Լրագրողների առջեւ փակվում են կառավարության ու Երեւանի ավագանու դռները․ օրենք է ընդունվել

Այսօր Ազգային ժողովը 63 կողմ, 26 դեմ քվեարկությամբ երկրորդ ընթեցմամբ եւ ամբողջությամբ ընդունեց «Կառավարության կառուցվածքի եւ գործունեության մասին» եւ կից ներկայացված օրենքների փաթեթը:

Հատկանաշական է, որ այս փաթեթով, ի թիվ այլ փոփոխությունների, լուծվում է նաեւ վերջերս աղմուկ բարձրացրած Երեւանի ավագանու նիստերի դահլիճի դռները լրագրողների առջեւ փակելու խնդիրը։

Վերջին ամիսներին լրագրողների աշխատանքը եւ հանրության՝ տեղեկատվություն ստանալու ազատությունը սահմանափակելու մտահոգիչ միտումներն առավել լուրջ եւ օրենքի խախտման դրսեւորումներ ստացան:

Գործադիր իշխանության նիստերը դռնփակ անցկացնելու «Կառավարության կառուցվածքի եւ գործունեության մասին» օրենքի նախագիծի քննարկումներին զուգահեր Երեւանի քաղաքապետարանը լրատվամիջոցներին ներկայացրեց իր վարչական շենքում լրագրողների աշխատանքի կազմակերպման վերաբերյալ նոր կանոնակարգ՝ կրկին ներառելով լուրջ սահմանափակումներ։

Փաթեթի հիմնական զեկուցող Արդարադատության նախարար Դավիթ Հարությունյանի խոսքից պարզ դարձավ, Երեւանի ավագանու նիստերի լուսաբանման վերաբերյալ փոփոխությունը կատարվել է հընթացս։ «Կատարվել են ինչպես տեխնիկական, այնպես էլ՝ բովանդակային փոփոխություններ»,- ասաց նա ու բովանդակային փոփոխություններից առանձնացրեց Երեւանի ավագանու նիստերի լուսաբանման ձեւերին վերաբերող դրույթը, որի համաձայն, ավագանու նիստերը այսուհետեւ կլուսաբանվեն այնպես, ինչպես՝ ԱԺ նիստերը։

«Ազգային ժողովի պարագայում դահլիճում աշխատանքը առավել արդյունավետ է. մեր աշխատանքը չեն խոչընդոտում լրագրողները։ Յուրաքանչյուրը պետք է կարողանա անարգել կատարել իր աշխատանքը։ Եվ այն, որ այս պահին ուղիղ հեռարձակում է իրականացվում կից սրահում եւ լրագրողները կարող են ոչ միայն տեսնել, այլեւ ձայնագրել այս նիստի ընթացքը, կարծում եմ, իրենց շատ ավելի լայն հնարավորություն է տալիս պատշաճ կատարել աշխատանքը։ Մենք իրենց չենք խանգարում, իրենք՝ մեզ։ Նույն դրույթը ամրագրվում է Երեւանի ավագանու նիստերի լուսաբանման պարագայում»,- հայտարարեց Հարությունյանը։

Վարման կարգով խոսեց «Ելք» խմբակցության պատգամավոր Էդմոն Մարուքյանը, ով բոլորի ուշադրությունը հրավիրեց կառավարության կողմից իրականացվող, իր խոսքով, անընդունելի պրակտիկայի վրա, երբ առաջին ընթերցման փաթեթի մեջ ներառում են երկրորդ ընթերցման մի այլ օրենքի նախագիծ, որը կապ չունի առաջին ընթերցման փաթեթի հետ:

«Հասկանում ենք, որ կանոնակարգով թույլատրված է, բայց լուրջ պրոբլեմ է. այն խմբակցությունները, որոնք առաջարկներ չեն տվել առաջինից երկրորդ ընթերցում նախնական փաթեթի վերաբերյալ, դրա հետ կապված դահլիճում անգամ հարցեր չեն կարող տալ: Դա լուրջ խնդիր է, եւ ժողովրդավարական պրակտիկայի հետ կապ չունի»,- ասաց նա եւ մատնացույց արեց կառավարության կառուցվածքի մասին՝ քիչ առաջ ընդունված օրենքը, երբ ընդունվեց նաեւ Երեւանի մասին օրենքը:

Երեւանի ավագանու նիստերի լուսաբանման ձեւաչափի փոփոխման գաղափարն իշխանավորների շրջանում հասունացավ այն բանից հետո, երբ լրատվամիջոցներն «առանց թույլտվության» նկարահանել են քաղաքապետարանի վարորդների սենյակն ու նրանց թղթախաղի պարագաները: 

Սա եւ դրան նախորդած Երեւանի ավագանու «Երկիր ծիրանի» խմբակցության անդամներին ծեծի ենթարկելու միջադեպը առիթ դարձան, որ քաղաքապետարանի պաշտոնյաները նախաձեռնեն լրագրողների աշխատանքի սահմանափակման գործընթաց:  

Շաբաթներ առաջ Երեւանի քաղաքապետարանի լրատվական ծառայության ղեկավար Արթուր Գեւորգյանը բողոք-նամակներ էր ուղարկել «Ա1+» հեռուստաընկերություն եւ «Ազատություն» ռադիոկայան՝ ակնկալելով, որ լրատվամիջոցները պատասխանատվության կենթարկեն փետրվարի 19-ին Երեւանի քաղաքապետարանում նկարահանումներ կատարած լրագրողներին ու օպերատորներին: 

Քաղաքապետարանի ներկայացուցիչն անթույլատրելի էր համարել այն, որ այդ օրը՝ փետրվարի 19-ին, լրատվամիջոցները «առանց թույլտվության» նկարահանել են քաղաքապետարանի վարորդների սենյակն ու նրանց թղթախաղի պարագաները: 

Արթուր Գեւորգյանը իր հղած բողոք-նամակներում նաեւ մեջբերել է ԶԼՄ-ների մասին օրենքի 7-րդ կետը, որով նա պնդում է, որ լրագրողները խախտել են անձնական տվյալների հրապարակման արգելքը եւ տեսաձայնագրել առանց զգուշացման, «ուստի պետք է պատասխանատվության ենթարկվեն»:

Այս դիտարկումների հետ կտրականապես համաձայն չեն ԶԼՄ-երի ներկայացուցիչները՝ պնդելով, որ քաղաքապետարանի պահանջն անհիմն է, քանի որ խոսքը հանրային տարածքի մասին է, որտեղ լրագրողները գտնվել եւ աշխատել են՝ ըստ սահմանված կանոնակարգի:

Տպել
2962 դիտում

Բրյուսելում կայանալիք հանդիպումը ինչի կարող է «դրդել» Հայաստանին․ ինչ է հայտարարել Ադրբեջանի ԱԳՆ-ն

Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը

Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին

Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է

Կրակը մարելուց հետո այրված շինությունում տղամարդու դի է հայտնաբերվել

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին