Երևան
12 °C
Վարչապետ Նիկոլ Փաշինյանն այսօր մասնակցել է «Գլոբալ ինովացիոն ֆորում 2019. Փոխակերպելով բանականությունը» ամենամյա համաժողովի բացման արարողությանը, տեղեկացնում է կառավարության մամուլի ծառայությունը:
Ողջունելով ««Գլոբալ ինովացիոն ֆորում»-ի կազմակերպիչներին, մասնակիցներին և հյուրերին՝ վարչապետ Փաշինյանը կարևորել է Հայաստանի Հանրապետությունում նման միջոցառումների անցկացումը մարդու և տեխնոլոգիաների հարաբերությունները կարգավորելու և զարգացնելու առումով:
Իր ելույթում կառավարության ղեկավարը, մասնավորապես, նշել է.
«Ընդհանրապես ամենասկզբից՝ առաջին ինդուստրիալ հեղափոխության հենց մեկնարկի օրերից, արձանագրվել է մարդու վախը տեխնոլոգիաների նկատմամբ: Եվ երբ հայտնվում էին առաջին հաստոցները, որոնք գալիս էին փոխարինելու մարդու աշխատանքը՝ ինչ-որ չափով, արհեստավորները, որոնք այդ ժամանակներում բավական ազդեցիկ տնտեսական խավ էին, մտնում էին մանուֆակտուրաներ և ջարդուփշուր էին անում հաստոցները՝ ունենալով առաջին հայացքից շատ լեգիտիմ մի մտահոգություն: Մտահոգությունը հետևյալն էր. եթե այն աշխատանքը, որն անում ենք մենք՝ մարդիկ, պիտի անեն հաստոցները՝ ի՞նչ պիտի անենք, հետևաբար, մենք և ինչո՞վ պիտի զբաղվենք, հետևաբար, մենք, և ինչո՞վ պիտի ապրենք մենք:
Բայց ժամանակը բերեց մի հետաքրքիր իրողություն: Պարզվեց, որ երբ մարդու ձեռքերը շատ թե քիչ ազատվում են, իրականում առաջին հերթին ազատվում է մարդու միտքը, և այդ միտքը նոր տարածքներ գրավելու հնարավորություն է ունենում: Եվ, հետևաբար, տեխնոլոգիաների զարգացումն առաջին հերթին մտածողության զարգացում է, որովհետև նոր մտածողությունը բերել է նոր տեխնոլոգիաներ, նոր տեխնոլոգիաները հանգեցնում են նոր մտածողության, այդ նոր մտածողությունն իր հերթին բերում է նոր տեխնոլոգիաներ և այդպես շարունակ: Եվ հետևաբար, երբ մենք ասում ենք ինովացիա, առաջին հերթին պիտի նկատի ունենանք մտքի ինովացիա, մտածողության ինովացիա, որը և իրականում փոխում է աշխարհը, որովհետև շատ դեպքերում ինովացիա ասելով, տեխնոլոգիաներ ասելով մարդիկ հասկանում են կոնկրետ առարկաներ, գործիքներ կամ նույնիսկ ծրագրեր, բայց իրականում ինովացիան տեղի է ունենում մեր մտածողության մեջ. զարգանում է իրականում մարդու միտքը, և այդ բոլոր ֆիզիկական և նույնիսկ ոչ ֆիզիկական IT արտադրանքները մարդու մտքի արգասիք են:
Եվ, հետևաբար, այսօր ամենակարևոր հրատապ հարցերից մեկը կապված է արհեստական բանականության հետ, և այդ նույն վախերը, բնականաբար, առաջանում են արհեստական բանականության զարգացման հետ: Բայց տեխնոլոգիաների պատմությունը մեզ հույս է տալիս, որ արհեստական բանականության զարգացումը մարդու միտքը կազատի այնպես, ինչպես առաջին ինդուստրիալ հեղափոխության ժամանակ ազատվեցին մարդու ձեռքերը և դրա արդյունքում՝ միտքը: Եվ այն մտավոր աշխատանքի մի մասը, որը կանի արհեստական բանականությունը, տարածք կազատի, որպեսզի մարդու մտածողությունը, մարդու միտքը, մարդկային բանականությունը նոր ուղղություններ հայտնաբերի և նոր տարածքներ նվաճի՝ խորանալով մարդու օրգանիզմի և էության մեջ և խորանալով դեպի տիեզերք:
Եվ ես շատ կարևոր եմ համարում, որ այսօր Հայաստանի Հանրապետությունում ընդհանրապես մենք կարողանանք հաղթահարել վախերը՝ ոչ միայն տեխնոլոգիաների նկատմամբ, այլև մեր բոլոր վախերը, որովհետև թերևս վախն այն ամենակարևոր գործոնն է, որ միշտ ամենուր, ամեն տեղ խոչընդոտում է զարգացումը, խոչընդոտում է առաջընթացը, խոչընդոտում է հաղթանակի հասնելու մեր ձգտումը: Եվ ես հույս ունեմ, որ «Գլոբալ ինովացիոն ֆորումի» անցկացումը Հայաստանի Հանրապետությունում Հայաստանին, Հայաստանի ժողովրդին, հայ ժողովրդին և ընդհանրապես, մարդկությանը կօգնի հաղթահարել և կառավարել գլոբալ վախերը: Եվ սա կլինի, թերևս, ամենակարևոր արդյունքը, որին մենք պիտի ձգտենք ոչ միայն այսօր, այլև ընդհանրապես առաջիկայում: Եվ ես հաջողություն եմ մաղթում «Գլոբալ ինովացիոն ֆորումին»:
Տեխնոլոգիան՝ տեխնոլոգիա, հարգելի ներկաներ, բայց ես, ձեր թույլտվությամբ, ուզում եմ անել մի հայտարարություն, որը կապված է մտածողության ամենասկզբնական և ամենաավանդական կերպի հետ: Ես այդ հայտարարությունն անելուց առաջ ուզում եմ բեմ հրավիրել Հայաստանի Հանրապետության շրջակա միջավայրի նախարար Էրիկ Գրիգորյանին և FAST հիմնադրամի հիմնադիր տնօրեն Արմեն Օրուջյանին:
Հայտարարությունը հետևյալն է՝ մեր կառավարությունը շատ ամբիցիոզ մի ծրագիր է մշակել, որը պիտի իր գագաթնակետին հասնի 2020 թվականի հոկտեմբերի 10-ին: Այդ օրը մենք պլանավորում ենք Հայաստանի Հանրապետությունում տնկել 10 մլն ծառ 10-րդ ամսի 10-րդ օրը, որը կխորհրդանշի 10 մլն հայության միասնությունը Հայաստանի պետականության, Հայաստանի Հանրապետության շուրջ և Հայաստանի Հանրապետությունում:
Շնորհակալ եմ ուշադրության համար»:
Հոկտեմբերի 16-18-ը Երևանում անցկացվող «Global Innovation Forum 19: Transforming Intelligence» ֆորումի կազմակերպիչը Հայաստանի գիտության և տեխնոլոգիաների հիմնադրամն է՝ FAST-ը, միջոցառման շրջանակում Հայաստան են ժամանել աշխարհի 20 երկրների ավելի քան 90 գիտնականներ, նորարարության և բիզնես ոլորտի ներկայացուցիչներ: «GIF19: Transforming Intelligence»-ի նպատակն է՝ համախմբել գիտական աշխարհի առաջատար մասնագետներին ու գործարարներին Հայաստանում և Հայաստանի սահմաններից դուրս և խթանել կապը գիտության, արդյունաբերության, կառավարության, միջազգային կազմակերպությունների և ֆինանսական ինստիտուտների միջև: Ֆորումի շրջանակում քննարկումներ են ծավալվելու տեխնոլոգիաների ոլորտի նվաճումներին, արհեստական բանականության դրսևորումներին, մարդու, հասարակության, բիզնեսի և պետության կենսագործունեության տարբեր ոլորտների վերափոխման և զարգացման վրա դրանց ուղղակի և անուղղակի ազդեցությանը վերաբերող և այլ թեմաների շուրջ:
«Հայկական Ժամանակ»-ը Telegram-ումԴիլիջանի ոլորաններում բախվել են «ԶԻԼ 130»-ն ու բեռնատարը
Կիսամաշ նախագահների մոտ կարծես սեռաքաղց վիճակ է. Չախոյան
Մասկը կարծում է, որ արհեստական ինտելեկտը պետք է փոխարինի որոշ պետական ծառայողների. Bloomberg
Երևանի թիվ 135 մսուր-մանկապարտեզը՝ հիմնանորոգված ու ընդլայնված. վարչապետը տեսանյութ է հրապարակել
Դատախազությունը պահանջում է «Երևանի ոսկերչական գործարան-1»-ի նախկին տնօրենից բռնագանձել 330 մլն դրամ, գույքեր
Ոլորտում իրականացվող բարեփոխումները տվել են իրենց արդյունքները. ՀԿԱԾ պետը շնորհավորել է աշխատակիցներին
Դատախազությունը պահանջում է Վեդիի նախկին ղեկավարից բռնագանձել 10 անշարժ գույք, ավելի քան 40 մլն դրամ
«ՏիկՏոկ»-ի հիթ դառնալու մոլուցքով շատերը փորձելու են ավելի մեծ եռանդով uադրանքներ իրականացնել. Ավինյան
Skype-ն այսօրվանից կդադարի գործել
Պետությանը պատճառված վնասից վերականգնվել է 1 մլրդ 600 մլն ՀՀ դրամ, 10 անձ հետախուզվում է
Սահմանամերձ Շիկահող գյուղի բնակիչների հրավերով այցելել եմ գյուղ, անցկացրել այնտեղ 2 օր. Դանիելյան
Կարծում եմ՝ չպետք է տրվեի սադրանքին, պետք էր զսպվածություն ցուցաբերել, ներողություն եմ հայցում. Տեր-Մարգարյան
Արտաշատում ծառը կոտրվել և ընկել է՝ երթևեկությունը դարձնելով միակողմանի
Քաջարան-Ագարակ ճանապարհահատվածում նախատեսված է կառուցել 17 կամուրջ, 6-ը բետոնացման փուլում են
Սուրեն Պապիկյանի գլխավորած պատվիրակությունը մեկնել է Հունաստան
Բերդ-Ճամբարակ ավտոճանապարհին մառախուղ է
Ծանրորդ Հարություն Հովհաննիսյանը՝ պատանիների աշխարհի առաջնության փոխչեմպիոն
Վանաձոր-Ստեփանավան ճանապարհի թունելում ավտոմեքենա է հրդեհվել
Քարը՝ պաշտամունքի առարկա և դիվանագիտական զենք. ինչպես է Բաքուն աշխարհով մեկ օգտագործում Հեյդար Ալիևի արձանները
Շուրջ 450 մասնակից համալրել է կրթաշղթան. Բերդում ընթացել է «Կրթվելը նորաձև է» շարժման 30-րդ հանդիպումը
«Կրթվելը նորաձև է» շարժման 30-րդ հանդիպումը. Աննա Հակոբյանը տեսանյութ է հրապարակել
Նավուր-Թթուջուր ճանապարհի մի հատվածի շինարարությունում առաջացած խնդիրներին ծանոթացա. Փաշինյան
Խոշոր ավտովթար Իջևան-Դիլիջան ճանապարհին. կա 7 տուժած
Տարիքը խոչընդոտ չէ անընդհատ կրթվելու համար. «Կրթվելը նորաձև է» շարժման մասնակից Նաիրա Մաթոսյան
Կրթվելը նորաձև է Բերդում. Նիկոլ Փաշինյան
Իսրայելը փորձում է ներսիրիական հակամարտություն հրահրել. Էրդողան
Էդուարդ Սպերցյանը բացառիկ ռեկորդ է գրանցել
Ռոբերտ Քոչարյանին թշնամի չեմ համարում. Սերժ Սարգսյան
Եթե վրդովմունք են առաջացնում Վազգեն արքեպիսկոպոսի խոսքերը, այդ դեպքում՝ նզո՞վքն է ընդունելի. Խաչատրյան
Թրամփը հրապարակել է իր լուսանկարը՝ որպես Հռոմի պապ. կաթոլիկներին դա դուր չի եկել
Մենք ռուսական կողմի որոշումը համարում ենք ոչ բարեկամական քայլ և ակնկալում ենք բացատրություն. Ադրբեջանի ԱԳՆ
Արենիում վրաերթի հետևանքով մահացած տղամարդը Մալազիայի քաղաքացի է
Մարզերում և Երևանում սպասվում են տեղումներ, առանձին վայրերում՝ հորդառատ
Ադրբեջանի Միլլի Մեջլիսի պատգամավոր Բադամովը Մոսկվայի օդանավակայանում ձերբակալվել է. նա արտաքսվում է
Պուտինը պատմել է, թե ինչ է իրեն նվիրել Լուկաշենկոն
Գանձաքարից մինչև Իծաքար ճանապարհի շինարարությունն այս տարի կավարտվի. վարչապետը ծանոթացել է աշխատանքներին
Ուկրաինայի հետ հաշտությունն անխուսափելի է, դա ժամանակի հարց է. Պուտին
Ոստիկաններն ու փրկարարները Հրազդանի Մարմարիկ գետում որոնում են 2-ամյա տղային
Ինչով էր կարևոր Վրաստանի նախագահի այցը ՀՀ, ինչ կարող է անել Թբիլիսին խաղաղության հաստատման մասով. տեսանյութ
Երևան-Մեղրի ճանապարհին Iveco-ն վրաերթի է ենթարկել հետիոտնին. վերջինը հիվանդանոցում մահացել է
© 2025 Հայկական ժամանակ
Website by MATEMAT