Երեւի մարդիկ կան, ում ես խանգարում եմ. Վազգեն Ռշտունին իր անվան շուրջ խոսակցությունների մասին

27/05/2019 schedule18:32

Վերաքննիչ քրեական դատարանի նախագահ Վազգեն Ռշտունին թեեւ պատրաստ է վեթինգի ենթարկվել, բայց չի ողջունում բոլորին վեթինգի ենթարկելու գործընթացը:

Այս մասին մեր հարցին ի պատասխան մինչ դատավորների ժողովի մեկնարկը ասաց ինքը՝ Ռշտունին՝ շարունակելով. «Մամուլը բոլորից լավ կարողանում է վեթինգի ենթարկել, դրա համար այդ առումով չգիտեմ, ընդհանուր ժողովում կքննարկենք, ես չեմ ուզում ընդհանուր ժողովի դիրքորոշումներին հակառակ կամ ինքնուրույն կարծիք հայտնել:

Օրեր առաջ նրա անունը շրջանառվեց Ռոբերտ Քոչարյանի գործի ելքը կանխորոշելու հետ: Մասնավորապես, հրապարակումներ եղան այն մասին, որ Քոչարյանին ազատ արձակելու որոշումը գրել են Վերաքննիչ դատարանի երեք դատավորներ՝ Վազգեն Ռշտունին, Արշակ Վարդանյանը եւ Մխիթար Պապոյանը: 

Անդրադառնալով այս հրապարակումներին՝ Ռշտունին ասաց, որ եթե Քոչարյանի գործով բողոքի քննության ժամանակ տեղի ունեցածը կապում էին իր հետ, որովհետեւ այն քննվում էր Վերաքննիչ դատարանում, ըստ նրա՝ ինչ-որ տեղ կարելի էր հասկանալ, բայց այս դեպքում Ռշտունին այդ կապը չի կարողանում հասկանալ:

«Ես գործը քննող դատավոր Դավիթ Գրիգորյանին ճանաչում եմ որպես դատավոր, նրա հետ մտերիմ հարաբերություններ չունեմ: Թե՛ միջնորդավորված, թե՛ ուղղակի, թե՛ անուղղակի որեւէ ձեւով կապի մեջ չեմ գտնվել»,- լրագրողների հետ զրույցում ասաց դատարանի նախագահը: Հարցին՝ ինչպե՞ս կբացատրեք այդ դեպքում մշտապես ձեր անունը շոշափելու հանգամանքը, Ռշտունին արձագնքեց. «Միգուցե թե՛ համակարգում, թե՛ համակարգից դուրս երեւի մարդիկ կան, ում ես խանգարում եմ»: Մեր հարցին՝ թե ում մասին է խոսքը, Ռշտունին ասաց, որ չի կարող ասել: Իմ ամբողջ գործունեության ընթացքում փորձում եմ լինել արդար, հիմա թե իմ արդար լինելու կամ փորձերը ինչքանով են արդարացված, ինչքանով՝ չէ, դրան առաջին գնահատականը պետք է տա մամուլը, եւ մամուլի գնահատականն էլ պետք է պայմանավորված լինի, իմ կարծիքով, իրավաբանական համայնքի գնահատականով, թե արդյոք դատախազները, փաստաբանները կամ ընդհանրապես գործի հետ առնչություն ունեցող անձինք, ովքեր իմ գործով եղել են գործին մասանկից անձինք, ինչ գնահատական ունեն իմ անձի նկատմամբ որպես դատավորի եւ դրանից հետո իմ վարքագծի նկատմամբ, արդյոք նիստերի ընթացքում ես ինչ վարքագիծ եմ դրեւորում»,- նշեց Վերաքննիչ դատարանի նախագահը՝ հավելելով, որ եթե ինքը հասկանա, որ բացասական է կարծիքը եւ իր գործունեությունը ընդունելի չի, չի աշխատի:

