Մաքսիմ Մանուկյանը՝ աշխարհի բրոնզե մեդալակիր

Հայաստանի հունահռոմեական ոճի ըմբշամարտի հավաքականի անդամ, աշխարհի 2017 թ. չեմպիոն Մաքսիմ Մանուկյանը (82 կգ) բրոնզե մեդալ նվաճեց աշխարհի 2018 թ. առաջնությունում: Այսօր՝ հոկտեմբերի 26-ին, բրոնզի համար պայքարում հաղթեց իրանցի Մորադ Աբդվալիին: Առավելության հասավ 4:1:

Մանուկյանը պայքարը սկսել էր որակավորման փուլից ու հասել էր մինչեւ քառորդ եզրափակիչ: Այնտեղ պարտվել էր թուրք Էմրե Քուշին: Վերջինս հասավ եզրափակիչ, ու Մանուկյանը բրոնզի համար պայքարելու հնարավորություն ստացավ: Մինչեւ Աբդվալիին հանդիպելը նա սփոփիչ գոտեմարտում հաղթեց վենեսուելացի Լուիս Էդուարդո Ավենդանո Ռոխասին:

Այսօր ՀՀ հավաքականի կազմում բրոնզ նվաճելու հնարավորություն ուներ նաեւ 55 կգ քաշային կարգում հանդես եկող Նորայր Հախոյանը, սակայն բաց թողեց այն: Նա պայքարը սկսել էր 1/8 եզրափակչից: Քառորդ եզրափակչում պարտվել էր Ղրղզստանի ներկայացուցիչ Ժոլաման Շարշենբեկովին: Վերջինս հասավ եզրափակիչ, ու Հախոյանը պայքարը շարունակեց: Սփոփիչ գոտեմարտում պարտության մատնեց հարավկորեացի Հի Դոնգ Սոնին, սակայն բրոնզի համար գոտեմարտում զիջեց թուրք Էքրեմ Օզթուրքին:

Այսօր պայքարի մեջ մտան ՀՀ հունահռոմեական ոճի ըմբշամարտի հավաքականի եւս 3 ներկայացուցիչ: 60 կգ քաշային Գեւորգ Ղարիբյանը սկսեց որակավորման փուլից: Հենց հաջորդ փուլում՝ 1/8 եզրափակչում, պարտվեց հյուսիսկորեացի Սե Ունգ Ռիին: Վերջինս պարտվեց հաջորդ փուլում, ու Ղարիբյանը դուրս մնաց հետագա պայքարից:

Եվրոպայի բրոնզե մեդալակիր Կարեն Ասլանյանը (67 կգ) 1/16 եզրափակչում՝ իր առաջին գոտեմարտում, զիջեց ադրբեջանցի Քամրան Մամադովին: Վերջինս էլ պարտվեց քառորդ եզրափակչում, ու Ասլանյանը դուրս մնաց հետագա պայքարից:

Արթուր Շահինյանը (87 կգ) պայքարը սկսեց 1/16 եզրափակչից հաղթանակով: Հաջորդ գոտեմարտում՝ 1/8 եզրափակչում, պարտվեց ուկրաինացի Ժան Բելենյուկին: Վերջինս եզրափակիչ դուրս եկավ, ու Շահինյանը դեռեւս կպայքարի բրոնզի համար: Վաղը նա սփոփիչ գոտեմարտում կմրցի լիտվացի Էիվիդաս Ստանկեւիչյուսի դեմ:

Աշխարհի 2018 թ. առաջնությունը Հունգարիայի մայրաքաղաք Բուդապեշտում մեկնարկել է հոկտեմբերի 20-ին: Կավարտվի 28-ին: Վաղը Հայաստանի հավաքականի կազմում պայքարի մեջ կմտնեն Կարապետ Չալյանը (77 կգ) ու օլիմպիական չեմպիոն, աշխարհի եռակի, Եվրոպայի քառակի չեմպիոն Արթուր Ալեքսանյանը (97 կգ):

Տպել
2077 դիտում

Նարեկ Մալյանը բերման է ենթարկվել ապօրինի զենք-զինամթերք պահելու կամ կրելու կասկածանքով. ոստիկանություն

28 տարի առաջ այսօրը հայերենով հնչեց «Զգաստ» հրամանը. Գյումրիում տոնել են ՀՀ ԶՈՒ կազմավորման 28-րդ տարեդարձը

ՀՀ վարչապետը մեկնել է Գեղարքունիք՝ մասնակցելու Հայոց բանակի 28-ամյակի միջոցառումներին (տեսանյութ)

Կարող ենք ասել, որ վարչապետի առաջարկն ընդունվել է գյուղացիների կողմից. Գեորգի Ավետիսյան

Բերման է ենթարկվել Նարեկ Մալյանը

Թուրքիայում 12 մարդ է հոսպիտալացվել կորոնավիրուսի կասկածանքով

Երեւանի ավագանում Հենրիկ Հարթենյանին կփոխարինի Պավել Սարգսյանը

Սահմանադրական դատարանի դատավորը դիմել է ոստիկանություն և հայտնել՝ իր 8-ամյա տղային առևանգել են

Ռուստամ Բադասյանը նոր օգնական ունի

Մեղրին կգազաֆիկացվի, գործընթացը կազմակերպելու համար մրցույթ է հայտարարվել. մարզպետի տեղակալ

Նոր զինատեսակը թույլ չի տալիս, որպեսզի Ադրբեջանի օդուժը կարողանա գործել արդյունավետ. պաշտպանության նախկին նախարար

Գեւորգ Կոստանյանին կալանավորելու որոշման դեմ վճռաբեկ բողոք է ներկայացվել

Հունվարի 31-ին ու փետրվարի 1-ին սպասվում է թաց ձյուն եւ ձնախառն անձրեւ

Հայոց բանակի տոնի առթիվ Վանաձորում ծաղիկներ են խոնարհել Վազգեն Սարգսյանի արձանի մոտ (լուսանկարներ)

Կատարի կառավարությունը հրաժարական է տվել. Էմիրն ընդունել է հրաժարականը, նշանակել նոր վարչապետ

Բանակը միշտ պետք է համալրվի նոր սպառազինությամբ. Սասուն Միքայելյան

Վթար Երեւանի Գարեգին Նժդեհի հրապարակում. կան տուժածներ

Բուսաբուծության վարչության նախկին պետ Գևորգ Հարությունյանը չի ընդունում առաջադրված մեղադրանքը

Առողջապահության նախարարը շնորհավորել է Բանակի տոնի առթիվ

Հայոց բանակը մեր ժողովրդի դարերով սպասված արարումն է. ՀՀ գլխավոր դատախազի ուղերձը