Ըմբիշ Կարապետ Չալյանն օլիմպիական խաղերի ուղեգիր նվաճեց

ՀՀ հունահռոմեական ոճի ըմբշամարտի հավաքականի անդամ Կարապետ Չալյանն (77 կգ) ապահովեց Տոկիո 2020-ի ուղեգիրը: Քիչ առաջ աշխարհի 2019թ. առաջնության քառորդ եզրափակչում նա հաղթեց Բելառուսի ներկայացուցիչ Պավել Լյախին: Լարված պայքարում առավելության հասավ 5-4 հաշվով, դուրս եկավ կիսաեզրափակիչ՝ նաեւ ապահովելով ուղեգիրը:

Չալյանը պայքարը սկսել էր 1/16 եզրափակչից, որտեղ հաղթել էր ճապոնացի Շոհեյի Յաբիկույին: 1/8 եզրափակչում առավելության էր հասել վենեսուելացի Խեսուս Էսպինոսայի նկատմամբ:

Չալյանն աշխարհի առաջնությանը գնաց հավաքականում առաջացած սկանդալից հետո: Նրա քաշային կարգում աշխարհի առաջնության մասնակցի հարցը հավաքականի շուրջ ստեղծված աղմուկի ու գլխավոր մարզիչ Լեւոն Ջուլֆալակյանի հրաժարականի հիմնական պատճառներից էր: Կազմը որոշելիս մարզիչը նշել է, որ առաջնությանը պետք է մասնակցի Արսեն Ջուլֆալակյանը, քանի որ իրենք ընտրանու կազմում ավանդույթ ունեն, ըստ որի, աշխարհի առաջնությանը մասնակցում է նա, ով մեդալ է նվաճել Երոպայի առաջնությունում: Արսեն Ջուլֆալակյանը Եվրոպայի 2019թ. առաջնությունում բրոնզեմեդալակիր էր դարձել: Սակայն Չալյանն ու մի շարք մարզիկներ այլ կարծիքի են եղել:

Հավաքի ընթացքում ստուգողական գոտեմարտ է անցկացվել, որում Չալյանը հաղթել է: Ի վերջո, նա մասնակցեց աշխարհի առաջնությանն ու ուղեգիր նվաճեց: Այս քաշային կարգում Հայաստանն այլեւս ուղեգրի համար չի կարող պայքարել, սակայն նվաճողի փոխարեն այլ մարզիկ կարող է գնալ օլիմպիական խաղեր:

Այսօր՝ սեպտեմբերի 16-ին, պայքարի մեջ էր մտել նաեւ Գեւորգ Ղարիբյանը (60 կգ): Նա մեկնարկային գոտեմարտում զիջել էր Ուզբեկստանը ներկայացնող Էլմուրաթ Թասմուրադովին։

Երեկոյան աշխարհի առաջնություններում իր 4-րդ ոսկու համար կպայքարի օլիմպիական չեմպիոն, աշխարհի եռակի, Եվրոպայի քառակի չեմպիոն Արթուր Ալեքսանյանը (97 կգ): Նրա մրցակիցը կլինի Ռուսաստանը ներկայացնող Մուսա Եվլոեւը։ Ալեքսանյանը նունպես օլիմպիական խաղերի ուղեգիրն ապահովել է:

Աշխարհի 2019թ. առաջնությունը Ղազախստանի մայրաքաղաք Նուր-Սուլթանում մեկնարկել է սեպտեմբերի 14-ին: Կավարտվի 22-ին:

Տպել
575 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