Մրցակիցներիս մեծ մասը պատահական հայտնված մարդիկ են. նախկին խորհրդականը՝ Հանրային ռադիոյի տնօրենի մրցույթի մասին

Մարտի 12-ից Հանրային ռադիոյի տնօրենին ընտրող մրցութային ժամանակավոր հանձնաժողովը նախագահ Երվանդ Երզնկյանի գլխավորությամբ ծանոթանում է մրցույթի մասնակիցների հետ: Ռադիոյի տնօրենի թեկնածուները հերթով հրավիրվում են հանձնաժողովի անդամների մոտ, ընդհանուր զրուցում եւ մանրամասն ներկայացնում իրենց ծրագիրը:

Հանրային ռադիոյի տնօրենի մրցույթի 30 մասնակիցների թվում է նաեւ ռեժիսոր, մշակույթի նախարարի նախկին խորհրդական Դավիթ Մաթեւոսյանը:

Մաթեւոսյանն իր մրցակիցների մեծ մասին համարում է պատահական հայտնված մարդիկ. «Որեւէ մեկին ցանկություն չունեմ վիրավորելու, բայց նրանց մի մասն ուղղակի ուզում են իրենց շանսը փորձել, իսկ մյուս մասն էլ փորձ են անելու ռադիոյում իրավիճակը պահել ճիշտ այնպես, ինչպես եղել է մինչ այս, ինչը որ անթույլատրելի եմ համարում»:

Այնուամենայնիվ ռեժիսորը չբացառեց, որ մրցույթի մասնակիցների մեջ գիտակներ եւ իրենց գործում պրոֆեսիոնալներ էլ լինեն: Մաթեւոսյանից հետաքրքրվեցինք, թե ռեժիսորին ինչը դրդեց Ռադիոյի գործադիր տնօրենի պաշտոնի համար պայքարել եւ ինչ հստակ ծրագիր ունի, որով ընտրվելու դեպքում պատրաստվում է առաջնորդվել:

Դավիթ Մաթեւոսյանը վստահեցրեց, որ էապես ծանոթ է ոլորտի խնդիրներին, լինի դա ռադիո, կինո, հեռուստատեսություն, կամ առհասարակ մշակույթ. «Ուզում եմ հիշեցնել, որ դեռ 90-ականների սկզբներին հեռուստառադիոպետկոմի աշխատակից եմ եղել: Ռեժիսոր լինելուց առաջ նաեւ մշակույթի գործիչ եմ՝ հետաքրքրություններիս եւ գործունեությանս մեջ էլ: Ինչպես հայտնի է՝ հեռուստատեսությունը, ռադիոն, կինոն եւ լրագրությունը մեդիադաշտի գործունեություններ են եւ ես այդ ամենով ի պաշտոնե եւ ժամանակների բերումով միշտ եմ զբաղվել»:

Մաթեւոսյանը նկատեց, որ այսօր Հանրային ռադիոն նորմալ տեսքի բերելու կարիք ունի: Պետք է վերակենդանացնել եւ ոտքի հանել, այնպես, ինչպես դա պատկերացնում են ռադիոյի ներսում մնացած իրական պրոֆեսիոնալները:

Խոսելով իր շանսերի մասին՝ Մաթեւոսյանը նկատեց, որ եթե խոսքը ոչ մանիպուլյատիվ եւ ներքին պայմանավորվածության բերումով ընտրությունների մասին է, ապա հսկայական շանսեր ունի, եւ հակառակը՝ չունի, եթե տնօրենի ընտրելու որոշումը կայացվի առտնին, ներքին խոհանոցային կարգով:

Մեր հարցին, թե անաչառ ընտրություններ ակնկալու՞մ է, Մաթեւոսյանն ասաց. «Հայաստանն այս պահին հետհեղափոխական հրաշալի վիճակում է, որտեղ երբեմն ձախողումներ են տեղի ունենում, երբեմն էլ փայլուն հաղթանակներ ու պոզիտիվ երեւույթներ: Ամեն դեպքում վիճակը հրաշալի է, որովհետեւ շունչ կա, իսկ թե ինչ տեղի կունենա այս պարագայում, հասարակական խմորումների եւ երկրի պահանջարկի առումով՝ չեմ կարող ասել: Եթե նույնիսկ այդ վրիպումը, կամ սխալ նշանակումը լինեմ ես, կարծում եմ՝ հրապարակ դուրս եկած իր առողջ մասով հասարակությունն այդ ամենն իր ձեռքն է վերցնելու եւ շտկելու է»:

Հիշեցնենք, որ ռադիոյի տնօրենին ընտրող մրցութային ժամանակավոր հանձնաժողովի նախագահն է կոմպոզիտոր, դիրիժոր Երվանդ Երզնկյանը: Հանձնաժողովի կազմում են՝ կինոդրամատուրգ Լեւոն Գալստյանը, գրող, հրապարակախոս Մերուժան Տեր-Գուլանյանը, հաղորդավար, դերասան, թարգմանիչ ու ասմունքող Սարգիս Նաջարյանը եւ Հ1-ի ծրագրերի նախկին տնօրեն Մարատ Օրդյանը:

Տպել
598 դիտում

ԿԳՄՍ նախարարությունում քննարկվել է բարձրագույն կրթության 3-րդ աստիճանի որակի ապահովումը

Մի քանի ժամ տեւած բողոքի ակցիայից հետո ցուցարարները բացել են Հայաստան-Վրաստան միջպետական ճանապարհը

Սյունիքի մարզի Ծավ համայնքին կից անտառում հրդեհ է բռնկվել. սահմանել են հերթապահություն

Վենետիկի հանձնաժողովը բեղմնավոր է գնահատում ՀՀ իշխանությունների հետ գործակցությունը. հայտարարություն

ԵԽ փորձագիտական խումբը կաջակցի ազգային երիտասարդական ռազմավարության վերանայմանը

Երևանում հեռուստաաշտարակի հարևանությամբ կողաշրջվել է ցեմենտ տեղափոխող բեռնատարը

Գյումրու շուկայում ՍԱՏՄ-ն առանց փորձաքննության մսեղիք է հայտնաբերել (լուսանկարներ)

ԱԱԾ տնօրենի հանձնարարականով աշխատանքային խորհրդակցություն է անցկացվել

«Լուսավոր Հայաստան» խմբակցության քարտուղար Գեւորգ Գորգիսյանին դատի են տվել

«Բանանցի» երկրպագուները նայելու ոչինչ չունեին. խայտառակ պարտություն կրեց, դուրս մնաց ԵԼ-ից

Հուլիսի 4-ից ուռուցքաբանական հիվանդությունների ճառագայթային թերապիայի մասով կատարվել են փոփոխություններ

Այն, ինչ հիմա տեղի է ունենում Հայաստանում, պայքար է հին ու նոր համակարգերի, ապագան կերտելու հին ու նոր մեթոդների միջեւ

2021 թվականին ԱՊՀ զբոսաշրջության խորհրդի նիստը կանցկացվի Հայաստանում

Շորթում կատարելու համար մեղադրվող լրագրողը 2 մլն դրամ գրավի դիմաց ազատ կարձակվի

Հուլիսի 18-ին կառավարությունը կքննարկի Մարտի 1-ի ժամանակ տուժածներին որպես աջակցություն տրամադրվող գումարի չափը

Խաբեությամբ տիրացել են Օրբելյանի 600 000 ԱՄՆ դոլարին. ոստիկանությունը քննություն է սկսել

111 երթուղու փոխարեն կլինի 42-ը. ներկայացվել է հասարակական տրանսպորտի նոր ցանցի վերջնական նախագիծը

Տիգրան Ավինյանը մասնակցեց էներգետիկ արդյունավետությանը և կայուն զարգացմանը նվիրված կլոր սեղանին

Դավիթ Տոնոյանն ընդունել է Միացյալ Թագավորության կառավարության փորձագետներին

Համայնքների սեփական եկամուտների գծով հավաքագրումներն աճել են 2 մլրդ 960 միլիոն դրամով