Կառավարությունից խոստացել են 5-օրյա ժամկետում «մաքրել» գիծը. Երեւան–Արմավիր երթուղին դադարեցրել է գործադուլը

Այսօր` ապրիլի 1-ին, Երեւան–Արմավիր-Երեւան երթուղին սպասարկող «Գալակտիկա տրանս սերվիս» ՍՊԸ–ն ժամանակավորապես դադարեցրել է գործադուլը եւ միկրոավտոբուսները դուրս բերել կառավարության շենքի տարածքից:

«Հայկական ժամանակի»-ի հետ զրույցում «Գալակտիկա տրանս սերվիս»-ի տնօրեն Շուշանիկ Խաչատրյանը ասաց, որ համաձայնել են դադարեցնել բողոքի ակցիան, քանի որ այսօր կառավարությունից խոստացել են 5-օրյա ժամկետում ստուգումներ սկսել` երթուղու գիծը ապօրինի տրանսպորտային միջոցներից մաքրելու նպատակով:

«Մենք համաձայնել ենք դադարեցնել գործադուլը, քանի որ մեզ խոստացել են հանձնաժողով ձեւավորել եւ «մաքրել» Երեւան-Արմավիր երթուղու գիծը: Այսօրվա ժողովին ներկա էին տեսչության պետը, վարչապետի օգնականը, խորհրդականը, Կիլիկիա ավտոկայանի տնօրենը և բազմաթիվ լրագրողներ»-ասաց Շուշանիկ Խաչատրյանը:

«Գալակտիկա տրանս սերվիս» ՍՊԸ-ի տնօրենի խոսքով՝ վարչապետի օգնական Նաիրի Սարգսյանը հավաստիացրել է, որ հետեւողական են լինելու հարցի արմատական լուծմանը. «Մեզ ասել են, որ առավոտից տեսչությունով գալու էին ստուգումների, բայց ոչ մի ստուգում էլ չի եղել: Նախարարությունը, եթե ուզեր, կարող էր մի քանի օրվա մեջ երթուղու գծից հանել ապօրինի մեքենաները, բայց չուզեց: Հիմա մենք հավատացել ենք, որ մի բան կանեն, դադարեցրել են բողոքի ակցիան, բայց եթե այս անգամ էլ հարցին լուծում չտրվեց, մենք էլ տեղներս նստող չենք»:

Շուշանիկ Խաչատրյանը հույս հայտնեց, որ 5-օրյա ժամկետում հարցը գոնե մասամբ լուծում կստանա, իսկ ինքը կկարողանա իր` օրենքով շահած գիծն աշխատեցնել:

Հիշեցնենք, որ արդեն 8-րդ օրն է՝ Արմավիր-Երեւան երթուղին սպասարկող «Գալակտիկա տրանս սերվիս» ՍՊԸ–ն կառավարության դիմաց բողոքի ակցիա է անում` հրաժարվելով երթուղի դուրս գալ: Ավելի վաղ տեղեկացրել էինք, որ երթուղու բողոքն ուղղված էր սպիտակ համարանիշերով անօրինական գիծ մտած կազմակերպությունների դեմ: Շուշանիկ Խաչատրյանը, դադրեցնելով երթուղու աշխատանքը, պնդում էր՝ ապօրինի 6-7 գիծ վաճառել են Արմավիր-Երեւան գծի մեջ եւ 40-ից 50 մեքենա շահագործվել է առանց մրցույթի, դեղին համարներով մտել երթուղի:

Տպել
1764 դիտում

ՍԴ մտնելու պատրվակով աղմուկ առաջացնել, ամեն գնով Քոչարյանի գործով որոշում կայացնել...ինչ սցենարներ կարող են լինել վաղը

Վարդենիսում կհիմնանորոգվի երաժշտական դպրոցը, կկառուցվի եւ կվերակառուցվի լուսավորվածության ցանցը, կասֆալտապատվի 10 փողոց

Հրապարակվել է առաջիկա օրերին կայանալիք չվերթների ցանկը

Հայտնի է Ֆրանսիայի նոր կառավարության կազմը. կան նորեկներ, վերանշանակումներ ու փոխադրումներ

«Առողջ եղիր»՝ հորդորում ու մաղթում են երեխաները գյուղերից

ԱԺ-ն հուլիսի 8-ին արտահերթ նիստ է հրավիրել

Բնակարանային գողություն Ավանում. հափշտակված դրամապանակում նախնական տվյալներով՝ 1307 դոլար և 40 հազար դրամ է եղել

Հիմնանորոգվում է Ծովակ համայնքի խմելու ջրատարի արտաքին ցանցը

Արթիկում 21-ամյա երիտասարդ է դանակահարվել. կասկածյալը տղայի մորաքրոջ 49-ամյա ամուսինն է (տեսանյութ)

Նոր դպրոցի համար կառուցվելիք վերգետնյա անցումը թթվածնի նման անհրաժեշտ է աշակերտներին

Պարենի անվտանգությունը առաջնային նշանակություն ունի. նախագահի հանդիպել է «Սյունիք Ֆուդ» ընկերության սեփականատիրոջը

ՀՀ նախկին վարչապետ Արմեն Դարբինյանը դատի է տվել Իոսիֆ Կուբատյանին

Պետությունը տրիաժ ծառայության համար ֆինանսավորում կտրամադրի «Գյումրի» ԲԿ-ին. կենտրոնում 15 մահճակալանոց մեկուսարան կա

Եթե անորոշությունները շարունակվեն, 3-րդ եռամսյակում բյուջեի եկամուտների մի փոքր ավելի մեծ նվազում կունենանք․ պատգամավոր

Կորոնավիրուսով վարակված բժիշկներն առողջացել, վերադարձել են. «Գյումրի» ԲԿ-ն վերսկսում է պլանային վիրահատությունները

Մահվան ելքով պատահարները նվազել են, իշխանության ներկայացուցչի նկատմամբ բռնություն գործադրելու դեպքերը՝ աճել

Լեռնակերտում կընդլայնվի լուսավորության ցանցը. 38 նոր լուսակետ կավելանա

Արարատի մարզպետը 2019-ին 15 մլն դրամից ավելի եկամուտ է ստացել․ նրա հայրը նոր մեքենա է գնել

Արցախում ցեմենտի արտադրության գործարան կկառուցվի

Երեւանի գործող մանկապարտեզների աշխատակիցները կստանան հավելավճարներ, մյուսները կվճարվեն 100%-ով