Վարակիչ շնչառական հիվանդությունները ակտիվացել են. Առողջապահության նախարարությունը հորդորում է զգոն լինել

Հանրապետությունում շնչառական վարակիչ հիվանդությունների ակտիվություն է նկատվում, սակայն այն բավականին զիջում է նախորդ տարվա միեւնույն ժամանակահատվածում արձանագրված դեպքերին:

Վերջին օրերին օդի ջերմաստիճանը բավականին նվազել է, իսկ շնչառական վարակները, ըստ Առողջապահության նախարարության հիվանդությունների վերահսկման եւ կանխարգելման ազգային կենտրոնի վարակիչ հիվանդությունների բաժնի պետ Լիանա Թորոսյանի, ուղղակիորեն փոխկապակցված են եղանակային պայմանների հետ: «Եթե հաշվի առնենք, որ դրանք փոխանցվում են օդակաթիլային ճանապարհով, հետեւաբար ե´ւ ցուրտը, ե´ւ դպրոցների բացվելը, ուսումնական հաստատություններում ակտիվ շփումները «նպաստավոր» պայմաններն են ստեղծում տարածման համար»,- նշեց Լիանա Թորոսյանը:

Համեմատելով նախորդ տարվա միեւնույն ժամանակահատվածի տվյալների հետ՝ կարող ենք ասել, որ դեպքերը նվազել են: Ամբողջ հանրապետությունում անցյալ շաբաթ արձանագրվել է սուր շնչառական վարակների 1174 դեպք՝ նախորդ տարվա 1649 դեպքի եւ 2017 թվականի 1554 դեպքի փոխարեն: Եթե սա վերածում ենք ցուցանիշների (հաշվարկը կատարվում է 100.000 բնակչի թվով), ապա անցած շաբաթվա 39.5 ցուցանիշը  նախորդ տարվա միեւնույն շաբաթվա 55.1 ցուցանիշի փոխարեն է:

Հանրապետությունում՝ սկսած ապրիլ ամսից մինչ օրս, ըստ լաբորատոր հետազոտությունների արդյունքների, գրիպի հարուցիչ չի արձանագրվել: Մասնագետի խոսքով՝ ներկայումս շրջանառվում  են այլ շնչառական վարակների հարուցիչներ: Այսինքն՝ գործ ունենք վիրուսների հետ: Կարող են լինել դեպքեր՝ պայմանավորված վիրուսներով, որոշներն էլ՝ եղանակային պայմաններով, մրսածությամբ:

Քանի որ շնչառական վարակների սեզոնը մոտենում է, Առողջապահության նախարարության հիվանդությունների վերահսկման եւ կանխարգելման ազգային կենտրոնի վարակիչ հիվանդությունների բաժնի պետը հորդորում է զգոն լինել եւ հետամուտ լինել հնչեցված հորդորներին:

«Առաջին հերթին պետք է հագնվել եղանակային պայմաններին համահունչ, որպեսզի մրսածության գործոնով վարակների առաջացումը եւ տարածումը հնարավորության սահմաններում կարողանանք կանխարգելել: Օգտագործենք առատ հեղուկներ, եթե ունենք հիվանդներ շրջապատում, ապա փորձենք չշփվել նրանց հետ՝ գոնե 2 մետր հեռավորությունը պահպանելով: Եթե հիվանդ եք, մնացեք տանը, բուժվեք, նոր գնացեք»,- շեշտեց Լիանա Թորոսյանը՝ խոսքն ուղղելով մասնավորապես դպրոցներին, մանկապարտեզներին, որպեսզի հնարավորության սահմաններում չթույլատրեն հիվանդներին հաճախել կրթական հաստատություններ, որովհետեւ նրանք իրենց վիճակը այդպես կվատացնեն եւ վիրուսի պայմաններում կլինեն վարակի աղբյուր:

«Գրիգոր Լուսավորիչ» բժշկական կենտրոնից տեղեկացրին, որ ներկա պահին իրենց մոտ սեզոնային վարակիչ հիվանդությունների հետ կապված ծանրաբեռնվածություն չկա: Գրիպով հիվանդներ չկան, այդ առումով հիվանդանոցում բնականոն վիճակ է:

«Արաբկիր» բժշկական կենտրոնից եւս նշեցին, որ շաբաթվա կտրվածքով սրացում չունեն, դիմելիությունը մի փոքր ավելացել է, բայց ոչ այդքան:

Տպել
2339 դիտում

Հայաստանի ներդրումային քաղաքականությունը պետք է արմատական փոփոխությունների ենթարկվի. Քերոբյան

Թրամփը հրահանգել է կազմակերպել Բայդենին իշխանության փոխանցման գործընթացները, թեպետ դեռ պայքարում է

Մասիս Մայիլյանը ԿԽՄԿ առաքելության բարձրաստիճան ներկայացուցչի հետ քննարկել է պատանդների վերաբերյալ մի շարք հարցեր

Ամենայն Հայոց Կաթողիկոսը ցավակցագիր է հղել Սերժ Սարգսյանին

Լուսաղբյուր համայնքում 30-35 հեկտարով կավելանա ոռոգվող հողերի մակերեսը

Արտակարգ իրավիճակների արձագանքման ծրագրեր և միջոցառումներ Շիրակի մարզում՝ Արցախից տեղահանված ընտանիքների համար

Հայաստանի պատմության թանգարանը հավաքագրում է Արցախյան պատերազմի նահատակների լուսանկարներն ու իրերը (տեսանյութ)

Արա Այվազյանը հեռախոսազրույց է ունեցել ԱՄՆ պետքարտուղարի տեղակալ Սթիվեն Բիգանի հետ

1 հատ ընկույզը 1000 դրամով վաճառելուց հետո փոքրիկ Վահեն այլ գործ է ձեռնարկել․ զինվորներից մեկը բուժման կարիք ունի

«Իմ քայլը» սպասում է բանակի ազդակներին. ռազմական դրությունը վերացնելու հարցով վաղը ԱԺ-ում հանձնաժողովի նիստ է հրավիրվել

Հայ ֆուտբոլիստների թիմերը Ղազախստանի առաջնությունում պայքարում են մրցանակային տեղերի համար

Սգո ծառայություններ մատուցող կազմակերպությունների համար սահմանվել են Covid-անվտանգության առանձին կանոններ

Ոսկետափ համայնքում ավարտվել է ներհամայնքային փողոցների ասֆալտապատումը

Զավեն Սարգսյանի մահվան կապակցությամբ ստեղծվել է թաղման կառավարական հանձնաժողով

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ (լուսանկարներ)

Վաղը երեկոյան Ֆրանսիայի Սենատում կսկսվեն Արցախի ճանաչման բանաձևի քննարկումները

Նորածնային ինկուբատորներ, սոնոգրաֆիկ սարքեր. Գյումրու բուժհաստատությունները նոր բուժսարքավորումներով են համալրվել

Խոշտանգումների ու անմարդկային վերաբերմունքի ուղիղ պատասխանատուն Ադրբեջանի իշխանություններն են. ՀՀ ՄԻՊ

ԱԻ նախարար Անդրանիկ Փիլոյանն այսօր աշխատանքային շրջայց է կատարել․ նախատեսված են նաև մարզային այցեր

Գագիկ Ծառուկյանին մանդատից զրկելու հարցով կդիմեն ՍԴ. ԱԺ խորհրդի նիստն ավարտվեց