Ավետիք Իսահակյանի անվան գրադարանը կընդլայնվի. ամեն օր մինչեւ 1500 այցելու է ունենում

Ավետիք Իսահակյանի անվան կենտրոնական գրադարանն ամեն օր մինչեւ 1500 այցելուի է սպասարկում: Նրանց մի մասը նախընտրում է ընթերցել եւ աշխատել հենց տեղում՝ ընդամենը 50 քմ տարածքով ընթերցասրահում: Այս մասին նշում է Երեւանի քաղաքապետարանի մամուլի ծառայությունը

Նշվում է, որ գրադարանի տարածքային խնդրին Երեւանի քաղաքապետարանը քաջատեղյակ է: Այժմ քննարկվում են հնարավոր լուծումները: Գրադարան այցելած փոխքաղաքապետ Տիգրան Վիրաբյանն ու Երեւանի գլխավոր ճարտարապետ Արթուր Մեսչյանը ծանոթացել են առաջարկվող տարբերակներին եւ դրանք քննարկել տեղում:

«Սա ընդլայնման հնարավորության առաջարկ է: Հիմնականում բաղկացած է լինելու երկու ընթերցասրահներից: Սրանք մի քիչ, այսպես ասած, ազատ կերպարի ընթերցասրահներ են: Ունենք նաեւ հարթակներ՝ քննարկումների համար»,- ներկայացրել է ճարտարապետ Էրիկ Հովհաննիսյանը:

«Ընդհանուր տարածքը, որն ունի գրադարանն իր ենթակայության ներքո քիչ է: Մենք գլխավոր ճարտարապետի եւ գրադարանի տնօրինության հետ քննարկում ենք, որպեսզի կարողանանք գտնել տարածքային համալրումների համար տարբերակներ: Գրադարանը գտնվում է քաղաքի սրտում եւ ցանկացած ճարտարապետական միջամտություն կարող է որոշակի խնդիրներ առաջացնել: Ուստի, դրանք պետք է լինեն ընդունելի բոլորի համար»,- ընդգծել է Տիգրան Վիրաբյանը:

Մամուլի հաղորդագրությունում նշվում է նաեւ, որ գրադարանին անհրաժեշտ են նոր ու բոլորի՝ այդ թվում հաշմանդամություն ունեցող անձանց համար հարմարվետ պայմաններով ընթերցասրահներ: Թե որ հատվածից եւ ինչպես կընդլայնվի գրադարանի տարածքը, մասնագետները կորոշեն առաջիկայում:

«Ուզում եմ հույս հայտնել, որ անպայման կգտնվի որեւէ լուծում, եւ Երեւանի ընթերցողները սպասում են այդ լուծմանը»,- նշում է Հասմիկ Կարապետյանը:

Գրադարանի տարածքի ընդլայնման գաղափարը կյանքի կոչելու գործին մասնակցելու ցանկություն է հայտնել նաեւ Հայաստանում ԱՄՆ դեսպանատունը:

«Գիտեք, որ այսօր գրադարանում գործում է «Ամերիկյան անկյուն»: Իրենք պատրաստակամ են նաեւ տեխնիկական վերազինումն իրականացնել, ինչը եւս շատ կարեւոր է»,- նշում է Տիգրան Վիրաբյանը:

Իսահակյանի անվան կենտրոնական գրադարանից մեկնարկող բարեփոխումների համընդհանուր ծրագիրը կշարունակվի Երեւանի համայնքային մյուս գրադարաններում:

«Մենք փորձելու ենք համայնքային ենթակայությամբ գործող բոլոր գրադարանները բերել այսպիսի բարձր պրոֆեսիոնալ մակարդակի: Ցավում եմ, որ որոշ գրադարաններում ունենք ընթերցողի պակաս, եւ այստեղ կառավարման աշխատանք պետք է տանենք, որ գրադարանները լինեն հետաքրքիր ընթերցողի համար»,- ընգդծել է Երեւանի քաղաքապետի տեղակալը:

Նշվում է, որ Երեւանի քաղաքապետարանն առաջիկա տարիներին կշարունակի գրադարաններում ժամանակակից տեխնոլոգիաների կիրառման եւ ընթերցողներին գրադարան բերելու նախաձեռնությունները:

Տպել
938 դիտում

Ես այս ընթացքում բազմաթիվ աղաղակող կոպիտ թերություններ եմ տեսել. վարչապետ

Սուրբ Հովհաննես Կարապետի մասունքը տարվել է Շողակաթի վանք

Սահամանադրական դատարանի նախագահի լիազորությունները ստանձնում է Վահե Գրիգորյանը․ նա երդվեց խորհրդարանում

Գործող հողի հարկին եւ գույքահարկին փոխարինելու է գալիս միասնական անշարժ գույքի հարկի գաղափարը. Պետրոսյան

Եվրոպական խաղերի բացման ժամանակ ՀՀ դրոշակակիրը կլինի Եվրոպայի չեմպիոն Բաչկովը

Ադրբեջանը մոտ 5%-ով ավելացնելու է ռազմական ծախսերը

Արդյունքում կունենանք 25 մլն խմ ծավալով ջրատար, նաեւ ոռոգման ենթակա կդառնա եւս 740 հա նոր հողատարածքներ. Պապիկյան

19-ամյա 6 երիտասարդների տարկետում է տրվել, որպեսզի կարողանան ավարտել դպրոցը

Առաջարկում ենք այդ նախագծի քննարկումը հետաձգել. Քյարամյանի առաջարկով հետաձգվեց գումարի հատկացման վերաբերյալ նախագիծը

Կառավարության որոշմամբ բասկետբոլի ազգային հավաքականի 3 խաղացողներ ազատվեցին զինծառայությունից

Ինձ էս օրը քցողը, ոչնչացնողը պետք ա ստանա արժանի պատիժ, ընտանիքս ոչնչացել ա. Մարտի 1-ի գործով տուժող

Միջադեպ Վրաստանի խորհրդարանում. հայկական պատվիրակությունը լքել է նիստերի դահլիճը

The Sun-ը պատմում է բրիտանացու մասին, որը ՀՀ-ում հիմնել է «Դիլիջան» ֆուտբոլային թիմը

Կառավարությունը 50 մլն դրամ կհատկացնի՝ Մանսուրյանի 80-ամյա հոբելյանին նվիրված միջազգային փառատոնի իրականացման համար

Վերաքննիչ դատարանը ուժի մեջ է թողել Միհրան Պողոսյանին կալանավորելու որոշումը. բողոքը մերժվել է

Գյումրիում որդին սպանել է մորը. ոստիկանները հայտնաբերել են կասկածյալին

Մեղավորները պետք է պատժվեն. Զաքար Հովհաննիսյանի քույրը եկել է դատարան

Մեկնարկել է ՀՀ կառավարության հերթական նիստը. օրակարգում ներառված է 30 հարց

Վերնագրեր եմ կարդում, թվում է՝ պատուհանից դուրս նայեմ՝ դրսում տարբեր կողմերով փախնող տարերային խմբեր եմ տեսնելու

Թեղուտի հանքավայրը սկսում է շահագործումը․ մի քանի հարյուր մարդ նորից ընդունվել է աշխատանքի