Իրավիճակը կարգավորելու փոխարեն տնտեսվարողն անհիմն հրապարակումներ է արել սոցիալական ցանցերում. ՊԵԿ

23/02/2019 schedule22:23

Երեկ՝ փետրվարի 22-ին, «ԽԱԼԴԻ.ԿՈ» ընկերությունը ֆեյսբուքյան իր էջում գրառում էր կատարել, որտեղ ասվում էր, որ իրենց աշխատակիցներին հրավիրել են հարկային տեսչություն՝ զրույցի։

Ըստ գրառման՝ զրույցի բովանդակությունն այն էր, որ անհրաժեշտ է մտածել պետության մասին եւ ավելացնել հարկային մուտքերը: Գրառման մեջ մասնավորապես ասված է․

«Ուզում ենք հատուկ նշել,որ մեր գործունեության ամբողջ ընթացքում մենք եղել ենք բարեխիղճ հարկատու՝ միշտ խփել ենք ՀԴՄ-ները, եւ բոլոր աշխատողները գրանցված են եղել:
Ներկայացվեց պահանջ, որ մենք գոնե ՀԴՄ-ի մեջ ներառենք 10%-անոց սպասարկման վճար, հակառակ դեպքում «Ամեն օր ձեր աշխատողներին կկանչենք մեր մոտ զրույցի, դուք աշխատող չեք ունենա եւ կստեղծենք այլ խոչնդոտներ ձեր աշխատանքի համար»։
Այդ դեպքում 800 դրամանոց սուրճը ավտոմատ կդառնա 880 դրամ, եւ ամենավատն այն է, որ այդ թանկացումը չունի ոչ մի տնտեսական հիմնավորում եւ այդ տարբերությունը վճարելու եք դուք:
Ամենազայրացնող փաստն այն է, որ մեր հարկային մարմինները գործում են «Ռեկետի մեթոդներով»։
Բոլոր շահագրգիռ կողմերին խնդրում ենք տարածել այս հայտարարությունը եւ օգնել մեզ գտնել ելք այս իրավիճակից: Չէ որ սա սիստեմային խնդիր է»:

ՀՀ Պետական եկամուտների կոմիտեն «ԽԱԼԴԻ.ԿՈ» ընկերության կողմից տարածված այս հայտարարության վերաբերյալ պարզաբանմամբ է հանդես եկել, որում, մասնավորապես, նշված է.

««ԽԱԼԴԻ.ԿՈ» ընկերությունը գործունեություն է ծավալում Երեւանում՝ Դեմիրճյան 22, Բաղրամյան 25 եւ Խորենացի 20, տ40 հասցեներում: Ընդ որում, առաջին երկու հասցեներում ծավալում է հանրային սննդի, իսկ վերջին հասցեում՝ առեւտրային գործունեություն:

Ընկերության կողմից ցույց տրվող միջին օրական ֆիսկալային շրջանառությունը չի վկայում այն մասին, որ «ԽԱԼԴԻ.ԿՈ» ընկերությունն իրացման շրջանառությունը հայտարարագրում է ամբողջությամբ: Հարկային մարմնի տեղեկատվական բազայում արտոցոլված տվյալները փաստում են, որ ընկերության կողմից ցույց տրվող ֆիսկալային շրջանառությունը Երեւանի 3 հասցեներում գործունեություն իրականացնելու պայմաններում ակնհայտորեն հեռու է իրականությունից եւ պարունակում է իրացման շրջանառության թերհայտարարագրման ակնհայտ ռիսկեր:

Միաժամանակ երեք հասցեներում «ԽԱԼԴԻ.ԿՈ»-ն գործունեությունը ծավալում է աշխատակիցների այնպիսի քանակով, որը չի կարող համարվել իրատեսական: Ավելին՝ գրանցված աշխատակիցների մասնագիտությունները վկայում են այն մասին, որ վերջինս չունի նաեւ տվյալ գործունեությունն իրականացնելու համար անհրաժեշտ գրանցված մասնագետներ (օրինակ՝ հնարավոր չէ իրականացնել խոհարարական արտադրանքի պատրաստում եւ մատուցում առանց խոհարար ունենալու): 

Ընկերության կողմից հայտարարագրված աշխատողների քանակը (աշխատաժամերը) եւ հայտարարագրված աշխատավարձերի մեծությունը մի քանի անգամ ցածր են Երեւանում վճարվող աշխատավարձերի չափից:

Այս խնդիրները ներկայացվել են հարկ վճարողին՝ առաջարկելով շտկել հարկերի թերհայտարարագրման ռիսկերը: Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում: 

Համաձայն ՀՀ հարկային օրենսգրքի՝ հարկային գաղտնիք է համարվում հարկ վճարողի, հարկ վճարողի գործունեության վերաբերյալ հարկային մարմնի կամ հարկային ծառայողի ստացած ցանկացած տեղեկություն, բացառությամբ՝ հարկ վճարողի կողմից կամ նրա համաձայնությամբ հրապարակված տեղեկությունների:

Հաշվի առնելով վերը նշված դրույթը՝ հարկային մարմինը չի կարող հրապարակել ընկերության ցուցանիշները, որոնք ցանկացած քաղաքացու համար հասու կդարձնեին ընկերության մոտ առկա ռիսկային գործոնները:

Այնուամենայնիվ, որպեսզի հանրության մոտ չառաջանա միակողմանի տպավորություն հարկային մարմնի աշխատանքի վերաբերյալ, հարկային մարմինն առաջարկում է «ԽԱԼԴԻ.ԿՈ» ընկերությանը, նմանատիպ հրապարակման հետ միասին, հրապարակել նաեւ ըստ առանձին հասցեների` ընկերության միջին օրական հայտարարագրված ֆիսկալային շրջանառությունը, աշխատողների հայտարարագրված աշխատաժամերը, միջին օրական մաքուր աշխատավարձի չափերը, գրանցված աշխատողների մասնագիտությունները եւ ընկերության հարկային կարգապահությունը բնութագրող այլ ցուցանիշներ:

Որպես այլընտրանք՝ ընկերությունը կարող է տալ իր համաձայնությունը եւ հարկային մարմինը նույնպես կարող է հրապարակել վերը նշված ցուցանիշները»:

Տպել
2376 դիտում

«Para TV» կայքի աշխատակիցը հավաքի ժամանակ չի դանակահարվել, այլ կենցաղային վեճի արդյունքում. Ջանոյան

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան

Մարկ Փրիթչարդի հետ քննարկվել են բարձր տեխնոլոգիաների եւ ճանապարհաշինության ոլորտներում գործակցության հնարավորությունները

Ադրբեջանում հայերի նկատմամբ ռասիստական դրսեւորումներն անհնար դարձրին Մխիթարյանի մեկնելը Բաքու. ՀՀ ԱԳՆ մեկնաբանությունը

Համաշխարհային մաքսային կազմակերպության փորձագետները տպավորված են վերջին 10 տարիներին ՀՀ ՊԵԿ-ում տեղի ունեցած առաջընթացից