«Երեւան մոլի» խաղահրապարակից դեպի դուրս ելք չկա. ԱԻՆ-ը այդտեղ խնդիր չի տեսնում

28/03/2018 schedule13:41

Ռուսաստանի Դաշնության Կեմերովո քաղաքի «Զիմնյայա վիշնյա» քառահարկ առեւտրի կենտրոնում մարտի 25-ին բռնկված հրդեհը զգոնացրել է Հայաստանի արտակարգ իրավիճակների նախարարությանը: Մարտի 26-ից ԱԻՆ-ի Հակահրդեհային տեսչությունը մայրաքաղաքի մոլերում ստուգումներ է անում:  ԱԻՆ-ը մարտի 27-ին ստուգումներ է իրականացրել Երեւանի «Երեւան մոլ» առեւտրի կենտրոնում: Ստուգումների արդյունքում հայտնաբերվել են թերություններ եւ բացթողումներ:

ԱԻՆ պետական հրդեհային եւ տեխնիկական անվտանգության տեսչության պետ Սերգեյ Հայրապետյանը «ՀԺ»-ի հետ զրույցում առանձնացրեց թերությունները, մասնավորապես՝  կրակմարիչների ոչ բավարար քանակը եւ ժամկետանց կրակմարիչների առկայությունը, որոնք վերալիցքավորման կարիք ունեն, կամ այն, որ դարակում պետք է լինի երկու կրակմարիչ, սակայն ստուգման ժամանակ մեկն է եղել:

 Երեւան մոլում տեղակայված հրշեջ արկղերում եղած հրշեջ խողովակները եւ երկու կրակմարիչները

Եվ իսկապես, երբ երեկ «Երեւան մոլ»-ի տեխնիկական գծով տնօրեն Գագիկ Մկրտչյանը մեզ էր ներկայացնում մոլի տարածքում տեղակայված հրշեջ արկղերը, տեսանք, որ արկղերից մեկում կրակմարիչի պակաս կա, ինչը շտապեցին թաքցնել մոլի աշխատակիցները՝ արագ փակելով հրշեջ արկղի դուռը: «Երեւան մոլ»-ի տարածքում, ինչպես ներկայացրին աշխատակիցները, իրարից ոչ ավելի քան 50 մետր հեռավորությամբ տեղակայված են հրշեջ արկղեր, որտեղ կան հրշեջ խողովակներ եւ կրակմարիչներ, որոնք հնարավորություն են տալիս մարդու միջամտությամբ մարել հրդեհի հնարավոր օջախը:

Համաձայն ԱԻՆ-ի՝ արտակարգ իրավիճակների դեպքում անվտանգության պահանջներով յուրաքանչյուր արկղում պետք է լինի առնվազն երկու կրակմարիչ, սակայն ինչպես նշեցինք, մեր ստուգայցի ընթացքում արկղի կրակմարիչներից մեկը բացակայում էր:

Ինչ վերաբերում է «Երեւան մոլ»-ից անհրաժեշտության դեպքում մարդկանց տարհանմանը եւ արտակարգ պատահարների դեպքում ելքերի հարմարավետությանը, ապա փաստենք, որ շենքն ունի 7 ելք՝  Արշակունյաց պողոտայի վրա բացվող հիմնական դռները, երկուսը նույն ուղղությամբ՝ մոլի առաջին հարկում տեղակայված ԱԿԲԱ բանկի եւ Յունիբանկի մասնաճյուղերից, մեկը՝ կինոսրահից, իսկ մնացած երեքը՝ ավտոկայանատեղիից: Բանկերի մասնաճյուղերը առանձնացված են մոլի ընդհանուր տարածքից, այսինքն՝ պատահարի դեպքում մոլի տարածքն արագ լքելու ժամանակ մարդիկ նախ պետք է մտնեն բանկերի մասնաճյուղեր, հետո նոր լքեն շենքը:

ԱԻՆ պետական հրդեհային եւ տեխնիկական անվտանգության տեսչությունը, սակայն տարհանման մասով այս մոլում խնդիրներ չեն տեսնում: Միակ թերությունը, որ արձանագրվել է, այն է, որ տարհանման պլանը ավելի շատ վայրերում կարելի էր փակցնել: «Ցանկալի է, որ տարհանման պլանը դրված լինի ավելի շատ տեղերում, այն որ դրված չէ, ծանր հետեւանքների չի բերի, բայց դա համարենք բացթողում»,- մեր զրույցում ասաց ԱԻՆ պետական հրդեհային եւ տեխնիկական անվտանգության տեսչության պետ Սերգեյ Հայրապետյանը:

Նշենք, որ «Երեւան մոլ»-ում, ինչպես մեզ ցույց տվեցին աշխատակիցները, մանկական խաղահրապարակից դեպի բակային տարածք ելք չկա: Երեւան մոլի խաղահրապարակը

Սակայն խաղահրապարակից ելքեր կան դեպի սրճարան եւ մոլի մյուս հատվածներ: Այնուամենայնիվ, խաղահրապարակից միանգամից դուրս գալու հնարավորություն չկա, արտակարգ իրավիճակների դեպքում սա լուրջ խնդիր է: Թեեւ «Երեւան մոլ»-ի տեխնիկական գծով տնօրենը վստահեցնում է, որ շենքը կառուցվել է Արտակարգ իրավիճակների նախարարության հրդեհային տեսչության մասնագետների հետ համագործակցելով, բոլոր հանգամանքները հաշվի են առնված, շենքը հագեցած է ինքնաշխատ հրդեհաշիջման համակարգով եւ ոչ մի խնդիր չունի:

Խաղահրապարակից դեպի սրճարան տանող «բաց» դռները

«Երեւան մոլ»-ի տեխնիկական գծով տնօրեն Գագիկ Մկրտչյանը մեզ հայտնեց, որ «Երեւան մոլ»-ում անվտանգության համակարգերին միացված համակարգչային սենյակում 24-ժամյա հերթապահություն է իրականացվում, գիշերը հերթապահում է մեկ անձ, իսկ ցերեկը՝ երեք: 24-ժամյա հերթապահության ընթացքում եւ՛ ազդանշանային համակարգի, եւ՛ ահազանգման համակարգի մասին գլխավոր սերվերի վրա տեղադրված ինֆորմացիան միանգամից տեսնում են:

Տեխնիկական գծով տնօրենը ասաց, որ բարեբախտաբար, արտակարգ դեպք դեռ չեն ունեցել եւ վստահություն հայտնեց, որ բավարար տեխնիկական հագեցվածության շնորհիվ չեն էլ ունենա: Ավտոմատ հրդեհաշիջման համակարգը, որն իրականացվում է 350 լիտրանոց պահեստավորված ջրի տարայի միջոցով, կենտրոնացված համակարգ է, ճնշման տակ ջրային հրդեհաշիջում է իրականացնում: Մոլում հրդեհաշիջման 6000-ից ավելի սպինգլեռային գլխիկներ (առաստաղներին ամրացված հրդեհաշիջման ինքնաշխատ սարքեր) կան, ամեն մի գլխիկը 9 քառակուսի մետր տարածք է ծածկում:

350 լիտր պահեստավորված ջրի տարան

Երեւան մոլի տեխնիկական գծով տնօրենի խոսքով, եթե 65 աստիճանից ավելի տաքություն է գրանցվում,  կապսուլա կա, ավտոմատ կերպով բացվում է եւ ցնցուղից թափվող ջուրը մարում է հրդեհի օջախը: Տնօրենի խոսքով, երբեմն լինում է նաեւ կեղծ ահազանգ: Նման դեպքեր պատահել են ավտոկայանատեղիում, եթե մեքենան մոտավորապես 5 րոպե եւ ավելի լավ չի աշխատել եւ ծուխ է արտանետել, միանգամից ազդանշանային համակարգը միացել  է:

Ցնցուղները, որոնցից հրդեհի նախազգուշացման դեպքում ավտոմատ կերպով ջուր է թափվում

Ահազանգի դեպքում, բացի այն, որ հերթապահության սերվերի վրա է լսվում, այն ավտոմատ կերպով ազդանշան է ուղարկում նաեւ ԱԻՆ:

Մեր հարցին՝ արդյո՞ք աշխատակիցները վերապատրաստված են եւ տիրապետո՞ւմ են, թե արտակարգ պատահարների դեպքում ինչպես պետք է վարվեն, Գարեգին Մկրտչյանն ասաց, որ իրենց անձնակազմը փոքր է եւ պահպանության ծառայությունն իրականացնում են պայմանագրային հիմունքներով. «Անվտանգության ծառայության աշխատակիցներն են մոբիլիզացվել այդ գործի մեջ, իրենք տեղեկացված են, թե տվյալ իրավիճակում ինչ միջոցառումներ անեն, ինչպես իրականացնեն հրդեհաշիջում ջրով եւ կրակմարիչներով, նաեւ թե ինչպես իրականացնեն էվոկուացիան՝ ցույց տան մարդկանց մոլից դուրս գալու ելքերը»:  

Ըստ Գարեգին Մկրտչյանի՝ «Երեւան մոլը» 25-ից 30 անվտանգության աշխատակից ունի, որոնք առանձին խմբերով հերթապահություն են իրականացնում տարածքում: Նշենք, որ ԱԻՆ պետական հրդեհային եւ տեխնիկական անվտանգության տեսչության պետ Սերգեյ Հայրապետյանը «ՀԺ»-ի հետ զրույցում «Երեւան մոլ»-ի  ընդհանուր տեխնիկական հագեցվածության վիճակը բավարար էր գնահատել, բացի վերը նշված բացթողումներից եւ տարհանման պլանն ավելի շատ տեղերում փակցնելու խնդրից: Ըստ ԱԻՆ-ի, «Երեւան մոլ»-ում հրդեհային անվտանգության տեսանկյունից նորմալ վիճակ է:

«Հակահրդեհային անվտանգության պաշտպանության համակարգերի առկայությունը եւս տեսանք, տաբեր տեսակի համակարգեր առկա էին: Ինչը նորմայով պահանջվում է, կար, սկսած կրակմարիչից, հրշեջ ծորակներից, իսկ մի հատ ավել-պակաս դնելը ոչ մի խնդիր չի ներկայացնում»,- ասաց Սերգեյ Հայրապետյանը: 

Աղունիկ Հովհաննիսյան

Տպել
9486 դիտում

ԱՄՆ-ը չի կարող ձեռքերը ծալած նստել. կոնգրեսական Ադամ Շիֆը կոչ է անում ճանաչել Արցախի անկախությունը

Le Monde-ն բացահայտում է սիրիացի վարձկանների հավաքագրման մեխանիզմը. ում է բերում Թուրքիան Ղարաբաղի սահման եւ ինչու

Հրետակոծվել է Ասկերանի շրջանի Ավետարանոց համայնքը, կա մեկ վիրավոր. ԱՀ ԱԻՊԾ

ՊՆ-ն վաղվանից տեղեկություններ կտրամադրի նաեւ օնլայն քարտեզով. Արծրուն Հովհաննիսյան

Թշնամական ուժերի ոչնչացումը (տեսանյութ)

Օպերային թատրոնի անձնակազմի մի մասը մեկնել է ռազմաճակատ, մի մասն էլ հաղթանակին նվիրված համերգի է պատրաստվում

Մարտին կարող էր նորամուտը նշել հավաքականում, իսկ հետո անհետացավ. ու՞ր էր «կորել» Մատյո Եզիկյանը

Կորոնավիրուսը հանգեցնում է ոչ միայն պետության ծախսերի ավելացման, այլ նաեւ պաշարում է առողջապահական ֆոնդը. Լիլիթ Մուսեյան

Ստեփանակերտի հրթիռակոծության հետեւանքով հրդեհ է բռնկվել, ավերվել են շինություններ (լուսանկարներ)

Շեխեր բնակավայրը հարակից անտառներով գրեթե լիովին մաքրվել է ադրբեջանական հրոսակախմբերից և դիվերսիոն խմբերից. Հովհաննիսյան

Սահման են մեկնել նաեւ դատական կարգադրիչներ․ ԲԴԽ անդամի խոսքով՝ դատարանները բնականոն աշխատում են

Պոմպեոն կոչ է արել Հայաստանին ու Ադրբեջանին առարկայական բանակցություններ վարել

Կարծում եմ, Կրեմլը կընդունի Արցախի նախագահի դիմումը, սակայն կգործի կուլիսներում. Սարգիս Ծատուրյան

Ստեփանակերտը հերթական անգամ հրթիռակոծվեց. ՊԲ-ն շատ շուտով պատասխան հարված կհասցնի. ԱՀ նախագահի խոսնակ

Լեռնային Ղարաբաղի հարցով բանակցություններում առաջընթաց է գրանցվել. Թրամփ

Ալիևի «փառավորներ», որ զրահատեխնիկան թողել ու փախել էք, ձորերի մեջ ձեր անփառունակ մահն եք գտնելու. Արծրուն Հովհաննիսյան

Մարտունին և Ստեփանակերտը ռմբակոծվում են

ՀՕՊ ստորաբաժանումները ՀՀ հյուսիսարևելյան ուղղությամբ խոցել են հակառակորդի ԱԹՍ. ՊՆ (լուսանկարներ)

Վարչապետը տեսակցել է նաեւ Սասուն Միքայելյանին (լուսանկարներ)

Հարազատս, եղբայրս, որդիս. Նիկոլ Փաշինյանն այցելել է վիրավոր զինծառայողներին