Եթե բիզնեսը նորմալ աշխատում է, լրացուցիչ լծակ չտանք՝ գան քաշքշեն, բզբզեն. Կարեն Կարապետյան

Մարտի 29-ին տեղի ունեցավ կառավարության հերթական նիստը: Վարչապետի հանձնարարականներից հետո զեկուցողները ներկայացրեցին կառավարության որոշման նախագծերը:

Արդարադատության նախարար Դավիթ Հարությունյանը ներկայացրեց Դատարանների եւ հարկադիր կատարումն ապահովող ծառայության միջեւ էլեկտրոնային եղանակով օրենքով սահմանված փաստաթղթերի ներկայացման կարգը սահմանելու մասին նախագիծը: Դրանով նախատեսվում է կատարողական թերթի ստացումը կարգավորել էլեկտրոնային եղանակով: Նպատակը, ըստ նախարարի, կյանքը հեշտացնել է:

«Այսինքն՝ քաղաքացին մեկ դուռ է թակելու՝ դատարանի դուռը, որից հետո դատարանը փաստաթղթերը էլեկտրոնային եղանակով ուղարկելու է հարկադիր կատարման ծառայությանը»,- նշել է նախարարը:

Հարությունյանը ներկայացրեց նաեւ «Տեղական հանրաքվեի մասին» օրենքում փոփոխություն կատարելու մասին նախագիծը:

«Այս նախագծով կան սպեցիֆիկաներ, որոնք բնորոշ են տեղական հանրաքվեին»,- ասաց նախարարը, հավելելով, որ օրենքով սահմանվում են այն հարցերը, որոնք կարող են դրվել հանրաքվեի եւ այն հարցերը որոնք երբեւէ չեն կարող դրվել հանրաքվեի: Օրենքում նշվում է նաեւ, թե ովքեր կարող են հանդես գալ տեղական հանրաքվե նշանակելու նախաձեռնությամբ. համայքնի բնակիչները, ղեկավարը եւ ավագանին:

Բնապահպանության նախարար Արծվիկ Մինասյանը ներկայացրեց բնապահպանության եւ ընդերքի տեսչական մարմնի կողմից անցկացվող ռիսկի վրա հիմնված ստուգումների ստուգաթերթերում փոփոխությանը վերաբերող նախագիծը: Նախարարի՝ նախագիծը ներկայացնելուց հետո Կարեն Կարապետյանը դիմելով Մինասյանին նշեց, որ ներդրվող մեխանիզմը խոչընդոտ չստեղծի ձեռնարկատիրության համար:

«Եթե բիզնեսը նորմալ աշխատում է՝ բոլոր կանոններով, լրացուցիչ ադմինիստրատիվ լծակ չտանք՝ գան քաշքշեն, բզբզեն եւ այլն»,- ասաց վարչապետը:

Ի պատասխան՝ բնապահպանության նախարարը հավաստիացրեց, որ փոփոխությունները ներկայացված են նույն տրամաբանությամբ:

Պաշտպանության նախարարի տեղակալ Արտակ Դավթյանը ներկայացրեց Դատական ակտերի հարկադիր կատարման մասին օրենքում կատարվելիք լրացումների նախագիծը: Դրանով նախատեսվում է պարտադիր զինվորական ծառայություն անցնող շարքային եւ կրտսեր ենթասպայական անձնակազմի, ռազմաուսումնական եւ ոստիկանական ուսումնական հաստատությունների կուրսանտների եւ սովորողների դրամական ապահովության, ինչպես նաեւ «Ես եմ» ծրագրով տրվող պատվո վճարների վրա:

Ֆինանսների փոխնախարար Ատոմ Ջանջուղազյանը ներկայացրեց Հայաստանի կառավարությանը Զարգացման ֆրանսիական գործակալության կողմից դրամաշնորհի տրամադրման որոշման նախագիծը: Դրանում ասվում է, որ շահառուն ՊԵԿ-ի միջոցով իրականացնելու է համապատասխան միջոցներ՝ միասնական հարկային օրենսգրքի ամբողջական կիրարկումը նախապատրաստելու, ֆիսկալ բարեփոխումներին հետամուտ լինելու եւ հարկաբյուջետային վարչարարությունն ամրապնդելու համար։

«Ըստ համաձայնագրի նախատեսվում է, որ Զարգացման ֆրանսիական գործակալությունը Հայաստանին կտրամադրի մինչեւ 500 հազար եվրո դրամաշնորհ՝ Հարկային օրենսգրքի լիարժեք կիրարկումն ապահովելուն աջակցելու նպատակով», - ասաց փոխնախարարը:

Կառավարությունը հավանության տվեց վերոնշյալ բոլոր նախագծերին: Հավանության արժանացավ նաեւ Երեւանի հիմնադրման 2800-ամյակին նվիրված «Էրեբունի-Երեւան» տոնական միջոցառումները հոկտեմբերի 13-ից տեղափոխել սեպտեմբերի 29-ին եւ 30-ին: Միջոցառումները մեկի փոխարեն երկու օրվա ընթացքում անցկացնելու որոշումը պայմանավորված է դրանց մեծ ծավալով, իսկ ամսաթվի փոփոխությունը՝ նոյեմբերին անցկացվելիք  Ֆրանկոֆոն պետությունների եւ կառավարությունների ղեկավարների 17-րդ գագաթնաժողովին նախապատրաստվելու անհրաժեշտությամբ:

Տպել
1287 դիտում

Չեմ հիշում դեպք, որ ձեր խմբակցությունը, լինելով կոալիցիայի անդամ, էսպիսի ելույթներ ունենար. Հ. Գեւորգյանը՝ Ուրիխանյանին

Ֆինանսների նախարարությունը չի որոշում՝ գումար տալ, թե չտալ. ՊԵԿ նախագահ

Մարիա Զախարովան համամիտ է Նիկոլ Փաշինյանի այն գնահատականին, որ ռուս-հայկական երկխոսության մեջ նոր դինամիկա է ի հայտ եկել

25 հոգի կպայքարի Հայաստանի 2019 թ. 10 լավագույն մարզիկների թվում հայտնվելու համար

Թունավորում Փարաքարում. 3 բնակիչներ թունավորվել էին հեղուկ գազի թերայրումից

Կառավարությունը հավանություն տվեց «Ապօրինի ծագում ունեցող գույքի բռնագանձման մասին» օրենքի նախագծերի փաթեթին

Ս. Պապիկյանը նշանակվել է ՀՀ կառավարության և մի շարք երկրների համատեղ հանձնաժողովների հայկական կողմի նախագահ

«Պարտքը լավ է, երբ ճիշտ ես կառավարում». Կառավարությունը հավաստիացնում է՝ էլ բյուջետային վարկ չի վերցնելու, սա վերջինն է

Իսրայելում 1 տարվա մեջ 3-րդ արտահերթ ընտրությունները տեղի կունենան

Արշակունյաց 3ա շենքի մի պատշգամբից քարեր են թափվում. քաղաքացին ահազանգում է

«Իմ քայլը» հիմնադրամը մեկնարկում է մարզային մշակութային տների հզորացման ծրագիրը

Դիլիջանում վեճի ժամանակ տղամարդկանցից մեկն ատրճանակով 3 անգամ կրակել է մյուսի ուղղությամբ

Կապան քաղաքում տրանսպորտային պատահարի հետեւանքով 18-ամյա երիտասարդը տեղում մահացել է

Անձնական հարցերի շուրջ վիճաբանության ժամանակ, ալկոհոլի ազդեցության տակ 48-ամյա վանաձորցին դանակահարել է ծանոթին

Մեկ-մեկ նախարարություններից փաստաթղթեր է գալիս, ուզում ես ասել՝ ո՞ր դասարանի երեխա է գրել. Փաշինյան

ԱԳ նախարարի տեղակալը մասնակցել է Կարմիր խաչի և Կարմիր մահիկի համաժողովին

15 տոննայանոց քարն ընկել-ջնջխել էր բանվորի ոտքը. եզակի վիրահատությամբ այն լիովին վերականգնվել է

Պարոն վարչապետ, ձեր նշանակմամբ դարձել եմ Կանանց հարցերով խորհրդի նախագահ եւ դա բուռն քննարկումների առիթ է տվել. Ավինյան

ՊՆ-ն հայտարարում է ՀՀ ԶՈՒ պահեստազորի բժշկական կազմի մինչեւ 35 տարեկան բժիշկների զորակոչ. Տոնոյան

Անկախ որեւէ կոնվենցիայից՝ ՀՀ-ում որեւէ մեկի նկատմամբ բռնություն չպետք է գործադրվի. վարչապետ