«Երեխաների իրավունքների մասին» ՀՀ օրենքը վերանայման կարիք ունի. Բաթոյան

«Դժվար է գերագնահատել այն դերակատարումը, որ ունեցել է ՄԱԿ-ի մանկական հիմնադրամը՝ Հայաստանում երեխաների իրավունքների, սոցիալական պաշտպանության, ներառականության և ապաինստիտուցիոնալացման գործում: Հիմք ընդունելով բոլոր այս նախադրյալները՝ հույս ունենք, որ այս հանդիպումը մեր համագործակցության նոր փուլի սկիզբը կդառնա»,- այս մասին ասել է ՀՀ աշխատանքի և սոցիալական հարցերի նախարար Զարուհի Բաթոյանը ՄԱԿ-ի մանկական հիմնադրամի ղեկավար Տանյա Ռադոչայի հետ հանդիպման ժամանակ:

Ինչպես հայտնում են նախարարության մամուլի ծառայությունից, նախարարը ներկայացրել է ոլորտի առաջնահերթությունները՝ հատկապես առանձնացնելով ապաինստիտուցիոնալացման ծրագիրը, որն առաջին անգամ կներառի նաև հաշմանդամություն ունեցող երեխաներին:

«Երբ մենք խոսում ենք ապաինստիտուցիոնալացման մասին, պետք է հաշվի առնենք հաստատություններում գտնվող բոլոր երեխաներին: Բացի այդ, պետք է ակտիվ քաղաքականություն վարենք, որպեսզի այս գործընթացը վերաբերի ոչ միայն պետական հաստատություններին, այլև՝ մասնավոր: Մեր մոտեցումը պարզ է։ Եթե կա ֆինանսավորում՝ լինի այն պետության, մասնավոր ընկերության, անհատ բարերաների թե միջազգային կազմակերպությունների կողմից, այն պետք է ուղղվի ոչ թե հաստատությանը, այլ՝ երեխաների ընտանիքներին»,- ասել է նախարարը՝ նշելով, որ նախարարության գործունեության հիմքում լինելու է երեխաների անձնական տվյալների պաշտպանության կարևորության ընկալումը:

Նա նաև նշել է, որ պետական քաղաքականությունը պետք է տարվի նաև հաշմանդամություն ունեցող երեխաների մուտքը հատուկ հաստատություններ կանխարգելելու ուղղությամբ, հատկապես՝ նորածինների:

Նախարար Բաթոյանը տեղեկացրել է, որ վերանայման կարիք ունի նաև «Երեխաների իրավունքների մասին» ՀՀ օրենքը, հատկապես այն դրույթները, որոնք վերաբերում են երեխաների թրաֆիքինգին, աշխատանքային շահագործմանը և այլն:

«Մենք շատ ուրախ ենք լսել ապաինստիտուցիոնալացման վերաբերյալ կառավարության այսօրինակ մոտեցման մասին, քանի որ ինքներս էլ համարում ենք, որ երեխայի իրավունքը՝ անկախ առանձնահատուկ կարիքներ ունենալու հանգամանքից, պետք է պաշտպանված լինի, իսկ ծառայությունները, որոնք անհրաժեշտ են նրանց, չեն կարող տրամադրվել միայն մեկ կամ մի քանի հաստատությունների կողմից»,- ասել է ՄԱԿ-ի մանկական հիմնադրամի ղեկավար Տանյա Ռադոչայը:

Նախարարը նշել է, որ ակնկալում է հասարակական, միջազգային կազմակերպությունների և մասնավոր գործընկերների աջակցությունը հատկապես սոցիալական աջակցության համայնքային կառույցների աշխատակիցների և մասնագետների կարողությունների զարգացմանն ուղղված ծրագրերի իրականացման գործում, քանի որ հաստատությունից դուրս եկած երեխան պետք է ապահովված լինի բոլոր անհրաժեշտ ծառայություններով:

Հանդիպման ընթացքում կողմերը քննարկել են նաև երեխաների նկատմամբ բռնության կանխարգելմանը, համընդհանուր ներառական կրթությանը և աղքատության հաղթահարմանն ուղղված մի շարք հարցեր:

Տպել
700 դիտում

Որտեղ է տեղակայվելու Ղարաբաղում հրադադարի վերահսկման ռուս-թուրքական կենտրոնը. Թուրքիան կողմ է, Ռուսաստանը՝ դեմ

Սեր՝ պատերազմից հետո․ Արցախից Վանաձորում ապաստանած 55-ամյա Հայկազն ու Ռուզանը 2 օրից կամուսնանան

Հաբեթնակ Կուրղինյանը հրապարակել է ազատ ոճի ըմբշամարտի Հայաստանի հավաքականի կազմը

Քարակերտ համայնքում ասֆալտապատվել են Պարույր Սևակ, Գայ և Մովսես Խորենացի փողոցները

Գուտերեշը կոչ է արել Երեւանին ու Բաքվին վերսկսել բանակցությունները ԵԱՀԿ Մինսկի խմբի հովանու ներքո

ՀՀ թեկնածուն ընտրվել է Եվրոպայի խորհրդի՝ Մարդկանց թրաֆիքինգի դեմ պայքարի հարցերով փորձագետների խմբի անդամ

Արցախի ԱԳՆ-ն ողջունում է Ֆրանսիայի ԱԺ կողմից Արցախի ճանաչման անհրաժեշտության բանաձևի ընդունումը

Ամենայն Հայոց Կաթողիկոսն ընդունել է մարդասիրական առաքելությամբ Հայաստանում գտնվող ֆրանսիացի բժիշկներին

Նման պայմաններում հավաքականի հաղթանակն ավելի արժեքավոր էր. Արմեն Մելիքբեկյանը պատասխանել է լրագրողների հարցերին

«Ջրվեժ» անտառպարկ մուտքը պետք է դառնա անվճար հանրության համար

Այսօրվա գոռացողների կազմը համընկնում է Հոկտեմբերի 27-ի, Մարտի 1-ի շահառուների հետ. նրանք ձգտում են հեղաշրջման. Մեհրաբյան

Առողջապահության նախարարությունը վարում է ԴՆԹ նույնականացման 2-րդ սարքի ձեռքբերման բանակցություններ

Ժամանակավորապես կդադարեցվի երթևեկությունը Մյասնիկյան պողոտայի մի հատվածում

Գագիկ Ղալաչյանը հետ է կանչվել Ղազախստանում եւ Ղրղզստանում ՀՀ դեսպանի պաշտոնից

Մեծամորում ավարտվել են 2020 թվականի համար հաստատված երկու սուբվենցիոն ծրագրերից մեկով նախատեսված աշխատանքները

Իմ քայլը հիմնադրամի ջանքերով Ստեփանակերտում բացվել է անվճար հացատուն (լուսանկարներ)

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Ամասիայի և Աշոցքի տարածաշրջանների ավտոճանապարհներին տեղ-տեղ առկա է մերկասառույց

Արարատ Միրզոյանը ակադեմիական շրջանակի ներկայացուցիչների հետ քննարկել է հասարակությանը հուզող մի շարք հարցեր

Արցախում է ՌԴ զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին. հանդիպել են ԱՀ նախագահի հետ