Էկրաններին է աստղային դերասանական կազմով «Ա.Կ.Ա.» դրաման

Մեծ էկրաններ բարձրացավ «Ա.Կ.Ա.» դրաման: Այսօր՝ մարտի 21-ին, տեղի ունեցավ պրեմիերան: Դրամայի ռեժիսորն Արմեն Միրզոյանն է, պրոդյուսերները Արաբո Գրիգորյանն ու Սարգիս Գրիգորյանն են, որոնք նաեւ մարմնավորում են գլխավոր հերոսներից երկուսին: Փակ ցուցադրությունից հետո կայացած մամուլի ասուլիսի ընթացքում հեղինակներն առաջին հերթին բացատրեցին վերնագրի նշանակությունը: 2 եղբայրների ու նրանցից կրտսերի ընկերոջ անունների սկզբնատառերն են՝ Արթուր, Կարեն, Արամ: Սարգիս Գրիգորյանը, որը հանդես է գալիս Կարենի դերում, նաեւ բացատրեց՝ ինչու է իր կերպարի մականունը հնչում նույն կերպ՝ Ակա, ու ինչու է կերպարի վզին «74» դաջվածքը:

««Ակա» նաեւ ինքնաձիգ է (խմբ. «АК 74»), զենքի տեսակ է: Երկու երնեկ ենք արել. «АК»-ն, որ խաղացվի, եւ լինի հերոսների անունների առաջին տառերը»,- ասաց նա:

Ֆիլմը պատմում է եղբայների մասին, որոնք ընտանիքի մտերիմ ընկեր ձեւացող Վասակ Խաչատրյանի (Գեորգի Հովհաննիսյան) պատճառով հայտնվում են տարբեր կողմերում: Ավագ որդին՝ Արթուրը (Խորեն Լեւոնյան), շարունակում է գեներալ հոր ուղին, կրտսերը՝ Արամը (Արաբո Գրիգորյան), անպատասխանատու է ու վատ շրջապատում հայտնված: Մի օր ակումբում կռվի ու հրաձգության մասնակից է դառնում, որի ընթացքում մարդ է սպանվում: Իր ու բոլորի կարծիքով՝ ինքն է մարդասպանը: Հորն էլ աշխատասենյակում գտնում են սպանված: Արթուրը եղբորը մեղադրում է հոր ինքնասպանության մեջ, ու նրանք թշնամանում են: Կարենը՝ Ական, մնում է ընկերոջ կողքին: Սարգիս Գրիգորյանը պարզաբանում է, որ իրենք փորձել են ներկայացնել 3 հայ տղամարդկանց, որոնցից յուրաքանչյուրն իր տեսանկյունից ճիշտ է:

«3 իսկական տղերք էին խաղում: Այստեղ խնդիր էր դրված ցույց տալ հայկական իսկական տղամարդկանց, որոնք ունեն արժանապատվություն, թասիբ, նամուս: Չեք կարող այդ 3 տղամարդկանցից մեկին առանձնացնել, որ ինքն իր տեսակետից ճիշտ չէ, ուղղակի խնդիր կար ներելու: Առաջին հերթին փորձել ենք՝ իսկական տղամարդկանց մասին լինի ու հրաշալի կանանց մասին, ոչ թե սարքած: Փորձել ենք մի քիչ հայաֆիկացնել, որ հայ տղամարդու կերպարը երեւա: Սա ինձ համար շատ կարեւոր է, որովհետեւ, ցավոք սրտի, մի քիչ, կարծես, տղամարդկանց ձայները բարակել են»,- ասաց նա:

Սարգիս Գրիգորյանն իր հարցազրույցներում պարբերաբար նշում է, որ հայկական իրականության մեջ քիչ են լավ ֆիլմերը: Հիմա ինքն է ֆիլմատադրության փորձ անում: Ընդգծում է, որ որպես հեղինակներից մեկը սթափ չի կարողանում գնահատել ու անընդհատ թերություններ է գտնում, սակայն մյուս կողմից սա, ըստ նրա, նոր քայլ է:

«Ինձ 100%-ով դուր չի գալիս: Նորմալ է, որ դուր չի գալիս: Ես նայել եմ այս ֆիլմը, երեւի, հազար անգամ: Ինչքան նայեմ, բնականաբար այդքան թերություններ եմ հայտնաբերելու: Բայց, որ մի քայլ է արվել առաջ, այլ ոչ թե հետ, համոզված եմ, որ այդպես է»,- ասաց նա:

Ֆիլմի դերասանական կազմն աստղային է: Կերպարները մարմնավորել են հայաստանյան հեռուստադիտողներին հայտնի դեմքեր: Բացի նշվածներից՝ դերերում են նաեւ Նարինե Պետրոսյանը, Աննա Գրիգորյանը, Աննա Դովլաթյանը եւ այլն: Հետաքրքիր է եղել Վասակ Խաչատրյանին մարմնավորողի ընտրությունը: Ռեժիսորը պատմում է, որ բոլորովին այլ թեմայով զրուցել են Գեորգի Հովհաննիսյանի հետ: Որոշ ժամանակ անց Սարգիս Գրիգորյանն առաջարկել է հենց նրան տալ դերը: Արդյունքում իրենք ստացել են մի մարդու կերպար, որի արտաքինից դժվար է կռահել, որ նա կարող է չարագործ լինել:

«Ասում եմ նրա դեմքը տեսե՞լ ես, ինչպե՞ս կարող է չար լինել: Ասում է՝ չէ, պատկերացնո՞ւմ ես բարի դեմքով չար»,- ասում է Արմեն Միրզոյանը:

Ֆիլմի նախապատրաստական աշխատանքները տեւել են 1 տարի, նկարահանումները՝ 26 օր: Ստեղծագործական թիմի անդամները նշում են, որ բազմաթիվ բարդ տեսարաններ եղել, դրանցից մեկը ավտոմրցավազքի տեսարանն է, որը դժվար է եղել ոչ միայն տեխնիկական առումով, այլեւ այն պատճառով, որ պետք է քաղաքապետարանից փողոցներ փակելու թույլտվություն ստանային: Առանց «զոհերի» էլ նկարահանումները չեն անցել: Սարգիս Գրիգորյանի լսողությունն է վատացել:

«Ինձ կրակելու տեսարանում պիրոտեխնիկան այնքան մոտ էր դրված, որ ականջիս լսողությունը մոտավորապես 20%-ով իջել է, ինձ ասացին, որ պետք է համակերպվես ողջ կյանքի ընթացքում»,-ասաց նա:

Ֆիլմում ի վերջո ամեն ինչ պարզվում է ու եղբայրները հաշտվում են: Արամը սիրահարվում է ակումբի երգչուհուն, որը տարիներ առաջ տեղի ունեցած հրաձգության ընթացքում հենց իր հարվածից կուրացել էր: Աղջիկը նրան ներում է, իսկ տեսողությունը վերականգնելուց հետո պատմում, որ ինքը հստակ տեսել է, որ մարդասպանն ուրիշ անձ է եղել: Արամը նաեւ պարզում է, որ հայրը ոչ թե ինքնասպան է եղել, այլ նրան սպանել է Վասակը:

Տպել
1907 դիտում

Արմեն Սարգսյանը ներկա է գտնվել Սուրբ Զատկի ճրագալույցի պատարագին

Ֆրանսիացի ոստիկանները պարզել են՝ Աստվածամոր տաճարի որ հատվածից է սկսել տարածվել հրդեհը

Զատիկի լավաշն ենք թխում․ Նաիրա Զոհրաբյանը նոր լուսանկարներ է հրապարակել

Աշտարակում Mercedes-ը մի քանի պտույտ անելով՝ գլխիվայր հայտնվել է դաշտում․ զոհեր եւ վիրավորներ չկան

Քրիստոսի հրաշափառ հարության տոնը վերածնում եւ ամրապնդում է հավատը սեփական ուժերի հանդեպ․ Արմեն Սարգսյանի շնորհավորանքը

Հայաստանում առաջիկա օրերին կրկին տեղումներ են սպասվում

ՀՀ ոստիկանության պետը պարգևատրել է հասարակական խորհրդի անդամներին

Երեւանում կտեղադրվեն Հ․ Սայադյանի, Պ․ Զեյթունցյանի, Կ․ Մելիք-Օհանջանյանի եւ Հր․ Թամրազյանի հուշատախտակները

Դ․ Սանասարյանի դեմ իրականացվող քրեական հետապնդումն անհիմն է, նրա դեմ գործ են սարքել․ պաշտպան Ինեսսա Պետրոսյան

Արցախում 10-ամյա եղբոր սպանության մեջ մեղադրվող 18-ամյա երիտասարդը կալանավորվել է

Քրեակատարողական ծառայությունում քննարկվել են ՔԿՀ–ներում տիրող ապօրինությունների վերաբերյալ ստացված հանձնարարականները

ՀՀ ԶՈՒ գլխավոր շտաբի պետը հանդիպել է ՌԴ Հարավային ռազմական շրջանի հրամանատարի հետ

Վալերի Օսիպյանը կրկին սահմանապահ ոստիկանների է ճանապարհել դիրքեր

Մոնտեբելոյում վնասել ու կոտրել են Հայոց ցեղասպանության հուշարձանի մասին ազդարարող ցուցատախտակը

Առողջապահության փոխնախարարի հետ կապված կոռուպցիոն գործը շոկ էր նախարարության անձնակազմի եւ ողջ համակարգի համար․ Թորոսյան

Անբարենպաստ եղանակի պատճառով վթարվել է Իջեւանի հեռուստակայանը սնող էլեկտրահաղորդման գիծը

Հայաստանն ու Ռուսաստանը քննարկում են զինուժի մարտական պատրաստության համատեղ միջոցառումների կազմակերպման հարցեր

Ձյուն է տեղացել նաեւ Հայաստանի ամենատաք վայրում՝ Մեղրիում․ Գագիկ Սուրենյան

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 250 անգամ

ԵՄ-Հայաստան. եկան, քլնգեցին, գնացին