Սոնա Շահգելդյանը հասել է համերգին, երբ այն ավարտված է եղել. կազմակերպիչը պարզաբանում է

Համացանցում շարունակվում է բուռն քննարկվել Հայաստանի առաջին հանրապետության եւ Մայիսյան հերոսամարտերի 100-ամյակին նվիրված տոնական համերգի շուրջ բարձրացած աղմուկը: Մայիսի 28-ին Հանրապետության հրապարակում կայացած միջոցառմանը հրավիրված մի քանի երգիչների հանդիսատեսը բեմին չի տեսել: Նրանց թվում են երգչուհիներ Սոնա Շահգելդյանը, Գաբի Գալոյանը, ինչպես նաեւ «Նեմրա» խումբը: Շահգելդյանն այդ առիթով մեծ սկանդալ է բարձրացրել: Երեկ՝ մայիսի 29-ին, ֆեյսբուքի էջում նա հայտարարություն է արել կազմակերպիչ «Մեցցո» փրոդաքշնի վերաբերյալ:

«Հարգելի՛ կազմակերպիչներ, փաստորեն դուք պատճառաբանում եք, թե իբր ես համերգից ուշացել եմ... Ուրեմն ասեմ, որ նախ համերգը դեռ չէր ավարտվել, երկրորդ՝ ետնաբեմում երկար ժամանակ սպասելուց հետո այդպես էլ կազմակերպիչներից որեւէ մեկը ինձ չմոտեցավ ու չդիմավորեց, կամ գոնե զգուշացներ, որ ինձ ծրագրից հանել են, եւ երրորդ՝ ենթադրենք, որ ես ուշացել էի, բայց չէ՞ որ, բացի ինձնից, կային էլի արտիստներ, որոնք ավելի շուտ էին եկել, բայց նրանք նույնպես հանվեցին ծրագրից...

Բան չունեմ ասելու, իրավունքը ձերն է՝ ում հրավիրեք, ում՝ չէ, ուղղակի սիրուն չէ, արտիստին հրավիրել, մարդն ամբողջ օրը պատրաստվի, գա հասնի, ժամերով սպասի, որ պիտի բարձրանա բեմ, ու առանց որեւէ պատասխանի համերգն ավարտեն ու թողնի հեռանա... Ասեք, որ իրոք վիրավորական է... Իսկ ինչ վերաբերվում է ինձ, ես երբեք հանդիսատեսի կողմից սիրո պակաս չեմ զգացել ու այնպես չէ, որ կներեք արտահայտությանս համար, յալվար էի, որ երգեի, ուղղակի խոսքը կոնկրետ երեւույթի մասին է... ԱՅՍՔԱՆԸ !!!»,- գրել է նա:

«Հայկական ժամանակ»-ի հետ զրույցում «Մեցցոյի» տնօրեն Անի Սաղոյանը պարզաբանեց տեղի ունեցածը: Նա նշեց, որ համերգը պետք է ավարտվեր 23:00-ին, քանի որ ՀՀ օրենքով՝ մինչեւ այդ ժամն է թույլատրվում բացօթյա նման միջոցառումներ իրականացնել: Սոնա Շահգելդյանի ելույթը նախատեսված է եղել 22:35-ին, նա տեղում է 23:24, եւ նրան այդ ժամին բեմ բարձրանալ չէին կարող թույլ տալ, որովհետեւ դա օրենքի խախտում կլիներ:

«Սոնային ծրագրից չեն հանել: Ես պատրաստ եմ էլի այդ մարդու հետ աշխատել, եթե նա պունկտուալ գտնվի: Եթե մարդն ուշացել է իր համերգից, եւ համերգը վերջացել է, դա կազմակերպչի մեղավորությո՞ւնն է: Կան հազարավոր վկաներ իր ուշացման հետ կապված եւ փաստեր: Նա հասել է այն ժամանակ, երբ ավարտված է եղել, երբ բեմն արդեն հետ էին հավաքում»,- ասաց Սաղոյանը:

Գաբի Գալոյանը նույնպես դժգոհ է եղել կազմակերպիչներից: Նա հրաժարվել է ելույթ ունենալ, քանի որ նրան դուր չի եկել, որ պետք է բեմ բարձրանա առանց հաղորդավարի կողմից նախապես հայտարարվելու: Այս հարցը Սաղոյանը նույնպես պարզաբանեց: Նշեց, որ ծրագրի ձեւաչափն է այդպիսին եղել: Միջոցառումը բաղկացած է եղել 2 հատվածից: Առաջինը եղել է պաշտոնական մասը: Այն նախատեսված է եղել 20:30-22:30-ը եւ հիմնված է եղել Հայաստանի պետական սիմֆոնիկ նվագախմբի ու մի շարք այլ կատարողների վրա: Հրավառությունից հետո, նրա խոսքով, նախատեսված է եղել ավելի ազատ ֆորմատ այն մարդկանց համար, ովքեր կցանկանային պաշտոնական մասի ավարտից հետո մնալ ու երաժշտություն վայելել:

«Հրավառությունից հետո համերգի ֆորմատային փոփոխություն պետք է լիներ, հրավառությունից հետո հաղորդավարը հայտարարում է, որ շարունակվում է, դրանից հետո ամեն արտիստին չեն հայտարարում: Եթե մարդ գիտի՝ միջոցառման ֆորմատն ինչպես է լինում... ես չեմ հասկանում՝ ինչու է վիրավորվում մի մարդ, որը տեղյակ է, որ ֆորմատն է այդպես, եւ դա ամբողջ աշխարհում է այդպես»,- ասաց Սաղոյանը:

Ինչ վերաբերում է «Ներմա» խմբին, ապա Սաղոյանն ասում է, որ նրանք նախապես տեղեկացրել են, որ չեն մասնակցելու: 1 օր առաջ կազմակերպիչներին ասել են, որ սոլիստը ձայնի հետ կապված խնդիրներ ունի:

Համերգի ժամանակ ելույթ են ունեցել Գոռ Սուջյանը, Արտո Թունջբոյաջյանը, Ներսիկ Իսպիրյանը, Սիրուշոն, Սեւակ Խանաղյանը, Հելեն Սեգարան, Ռազմիկ Ամյանը, եւ ուրիշներ: Հանդիսատեսի շարքում եղել են բարձրաստիճան պաշտոնյաներ, այդ թվում՝ ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ:

Տպել
5060 դիտում

Հիմա, ըստ էության, ես ընդհատակում եմ, որովհետեւ ապրում եմ մի տեղում, որն ընդհատակ է․ Նիկոլ Փաշինյան

«Երկրի հակառակ կողմը»-ը գործողության մղող հիմնական շարժառիթը դարձավ». Նիկոլ Փաշինյանը մասնակցել է իր գրքի քննարկմանը

Անգելա Մերկելին ու Լիտվայի նախագահին ես անվանում եմ եվրոմամաներ կամ եվրոքույրիկներ․ Նիկոլ Փաշինյան

Արմեն Սարգսյանը հանդիպել է Կատարի էմիր Շեյխ Թամիմ բին Համադ Ալ Թանիի հետ

ՀՀ ոստիկանությունում օպերատիվ խորհրդակցություն է տեղի ունեցել

2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը

Հանդիպել են Հայաստանի եւ Իրանի արտգործնախարարները

ՀՀ ԱԳ Զոհրաբ Մնացականյանը հանդիպել է Խորվաթիայի ԱԳ նախարար Մարիա Պեյչինովիչ Բուրիչին

Հանդիպել են Զոհրաբ Մնացականյանն ու Լավրովը, անդրադարձ են կատարել ղարաբաղյան հիմնախնդրի խաղաղ կարգավորման գործընթացին

Այս տարի շինարարական աշխատանքների նկատմամբ հսկողությունը լինելու է առավելագույն խիստ․ Երեւանի փոխքաղաքապետ

Զոհրաբ Մնացականյանը հանդիպել է Լիխտենշտայնի արտաքին գործերի, մշակույթի եւ արդարադատության նախարար Աուրելիա Ֆրիքի հետ

Արմեն Սարգսյանը Պարենի համաշխարհային ծրագրի գործադիր տնօրենի հետ խոսել է երկկողմ շահավետ փոխգործակցության մասին

Ակնկալում եմ, որ ՊԵԿ-ը հանրությանը ներկայանա բոլորովին նոր կերպարով եւ այն չլինի ուղղակի փիառ գործիք. Նիկոլ Փաշինյան

Արմեն Սարգսյանը չի համագործակցում որեւէ կուսակցության հետ․ պարզաբանում

Փնտրտուքներ. ընդդիմությունը չի գտնում իր ֆասադը

Ավազակային հարձակում Երեւանում․ պարանը գցել են վաճառողի պարանոցին ու սպառնալիքով հափշտակել խոշոր չափի գումար

Ֆեմիդա. նոր դատական համակարգ` հին դատավորներով

ԳԱԱ. ժողովում լուրջ հարցեր են քննարկվելու

Ոստիկանության Մուշի, Կումայրիի, Անիի եւ Արթիկի բաժիններում քաղաքացիները զենքեր են հանձնել

Սամվել Ալեքսանյանի «Ալեքս Հոլդինգը» 2018 թվականին կտրուկ նվազեցրել է իր հարկային մուտքերը․ ՊԵԿ