Քրեական հեղինակություն Բոգոյին, նրա որդուն եւ քենակալին մեղադրանք է առաջադրվել. առեւանգման եւ ծեծի հետքերով

ՀՀ ԱԺ պատգամավոր Սամվել Ալեքսանյանի մտերիմ, Արկադի Համբարձումյանի խնամի Բոգո մականունով հայտնի քրեական հեղինակություն Ռուբեն Կոստանյանին (Սիմոնյան) նրա որդուն եւ քենակալին մեղադրանք է առաջադրվել:

Տեղեկությունը մեր զրույցում հաստատեց ՀՀ քննչական կոմիտեի նախագահի խորհրդական Սոնա Տռուզյանը: Բոգոն, նրա որդին՝ Հովհաննես Սիմոնյանը, եւ քենակալը՝ Ավետիս Ավետիսյանը, մեղադրվում են ՀՀ քրեական օրենսգքրի 322-րդ հոդվածի 2-րդ մասով (բռնությամբ զուգորդված ինքնիրավչություն):

Մի քանի ամիս առաջ գրել էինք, որ քրեական հեղինակություն Բոգոն թավշյա հեղափոխությունից հետո հայտնվել է իրավապահների ուշադրության կենտրոնում: Մեր զրույցում նրա գործողություններից տուժած քաղաքացին պատմել էր, թե ինչպես են, ըստ նրա, Բոգոն, որդին ու քենակալը առեւանգել իրեն, շամփուրով դաժան ծեծի ենթարկել եւ 100 հազար դրամի փոխարեն 10 հազար դոլար պահանջել:

«Քրեական գործով ձեռք բերված փաստական տվյալների համաձայն՝ քաղաքացի Ա.Առաքելյանը զբաղվել է մասնավոր ուղեւորափոխադրումներով եւ ավտոմեքենա ձեռք բերել Ռուբեն Կոստանյանից։ Մասնավորապես՝ բանավոր պայմանավորվածության համաձայն՝ վարել է վերջինիս պատկանող «Օպել» մակնիշի՝ 4000 ԱՄՆ դոլար արժողության ավտոմեքենան՝ տարաժամկետ վճարման պայմանով, սակայն երկու ամսվա գումարը, որն ընդհանուր առմամբ կազմել է 100.000 դրամ, չի կարողացել վճարել։ Ենթադրաբար պատճառված նյութական վնասի փոխհատուցումը դատական կարգով ստանալու փոխարեն 2017 թվականի սեպտեմբերի 5-ին բռնություն է գործադրվել Առաքելյանի նկատմամբ՝ պահանջելով 10.000 ԱՄՆ դոլար որպես վնասի փոխհատուցում։ Հետագայում Առաքելյանը քենակալի միջոցով Կոստանյանին մաս-մաս փոխանցել է մոտ 5 հազար ԱՄՆ դոլար։ Քննությամբ պարզվել է բռնությամբ զուգորդված ինքնիրավչությանը մասնակցություն ունեցած անձանց ինքնությունը, որոնց առաջադրվել է մեղադրանք ՀՀ քրեական օրենսգրքի 322-րդ հոդվածի 2-րդ մասով»,- մեր հարցին ի պատասխան ասաց ՔԿ նախագահի խորհրդական Սոնա Տռուզյանը: Բոգոյի, նրա որդու եւ քենակալի նկատմամբ որպես խափանման միջոց է ընտրվել երկրից չհեռանալու մասին ստորագրությունը:

Նորագյուղցի Բոգոն հայտնի է որպես ավտոկայանի նայող, ըստ մամուլում շրջանառվող տեղեկությունների՝ նա էր, այսպես ասած, հսկում ավտոկայանում տաքսիների վարորդներին, որոնք ապահովում էին Երեւան-Մարտունի, Երեւան-Ստեփանակերտ եւ այլ երթուղիներ: Երեւան-Ստեփանավան երթուղում ուղեւորափոխադրում իրականացրածներից մեկն էլ եղել է հենց տուժող Առաքելյանը: Նա Բոգոյի մոտ է աշխատել 2016 թվականից մինչեւ 2017 թվականի հունվար:

