Երեւանում ԵԱՏՄ առաջնորդների գագաթնաժողովը պատմական իրադարձություն կդառնա. «ՌԻԱ Նովոստի»

Սինգապուրի հետ յուրահատուկ պայմանագրի ստորագրում, Իրանի համար պատմական իրադարձություն եւ Արեւմուտքի ցավագին արձագանքը Սերբիայի՝ արեւելյան գործընկերների հետ մերձեցման վարքագծին: Սրանք Երեւանում տեղի ունեցող ԵԱՏՄ առաջնորդների գագաթնաժողովի հիմնական թեմաներն են: Գագաթնաժողովն ուշադրություն է գրավում եւս մեկ կարեւոր հանգամանքով պայմանավորված. լրանում է ԵԱՏՄ-ի հնգամյակը, գրում է РИА Новости-ն: Հոդվածը ներկայացնում ենք որոշ կրճատումներով:

Նոր հյուրեր, հին թեմաներ

Երեւանում հավաքվելու են ոչ միայն Միության անդամ երկրները, այլ նաև Մոլդովայի նախագահ Իգոր Դոդոնը, որի երկիրը նախորդ տարի ստացավ դիտորդի կարգավիճակ ԵԱՏՄ-ում, Սինգապուրի վարչապետ Լի Սյեն Լունը և Իրանի նախագահ Հասան Ռուհանին։

Բայց նրանք առանձնակի հետաքրքրությամբ են սպասում Վլադիմիր Պուտինին: Ռուսաստանի նախագահի նախորդ ուղևորությունը Երևան տեղի է ունեցել գրեթե երեք տարի առաջ՝ 2016 թ․-ին՝ ՀԱՊԿ գագաթնաժողովին: Եվ քանի որ Հայաստանում տեղի ունեցավ, այսպես կոչված, թավշյա հեղափոխություն, որի արդյունքում իշխանությունը փոխվեց, առաջնորդների բոլոր երկկողմ հանդիպումները տեղի են ունեցել կա՛մ Մոսկվայում, կա՛մ միջազգային հարթակներում։ Հետևաբար քաղաքական էլիտան և հասարակ մարդիկ սպասում են Պուտինի ներկայիս այցին, որոնց համար Ռուսաստանի հետ համագործակցությունը չափազանց կարևոր է: Չնայած նրան, որ այս այցը հիմնականում կապված է Եվրասիական Բարձրագույն տնտեսական խորհրդի աշխատանքներին մասնակցելու հետ, Պուտինը նաև երկկողմ հանդիպումներ կանցկացնի ՀՀ վարչապետ Նիկոլ Փաշինյանի և Իրանի առաջնորդ Հասան Ռուհանիի հետ:

Հետաքրքիր է համարվում այն, որ, ըստ The Washington Post-ի, Դոնալդ Թրամփի անձնական փաստաբան Ռուդոլֆ Ջուլիանին պետք է գար Երևան: Բայց նա իբրեւ հրաժարվել է՝ իմանալով, որ Պուտինի հետ նույն տեղում է լինելու: Սակայն, ինչպես նշել է Կրեմլի խոսնակ Դմիտրի Պեսկովը, ռուսական կողմը «ոչինչ չգիտի Ջուլիանիի մասնակցության կամ նրա մասնակցությունը չեղարկելու մասին»:

Նշվում է, որ հոբելյանական գագաթնաժողովի օրակարգում են ավանդական հարցեր՝ առևտրի խոչընդոտների վերաբերյալ: Մասնակիցները նաև պետք է հաստատեն Համատեղ ֆինանսական շուկայի ձևավորման հայեցակարգը, Միության 2020 թվականի բյուջեն և տրանսպորտի ու էներգետիկայի ոլորտում օրենքների հարաբերակցությունը:

Սինգապուրը Միությունում

Կարևորվում է Սինգապուրի վարչապետի այցը Երեւան, որի շրջանակներում ստորագրվելու է ազատ առևտրի համաձայնագիրը Սինգապուրի ու ԵԱՏՄ-ի միջև։ «Սա խթանելու է Սինգապուրի եւ ԵԱՏՄ-ի միջեւ առեւտրային ու ներդրումային համագործակցության ակտիվացմանը»,- հայտարարել են Սինգապուրի վարչապետի գրասենյակից:

Ազատ առևտրային գոտու ստեղծման հարցը քննարկվելու է նաև Իրանի հետ. գագաթնաժողովի մեկնարկից օրեր առաջ ավարտվել է ժամանակավոր համաձայնագրի նախապատրաստական աշխատանքները։ ՌԴ-ում Իրանի դեսպանն այն անվանել է «պատմական» ու նշել, որ այն շատ կարևոր համաձայնագիր է, որը մեծ օգուտ կբերի երկրների տնտեսություններին։ Ժամանակավոր համաձայնագիրն ուժի մեջ է մտնելու հոկտեմբերի 27-ին եւ ուժի մեջ կմնա 3 տարի։

Ինչպես նշվում է Եվրասիական տնտեսական հանձնաժողովի կայքում, կողմերն այժմ քննարկում են մաքսային համագործակցության խորացման հնարավորությունը, քննարկվում է նաեւ գործարարների համագործակցության ձեւաչափը: Իրանի դեսպանն առաջարկել է Թեհրանում իրանցի գործարարների համաժողով կազմակերպել, որպեսզի նրանք իմանան ԵԱՏՄ միասնական շուկայի առավելությունների մասին:

