Պուտինի շնորհավորանքի մեջ քաղաքական ենթատեքստ գտնելը խելագարություն է. Իսագուլյան

Ռոբերտ Քոչարյանի գրասենյակի ղեկավար Վիկտոր Սողոմոնյանն օրերս հայտարարել էր, թե Քոչարյանն այս շաբաթվա ընթացքում պատրաստվում է մեկնել Հայաստանից: Ուշագրավ է, որ Սողոմոնյանը սույն հայտարարությամբ հանդես եկավ այն բանից հետո, երբ Ռուսաստանի Դաշնության նախագահ Վլադիմիր Պուտինը շնորհավորեց Քոչարյանին՝ ծննդյան օրվա առիթով:

Սողոմոնյանի այս հայտարարությունից հետո, երկու օր շարունակ քաղաքական վերլուծաբանները հակված էին կարծելու, որ Քոչարյանը մեկնում է Մոսկվա՝ Պուտինից օգնություն խնդրելու: Ընդհանուր առմամբ՝ նման նախադեպեր եղել են, երբ Հայաստանի իշխանության տարբեր ներկայացուցիչներ օգնություն են խնդրել մեծ եղբայր Ռուսաստանից: Մասնավորապես, մի քանի ամիս առաջ, երբ ժողովուրդն Ազգային ժողովից պահանջում էր Նիկոլ Փաշինյանին ընտրել վարչապետ, ՀՀԿ-ն «օգնության» նպատակով մեկնեց Մոսկվա: Սակայն փորձը ցույց տվեց, որ ժողովրդի տված իշխանությունից բարձր բան չկա:

Մինչ քոչարյանամերձ լրատվամիջոցներն ակտիվորեն տարածում էին Ռոբերտ Քոչարյանի՝ երկրից մեկնելու մասին տեղեկությունները, «Հայկական ժամանակ»-ին հայտնի դարձավ, որ վերջինիս անձնագրերը (նաեւ դիվանագիտական) գտնվում են իրավապահների մոտ: Այսինքն՝ Քոչարյանը Հայաստանից չի մեկնել եւ չի կարող մեկնել:

Ավելի ուշ Քոչարյանի պաշտպանները հաստատեցին, որ անձնագրերն իսկապես գտնվում են իրավապահների մոտ: Փաստաբանների մակարդակով հերքվեց նաեւ տեղեկությունը, թե Ռոբերտ Քոչարյանը պատրաստվում է մեկնել Մոսկվա: Նրանց փոխանցմամբ՝ Քոչարյանը մեկնելու է Գերմանիա՝ հետազոտվելու նպատակով:

Հատուկ քննչական ծառայության պետ Սասուն Խաչատրյանը օգոստոսի 16-ին, պատասխանելով հարցին, թե Ռոբերտ Քոչարյանը կարո՞ղ է երկրից հեռանալ, նշել էր, որ դա կդիտվի որպես փախուստ:

«Այս պահին նրա նկատմամբ խափանման միջոց ընտրված չէ, բայց եթե Ռոբերտ Քոչարյանը փորձ անի լքել երկիրը, դա կգնահատվի նախաքննությանը խոչընդոտելու փորձ, քրեական վարույթն իրականացնող մարմնից թաքնվելու փորձ»,- կառավարությունում լրագրողների հետ զրույցում ասել էր Սասուն Խաչատրյանը:

Հատուկ քննչական ծառայությունից չպատասխանեցին մեր հարցին՝ ի վերջո Ռոբերտ Քոչարյանին երկրից մեկնելու հնարավորություն կտրվի՞: Երկրորդ նախագահի պաշտոնը զբաղեցրած Ռոբերտ Քոչարյանի փաստաբաններից Հայկ Ալումյանը, անդրադառնալով այս հարցին եւ մեկնաբանելով Սասուն Խաչատրյանի վարկածը, ասաց. «Ես չեմ կարող այդ մտքերը մեկնաբանել: Այս պահին որեւէ խափանման միջոց չկա: Ռոբերտ Քոչարյանը պետք է ոչ թե թույլտվություն հարցնի, այլ ընդամենը պետք է տեղյակ պահի, թե ուր է մեկնում եւ երբ է վերադառնալու»,- ասաց նա:

Փաստաբանի փոխանցմամբ՝ այժմ Ռոբերտ Քոչարյանի պաշտպանական թիմը այս հարցի շուրջ մեծածավալ քննարկումներ է իրականացնում: «Ես հիմա չէի ուզի մեկնաբանել, որովհետեւ այդ հարցը քննարկման մեջ է գտնվում: Իրավապահների հետ ենք քննարկում եւ նաեւ մենք ենք իրավաբաններով քննարկում: Նրանք իրավունք չունեն պահել անձնագիրը, եթե խափանման միջոցը կալանավորումը չէ: Ես հիմա չէի ուզի սա մեկնաբանել, որովհետեւ մեծ քննարկումների առարկա է դարձել այս հարցը»,- ասաց նա:

Ռոբերտ Քոչարյանի շրջապատից Գառնիկ Իսագուլյանը, «Հայկական ժամանակ»-ի հետ զրույցում անդրադառնալով Քոչարյան-Պուտին հեռախոսազանգի քաղաքական ենթատեքստերին, նշեց. «ՀՀ վարչապետ Նիկոլ Փաշինյանը իր հավատարմությունն է հայտնել ՌԴ-ին, մատնանշել իր եւ Պուտինի լավ հարաբերությունների մասին: Մենք սրան վերաբերվում ենք դրական, քանի որ վատ բան չկա դրանում, բայց հենց նախկին նախագահին ՌԴ նախագահը շնորհավորանք է ուղղում՝ սկսում են վայնասուն բարձրացնել: Վայ, էս ինչ տեղի ունեցավ»:

Գառնիկ Իսագուլյանը կարծում է, որ խելագարության կանխավարկածից են այն վերլուծությունները, երբ Պուտինի շնորհավորանքի մեջ փորձում են քաղաքական ենթատեքստ գտնել: «Հայաստանում մի՞թե հոգեկան հիվանդների քանակն այնքան է շատացել, որ ամեն մի հայտարարության մեջ ենթատեքստեր ու խորքային ինչ-որ բաներ փնտրեն: Նա շատ պարզ ասել է, թե ինչու է շնորհավորում, ինչո՞ւ են այլ բաներ ման գալիս»,- ասաց նա:

Դիտարկմանը, որ այդ զանգից հետո Քոչարյանի գրասենյակի պատասխանատուն ակտիվացավ եւ հայտարարեց Քոչարյանի՝ երկրից հեռանալու մասին, Իսագուլյանը հայտարարեց, թե երկրից հեռանալը վաղուց էր պլանավորված:

Քաղտեխնոլոգ Կարեն Քոչարյանը կարծում է, որ Պուտին-Քոչարյան հեռախոսազանգի մեջ քաղաքական ենթատեքստեր չփնտրելն անմտություն կլինի: Նա նշում է, որ ընտրազանգված ունենալու առումով՝ Քոչարյանի վարկանիշը զրոյական է, բայց նա ունի այլ ռեսուրսներ: «Այս պարագայում նրան վերաբերվել անլուրջ, դա եւս անլուրջ է: Ասել, որ Քոչարյանի համար այդ զանգը անակնկալ էր, դա էլ միամտություն է: Սա գործողությունների մի շղթա է, եւ այդ շղթայի ամեն մի քայլը հերթականությամբ արվում է»:

Քաղտեխնոլոգը միաժամանակ նշում է, որ ՌԴ ԱԳ նախարար Սերգեյ Լավրովի հայտարություններից սկսած՝ եղել են նախազգուշացումներ Հայաստանի համար: «Ես տեղեկություններ ունեմ, որ ռուս գործարարներին զգուշացված է՝ Հայաստանում փող չներդնեն՝ առայժմ սա ներքին կարգով, քանի որ սպասողական վիճակ է: Կարելի է չպառկել Ռուսաստանի տակ, ինչպես դա եղել է նախորդների կողմից, բայց ՌԴ-ի հետ հաշվի չնստելը հղի է շատ վտանգներով: ՌԴ-ին, ԱՄՆ-ին, Չինաստանին չի կարելի ասել, որ պետք է ադապտացվի Հայաստանին»:

Անդրադառնալով հարցին, թե Քոչարյանը իր ռուսական կապերի միջոցով ինչի կարող է հասնել, քաղտեխնոլոգը պատասխանեց. «Այսօր աշխարհում մարդկային կապերը շատ ավելի մեծ են, քան այլ բաներ: Կարող է փորձել խնդիրներ ստեղծել: Ես նկատի ունեմ, որ առաջին հերթին տնտեսական»,- եզրափակեց քաղտեխնոլոգը:

Հ.Գ. «Հայկական ժամանակ»-ի օնլայն բաժինը երեկ հարցում է իրականացրել Երեւանի փողոցներում: Քաղաքացիներին տրվել են հետեւյալ հարցերը՝ ինչպե՞ս եք վերաբերվում քաղաքականություն վերադառնալու մասին Քոչարյանի հայտարարություններին եւ արդյո՞ք նա վերադառնալու որեւէ շանս ունի: Քաղաքացիները ոչ միայն բացասական պատասխան են տվել, այլ նաեւ մի կերպ են իրենց զսպել՝ եթերում չհայհոյելու համար: Սա վկայում է այն մասին, որ Ռոբերտ Քոչարյանը եւս մերժված է, ինչպես Սերժ Սարգսյանն ու ամբողջ ՀՀԿ-ն:

Տպել
2400 դիտում

«Norma» ապրանքանիշը կվերսկսի արտադրությունը

Բաքուն ու Անկարան քննարկում են սպառազինության համատեղ արտադրության հարցը

Վարդենյաց լեռնանցքը փակ է կցորդիչով բեռնատարների համար, Թասի ոլորաններին տեղ-տեղ առկա է մերկասառույց

Տավուշի բնակիչներին առաջարկվում է Զանենյան ցեղատեսակի կաթնատու տոհմային այծեր

Առաջին դեպքը՝ Բրազիլիայում, առաջին մահը՝ Ֆրանսիայում, 106 մահ՝ 1 գիշերում. ԱՀԿ-ն անհանգստացած է կորոնավիրուսի թվերով

Վրաստանում արձանագրվել է կորոնավիրուսի առաջին դեպքը

Գեղարքունիքի մարզում «Թումո» ստեղծարար տեղեկատվական կենտրոնի շարժական ուսումնական առաջին կետը կտեղադրվի Գավառ քաղաքում

Ռուսաստանը եւ մի շարք երկրներ պահանջել են սկսել ԱՄՆ-ի և ՄԱԿ-ի միջեւ արբիտրաժային աշխատանքները

Հակոբ Արշակյանը Հայաստան է հրավիրել ԱՄԷ նախարար Բովարդիին

Կարևոր հայտարարություն «Այո» քարոզչական բրենդավորման շուրջ. առաջին տեղի մրցանակ 3 մլն դրամը կբաշխվի 3 անձի միջև (ուղիղ)

Շիրակի մարզում «ԱՅՈ» նախընտրական շտաբի աշխատանքները կհամակարգեն «Իմ քայլը» դաշինքի պատգամավորներն ու Շիրակի մարզպետը

Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

Վահագն Վերմիշյանը կառավարության վաղվա նիստում կազատվի զբաղեցրած պաշտոնից

«Պատվի համարը» մարտի 9-ից կլինի Հանրայինի եթերում. դերասանական կազմում է նաեւ Արամ MP3-ի որդին

«Ճանապարհենք ձմեռը Շիրակի մարզում». հրավեր Շիրակից Հայաստանի մարզերին եւ ոչ միայն

Երեք ռուսաստանցու նոր կորոնավիրուսով վարակման փաստը հաստավել է

Արմավիրի քրեական հետախույզները մարիխուանայի իրացման դեպք են բացահայտել

Կրթական տեխնոլոգիաների ազգային կենտրոնի տնօրենի պաշտոնը թափուր է. նախկին տնօրեն Արտակ Պողոսյանը եւս կմասնակցի մրցույթին

Արցախի Հանրապետությունում իրականացվել են մի շարք միջոցառումներ կորոնավիրուսի ներթափանցումը կանխելու նպատակով

Էկոնոմիկայի նախարարությունում քննարկվել են ոռոգման սեզոնի մեկնարկին ընդառաջ առկա խնդիրները