Քիմիագործների անբարեկարգ այգին վերանվանվել է շանսոնյեի անունով. Վանաձորի քաղաքապետը ցանկացել է օտարել այն

Վանաձորի «Քիմիագործների» այգին վերանվանվել է աշխարհահռչակ շանսոնյե Շառլ Ազնավուրի անունով: «Քիմիագործների» այգին Վանաձորի երեք մեծ այգիներից մեկն է, որտեղ գտնվում է նաեւ Շառլ Ազնավուրի անվան մշակույթի պալատը:

Հոկտեմբերի 26-ին նշանակված Վանաձորի ավագանու նիստի օրակարգում, այլ հարցերի հետ, տեղ էր գտել նաեւ «Քիմիագործների» այգին Շառլ Ազնավուրի անվան այգի վերանվանելու եւ այգուց 2700 քառակուսի մետր տարածք օտարելու հարցը:

Մինչ կկայանար ավագանու նիստը՝ «Լուսավոր Հայաստան» խմբակցության ղեկավար Քրիստ Մարուքյանը, Լոռու մարզպետ Անդրեյ Ղուկասյանը եւ մի շարք անձինք բարձրաձայնեցին իրենց անհամաձայնությունն այդ հարցի շուրջ՝ հայտարարելով, որ «Քիմիագործների» այգին հանրային նշանակություն ունեցող տարածք է, իսկ այդպիսի տարածքների վարձակալման կամ օտարման հետ կապված որոշումները հարկավոր է կայացնել բացառապես հանրային քննարկման արդյունքում:

Արդյունքում, Վանաձոր համայնքի սեփականություն հանդիսացող Տիգրան Մեծի պողոտայի թիվ 2/3 հասցեի 0.27035 հա հողամասը մրցույթով կառուցապատման իրավունքով տրամադրելու մասին հարցը հանվեց նիստի օրակարգից։ Ըստ որոշման նախագծի, նախատեսվում էր հողամասը 10 տարի ժամկետով տրամադրել հանգստի գոտի կազմակերպելու համար՝ վարձավճարի մեկնարկային գինը սահմանելով ամսական ընդամենը 21 հազար 628 դրամ:

Թե ում էր տրամադրվելու տարածքը, հայտնի չէ: Քրիստ Մարուքյանը ՀԺ-ի հետ զրույցում ասաց, որ անհայտ ներդրողի մասին էին հայտարարել, եւ տվյալ անձը գաղտնի ինչ-որ մեկն է եղել, որի մասին մինչեւ վերջ էլ ոչինչ չեն հայտնել: «Եթե մարդը ներդրող է, ուզում է լավ բան անել, ուրեմն քաղաքի համար պետք է անի, այստեղ անունը գաղտնի պահելու իմաստը չեմ հասկանում: Քաղաքացիները պետք է իմանան՝ ով է ներդրողը, ինչի համար է անում, եւ ինչ է անում, ոչ թե առավոտյան զարթնեն, տեսնեն ինչ-որ փոփոխություններ են եղել քաղաքում»,- ասաց «Լուսավոր Հայաստան» խմբակցության ղեկավարը:

Վերջինիս խոսքով՝ արդեն «Շառլ Ազնավուր» վերանվանված այգու նշված հատվածի օտարումը բարեբախտաբար կասեցվեց, սակայն այն անբարեկարգ վիճակում է, եւ եթե անվանակոչում են մեծն շանսոնյեի անունով, ապա այնտեղ համապատասխան միջավայր պիտի ստեղծվի:

«Թղթի վրա անուն փոխելն ամենահեշտ բանն է, ընդամենը՝ Քիմիագործ բառը փոխարինում ենք Շառլ Ազնավուր բառերով, բայց պետք չէ այն թողնել որպես աղբանոց, որպեսզի այդ այգին համապատասխանի իր անվանը եւ առահասարակ այգի կոչվելուն, պետք է պատշաճ տեսք ունենա, խնամված լինի, եւ չդառնա սրճարանների կամ ռեստորանների տարածք»,- ասաց նա: Վերջինս մտահոգություն հայտնեց, որ ժամանակ առ ժամանակ քաղաքացիների կողմից բողոքներ են ստացվում, որ նույն այգում աղբի մեծ կույտ կա, տարածքը մաքրված չէ, անուշադրության է մատնված եւ այլն:

Նախկինում՝ «Քիմիագործների», այժմ՝ «Շառլ Ազնավուր» այգինՔրիստ Մարուքյանի խոսքով՝ այսօր նման հարցերին առանձնահատուկ ուշադրություն է պետք հրավիրել, քանի որ վատ նախադեպեր շատ ենք ունեցել, երբ նախկին քաղաքապետերի կողմից վերացվել է այսինչ պուրակը կամ կանաչապատ տարածքը: «Ժամանակին չեն բարձրաձայնում, ոչինչ չեն անում, հետո ասում են՝ նախկին քաղաքապետը: Այսօր նույն բանը կարող է կրկնվել այս քաղաքապետի օրոք: Զբոսաշրջիկներ են գալու, տարբեր մարդիկ են գալու, կարեւոր է, որ Շառլ Ազնավուր ասելուց ցույց տալու բան ունենանք»,- եզրափակեց նա:

Տպել
2241 դիտում

Նախնական տվյալներով՝ պայմանագրային զինծառայող Արթուր Նալբանդյանը մահացել է ձորն ընկնելու հետեւանքով ստացած վնասվածքներից

Վարչապետի գլխավորությամբ քննարկվել են մարզերի զարգացմանը վերաբերող հարցեր

Արցախում նախագահի ու պատգամավորի թեկնածուների քարոզարշավը մեկնարկում է փետրվարի 26-ից

ՀՅԴ 11 անդամների հայցն ընդդեմ Արման Բաբաջանյանի վարույթ է ընդունվել

Արարատ Միրզոյանը նախազգուշացում արեց ԱԺ փոխխոսնակ Ալեն Սիմոնյանին

Գոյություն ունեն շարժական սպանդանոցներ, որոնց միջոցով հնարավոր է լուծել գյուղացիների խնդիրը. Մնացականյան

Սիմոն Մարտիրոսյանը հավակնում է աշխարհի 2019թ. լավագույն ծանրորդի կոչմանը

ԱՄՆ-ի Սենատը Թրամփի իմփիչմենտի գործը կքննի արագացված ընթացակարգով. ինչ է լինելու հետո

Երեւանի ամառանոցներից մեկից գողություն էր կատարվել

Հրդեհ արագ սննդի շարժական կետում. վառվել է բենզինով աշխատող գեներատորը

Փամփուշտը պատուհանի մեջ հայտնաբերել է դատավոր Տաթեւիկ Գրիգորյանը, նա դեպքը չի կապում իր գործունեության հետ. Բեքմեզյան

Իսրայելի նախագահի հրավերով Արմեն Սարգսյանը կմասնակցի Հոլոքոսթի հիշատակին նվիրված միջազգային համաժողովին

Գեորգի Կուտոյանի ատրճանակի վրա դեպքի օրը խլացուցիչ չի հայտնաբերվել

Հրայր Թովմասյանի հասցեին սպառնալիք հնչեցրած ոստիկանը պատասխանատվության է ենթարկվել

Վարչապետի որոշմամբ՝ բարձր տեխնոլոգիական արդյունաբերության նախարարի տեղակալ է նշանակվել

Ադրբեջանցի Էյվազովի և հայազգի երգչուհի Մանթաշյանի շուրջ սկանդալը լուծվել է. երգչուհուն կրկին հրավիրել են

Դատախազությունը ստացել է Սերժ Սարգսյանի եւ մյուսների վերաբերյալ քրեական գործը

«Շշի Մելո»-ի դեմ մահափորձը պատվիրելու մեջ կասկածվողը ներկայացել է քննչական բաժին

Չարորակ նորագոյացությունների վիրահատական բուժման ծրագրով կատարվել է 4.428 վիրահատություն. նախարար

«Էդ շոուի մեջ մենք չկանք». Մարուքյանին հորդորեցին նախորդ խորհրդարանի գործընկերների հետ սուրճ խմել, ինչից նա վրդովվեց