Գիքորի պես գոռալով, էստի համեցեք ասելով` ուղևորներին «փախցնում» են. Արմավիր-Երևան երթուղու գործադուլը շարունակվում է

Արմավիր-Երեւան միկրոավտոբուսների վարորդները երեկվանից կառավարության դիմաց բողոքի ակցիա են անում` հրաժարվելով երթուղի դուրս գալ: Նրանց բողոքն ուղղված է սպիտակ համարանիշներով անօրինական գիծ մտած կազմակերպությունների դեմ: 

Արմավիր-Երեւան երթուղին սպասարկում է «Գալակտիկա տրանս սերվիս» ընկերությունը: «Հայկական ժամանակ»-ի հետ զրույցում ընկերության ղեկավար Շուշանիկ Խաչատրյանն ասաց, որ 2 օր է՝ իր միկրոավտոբուսները չեն աշխատում, բայց նախարարությունից որևէ արձագանք և մտահոգություն չկա: Կազմակերպությունն արդեն 30-40 տարի աշխատում է, բայց երկար ժամանակ է՝ ընկերության երթուղիներ կանգնած են այս խնդրի առաջ: Ամռանից այս խնդիրը բարձրաձայնել են, մի ամսվա մեջ 50-ից ավելի դիմում ենք գրել, դիմել ենք բոլոր կառույցներին, որ վերացնեն Արմավիր-Երեւան գծի մեջ ապօրինաբար վաճառվող ընկերությունները, սակայն նախարարությունից իրենց առաջարկել են շարունակել աշխատել և սպասել:

Ըստ «Գալակտիկա տրանս սերվիս» ընկերության ղեկավար Շուշանիկ Խաչատրյանի՝ երթուղագիծը սպասարկելու համար միկրոավտոբուսները վարկերով է ձեռք բերել, բիզնեսն ընդլայնելու համար էլ 410 միլիոն դրամի ներդրում է արել, վարորդներն էլ իրենց գրպանից գումարներ են ծախսել, լիցենզիա եւ դեղին համարանիշներ հանել, բայց այսօր մնացել են առանց ուղևորահոսքի: Այսօր իրենց պահանջը միայն օրինականութունը վերականգնելն է.
«Նախարարությունը թող ոչ թե քրեական հեղինակություններին տեղ տա, այլ իր փոխադրողներին: Այս հարցին վաղուց կարող էին լուծում տալ, որ ես էլ կարողանայի աշխատել: Ո՞նց կարող է ղեկավարությունը գա, տեսնի՝ 30-40 մեքենա ապօրինաբար, սպիտակ համարներով, սեփական համարներով աշխատում է ու մինչ այսօր քայլեր չձեռնարկի»- ասաց Շուշանիկ Խաչատրյանը:

Նրա վստահեցմամբ՝ ապօրինաբար աշխատող և իրենց աշխատանքը խոչընդոտող «գծի տերերից» մեկը Սիմոնյան Ռուբենն է, ով հայտնի է Բոգո անունով:

«6-7 գիծ վաճառել են Արմավիր-Երևան գծի մեջ: Մի քանիսի անունները կարող եմ ասել, հենց մեկը Բոգոն`Սիմոնյան Ռուբենը, ու նրա հետ էլ մի քանի հոգի Նորագյուղից: Հենց մենակ 45-50 մեքենա` չհաշված 7 տեղանոց տաքսիները, իրենց աշխատողների մեքենաները, Բոգոն է աշխատեցնում: Կիլիկա ավտոկայանի կողքը ավտոկայան են սարքել ու աշխատում են, նախարարությունն էլ ոչ մի քայլ չի ձեռնարկում»- ասաց Շուշանիկ Խաչատրյանը:

Շուշանիկ Խաչատրյանի խոսքով՝ այնքան շատ են Արմավիր-Երեւան գծի մեքենանները, որ իրեն`օրինական շահագործողին, հերթ չի հասնում.

«26 մեքենա պետք է շահագործեմ, բայց 8-9 մեքենա էլ չեմ կարողանում աշխատացնել: Բանգլադեշի գծի մեքենան ի՞նչ իրավունք ունի Արմավիրում աշխատի կամ ռուսական համարներով մեքենաները ի՞նչ իրավունք ունեն երթուղի սպասարկեն:

Նրա խոսքով՝ այս խնդիրը չի վերաբերում միայն Արմավիր-Երեւան երթուղագծին: «Գալակտիկա տրանս սերվիս» ընկերությունը սպասարկում է նաև այլ տարածաշրջաններում, որտեղ ևս առկա է նման խնդիր:
«Գիքորի պես գոռալով, էստի համեցեք ասելով`ուղևորներին «փախցնում են, իմ մեքենաներն էլ մնում են դատարկ» - հավելեց Շուշանիկ Խաչատրյանը` հույս ունենալով, որ նախարարությունը քայլեր կձեռնարկի և կվերացնի ապօրինությունները:

ՀՀ տրանսպորտի, կապի եւ տեղեկատվական տեխնոլոգիաների նախարար Հակոբ Արշակյանը երեկ կառավարության նիստից հետո պարզաբանել է ստեղծված իրավիճակը. «Բավականին լուրջ միջոցառումներ ձեռնարկվել են, տուգանքներ են գրվել բազմիցս: Այնուամենայնիվ, խնդիրը դեռ առկա է, բայց այս պահին էլ բավականին լուրջ, ակտիվ աշխատանք է տարվում: Մեծ մասը չեզոքացվել է խնդիրների, մի փոքր մասն է մնացել, որը նույնպես կլուծվի: Ե՛վ ՊԵԿ-ը, ե՛ւ ոստիկանությունը, ե՛ւ տեսչական մարմինը ակտիվորեն մեզ հետ համագործակցում են եւ աշխատում են, որպեսզի խնդիրը շուտափույթ լուծում ստանա: Սպիտակ համարներով միկրոավտոբուսներն էլ մի քանի անգամ տուգանվել են»: 

Նախարարը նաեւ ասաց՝ նախարարությունն այնպիսի խնդրի առաջ է կանգնած, երբ փոքր՝ 8 տեղանոց մեքենաները կայանում են եւ սկսում են ուղեւորափոխադրումներ իրականացնել: Դա համարեց օրենսդրական բաց, որի ուղղությամբ աշխատանքներ են տարվում, որպեսզի այդ բացը լրացվի եւ վնաս չհասցվի մեր կանոնավոր ուղեւորափոխադրողներին:

Ավելի վաղ տեղեկացրել էինք, որ նախարարությունը, ինչպես նաեւ «Հայավտոկայարան» ՓԲԸ-ի նոր տնօրինությունը փորձում է կարգուկանոն հաստատել սույն ոլորտում: Այսօր հայտնի դարձավ, որ Բոգոյի եղբայրը՝ ավտոկայանի նախկին տնօրենն իր գործընկերոջ հետ, 21.6 մլն դրամի հափշտակություն է արել: Առերևույթ հանցագործության վերաբերյալ նախապատրաստված նյութերով ՀՀ քրեական օրենսգրքի 179-րդ /Յուրացնելը կամ վատնելը/ և 308-րդ /Պաշտոնեական լիազորությունները չարաշահելը/ հոդվածների հատկանիշներով հարուցվել է քրեական գործ: ՀՀ ոստիկանության կազմակերպված հանցավորության դեմ պայքարի գլխավոր վարչությունը նյութերն ուղարկել է ՀՀ քննչական կոմիտե՝ նախաքննության համար:

Տպել
1133 դիտում

Թիմի աշխատանքից լիարժեք գոհ չեմ, իմ աշխատանքից էլ լիարժեք գոհ չեմ. Նիկոլ Փաշինյան

Հանձնարարականը պոզով-պոչո՞վ է լինում, արդեն 10 ամիս ուշացել եք. վարչապետը՝ ոստիկանությանը

Ունենք կառավարություն, որտեղ ընդգրկված հաշմանդամություն ունեցող մարդիկ ի զորու են խնդիրներ լուծել. վարչապետ

Երևանը պետք է ունենա գրադարանների կառավարման նոր համակարգ, և այն պետք է բխի հասարակության շահերից. փոխքաղաքապետ

Աննա՞, էդքան անհետաքրքիր ա՞. վարչապետի կնոջ «աչքը կպել էր» ֆեյսբուքյան ուղիղ եթերի ընթացքում

Ն. Փաշինյանը խոստացավ անձամբ զբաղվել ծնողազուրկ զինվորին Արցախ չտեղափոխելու խնդրանքով

Գործ հարուցելու համար պարտադիր պետք են հիմքեր. վարչապետը՝ Սերժ Սարգսյանի նկատմամբ քրգործ հարուցելու մասին

Շատ եմ վերլուծել այդ օրվա իմ գործողությունները. վարչապետը՝ մաքսատան աշխատակցի ազատման մասին

Մենք այժմ մշակում ենք մի ծրագիր, որով պետք է պատանիներին ներգրավենք մշակութային միջոցառումների մեջ. Փաշինյան

«Պապ, բա Աշոտը ե՞րբ ա գալու». փոքրիկ Արփին ուղիղ եթերում դիմեց Նիկոլ Փաշինյանին

Սաշիկի արգաչափերը, կոռուպցիան, բյուջեն ու կադրային ջարդը. վարչապետը՝ կետ առ կետ իր խոստումների մասին

«Հենց քուչի մեջն էլ մորթեք». Երեւան քաղաքի դատախազը հրապարկեց քրեական հեղինակությունների գաղտնալսումները

«ՀԺ»-ի ֆոտոլրագրողը՝ ոստիկանության՝ «Մակարով» տեսակի ատրճանակից հրաձգության առաջնության հաղթող

Տավուշի մարզպետարանը պարզաբանում է Դիլիջանի խմելու ջրի որակի ուսումնասիրությունների արդյունքները

Փաստը, որ ՊՎԾ պետն ԱԱԾ-ին մեղադրում է «շինծու» փաստեր ներկայացնելու մեջ, լրացուցիչ հնչեղություն է տալիս միջադեպին

2020 թվականից Հայաստանը կունենա նաեւ կանանց ֆուտբոլի ազգային հավաքական

ԱԺ նախագահը գոհ է ԱՊՀ ՄԽՎ 49-րդ լիագումար նստաշրջանի աշխատանքներից

Գարեգին Բաղրամյանն ազատվել է էներգետիկ ենթակառուցվածքների և բնական պաշարների փոխնախարարի պաշտոնից

Երթևեկության կանոնների խախտումների ծանուցումների մասին գործընթացի հետ կապված պարզաբանումներ՝ ոստիկանությունից

Մեզ բացարձակ չի հետաքրքրում, թե որ տնտեսվարողի հետեւում ով է կանգնած. ՊԵԿ 1-ին տեղակալ Ռաֆիկ Մաշադյան