Խոսելով զանգով արդարադատություն իրականացնելու մասին՝ Վազգեն Ռշտունին ասաց. «Ոչ զանգի միջոցով եմ դատական ակտ կայացրել, ոչ կայացնում եմ, ոչ նախկինում են զանգել ոչ էլ՝ հիմա»:

Հարցին՝ որքա՞ն ունեցվածք ունեք, Ռշտունին պատասխանեց. «Եթե խոսքը հասել է իմ ունեցվածքին, ես կարող եմ ասել, որ իմ ընտանիքը նախկինում զբաղվել է ձեռնարկատիրական գործունեությամբ, ձեռնարկատիրական գործունեության ընթացքում մեր ընտանիքն ունի կարողություն եւ բոլորը գիտեն դրա մասին, ո՛չ թաքցնում ենք, ո՛չ էլ մեկ այլ անձի անունով գույք ունենք կամ գրանցված քողարկված: Ասեմ ավելին՝ ես երբեւէ իմ գործունեությունը չեմ օգտագործել իմ կամ իմ ընտանիքի համար որեւէ նյութական արժեք, որեւէ օգուտ ձեռք բերելու համար: Ավելին՝ իմ ընտանիքը ունի կարողություն անշարժ գույքի տեսքով, որը 4-5 տարի է՝ չի կարողանում վարձակալության հանձնի ինչ-որ մեկին: Եթե ես իմ կապերն օգտագործեի, բնականաբար, շատ ավելի հեշտ կլիներ այդ գույքը ինչ-որ մեկի վարձակալությանը հանձնել: Այո, իմ ընտանիքը ունի որոշակի կարողություն, զբաղվել ենք ձեռնարկատիրական գործունեությամբ. ավելի կոնկրետ իմ հայրն է զբաղվել, որի արդյունքում իմ հայրը եւ մայրը ունեն սեփականություն, ես ունեմ գույք: Եղել է նաեւ գույքը, որ իմ ընտանիքը վաճառել է իմ դատավոր դառնալուց հետո: Եթե կան տվյալներ, որ ես իմ դատավոր աշխատած տարիներին որեւէ օգուտ եմ ստացել, ըստ որում, ոչ միայն նյութական, այլ ընդհանրապես որեւէ տեսակի, թող վեթինգի էլ ենթարկեն, ինչ ուզում են, թող անեն: Ասածս այն է, որ եթե կա նման տվյալ, այն արդեն ձեր տեսադաշտում կլիներ եւ դրանք միգուցե օգտագործվեին, որպեսզի ես այլեւս դատավոր չաշխատեի»:

Անդրադառնալով Վերաքննիչ քրեական դատարանի դատվոր Ալեքսանդր Ազարյանի կողմից իր գիտական աշխատանքից արտատպում կատարելու շուրջ ստեղծված աղմուկին՝ Ռշտունին նշեց. «Ես Ալեքսանդր Ազարյանի գիտական աշխատանքին չեմ տիրապետում, բայց կարող եմ հետեւյալն ասել, որ ինչքանով ես տեղյակ եմ՝ իմ եւ Ալեքսանդր Ազարյանի գիտական ղեկավարը նույն անձնավորությունն է եղել, ուստի ես չեմ բացառում, որ այդ հանգամանքով պայմանավորված՝ մտքերի համընկնումներ կարող են լինել»: Հարցին՝ Ազարյանի հետ այս թեմայով խոսե՞լ է, Ռշտունին նշեց. «Պարոն Ազարյանի հետ ես երկար չեմ քննարկել այդ հարցը, որովհետեւ չեմ համարում Ալեքսանդր Ազարյանին այն անձը, որը կօգտագործեր իմ միտքը հօգուտ իրեն: Ասեմ ավելին՝ այն ժամանակ, երբ մենք դարձել ենք գիտությունների թեկնածու, այսինքն 2005 թվականին, որքանով հիշում եմ՝ ես Ալեքսանդր Ազարյանին չեմ ճանաչել: Ես նրան ճանաչել եմ, երբ մենք միասին աշխատել ենք Երեւանի քրեական դատարանում: Ասածս այն է, որ Ալեքսանդր Ազարյանն էլ ինձ չճանաչելով՝ չէր կարող իմ միտքն օգտագործել»:

