Չէինք սպասո՞ւմ. եւս մեկ «ոչ նպաստավոր»

05/11/2019 schedule10:10

Տպագրվել է «Հայկական Ժամանակ» օրաթերթի 2006 թվականի նոյեմբերի 4-ի համարում

Մեծ Բրիտանիայի՝ Եվրոպայի հարցերով նախարար Ջեֆ Հունը իր երկրի խորհրդարանի նիստում հայտարարել է, թե Լոնդոնը ճանաչում է Ադրբեջանի տարածքային ամբողջականությունը, որի մեջ է մտնում նաեւ Լեռնային Ղարաբաղը: Այս մասին երեկ տեղեկատվություն էր տարածել ադրբեջանական «Trend» լրատվական գործակալությունը՝ հիմնվելով Մեծ Բրիտանիայում Ադրբեջանի դեսպանատան հաղորդագրության վրա: Ջեֆ Հունը հայտարարել է, նաեւ, թե Մեծ Բրիտանիան ճանաչում է Վրաստանի ինքնիշխանությունն ու տարածքային ամբողջականությունը՝ Աբխազիան եւ Հարավային Օսեթիան համարելով Վրաստանի  մաս:

«Մենք չենք ընդունում այս տարածաշրջանների անջատողական ռեժիմների՝ անկախություն ստանալու պնդումները»,- հայտարարել է բրիտանացի պաշտոնյան, որը խոսել է նաեւ Ռուսաստանի մասին, կրկին հայտարարելով, թե Բրիտանիան աջակցում է  ՌԴ-ի տարածքային ամբողջականությանը, նրա կազմում ճանաչելով Հյուսիսային Կովկասի բոլոր հանրապետությունները՝ այդ թվում Չեչնիան: Մի կողմ թողնելով Վրաստանի «սառեցված» հակամարտությունների եւ չեչենական խնդրի շուրջ բրիտանացի պաշտոնյայի մտքերը, անդրադառնանք ԼՂ հարցի շուրջ նրա չափազանց ուշագրավ հայտարարությանը: Այս հայտարարությունն ուշագրավ է այնքանով, որ մինչ այժմ Բրիտանիան ղարաբաղյան հակամարտությունում որեւէ կողմի դիրքորոշումը պաշտոնապես եւ բացահայտ չէր պաշտպանել:

Համենայնդեպս, նման բան տեղի չէր ունեցել այսպիսի բարձր մակարդակով: Իհարկե, գաղտնիք չէ, որ Մեծ Բրիտանիան երբեք ԼՂ հարցում Հայաստանի դիրքորոշումը չի պաշտպանել եւ դիվանագիտական ու կուլիսային զրույցներում նույնիսկ ավելի շուտ Ադրբեջանին է աջակցել, քան Հայաստանին: Սակայն մինչ օրս բրիտանացի բարձրաստիճան չինովնիկները ԼՂ հարցի մասին հրապարակայնորեն արտահայտվելիս, որպես կանոն, սահմանափակվել են հայտարարությամբ, թե Մեծ Բրիտանիան այս խնդրում աջակցում է ԵԱՀԿ ՄԽ ջանքերը: Այս անգամ նույնպես Ջեֆ Հունը արտասանել է  սույն չեզոք նախադասությունը, սակայն դրանից հետո ավելացրել է Ադրբեջանի տարածքային ամբողջականության եւ ԼՂ-ն Ադրբեջանի մաս համարելու հատվածը: 

Ի՞նչ են նշանակում Ջեֆ Հունի այս խոսքերը, արդյո՞ք դրանք այլեւս Մեծ Բրիտանիայի պաշտոնական տեսակետն են արտահայտում, ազդարարելով ղարաբաղյան հարցում Մեծ Բրիտանիայի պաշտոնական դիրքորոշման  փոփոխությունը հօգուտ Ադրբեջանի. այս հարցերի պատասխանը երեկ չհաջողվեց ստանալ ՀՀ-ում Մեծ Բրիտանիայի դեսպանատնից: Նշյալ հայտարարության կապակցությամբ որեւէ մեկնաբանություն չհաջողվեց ստանալ նաեւ ՀՀ ԱԳՆ-ից: Ինչեւէ, նշենք, որ Հունի այս հայտարարությունը որոշակի հարցեր է առաջացնում նաեւ բոլորովին այլ համատեքստում: Մասնավորապես, ընդամենը անցյալ ամսվա կեսերին Ջեֆ Հունը գտնվում էր Երեւանում: Բնականաբար, նա հանդիպում ունեցավ ՀՀ ԱԳ նախարար Վարդան Օսկանյանի հետ: Ու ինչպես նշված է ՀՀ ԱԳՆ հաղորդագրության մեջ, երկու նախարարները բազմաթիվ այլ հարցերի շարքում անդրադարձել են նաեւ ԼՂ հակամարտությունը:

Սա ենթադրում է, որ Վարդան Օսկանյանը բրիտանացի իր գործընկերոջն է ներկայացրել  ԼՂ հակամարտության վերաբերյալ Հայաստանի դիրքորոշումը, փաստարկներն ու պարզաբանումները, ինչը սովորաբար անում է բոլոր պատվիրակությունների հետ հանդիպումների ժամանակ: Եւ ահա, այս ֆոնին, ՀՀ դիրքորոշմանը 180 աստիճանով հակասող այս հայտարարությունը Ջեֆ Հունի կողմից՝ բավական տարօրինակ է: Իհարկե, դա միանգամայն նորմալ է բրիտանական տեսանկյունից, սակայն ոչ՝ հայկական: Այսինքն, եթե Բրիտանիայի` Եվրոպայի հարցերով նախարարը ԼՂ հակամարտության վերաբերյալ ամբողջապես ադրբեջանական կողմին սատարող հայտարարություն աներ մինչ Հայաստան կատարած այցը` դեռ կարելի էր հասկանալ: Սակայն ՀՀ ԱԳ նախարարի հետ հանդիպումից հետո` դեռեւս գտնվելով այնտեղ հնչած մտքերի թարմ տպավորության տակ, նման հայտարարություն անելը, իհարկե, մտածելու տեղիք է տալիս:

Եւ ամենաառաջին հետեւությունը, որ կարելի է անել, այն է, որ Ջեֆ Հունի հետ զրույցի ընթացքում ՀՀ ԱԳ նախարար Օսկանյանն այնքան էլ լավ չի ներկայացրել հայկական կողմի մոտեցումներն ու դիրքորոշումը: Մյուս կողմից, սա ընդամենը ամենաառաջին եւ ամենամակերեսային հետեւությունը կարող է լինել: Իսկ շատ ավելի խորը վերլուծությունն այս հարցի պատասխանը թերեւս հասցնում է մինչեւ Հայաստանի իշխանությունների կողմից վարվող արտաքին քաղաքականության եւ դիվանագիտության ակունքներ: Այսինքն, եթե պարզվի, որ իսկապես Մեծ Բրիտանիայի հրապարակային քաղաքականության մեջ այս հարցում փոփոխություն է տեղի ունեցել, ապա, իհարկե, դա կհամալրի վերջին շրջանում ՀՀ արտաքին քաղաքական ձախողումների, կամ ինչպես արտահայտվել է Վարդան Օսկանյանը՝ ՀՀ-ի համար ոչ նպաստավոր զարգացումների ցանկը:

Ի դեպ, նման դեպքերում ՀՀ իշխանությունները սիրում են կասկածի տակ առնել տեղեկատվության ճշտությունը՝ պատճառաբանելով, թե ադրբեջանական լրատվական գործակալությունները հաճախ սուտ լուրեր են տարածում: Եւ այնուամենայնիվ, սա այդ դեպքը չէ, քանի որ Մեծ Բրիտանիայի խորհրդարանի ինտերնետային էջում տեղադրված է նոյեմբերի մեկին տեղի ունեցած հարց ու պատասխանի սղագրությունը, որտեղից պարզ է դառնում, որ վերոնշյալ տեղեկատվությունը համապատասխանում է իրականությանը՝ բառացի ճշգրտությամբ: 

Աննա Հակոբյան 

Տպել
1486 դիտում

Ստեփանակերտում վարորդը կորցնելով մեքենայի կառավարումը մայթին 2 քաղաքացու է վրաերթի ենթարկել

Հայտնի է, թե ով կգլխավորի ՔՊ համամասնական ցուցակը Շիրակի մարզի Անի խոշորացված համայնքի ՏԻՄ ընտրություններում

Ինչ կապ ունի՝ Իշխան Սաղաթելյանն է, թե Սաղաթել Իշխանյանը, մարդը եթե աշխատանքի չի գնում, պետք է ազատվի. քաղաքագետ

Արտակարգ դեպք Գեղարքունիքում. Սևանի ճանապարհի «Ալգա Պլյուս» ռեստորանի մոտ 2 օր կայանված «Նիսսան»-ում դի է հայտնաբերվել

Սյունիքում բազմահամակազմ դասարանում դասավանդող ուսուցիչը կվարձատրվի նոր մոտեցմամբ, հաստատվել են նոր ծրագրեր. Անդրեասյան

Վաղարշակ Հարությունյանը և ՌԴ ԱԳ նախարարի տեղակալը քննարկել են երկկողմ համագործակցության հարցեր

Մարդիկ «հոգեվարքի» մեջ են. ջավախահայերը հազարավոր դոլարներ են ներդրել Tesla Media կայքում, այն երեկվանից չի գործում

Սյունիքի մարզպետը ՀՀ նախագահին է ներկայացրել մարզում տիրող ընդհանուր իրավիճակը

Փարաքարում տեղի ունեցած մեքենայի պայթյունի դեպքով կալանավորված չկա. դատարանը մերժել է Դատախազության միջնորդությունը

Ֆոտոբռնիչ սարքերը կրկին արձանագրել են Հայաստանում նախկինում գրանցված ընձառյուծներից մեկին

ԲԸՏՄ նախարարն ու Նեմանյա Ստարովիչը քննարկել են տեխնոլոգիական ոլորտում համագործակցության մի շարք հնարավորությունները

Շիրակի մարզպետի գլխավորած պատվիրակությունը Ֆրանսիայում հանդիպել է Արթիկի քույր քաղաք Վո Ան Վլենի ղեկավարության հետ

«Էլ չեմ դիմանում, սպառվել եմ, նյարդային դարձել»․ շոգ եղանակը նվազեցնում է աշխատունակությունը, ինչպես հաղթահարել այն

Ստամբուլ-Երևան չվերթով Հայաստան է վերադարձել 2006 թվականից թրաֆիքինգի մեղադրանքով հետախուզվող կինը

Փոխվարչապետ Մհեր Գրիգորյանն ընդունել է Լիտվայի դեսպանին

Լևոն Սարգսյանը դատապարտվել է 9 տարվա ազատազրկման. 1lurer

ՏԿԵ փոխնախարարն առաջարկել է Հայաստանի և Իրանի բեռնափոխադրողներին ազատել հարկերից

Հայաստանի բասկետբոլի հավաքականը հաղթանակով է մեկնարկել Եվրոպայի փոքր երկրների առաջնությունում

ՀՀ-ն ու Իսրայելը պատրաստ են ակտիվացնել համագործակցությունը. Անահիտ Ավանեսյանն ընդունել է նորանշանակ դեսպանին

ՀՀ վարչապետի գլխավորությամբ տեղի է ունեցել խորհրդակցություն. քննարկվել են հողային բարեփոխումներին վերաբերող հարցեր

Դոլարի փոխարժեքը կրկին նվազել է. ՀՀ կենտրոնական բանկը հրապարակել է նոր փոխարժեքներ

Մի՛ հավատացեք անհայտ ծագում ունեցող հաղորդագրություններին. Ոստիկանությունը զգուշացնում է (տեսանյութ)

ՀՀ-ում Իսրայելի նորանշանակ դեսպանն այցելել է Հայոց ցեղասպանության հուշահամալիր

Խորհրդակցություններ ՀՀ-ի և Սերբիայի ԱԳՆ-ների միջև. քննարկվել են միջպետական կապերն ամրապնդելու հնարավորությունները

Օձունի 34-ամյա բնակչի սպանության գործից անջատված մասով նախաքննությունն ավարտվել է

Ինչ ունեցվածք է հայտարարագրել ՀՀ գլխավոր դատախազ ընտրված Աննա Վարդապետյանը

Նախագահ Վահագն Խաչատուրյանին հավատարմագրերն է հանձնել Բենինի նորանշանակ դեսպանը

Ձայնագրությունը մոնտաժված է. Գագիկ Ջհանգիրյանը կարգապահական պատասխանատվության չի ենթարկվի

Դատարանը մերժել է Աղվան Հովսեփյանի կալանավորումը փոխելու միջնորդությունը

Ազգային ժողովը վաղը արտահերթ նիստ կհրավիրի․ օրակարգում Իշխան Սաղաթելյանին և Վահե Հակոբյանին պաշտոններից զրկելու հարցն է

ՀՀ վարչապետը և Իսրայելի նորանշանակ դեսպանը կարևորել են կոնկրետ արդյունքների միտված ծրագրերը

Բերձորում մեր հայրենակիցների ապրելու հնարավորությունը քիչ է, Աղավնոյում շարունակելու ենք պայքարը. Հարությունյան

Նորավանքի Ս. Աստվածածին եկեղեցու երկրորդ հարկ տանող աստիճանների մոտ տեղադրվել են արգելող ցուցանակներ (լուսանկարներ)

Աննա Հակոբյանը ներկայացրել է հայկական արտադրության հագուստներ. նա դրանք կրել է Ֆրանսիայում և Մոնակոյում (լուսանկարներ)

Գլխավոր դատախազության դիմաց զոհվածների հարազատների և անցորդների միջև քաշքշուկ է եղել. մեկ հոգի բերման է ենթարկվել

Լիոնի Մետրոպոլի նախագահը հյուրընկալել է Երևանի քաղաքապետ Հրաչյա Սարգսյանին

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

Սերբիայի ԱԳՆ պետական քարտուղարն այցելել է Հայոց ցեղասպանության հուշահամալիր

Թուրքիայում հայտնաբերվել է կապիկի ջրծաղկի առաջին դեպքը

42-ամյա տղամարդը Ջրվեժում անկանոն կրակոցներ է արձակել հրացանից. հայտնաբերվել է 9 պարկուճ