Երկու-երեք լրատվամիջոց կա, որոնք սթափվելու կարիք ունեն. սփյուռքի նախարար

Այսօր ՀՀ սփյուռքի նախարար Մխիթար Հայրապետյանը լրագրողների հետ հանդիպման ընթացքում՝ ներկայացնելով ԱՄՆ կատարած տասնօրյա աշխատանքային այցը, անդրադարձավ նաեւ «Հրապարակ» օրաթերթի սույն այցի հետ կապված հրապարակմանը:

Նախարարը հայտնեց, որ օրաթերթի «Սփյուռքի նախարարի այցն ԱՄՆ արդեն պառակտել է հայ համայնքը» վերնագրով հոդվածը խնդիրներ է առաջացրել ԱՄՆ կատարած այցի ընթացքում եւ այնտեղ տիրել է բացառապես նեգատիվ եւ լարված մթնոլորտ:

«Անկեղծ ասած, շատ եմ մտածել՝ խոսել այս թեմայով, թե՝ ոչ, որովհետեւ անվճար գովազդվելու է թերթը, բայց ամեն դեպքում խնդիրն իսկապես մտահոգիչ է, եւ ես ճիշտ համարեցի, այնուամենայնիվ, անդրադառնալ Կորյուն Սիմոնյանի հայտնի հոդվածին: Հոդվածում, մասնավորապես, պնդվում է, որ սփյուռքի նախարարության նորանշանակ նախարարը պառակտում է ԱՄՆ-ի հայ համայնքը»,- ասաց Մխիթար Հայրապետյանը:

Վերջինս անդրադարձավ նաեւ հոդվածում այն պնդումներից մեկին, թե իր այցը կազմակերպել է Հայ Հեղափոխական Դաշնակցություն կուսակցությանը: Ավելացրեց, որ հրապարակել են այցի ընթացքում ամբողջ հանդիպումներն ու աշխատանքները, իսկ հոդվածում նշվել է, որ սփյուռքի նախարարը հանդիպելու է բացառապես Հայ Հեղափոխական Դաշնակցություն կուսակցության եւ իրեն կից կառույցների ներկայացուցիչների հետ:

«Դեռեւս ես ոչ մի բառ չասած եւ ծրագիրը չհրապարակած՝ տեղեկատվություն է տարածվել թերթում, ասվել, որ դա պառակտում է հայ համայնքը»,- ասաց Մխիթար Հայրապետյանը:

Վերջինս պահանջեց «Հրապարակ» օրաթերթի լրագրողից հանրությանը փաստեր ներկայացնել, որոնք ցույց կտան, որ իր կացության, սննդի կամ ավիատոմսերի վճարը, բացի պետությունից, այլ կազմակերպություն է հոգացել, մասնավորապես՝ Հայ Հեղափոխական Դաշնակցությունը:

Մխիթար Հայրապետյանը վստահեցրեց, որ այցի ընթացքում հավասարապես հանդիպել է բոլոր կողմերի հետ եւ ինչպես Ռամկավար ազատական կուսակցությունը կամ Հնչակյանները, գոհ են մնացել եւ այդ իմաստով որեւէ խնդիր չի եղել: Սակայն վերջիներս նշել են, որ «Հրապարակ» օրաթերթի հրապարակումից հետո իսկապես անհանգստացել են:

«Այո, ԱՄՆ-ում պառակտում կար, բայց ոչ թե ես էի այդ պառակտումն առաջացնողը, այլ «Հրապարակ» օրաթերթի լրագրողը: Մինչեւ ես հասա ԱՄՆ, բավականին նեգատիվ էներգիա էր հավաքվել, թե՛ կուսակցությունների միջեւ, թե՛ այն մարդկանց, ովքեր հեղափոխությանն էին սատարել: Ինձ ասում էին՝ պարոն նախարար, ինչպե՞ս եք այդպիսի բան արել, ինչպես եք թույլ տվել, որ մի կազմակերպություն կազմակերպի ձեր այցը»,-պատմեց նախարարը:

Նախարարն անդրադարձավ նաեւ մի շարք լրատվամիջոցներով իր հասցեին հնչեցված բազմաթիվ վիրավորական եւ թյուր հրապարակումներին. «Ինձ մամուլում անընդհատ սեւացրել են, ընդհուպ մինչեւ այն կեղծ հրապարակումները, թե Փաշինյանն ինձ ծնող է կանչել, ամոթանք տվել: Ես որեւէ կերպ ձեր նման հրապարակումներին չեմ արձագանքել, որեւէ դատական պրոցեսների մեջ չեմ մտել, որովհետեւ եթե մտնեի, հակառակ կողմը միանշանակ տանուլ էր տալու, բայց եկեք տարանջատենք պետական շահերը»,- ասաց նախարարը:

Նշեց, որ երկու-երեք լրատվամիջոց կա, որոնք սթափվելու կարիք ունեն. «Քննադատեք ինձ ինչքան ուզում եք, նույնիսկ երբ իմ հարազատին եք կպել, չեմ անձնավորել, բայց այստեղ կա պետության հարց, երբ որ դուք ձեր գործողություններով սփյուռքում իրավիճակ եք լարել»,- եզրափակեց Մխիթար Հայրապետյանը:

Տպել
5180 դիտում

Ակցիա ՌԴ 102-րդ ռազմաբազայի դիմաց

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