Ադրբեջանի քաղաքական խոսքի եւ հռետորաբանության մեջ առանձնապես որեւէ փոփոխություն տեղի չի ունեցել. Լիլիթ Մակունց

Այն ամենը, ինչը նպաստում է խաղաղության տրամաբանության մեջ գործողություններ ձեռնարկելուն, եւ բանակցությունները հենց այդպես առաջ տանելուն, բնականաբար, բոլոր քայլերն արդարացված են այդ առումով: Այս մասին այսօր ԱԺ-ում՝ լրագրողների հետ զրույցում, ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով հայ եւ ադրբեջանցի լրագրողների փոխայցելություններին:

Հարցին, թե արդյոք դա նպաստում է բանակցային գործընթացին եւ խնդրի կարգավորմանը, Մակունցն արձագանքեց. «Ես լրագրողների փոխայցելությունների հետ կապված որեւէ խնդիր չեմ տեսնում: Ինչ վերաբերում է նրան, թե ինչն է նպաստելու եւ ինչպիսի մթնոլորտ ու խաղաղության ինչպիսի միջավայր ենք տեսնում, մենք արդեն դրա մասին խոսել ենք: Այստեղ նոր ասելիք չկա»,- ասաց նա:

Դիտարկմանը, որ վերջին շրջանում ադրբեջանական կողմն ակտիվացրել է Արցախի, այսպես կոչված, ադրբեջանական համայնքի գործունեությունը, եւ ինչով է պայմանավորված, որ այդ ակտիվությունը աճեց հեղափոխությունից հետո, Մակունցն արձագանքեց.

«Ես այդ շեշտադրումներին համաձայն չեմ, որովհետեւ իրականում Ադրբեջանի քաղաքական խոսքի մեջ առանձնապես որեւէ փոփոխություն տեղի չի ունեցել: Այն ագրեսիան, որ կար նախկինում եւ դրսեւորվում էր տարբեր կերպ, կա նաեւ հիմա: Հենց դրա մասին ենք մենք պարբերաբար բարձրաձայնում խորհրդարանական դիվանագիտության հարթակներում, որ Ադրբեջանի քաղաքական դիսկուրսը, հռետորաբանությունը չի փոխվում: Սա կարեւոր, անհրաժեշտ պայմաններից մեկն է խաղաղության համար: Այսինքն՝ ես համաձայն չեմ, որ հետհեղափոխական շրջանում է Ադրբեջանի քաղաքական հռետորաբանությունը նման ձեւ դարձել: Միշտ այդպես է եղել եւ ցավոք չի փոխվել: Բայց դա չի նշանակում, որ մենք չպետք է հետամուտ լինենք եւ գնանք այն ճանապարհով, որը մատնանշել ենք»:

Դիտարկմանը, որ Ադրբեջանը չի մեղմացնում իր կոշտ հռետորաբանությունը, այդ պայմաններում ինչպես են ընթանալու բանակցությունները, Մակունցը պատասխանեց.

«Տպավորություն է, թե մենք անընդհատ փորձում ենք հասկանալ, թե ադրբեջանական կողմն ինչ է ուզում, ինչ պետք է անի, ավելի շատ շահագրգռված ենք ադրբեջանական կողմի հայտարարություններով: Մենք պետք է շեշտադրումն անենք այն հայտարարությունների վրա, որ անում է հայկական կողմը, խոսենք այն հայտարարությունների եւ այն շեշտադրումների մասին, որ անում է Հայաստանը թե՛ Հայաստանում, թե՛ բոլոր բանակցային հարթակներում: Դա է ամենակարեւորն այս պայմաններում: Թե ինչ է ասում Ադրբեջանը, ինչպիսի հռետորաբանություն է դրսեւորում, դա չպետք է լինի մեր ուշադրության առարկան: Մենք, իհարկե, պետք է հետեւություններ անենք դրանից, բայց մենք մեր ասելիքի վրա պետք է կենտրոնանանք, ոչ թե նրանց»,- ասաց «Իմ քայլը» խմբակցության ղեկավարը:

Տպել
483 դիտում

ՀՀ գլխավոր դատախազության պարզաբանումը Վահագն Հարությունյանի քրեական գործին առնչվող շահարկումների վերաբերյալ

Երբ ազգովի ուժասպառ լինենք, որոշ գործողություններ արանքից կհանենք, միայն թեստավորումն ու բուժումը կթողնենք. Ա. Թորոսյան

«Դեռեւս պարզ չէ՝ արտակարգ դրության ժամկետը կերկարաձգվի, թե ոչ. մենք կհայտարարենք». վարչապետի մամուլի խոսնակ

Պետք է պատրաստ լինենք օգտվել հետճգնաժամային շրջանում ի հայտ եկող տնտեսական հնարավորություններից. ԵԱՏՄ տեսակոնֆերանսը

Մենք դեռ երկար պետք է ապրենք կորոնավիրուսի հետ․ Արսեն Թորոսյանը խորհուրդ է տալիս դիմակներ ու ձեռնոցներ կրել

Ինժեներասակրավորային ստորաբաժանումների զինծառայողներն անցկացրել են մասնագիտական պարապմունքներ

Տեղորոշման համակարգն արդյունավետ ընթացք ունի. տեղի է ունեցել կորոնավիրուսի տարածումը կանխարգելող հանձնաժողովի նիստ

Անասուններին էլ դաշտ չենք տանում. Արցախի Միրիկ գյուղը, որտեղ հարսի եւ սկեսրոջ մոտ կորոնավիրուս է հաստատվել, մեկուսացած է

«Ռոման» կփորձի եւս 1 տարով վարձակալել Հենրիխ Մխիթարյանին

ՊՆ 5-րդ զորամիավորումում ամփոփվել են կատարված աշխատանքները

Արցախում 9 քաղաքացիներից բացի, ևս 4 հոգու փորձանմուշ ուղարկվել է հետազոտության. 14 նոր մարդ ինքնամեկուսացել է

Բժշկական դիմակներով դեմքերը քողարկած անձինք կողոպտել են Գյումրի քաղաքի բնակչուհուն. հարուցվել է քրգործ

Գրանցվել է 12-րդ մահը, որը դեռ պաշտոնապես հայտարարված չէ. Արսեն Թորոսյան

Առանձնապես խոշոր չափերի առերևույթ հափշտակություն dasaran.am-ի դրամաշնորհային ծրագրի իրականացման գործընթացում

2 նոր նշանակում շրջակա միջավայրի նախարարությունում

Մշակույթի նախկին նախարարը «Տատիկիս վարսերը» ֆիլմի ռեժիսորից պահանջել և ստացել է շուրջ 7 մլն դրամ. ՔԿ

Վթարի հետևանքով «Mercedes»-ը մասամբ հայտնվել է «Toyota Camry» մակնիշի ավտոմեքենայի վրա. կա տուժած

Հայբիզնեսբանկը միացել է կորոնավիրուսի տնտեսական հետևանքների չեզոքացման միջոցառումներին

Բոլորս ապրում ենք բարդ ժամանակներ. Նիկոլ Փաշինյանի խոսքը՝ ԵԱՏՄ տեսակոնֆերանսի ժամանակ (տեսանյութ)

Ապրիլի 9-ին Հանրապետության տարածքում վարակազերծվել են 490 հանրային վայրեր