Վարչապետը Բերքաբերում ծանոթացել է սահմանամերձ բնակավայրերում տների կառուցման ծրագրի ընթացքին (լուսանկարներ)
4 գյուղերը սովետական տարիներին ադրբեջանական են եղել. բնակիչ (տեսանյութ)
Երբ կանայք հաջողում են քաղաքականության մեջ, հաջողում է պետությունը․ պատգամավորները մասնակցում են IDEA-ի ծրագրին
Գալիս է պահ, որ դու քեզ պետք է զոհաբերես հանուն քո հայրենիքի և երկրի. վարչապետ (տեսանյութ)
Դատարանը քննում է Սամվել Վարդանյանի կալանքի հարցը
Ինչու չհավատանք երկրի վարչապետին, ժողովրդին հարգելով՝ եկել էր, անկեղծ զրույց էր. Ոսկեպարի բնակիչ (տեսանյութ)
Նիկոլ Փաշինյանին տված քֆուրները իրանց կպնի, ուզում ենք՝ հիմնական սահման լինի, պահենք. Բերքաբերի բնակիչ (տեսանյութ)
Ուզում են իրավապահներին մոլորեցնել, քրգործ խմորել իմ դեմ, բանալի բառերը ուղղված են իրենց քաղաքական հայրերին. Մկրտչյան
Հայտնի են «Հայրենյաց բարիքներ»-ի տոմատի մածուկների լաբորատոր փորձաքննության արդյունքները․ իրացումն արգելվել է
Վլադիմիր Գասպարյանի աղջիկն այլևս փոխգնդապետ չէ․ կոչումն անվավեր է ճանաչվել
Վետո կդնեմ «օտարերկրյա գործակալների մասին» օրենքի վրա․ Վրաստանի նախագահ
Նիկոլ Փաշինյանը նոր որոշում է ստորագրել
Ինչպես են Լեռնային Ղարաբաղից հեռանում ՌԴ խաղաղապահները․ նոր կադրեր զինտեխնիկայի դուրսբերումից (տեսանյութ)
Արտակարգ դեպք Արմավիրում. Շահումյան գյուղի աղբավայրում մոտ 31 հատ հակատանկային ական է հայտնաբերվել
Ասում են՝ Տավուշի գյուղերը տալիս են, խի՞ եք աղավաղում, դրանք ադրբեջանական են. բերքաբերցի (տեսանյութ)
Կոնվերս բանկը երկու արժույթով պարտատոմսեր է տեղաբաշխում
Փոխհրաձգություն Թբիլիսիի կենտրոնում․ կան վիրավորներ
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 17-ին
ՎՏԲ-Հայաստան բանկը հանդես է եկել որպես ARMMONO փառատոնի գլխավոր գործընկեր
Վերահաստատվել է Հայաստան-Սիրիա փոխգործակցության խորացմանն ուղղված քայլերի իրականացման հանձնառությունը
Երիտասարդը 93-ամյա կնոջը մահացու վնասվածքներ է հասցրել, մինչև մահանալը կատարել սեքսուալ բնույթի բռնի գործողություններ
Որևէ հայտարարություն, որը չի հնչել կամ հաստատվել վարչապետի կողմից, պաշտոնապես հերքվում է. Նազելի Բաղդասարյան
Նիկոլ Փաշինյանը հանդիպել է Բերքաբերի բնակիչների հետ
Ռուս խաղաղապահների հեռացումը Ադրբեջանի և Ռուսաստանի բարձրագույն ղեկավարության համատեղ որոշումն է
Ժողովրդավարությունը մի երեւույթ է, որը մշտապես բախվել եւ բախվում է մարտահրավերների. Վարդանյանի ելույթը ԵԽԽՎ-ում
© 2024 Հայկական ժամանակ