Եվրասիական գոտի

Հոկտեմբերին ուժի մեջ է մտնում ևս մեկ համաձայնագիր Չինաստանի հետ։ Փաստաթուղթը կհեշտացնի առևտրի ընթացակարգերը և կխթանի այլ նախագծերի իրականացմանը, մասնավորապես՝ չինական «Մեկ գոտի, մեկ ճանապարհը»։

Տիգրան Սարգսյանի խոսքով՝ փաստաթուղթը երկու կողմերի համագործակցության մեխանիզմներ է ստեղծում: Նախանշված են պետական մարմինների միջեւ խորհրդակցություններ, տեղեկատվության փոխանակման կենտրոնների ձեւավորում՝ գործարարների շահերի առաջ մղման համար:

Պանիր, ալկոհոլ ու ծխախոտ

Սերբիայի հետ ազատ առևտրի մասին համաձայնագիրը նախատեսվում է ստորագրել հոկտեմբերի վերջին: Ինչպես ավելի վաղ հայտարարել էր Սերբիայի կառավարության փոխվարչապետ Ռասիմ Լյայիչը, դա տեղի կունենա Մոսկվայում ԵԱՏՄ վարչապետների հանդիպմանը:

Բելգրադը նախատեսում է ԵԱՏՄ երկրներ արտահանումը մեծացնել 1 միլիարդից մինչև 1,5 միլիարդ դոլարի: Համաձայնագիրը ստորագրելուց հետո Սերբիան կունենա նոր գործընկերներ՝ Հայաստան և Ղրղզստան: Սերբիայի հետ ազատ առևտրի գոտին արդեն գործում է Ռուսաստանում, Բելառուսում և Ղազախստանում: Չհարկվող ապրանքների ցանկը կընդլայնվի. այն կներառի այծի և ոչխարի պանիրը, ևս 400 տոննա կովի պանիր, ինչպես նաև 90 հազար լիտր սերբական կոնյակ՝ վինյակ, և երկու հազար տոննա ծխախոտ:

Նշվում է, որ այս մտադրությունը բավականին ցավոտ արձագանք ունեցավ Սերբիայի այլ գործընկերների կողմից: Սլովակիայի արտաքին գործերի նախարարն ասել է, որ ԵԱՏՄ-ի հետ համաձայնագրի ստորագրումը «չի մոտեցնում Սերբիան Եվրամիությանը» ու հավելել, որ երկիրը չի կարող միաժամանակ մի քանի ուղղություններով շարժվել։

 

Տպել
2042 դիտում

Շվեդիան չեղարկել է Թուրքիային զինտեխնիկա մատակարարելու բոլոր թույլտվությունները

Բեթհովենի 250-ամյակին և բեռլինյան պատի 30-ամյակին նվիրված միջոցառումներ կանցկացվեն. հանդիպում Գերմանիայի դեսպանի հետ

Տավուշի մարզում Porsche-ն մի քանի պտույտ գլորվելով ընկել է ձորակը. կա 1 զոհ, 1 վիրավոր

ՀՀ ֆուտբոլի հավաքականը պարտվեց ու գործնականում կորցրեց Եվրո 2020-ում հայտնվելու հնարավորությունը

ՀՀ պաշտպանության նախարարն ընդունել է Լիտվայի դեսպանին

Ադրբեջանը բողոքի նոտա է հղել Ռուսաստանին՝ պատգամավոր Զատուլինի՝ Արցախ կատարած այցի պատճառով

ՀՀ ֆուտբոլի հավաքականը 2-րդ գոլը բաց թողեց Ֆինլանդիայից. արդեն պարտվում է 0:2

Ինչ եկամուտներ են հայտարարագրել ԱԱԾ ՊՊԾ արդեն նախկին պետ Գրիգորի Հայրապետովը, նրա կինն ու դուստրը

Խաղաղություն ու բարօրություն վրաց ժողովրդին. Ամենայն Հայոց Կաթողիկոսն ընդունեց Վրաստանի վարչապետին

Ոստիկանության Հրազդանի բաժնում մեծ քանակությամբ տարբեր տեսակի զինամթերք է հանձնվել (տեսանյութ)

ՀՀ ֆուտբոլի հավաքականը գոլ բաց թողեց Ֆինլանդիայի դեմ խաղում. պարտվում է 0:1

Հակատուբերկուլոզային դիսպանսերը դեռ չի փակվի, սակայն քննարկվում է կառույցին տրվող ֆինանսական միջոցների կրճատման հարցը

ՀՀ Ազգային ժողովի նախագահը ելույթ է ունեցել Միջխորհրդարանական միության 141-րդ նստաշրջանում

Վարչապետ Փաշինյանի անունից ի պատիվ Գեորգի Գախարիայի տրվել է պաշտոնական ընթրիք

Համալիր մարզումներ են իրականացվել ՊՆ հակաօդային պաշտպանության ստորաբաժանումում

ՀՀ պաշտպանության նախարարը հետևել է խաղաղապահների վարժանքներին

Գրիգորի Հայրապետովն ազատվել է ԱԱԾ պետական պահպանության ծառայության պետի պաշտոնից

«Նուբարաշեն» ՔԿՀ-ում մեկնարկեց մասնավոր ընկերության կողմից սննդի ապահովման փորձնական ծրագիրը

Դուք ապացուցել եք, որ կարող եք հրաշքներ գործել. վարչապետը՝ ՀՀ ֆուտբոլի հավաքականին

Դավիթ Սանասարյանի կողմից 9-ամյա տղային վրաերթի ենթարկելու մասին մայրը հաղորդում է ներկայացրել ոստիկանություն