Մեր հարցին՝ ո՞ր դեպքում հրաժարական կտաք, Ռշտունին պատասխանեց. «Ես հրաժարական կտամ այն դեպքում, երբ հասկանամ, որ իմ աշխատանքը չեմ կարողանում կատարել, կամ եթե հասկանամ, որ իմ նկատմամբ չկա հանրային վստահություն, դրանով պայմանավորված՝ նաեւ իրավաբանական համայնքի վստահություն»:

Հիշեցնենք, որ 100–ից ավելի դատավորներ այս պահին Երեւան քաղաքի ընդհանուր իրավասության դատարանի Աջափնյակի դատարանում դռնփակ կարգով ժողով են անում:

Տպել
2127 դիտում

ՖԻՖԱ-ի The Best-ի քվեարկությունում Մեսսին ձայնը տվել է Ռոնալդուին

Սիլիկոնյան հովտում Նիկոլ Փաշինյանը հանդիպել է «Սինոփսիս» ընկերության ղեկավարության հետ

Վարչապետը ժամանել է Սիլիկոնյան հովիտ. ՀՀ կառավարության և Դրափեր համալսարանի միջև ստորագրվել է Փոխըմբռնման հուշագիր

Վերին Լարսում բեռնատարների կուտակման պատճառը կրում է տեխնիկական բնույթ. ՀՀ դեսպանություն

Մխիթարյանն ու Գյուլբուդաղյանցը The Best-ի քվեարկությանը չեն մասնակցել տեխնիկական խնդրի պատճառով

Պարոն Վանեցյանը կարծես հաջորդ օրվա իր հարցազրույցում միանշանակ լավ չէր հիշում, թե այդ տեքստում ինչ է գրված. Ավինյան

Հորդանանի թագուհին հայտնվել է հայկական հագուստով

Հայբիզնեսբանկի աջակցությամբ Գեղարդ վանական համալիրում տեղի ունեցավ «Մշակութային երկխոսություն» խորագրով համերգը

Ադրբեջանցի զինծառայողի դին դուրս է բերվել չեզոք գոտուց եւ վերադարձվել

Ավտովթար Հալաբյան և Մարգարյան փողոցների խաչմերուկում. կան տուժածներ

ՀՀ-ում նախատեսվում է ներդնել դատավորների բարեվարքության գնահատման հավասարակշռված կառուցակարգ. նախարար

Զավեշտալի է. Վարշավայում Դանիել Իոաննիսյանը հակադարձել է Արփինե Հովհաննիսյանի ելույթին

Հարցաքննվել է Հայկ Հարությունյանի հետ գտնված անձը եւ ասել, որ իրենց խոսակցությունը առնչություն չի ունեցել Մարտի 1-ի հետ

ՀՀ գլխավոր դատախազը երբևէ որևէ միջոցով Հայկ Հարությունյանի հետ կոնտակտ չի ունեցել. Գոռ Աբրահամյան

ՊԵԿ-ը ներկայացրել է խաղային ոլորտի կառավարման էլեկտրոնային համակարգի ներդրման նախագիծ

Զինված ուժերի ծավալումը. ՀՀ-ում եւ Արցախում մեկնարկել են ռազմավարական զորավարժություններ (լուսանկարներ)

4 անգամ աճել է Պաշտպանին հասցեագրվող բողոքներով դրական լուծում ստացած գործերի թիվը

Հեղուկ գազ տեղափոխող բեռնատարը գլորվել է ձորը. տեղում հերթապահող ԱԻՆ մեքենային էլ հարվածել է մեկ այլ բեռնատար

Սարգիս Ադամյանը նորամուտն է նշել Բունդեսլիգայում

Նախկին ոստիկանապետի ինքնասպանության դեպքով հարուցվել է քրգործ. հայտնաբերվել են հրազեն, պարկուճ