Ջղաձիգ փորձեր եւ ոչ ավելին. խմբագրական

Ռոբերտ Քոչարյանի վերջին շրջանի ակտիվացումը էլ ավելի է ակնհայտ դարձնում նրա խորը գավառամտությունը խոսքի ոչ այնքան ավանդական իմաստով: Քոչարյանը իր իշխանության տարիներին արեց ամեն ինչ Հայաստանը Ռուսաստանի գավառ դարձնելու եւ մեր երկրի ինքնիշխանությունը 0-ին հավասարեցնելու համար: Սա, եթե կարելի է այսպես արտահայտվել, հենց «ակադեմիական գավառամտության» ցայտուն օրինակ է: Երբ մի երկրի ղեկավարը այնքան թույլ է, այնքան անկարող, որ չգտնելով, նույնիսկ չփնտրելով երկրի զարգացման ու անվտանգության ներքին ռեսուրսները, դրանք օգտագործելու ու բազմապատկելու փոխարեն ձգտում է դառնալ մեկ այլ երկրի կցորդ, գավառ, գուբերնիա ու ինքն էլ ստանալով այդ երկրի ղեկավարի «դաբրոները» իրեն զգում է տվյալ գավառի իշխանիկ, տեղապահ, «նամեստնիկ» այսպես ասած: Դրա համար նախ այդ տարածքի բոլոր հնարավոր ենթակառուցվածքները նվիրում է «կենտրոնին»՝ էներգետիկա, կապ, տրանսպորտ...

Իսկ որպեսզի հանկարծ այդ գավառի բնակչությունը չըմբոստանա, հսկայական ռեսուրսներ է ծախսում գավառում ոստիկանական բռնատիրություն հաստատելու համար: Դիմադրության բոլոր օջախները մարվում են ցանկացած եղանակով, բանտերով, բռնություններով, ընդհուպ տասնյակ ու հարյուրավոր չբացահայտված սպանությունների գնով: Կոռուպցիան հասնում է աներեւակայելի մակարդակի՝ բոլորը բոլորին «մուծվում են»: Ընտրությունների ինստիտուտը վերանում է, դրա փոխարեն ստեղծվում է թաղային խուլիգանների, օլիգարխների, ադմինիստարտիվ ռեսուրսի ու ընտրակաշառքի վրա հիմնված մի համակարգ, որի միակ գործառույթը իշխանության վերարտադրությունն է: Դրան զուգահեռ ընթանում է տնտեսության բացարձակ ու ցինիզմի հասնող կենտրոնացում՝ մոնոպոլիաների, օլիգոպոլիաների ստեղծում, քվոտաների բաշխում...  Դրան զուգահեռ դատական համակարգը որպես այդպիսին վերանում է եւ դառնում է իշխանի թիմի վճիռներ հրապարակող մի հիմնարկություն: Սա մի մասն է այն չարագործությունների, որ կատարել է Ռոբերտ Քոչարյանը:

Իսկ երբ եկել է պատասխան տալու ժամանակը, Քոչարյանը «կենտրոնից» օգնություն է հայցում: Եվ որոշ բաներ, իհարկե, ստանում է: Օրինակ, Քոչարյանին ծննդյան օրվա առթիվ ՌԴ նախագահ Պուտինի «ջերմ շնորհավորանքը», որը տեղադրվել է kremlin.ru պաշտոնական կայքում: Իհարկե, Պուտինի մամուլի խոսնակը դրանից քիչ անց պարզաբանում է, որ Քոչարյանն ու Պուտինը մտերիմներ են, եւ շնորհավորանքը կապ չունի Հայաստանում տեղի ունեցող իրադարձությունների հետ, բայց դա էական չէ: Քոչարյանը ստացավ այդ օգնությունը:

Բայց ընդամենը չորս ամիս առաջ Սերժ Սարգսյանի թիմն էլ այդպիսի օգնություն ստացավ: Ապրիլի 26-ին, երբ Նիկոլ Փաշինյանը դեռ վարչապետ չէր, նույն այդ kremlin.ru կայքում հայտնվեց հաղորդագրություն այն մասին, որ տեղի է ունեցել հեռախոսազրույց Վլադիմիր Պուտինի եւ ՀՀ վարչապետի պաշտոնակատար Կարեն Կարապետյանի միջեւ: «Ընդգծվել է, որ Հայաստանում ճգնաժամային իրավիճակի կարգավորումը պետք է իրականացվի բացառապես իրավական դաշտում եւ 2017 թ. ապրիլին տեղի ունեցած խորհրդարանական լեգիտիմ ընտրությունների արդյունքների հիման վրա: Այդ կոնտեքստում ընդգծվել է խորհրդարանի կողմից ՀՀ վարչապետի՝ մայիսի 1-ին կայանալիք ընտրությունների կարեւորությունը»,- նշված էր այդ հեռախոազրույցի բովանդակությունը ներկայացնող հաղորդագրության մեջ: Այսինքն, մայիսի 1-ին ՀՀ վարչապետ պետք է ընտրվեր ԱԺ մեծամասնության թեկնածուն: Ընդամենը հիշեցնենք, որ kremlin.ru կայքում այսպիսի հաղորդագրություն հայտնվելու համար մի ամբողջ ինքնաթիռ պաշտոնյաներ թռան Մոսկվա, ներառյալ Արմեն Գեւորգյանը եւ Էդվարդ Նալբանդյանը, գործի դրվեց ռուսաստանաբնակ մեծահարուստների ողջ ազդեցությունը եւ այլն: Ինչ եղավ հետո՝ հիշում ենք: ՀՀԿ-ն թեւավորվեց, փորձեց ատամներ ցույց տալ, տապալեց Փաշինյանի ընտրությունը... Բայց այնպիսի հակահարված ստացավ, որ ընդամենը մեկ շաբաթ անց հենց այդ նույն ԱԺ-ն վարչապետ ընտրեց Նիկոլ Փաշինյանին:

Այլ կերպ ասած, ՌԴ-ից եկած օգնությունը որեւէ դեր չխաղաց: Նույնը լինելու է հիմա: Սա այն առավելագույն աջակցություններից է, որ Քոչարյանը կարող էր ակնկալել Մոսկվայից եւ ստանում է այն: Ազդեցություն կունենա՞ դա, թե ոչ: Քոչարյանի «պոտենցիալ ընտրազանգվածի» վրա որոշակի ոգեւորիչ ազդեցություն ունենալ կարող է: Բայց դա մի այնպիսի, այսպես ասենք, փոքրաթիվ զանգված է, որ կարելի է նույնիսկ խմբավորում համարել բառիս ուղղակի եւ անուղղակի իմաստով: Եվ նրանց ոգեւորությունը սկսում ու ավարտվում է սոցցանցերում վճարովի ֆեյքերի ոգեւորությամբ:  

Իսկ այն, որ Քոչարյանի համար նպաստավոր ցանկացած այսպիսի հաղորդագրություն քիչ, բայց այնուամենայնիվ խնդիրներ է հարուցում Հայաստանի ինքնիշխանության վրա, որոշակիորեն ընդլայնում հակառուսական տրամադրությունները, ներհասարակական անիմաստ լարվածություն ստեղծում եւ այլն, Քոչարյանին,  բնականաբար, չի հետաքրքրում ընդհանրապես: Ու դա թերեւս հասկանալի է՝ նրան առաջադրված քրեական մեղադրանքների բնույթը այնպիսին է, որ Քոչարյանի համար հստակ ուրվագծվում է երկար ու ձիգ տարիների մեկուսացում ճաղավանդակների ետեւում: Ու նրա տվայտանքները պայմանավորված են այդ հեռանկարից խույս տալու ջղաձիգ փորձերով, ոչ ավելին:

Տպել
7024 դիտում

Փորձված մեթոդով. ռազմավարություն «նեղ կռուգի» համար

Բա ոնց կլներ. «Օրինաց երկիրն» օրենքից դո՞ւրս է

Գագիկ Մելիքյանի քենակալ, Պառավաքարի գյուղապետը նախկին գյուղապետարանի շենքը օտարե՞լ է իր եղբորորդուն

Կապանի օդանավակայանն ամռանն արդեն պատրաստ կլինի. Գեւորգ Փարսյան

Պետք է սովորենք հանգիստ լսել միմյանց քաղաքական հայտարարությունները. Մարուքյանը՝ ԲՀԿ-ականներին

Պարտությո՞ւն, թե՞ մարտավարական ճկունություն. Հրանտ Մարգարյանը հեռանում է ՀՅԴ ղեկավար կազմից

Իրանի զինված ուժերի գլխավոր շտաբի պետն այցելել է Բաքու. կստորագրվի երկկողմ հուշագիր

ՌԴ-ն ամեն օր ուժեղացնում է իր ներկայությունը Միջերկրական ծովի արևելքում

Վալերի Սեմերիկովը շնորհավորել է Նիկոլ Փաշինյանին՝ ՀՀ վարչապետ նշանակվելու առթիվ

Սարգսանը ՄՈՒԲԱԴԱԼԱ ընկերության գործադիր տնօրենին առաջարկել է ճանաչողական այց կատարել Հայաստան

Ըստ ՀԱՕԿ-ի՝ բռնցքամարտի ֆեդերացիայում պետք է նախագահի ընտրություն լինի, իսկ Գեւորգյանը հերքում է

ԼՂ հիմնախնդրի արագ կարգավորման գործում Ադրբեջանի դեսպանը հատուկ հույսեր է կապում Ռուսաստանի հետ

Միքայել Մինասյանը լավագույն դեսպաններից է եղել. «Լուսավոր Հայաստանի» պատգամավոր

Այս սադրանքի որոշակի նպատակներից մեկը PR-ն է. Բաբաջանյան-Աբովյան մեղադրանքները շարունակվում են ԱԺ միջանցքում

Առաջիկա 5 տարում Երեւանում կտնկվի 500 հազար ծառ. քաղաքապետարան

Մեկնարկել է Մնացականյանի հանդիպումը ԵԱՀԿ ՄԽ համանախագահների. ԱԳՆ

ՀՀ բնապահպանության եւ ԱՄԷ շրջակա միջավայրի նախարարության միջև կստորագրվի փոխըմբռնման հուշագիր

Ռոբերտ Քոչարյանի պաշտպանները պատրաստվում են երրորդ գանգատը ներկայացնել ՄԻԵԴ

Արայիկ Հարությունյանն աշխատանքային այցով մեկնել է ԱՄՆ

95 տարեկանում կյանքից հեռացել է հայ բեմադրիչ, մեծ արվեստագետ Ռաֆայել Ջրբաշյանը