Մենք մեծ կարեւորություն ենք տալիս ԵԱՏՄ-ում գազի ընդհանուր շուկայի ձեւավորմանը. վարչապետ

Իրանի նախագահը հրավիրվել է ԵԱՏՄ բարձրագույն խորհրդի նիստին՝ ԵԱՏՄ-Իրան ազատ առեւտրի գոտու ձեւավորմանն ուղղված ժամանակավոր համաձայնագրի ուժի մեջ մտնելուն ընդառաջ: Այս մասին ԵԱՏՄ բարձրագույն խորհրդի նիստից հետո ամփոփիչ ասուլիսի ժամանակ ասաց ՀՀ վարչապետ Նիկոլ Փաշինյանը։

Նրա խոսքով՝ հոկտեմբերին ուժի մեջ է մտնում ԵԱՏՄ-ի եւ Իրանի միջեւ ազատ առեւտրի գոտու ձեւավորմանը տանող ժամանակավոր համաձայնագիրը. «Հայաստանը մեծապես շահագրգռված է այդ համաձայնագրի իրականացմամբ ե՛ւ ԵԱՏՄ-ի, ե՛ւ մեր հարեւան, բարեկամ Իրանի միջեւ համագործակցության զարգացմամբ»:

Վարչապետը նշեց, որ Եվրասիական տնտեսական բարձրագույն խորհրդի նիստի ընթացքում քննարկվել է բնական գազի մատակարարման եւ փոխադրման ոլորտում ԵԱՏՄ անդամ երկրների օրենսդրությունների ներդաշնակեցման հարցը. «Մենք մեծ կարեւորություն ենք տալիս ԵԱՏՄ-ում գազի ընդհանուր շուկայի ձեւավորմանը, ինչը կնպաստի ԵԱՏՄ անդամ երկրների էներգետիկ անվտանգության, տնտեսական ինտեգրացիայի մակարդակի եւ համաշխարհային շուկայում մրցունակության բարձրացմանը»,- ասաց Փաշինյանը:

ՀՀ վարչապետն ընդգծեց, որ նիստի ընթացքում ԵԱՏՄ-ի եւ Սինգապուրի միջեւ ստորագրվել է ազատ առեւտրի համաձայնագիր. «Ցանկանում եմ բոլորին շնորհակալություն հայտնել ներպետական գործընթացները ժամանակին ավարտելու համար, ինչը հնարավոր դարձրեց այս փաստաթղթի ստորագրումը»:

Նիկոլ Փաշինյանը նշեց, որ Սինգապուրի եւ Հայաստանի միջեւ ստորագրվելու է ծառայությունների, առեւտրի ու ներդրումների մասին համաձայնագիր: Նա հայտնեց, որ Եվրասիական տնտեսական բարձրագույն խորհրդի հաջորդ նիստը կկայանա դեկտեմբերին՝ Սանկտ Պետերբուրգում: Փաշինյանի խոսքով՝ ԵԱՏՄ ընդլայնված կազմով նիստում քննարկվել է նաեւ ԵԱՏՄ 2019 թ. բյուջեի կատարողականը, 2020 թ. բյուջեի հիմնադրույթները։ Որոշվել է նաեւ, որ Եվրասիական բարձրագույն խորհրդի հաջորդ նիստը կանցկացվի 2019 թ.-ի դեկտեմբերին Սանկտ-Պետերբուրգում։

Եվրասիական տնտեսական հանձնաժողովի կոլեգիայի նախագահ Տիգրան Սարգսյանն էլ ասուլիսի ժամանակ նշեց, որ այսօր հաջողվել է համաձայնեցնել ընդհանուր ֆինանսական շուկայի հայեցակարգը, եւ կարեւորն այն է, որ այդ հայեցակարգը մշակել են ԵԱՏՄ անդամ հինգ երկրների կենտրոնական բանկերը:

Սարգսյանի խոսքով՝ ԵԱՏՄ անդամ պետությունների ղեկավարների կողմից հաստատված հայեցակարգի հիման վրա կմշակվեն իմպլեմենտացիայի ճանապարհային քարտեզներ՝ հեռանկարում ունենալով այն գաղափարը, որ 2025 թվականին գործարկվեն ԵԱՏՄ շուկաներում ֆինանսական բոլոր ծառայությունների ազատությունները։

«Երեկ կայացել է նաեւ ԵԱՏՀ խորհրդի նիստը, որին մասնակցել են փոխվարչապետները։ Հիմնական եւ արդիական թեման, որը քննարկվել է փոխվարչապետների մակարդակով, խոչընդոտների, այսօր գոյություն ունեցող սահմանափակումների չեղարկումն է։ Մենք պայմանավորվել ենք, որ պարբերաբար աշխատելու ենք այդ ուղղությամբ։ Խորհրդի բոլոր նիստերը սկսվելու են հենց գոյություն ունեցող խնդիրների քննարկումից, որոնք թույլ չեն տալիս, որ ընդհանուր շուկաները գործեն ամբողջ թափով»,- ասաց Սարգսյանը։ 

Տպել
925 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին