Ժամեր անց ՀՀ-ում ջավախահայերին կվերադարձվեն նրանց անձնագրերը. խնդիրը հանգուցալուծվեց, բողոքի ակցիա այլեւս չի լինի

Այսօր, հաշված ժամեր անց Հայաստանում կվերադարձնեն այն ջավախահայերի անձնագրերը, որոնք երկքաղաքացի լինելու պատճառով Ռուսաստանից տունդարձի ճանապարհին ՀՀ-ում բռնվել էին: 

Նոյեմբեր ամսից սկսած երկքաղաքացիություն ստացած եւ 27 տարին չլրացած երիտասարդները, հայտնվելով Հայաստանում, կանգնում էին փաստի առաջ՝ ունենալով «ընտրության» երկու տարբերակ՝ կա՛մ զորակոչվել ՀՀ բանակ, կա՛մ 5 տարի ժամկետով ազատազրկվել: Դեկտեմբերի 14-ին նրանք Նինոծմինդա-Բավրա սահմանային անցակետում իրականացրեցին կարճատեւ բողոքի ակցիա:

Ջավախքի բնակիչ Անդրանիկ Ղարսլյանը «Հայկական ժամանակ»-ին հայտնեց, որ հանդիպել են Հայաստանի ոստիկանապետ Վալերի Օսիպյանի հետ, կառուցողական քննարկում ունեցել. «Վալերի Օսիպյանը հարցը ներկայացրել է ՀՀ վարչապետի պաշտոնակատար Նիկոլ Փաշինյանին եւ կարծես թե խնդիրը կարգավորվում է: Սա մեր ակցիայի արդյունքն է»:

«Երիտասարդներին կվերադարձվեն իրենց անձնագրերը եւ նրանք կկարողանան Նոր տարին դիմավորել իրենց տներում: Այս պահին 4 հոգի են, որոնք Հայաստանում էին եւ չէին կարողանում տուն վերադառնալ, բայց գործերն արդեն կարճվել են»,-ասաց Անդրանիկ Ղարսլյանը: Նրա փոխանցմամբ՝ տղաները Հայաստանում ազատության մեջ են եղել, պարզապես անձնագրերն են պահվել եւ մի քանի անգամ հարցաքննվել են: Ջավախահերի խնդիրը կարծես թե լուծվում է: 2019 թվականի հունվարի 7-ին նրանք հրավիրվել են Երեւան, եւ հարցը վերջնական լուծում կստանա այդ օրը:

«Արդեն մեկ ամիս շարունակ ստացվում էին լուրեր, որ ՀՀ քաղաքացիություն ձեռք բերած եւ դեռևս 27 տարին չբոլորած ջավաքցի տղաներին, Ռուսաստանից՝ խոպանից, վերադառնալիս, Հայաստանում բերման են ենթարկում, քրեական գործեր հարուցում՝ փաստաթղթեր կեղծելու ու բանակից խուսափելու համար: Իրականում այդ տղաները ակամայից էին հայտնվել նման անելանելի վիճակում: Որևէ մեկը հարցրե՞լ է, թե ինչու են նրանք ՀՀ քաղաքացիություն ստացել: Հիմնականում սոցիալական վիճակով պայմանավորված: Վրաստանում չկարողանալով գտնել աշխատանք՝ նրանք ՀՀ անձնագրով մեկնում են Ռուսաստան՝ արտագնա աշխատանքի, որպեսզի փող ուղարկեն տուն՝ իրենց ընտանիքների սոցիալական խնդիրները մեղմելու համար: Հիմա պարզվում է՝ ընտանիքը սովից փրկելու նպատակը կարող է հետևանքներ ունենալ: Պարզվում է՝ նրանց մեղադրում են փաստաթղթեր կեղծելու եւ ՀՀ-ում բանակից խուսափելու մեջ: Հարյուրավոր երիտասարդներ հայտնվել էին մի վիճակում, որ վախենում էին տեղաշարժվել ու Նոր տարուն վերադառնալ իրենց ընտանիքներ: Իսկ մի քանիսին արդեն Երեւանի օդանավակայանից ձերբակալել և սկսել էին քննչական գործողություններ: Պատկերացնո՞ւմ եք՝ ինչ իրավիճակ էր ստեղծվելու, երբ հարյուրավոր, անգամ հազարավոր ջավախքցիներ քրեական հետապնդման սպառնալիքի տակ չէին կարողանալու տուն վերադառնալ ու անգամ տեղաշարժվել Ռուսաստանում: Սրան պետք էր լուծում տալ, խնդիրը պետք էր բարձրաձայնել, ու մենք դա արեցինք»,-պատմեց Անդրանիկ Ղարսլյանը, որը նույնպես նման խնդիր ուներ:

Ղարսլայնի խոսքով՝ եղան մարդիկ, մասնավորապես, պատգամավորներ, որոնք քննադատողի դերում էին եւ այս ընթացքում ոչինչ չեն արել խնդրի կարգավորման համար: Նրանք տաքուկ տեղերում նստած, քաղաքական ու կուսակցական խաղերով տարված, լուռ հետեւել են վիճակին: Թեպետ նրանցից մեկին՝ Շիրակ Թորոսյանին, բավականին շուտ հայտնել էին խնդրի մասին, սակայն որեւէ էական տեղաշարժ դրա լուծման ուղղությամբ չկար:

Մյուսը՝ Վրաստանի խորհրդարանի նախկին պատգամավոր Սամվել Պետրոսյանը, որը քննադատել էր Հայաստան-Վրաստան սահմանը փակելը, նշել, որ Հայաստանը պատերազմող եկիր է եւ ճանապարհը չպիտի փակվի: «Նախ, ակցիան տեւել է մի քանի ժամ եւ նպատակը եղել է խնդրի բարձրաձայնումը, ոչ թե ճանապարհը կամ Հայաստանի մատակարարման ուղին փակելը: Երկրորդ՝ մշտապես ջավախքցին պատերազմող Հայաստանի կողքին է եղել եւ աջակցել: Սա է իրողությունը»,-եզրափակեց Անդրանիկ Ղարսլյանը:

Տպել
1330 դիտում

Վարչապետը նոր նշանակում է կատարել պետական պահպանության ծառայությունում

Ի՞նչ են քննարկել Հանրային խորհրդում եւ ի՞նչ հաղորդագրություն է տարածվել. Ստյոպա Սաֆարյանը բացում է փակագծերը

Վանեցյանն ու Տոնոյանը ամենաբարձր գնահատականն են ստացել քաղաքացիների կողմից. Նավասարդյան

Հայաստանի զարգացման ռազմավարության մշակման աշխատանքների մասին քննարկում է եղել կառավարությունում

Երեւանի Գրիգոր Լուսավորչի փողոցն անվանափոխվեց Սուրբ Գրիգոր Լուսավորչի. ավագանու նիստը թեժ է, վիրավորանքների պակաս չկա

Վրաստանի կառավարության գործունեությունը բացասական է գնահատում հարցվածների 56 տոկոսը

Վրաստանի դատարանն ուժի մեջ է թողել Սաակաշվիլիի դատավճիռը

Անթույլատրելի ենք համարում. հայաստանյան ՀԿ-ների հայտարարությունը Ռոման Ուդոտի ձերբակալման վերաբերյալ

Երեւանի քաղաքապետարանի ձեռք բերած աղբատար մեքենաները այսօրվանից սկսում են աշխատանքները (տեսանյութ)

Քոչարյանի «հաղթանակը»՝ Հայաստանի ու Արցախի հաշվին. տեղի ունեցավ ամենասարսափելին

ԻՆԵԿՈԲԱՆԿ․ INECOPAY հաջողության պատմությունը ներկայացվեց Թբիլիսում

Հայաստանում որեւէ մեկը թիկնապահներով շրջելու կարիք չունի, եթե իհարկե չի գողանում ու չի թալանում․ Հայկ Սարգսյան

«Ոսկե երիտասարդություն» վարկային գիծ ՀԱՅԲԻԶՆԵՍԲԱՆԿԻ ուսանողական քարտով

Միքայել Վարդանյանը 43 մլն դրամի մարզասարքեր է նվիրել ռազմական երկու համալսարաններին (տեսանյութ)

Ճիշտ ժամանակն է. ամերիկացի փորձագետները՝ Հայաստանում անցումային արդարադատության ներդրման մասին

Միացումը համազգային գերակա նպատակն է. Արցախի քաղաքական ուժերի հայտարարությունը

Ապրիլին՝ մարտի համեմատ, ՀՀ պետական պարտքը նվազել է 34 մլն 800 հազար դոլարով

Հայտարարություն մրցույթի մասին

ՀՀ վարչապետի որոշմամբ Գրիգոր Մուրադյանն ազատվել է վարչապետի խորհրդականի պաշտոնից

Գյումրու ծննդատան ճակատագիրն անորոշ է