Լեւոն Երանոսյանը կասկածյալի կարգավիճակ ունի. նա ապրիլին լուսաձայնային նռնակ կիրառելու իրավասություն չի ունեցել

Մեր տեղեկություններով, ՀՀ ոստիկանության Ներքին զորքերի նախկին հրամանատար, գեներալ-լեյտենանտ Լեւոն Երանոսյանը կասկածվում է պաշտոնեական լիազորություններն անցնելու համար՝ ՀՀ քրեական օրենսգրի 309 հոդվածով: Նրա նկատմամբ որպես խափանման միջոց է ընտրվել չհեռանալու մասին ստորագրությունը։

Հիշեցնենք, որ նա երեկ մի քանի ժամ հարցաքննվել է ՀՀ հատուկ քննչական ծառայությունում:

Ըստ կասկածանքի՝ Երանոսյանը ապրիլի 16-ին Բաղրամյան պողոտայում եւ ապրիլի 22-ին Արցախի պողոտայի սկզբնամասում տեղի ունեցած դեպքերի ժամանակ հատուկ միջոցներ է կիրառել՝ դրա իրավասությունը չունենալով:

Մեր տեղեկությունը հաստատեց Լեւոն Երանոսյանի փաստաբան Տիգրան Սաֆարյանը: Մեր հարցին, թե ընդունո՞ւմ է Երանոսյանն առաջադրված կասկածանքը, Սաֆարյանը պատասխանեց՝ իհարկե չի ընդունում: Հարցին՝ Երանոսյանն ասե՞լ է, թե ինչու է հատուկ միջոց կիրառել կամ ո՞ւմ հրամանով, փաստաբանը պատասխանեց. «Ցուցմունք տվել է, պաշտպանական կողմի դիրքորոշումն այն է, որ որեւէ խնդիր չի եղել այդտեղ հատուկ միջոցի կիրառման իրավաչափության հետ կապված: Կադրերում հստակ երեւում է, որ մարդիկ են եղել, որոնք տարբեր առարկաներ են նետել ոստիկանների ուղղությամբ»:

Մեր դիտարկմանը, որ հատուկ միջոց կիրառելու հետեւանքով այդ օրերին բազմաթիվ քաղաքացիներ են հոսպիտալացվել, ընդ որում, սխալ կիրառելու հետեւանքով, Սաֆարյանն ասաց, որ այդ հատուկ միջոցները, որ կիրառվել են, Առողջապահության նախարարությունում փորձաքննության են անցել եւ անվտանգ են անձի առողջության համար: «Այս բոլոր միջոցները, որ կիրառվել են, փորձաքննություն են անցել, թե ինչու է վնաս հասցրել, դա պետք է քննությամբ պարզվի: Բայց այն, որ այս լուսաձայնային նռնակը սպառազինության մեջ է ու հենց կիրառման համար, դա միանշանակ է»,- ասաց Սաֆարյանը: Մեր հարցին ի պատասխան նա ասաց, որ Լեւոն Երանոսյանի մասնակցությամբ մի շարք քննչական գործողություններ են կատարվել: Նրա հետ նաեւ առերես հարցաքննություն է տեղի ունեցել: Թե ում հետ է առերեսվել Երանոսյանը, Սաֆարյանը չասաց՝ նախաքննության գաղտնիությունից ելնելով:

Նշենք, որ Թավշյա հեղափոխության շրջանում, ապրիլի 16-ին եւ 22-ին կիրառված հատուկ միջոցի հետեւանքով բազմաթիվ քաղաքացիներ են հոսպիտալացվել: Ապրիլի 16-ին Բաղրամյան պողոտայում հավաքված ցուցարարների նկատմամբ ոստիկանության կիրառած հատուկ միջոցների՝ ձայնային նռնակների արձակման հետևանքով մարմնական վնասվածքներ էին ստացել 54 հոգի, այդ թվում եւ 6 ոստիկաններ: Արցախի պողոտայում կիրառված հատուկ միջոցի հետեւանքով եւս բազմաթիվ քաղաքացիներ են տուժել:

Տպել
9194 դիտում

Բնակչության տարհանման որոշում չի կայացվել. Ստեփանակերտի քաղաքապետարան

Տեսանյութն ապացուցում է, որ Ադրբեջանը խախտել է ՀՀ-ի միջազգայնորեն ճանաչված սահմանները. Հովհաննես Մովսիսյան (տեսանյութ)

Ջավախքցիները փակել են Վրաստան-Թուրքիա միջպետական ճանապարհը եւ արգելում են բեռնատարների տեղաշարժը

ՀՀ-ի դիմումի հիման վրա ՄԻԵԴ-ը միջանկյալ միջոց կիրառելու որոշում է կայացրել

Ռազմական գիտության չափորոշիչներով Ադրբեջանի օպերացիան տապալված է. Արծրուն Հովհաննիսյան

Ադրբեջանական ագրեսիայի հետևանքով մեծ վնաս է հասցվել կապի ոլորտին․ Արցախի պետական նախարար

Ադրբեջանը Թուրքիայի լայնածավալ աջակցությամբ իր ամբողջ ռեսուրսն ու արսենալն է ներդրել այս ոտնձգության մեջ. Ավինյան

Մինչ այս ժամը մարդիկ ՊԲ-ին օգնություն են բերում. Հովսեփ Կուբատյան

Հանրային խորհրդում ՀՀ-ում ՌԴ դեսպանի հետ քննարկվել է տարածաշրջանային բարդացող իրավիճակը

ՀՀ ներկայացուցիչը ՄԻԵԴ է ուղարկել տվյալներ նաեւ Վարդենիսի դեպքերի մասին. Եղիշե Կիրակոսյանի խոսքով՝ իրավիճակն աննախադեպ է

Կապի միջոցներն անջատելու կարիք չկա. բարձր ճառագայթահարման մասին լուրը կեղծ է

Ադրբեջանի խոցված տեխնիկայի թվերն այնքան մեծ են, որ սկսել ենք դրանք մոտավոր գրել. Հակոբ Արշակյան

Հայկական բանակը խոցել է հակառակորդի 137 տանկ և զրահատեխնիկա, 72 ԱԹՍ, 7 ուղղաթիռ, 1 ինքնաթիռ․ Արծրուն Հովհաննիսյան

Ջորջ Բաղումյանը 1 մլն դոլար է նվիրաբերում «Իմ քայլը» հիմնադրամին, գումարը կծախսվի ի շահ մեր պետության. Աննա Հակոբյան

Երեւանի ավագանու կամավորագրվածերի թիվն արդեն հասնում է տասի

Այս պահին պարենային դեֆիցիտի առաջացման վտանգ չունենք․ Արցախի պետական նախարար

Ամիրյան փողոցի երթևեկելի հատվածում քաղաքացի է վրաերթի ենթարկվել

Նիկոլ Փաշինյանը հեռախոսազրույց է ունեցել Վլադիմիր Պուտինի հետ

Ողջ միջազգային հանրությունը պետք է ստիպի Թուրքիային դուրս գալ այս հակամարտությունից. վարչապետը՝ BBC-ի հետ հարցազրույցում

Իրենց բնակավայրից ժամանակավորապես հեռու գտնվող դպրոցականները կսովորեն փաստացի բնակության վայրին մոտ դպրոցներում. ԿԳՄՍՆ