19 տարի, 7 ամիս եւ 20 օր վայելել նրա թանկ ներկայությունը. Հերոսին նվիրված գրքի շնորհանդես

Այսօր Ավետիք Իսահակյանի անվան կենտրոնական գրադարանում տեղի ունեցավ 2014 թվականին հայ-ադրբեջանական սահմանին ադրբեջանական դիվերսիոն գործողությունը հետ մղած ու հերոսական մահով զոհված կրտսեր սերժանտ Արմեն Հովհաննիսյանին նվիրված գրքի շնորհանդեսը:

Արմեն Հովհաննիսյանին նվիրված գրքի գաղափարը հերոսի ծնողներինն է եղել՝ Մարինե եւ Լևոն Հովհաննիսյաններինը: Հերոսածին ծնողները տարիների ընթացքում խնամքով հավաքագրել են այն ամենն, ինչը նվիրված էր իրենց որդուն եւ որոշել, որ պետք է նրա պատվին գիրք լինի:

«Արմենը» գրքի շապիկը

Գիրքը համահավաք է՝ ներառված են այս տարիների ընթացքում Արմեն Հովհաննիսյանին նվիրված բոլոր հոդվածները, հարցազրույցները, նոթերը, ակնարկները, բանաստեղծությունները եւ, իհարկե, չտարածված լուսանկարներ, որոնք նորովի են բացահայտում հերոսին ու նրա կատարած գործի կարևորությունը: Գիրքն անվանել են «Արմենը». պարզ ու հստակ՝ առանց ավելորդ ոգևորող բառերի: Եվ ինչպես գիրքը խմբագրողներն ու վերնագիրը որողները նշեցին՝ կասկածից վեր է, որ Արմեն Հոհաննիսյան անունն արդեն իսկ մեծ ասելիք է եւ հավելյալ ոգևորող բառերի կարիք չունի:

Գրքի նախաբանում խոսքով հանդես է եկել Արցախի հերոս գեներալ-մայոր Արկադի Տեր-Թադևոսյանը՝ Կոմանդոսը, որը ներկա էր նաև այսօրվա արարողությանը: Խմբագրման աշխատանքներն իրականցրել են լրագրողներ Գագիկ Ավետիսյանը, Լիլիթ Աբաջյանը եւ Հասմիկ Գյոզալյանը: «Արմենը» գրքի շնորհանդեսին ներկա էին ոչ միայն հերոսի ծնողներն ու հարզատները, այլև մի շարք հերոսածին՝ որդեկորույս մայրեր:

Խմբագիրներից Գագիկ Ավետիսյանը խոսեց գրքի ստեղծման մանրամասների մաիսն, վերջինս օրը կարևորեց երկու առումներով՝ նախ, որ վերջապես նշում են հերոս Արմենի գրքի շնորհանդեսը եւ երկրորդ, որ հունիսի 15-ին նշում են ՀՀ պետական խորհրդանիշների օրը: «2014 թվականից սկսած ես եւ գործընկերներս՝ Լիլթ Աբաջյանն ու Հասմիկ Գյոզալյանը, որպես լրագրող եւ քաղաքացի, մշտապես գտնվել ենք Հովհաննիսյանների կողքին: Նրանք դիմեցին մեզ՝ գրքի ստեղծման պատասխանատվությունը ստանձնելու խնդրանքով: Բանականբար, մենք սիրով համաձայնվեցինք. այս կերպ մեր երախտագիտությունն ու խոնարհումը հայտնելով Արմեն Հովհաննիսյանի հիշատակին»,-ասաց Գագիկ Ավետիսյանը:

Լուսանկարում՝ Լիլթ Աբաջյանը Գագիկ Ավետիսյանը, եւ Հասմիկ Գյոզալյանը

Վերջինս ավելի քան վստահ է, որ այս եւ նմանատիպ գրքերը, որոնք նվիրված են մեր ազատամարտիկներին՝ ռազմահայրենասիրության ոգին բարձրացնող ուղենիշ ու ճանապարհ են:

«Մեր որդիները չզորացրվեցին, բայց մենք՝ մայրերս, չչարացանք, աղոթքով եւ օրհնությամբ դիմավորեցինք մեր մյուս տղաներին, այդ տղաները եւս մեր զավակներն են: Աշխարհում չի գտնվի այն կշռաքարը, որ կնժարի որդեկորույս մոր ցավը: Չափազանց դժվար է հերոսի մայր լինելը: Որդիս արժանապատվության այնպիսի բարձր սանդղակ է սահմանել, որ ես ամենայն պատասխանատվությամբ եմ տանում նախախնամությամբ ինձ բաժին հասած աշխարհի ամենածանր խաչը: Շնորհակալ եմ Աստծուն, որ հենց ես եմ նրան լույս աշխարհ բերել ու վայելել նրա թանկ ներկայությունը՝ 19 տարի, 7 ամիս եւ 20 օր, կարճ բայց բովանդակ կյանք»,-ասաց հերոսի մայրը՝ Մարինե Հովհաննիսյանը:

Արմենի մայրը՝ Մարինե Հովհաննիսյանը

Գրքի շնորհանդեսին ներկա էր նաև Արմենի հրամանատարը՝ Էդվարդ Ասրյանը: «Շատ ցավալի է այդ ամենը ներկայացնելը, եւ դա կպատկերացնի այն անձնավորությունը, որը կանգնել է խրամատում, որը մարտնչել է մինչև ատամները զինված հակառակորդի հատուկ ստորաբաժանումների հետ եւ ծառայություն է մատուցել հայրենիքին: Արմենն իր ընկերների հետ կարողացել է դիմագրավել հակառակորդի հատուկ նշանակությամբ ստորաբաժանմանը: Արդեն ներկայացվեց 2014 թվականի հունվարի 19-ի լույս 20-ի գիշերը մեր հերոս տղաների՝ Արմենի գլխավորությամբ, դաժան, կարճատև, բայց թեժ մարտը: Ցավոք սրտի, մենք կորցրեցինք Արմենին, բայց ես հպարտությամբ եմ դա ներկայացնում, որովհետև ես այդ զինվորի հրամանատարն էի, ես հերոս Արմենի հրամանատարն էի»,-ասաց Էդվարդ Ասրյանը:

Ղարաբաղա-ադրբեջանական զորքերի շփման գծի հյուսիսարևելյան (Ջրաբերդ) եւ հարավարևելյան (Կորգան) ուղղություններով 2014 թվականի հունվարի 19-ի լույս 20-ի գիշերը՝ ժամը 23:50-ից մինչև 00:15-ի սահմաններում, արձանագրվել էին ադրբեջանական կողմի դիվերսիոն խմբերի ներթափանցման միաժամանակյա փորձեր:

ԼՂՀ զինված ուժերի առաջապահ ստորաբաժանումները, հավաստանշելով ադրբեջանական դիվերսիոն խմբերի գործողությունները, երկու ուղղություններում էլ անցել էին կազմակերպված պաշտպանության եւ ադրբեջանական կողմին պատճառելով զգալի մարդկային եւ նյութական կորուստ՝ հետ շպրտել ելման դիրքեր:

Փոխհրաձգության արդյունքում ադրբեջանական կողմից ստացած հրազենային վիրավորումից՝ հյուսիսարևելյան ուղղությամբ տեղակայված մարտական դիրքում իր առջև դրված մարտական խնդիրը արիաբար կատարելու ժամանակ զոհվել էր կրտսեր սերժանտ Արմեն Լևոնի Հովհաննիսյանը: Հերոս սերժանտի մարմինն ամփոփված է Եռաբլուր Փառքի պանթեոնում:

Տպել
4672 դիտում

Հայաստանի պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ

Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին

Ջրի գին. ավելի էժան, քան գիտես

Նիկոլ Փաշինյանը ծանոթացել է Վանաձորի թիվ 7 հիմնական դպրոցի կառուցման շինաշխատանքների ընթացքին