Տեղեկացանք, որ տուժողի եւ մեղադրյալների՝ Բոգոյի, նրա որդու եւ քենակալի ցուցմունքներում էական հակասություններ են եղել: Քրեական դատավարության օրենսգրքի համաձայն՝ նման պայմաններում քննիչը պարտավոր է առերեսում կատարել: Երեկ մեր զրույցում տուժող Առաքելյանն ասաց, որ օրեր առաջ երեք մեղադրյալների հետ էլ առերեսվել է: «Հակասություններ կային, դե պարզ ա, որ ինքը հրաժարվում էր, որ նման դեպք է տեղի ունեցել: Առերեսվել եմ նաեւ որդու եւ քենակալի հետ»,- ասաց նա: Վերջինս ասաց, որ նախաքննական մարմնի աշխատանքն իր գործով գոհացնում է. «Շատ անաչառ աշխատում են»,- հավելեց նա:

Նշենք, որ Առաքելյանը Բոգոյի դեմ հաղորդում ներկայացրել է դեպքից մեկ տարի հետո՝ թավյա հեղափոխությունից հետո: 2017 թվականի սեպտեմբերի 3-ի լույս 4-ի գիշերը տուժողին առեւանգել են Աջափնյակից ու տարել Կիլիկիա ավտոկայանի հետնամաս, որտեղ ծեծի են ենթարկել, նվաստացրել, սեռական բնույթի հայհոյանքներ հնչեցրել, սպառնացել են վնասել ընտանիքի անդամներին, այդ թվում՝ երեխաներին եւ ասել, որ 100 հազար դրամ պարտքի դիմաց ինքը իրենց 10 հազար դոլար պետք է վճարի: 

Մեր հարցին ի պատասխան նա ասաց, որ այս ընթացքում քրեական հեղինակություն Բոգոն տարբեր մարդկանց միջոցով փորձել է ճնշում գործադրել իր նկատմամբ, որպեսզի հրաժարվի իր դեմ ներկայացված բողոքից, բայց տուժողը մերժել է նրա «առաջարկը»: Տուժողը պնդում է, որ Բոգոն ու իր մտերիմները պետք է քրեական պատասխանատվության ենթարկվեն:

Քրեական հեղինակություն Բոգոն բազմիցս է հայտնվել մամուլի ուշադրության կենտրոնում:

Ամենաթարմը, թերեւս 2016 թվականին տեղի ունեցած դեպքն է եղել: 2016 թվականի հուլիսին ծեծկռտուք, ապա կրակոց էր տեղի ունեցել Իսակովի պողոտայում գտնվող «555» հացատանը: Վիրավորներից մեկը հենց Բոգոն էր, մյուսը՝ «Ֆեռո» ընկերության տերը՝ Ռոբերտ Ավետիսյանը. վերջինիս 15 մլն դրամ պարտք էին տվել՝ բիզնեսը զարգացնելու նպատակով եւ կարողացել էին ստանալ միայն 5 մլն-ն։ Մյուս մասը հենց Բոգոն է գնացել ստանալու եւ հույս է ունեցել գումարը ստանալ հենց այդ օրը: Կանչել է Ավետիսյանին Իսակովի պողոտայում գտնվող «555» հացատուն, բայց գումարը հետ ստանալ չի հաջողվել։ Վիճաբանություն է տեղի ունեցել, որը վերածվել է ծեծկռտուքի եւ ավարտվել կրակոցներով: Բոգոյին այդ անգամ եւս մեղադրանք էր առաջադրվել բռնության գործադրմամբ ինքնիրավչության համար եւ 2017 թվականին նրա նկատմամբ պատիժ էր նշանակել տուգանք՝ ՀՀ-ում սահմանված նվազագույն աշխատավարձի յոթհարյուրապատիկի չափով:

Տպել
3621 դիտում

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին