Մեղադրում են գյուղապետին. կարո՞ղ է մարզպետին էլ բռնենք

08/12/2019 schedule10:00

Տպագրվել է «Հայկական Ժամանակ» օրաթերթի՝ 2006 թվականի դոկտեմբերի 8-ի համարում

Երեկ, երբ մի խումբ եզդիներ հավաքվել են նախագահական նստավայրի մոտ` պահանջելով 42-ամյա իրենց ազգակից Քյարամ Ավդալյանի սպանության արդարացի քննություն, Քյարամի մայրն ինքնահրկիզման փորձ է կատարել` կրակ գցելով նաեւ երեք անչափահաս թոռների վրա: Շտապ օգնության ավտոմեքենան տուժածներին տեղափոխել է Վնասվածքաբանության, օրթոպեդիայի եւ ճառագայթաբանության հանրապետական կենտրոն: 67-ամյա Գյուլիզար Ավդալյանն ասում է, թե մտադիր չի եղել թոռներին վնասել, պարզապես նրանք մոտիկ են եղել, եւ բենզինն իր վրա լցնելիս նաեւ անչափահաս թոռներին է հասել: Այդպիսով, այրվել են կնոջ որովայնն ու ոտքերը, 16-ամյա երկվորյակ թոռների (որոնք սպանվածի որդիներն են) ձեռքերը, դեմքերն ու շնչուղիները եւ սպանվածի եղբոր 12-ամյա որդու ոտքերը: Նրանց բոլորի վիճակը հերթապահ բժիշկ Միսաք Գեւորգյանը միջին ծանրության է գնահատում:

Ասում է` բոլորի մոտ սպասվում են, ասենք, ինֆեկցիոն բարդություններ: Բայց թե ընդհանուր առմամբ հիվանդների վիճակն ի՞նչ զարգացում կունենա, բժիշկը կանխատեսել չի ցանկանում: Միայն ասում է, որ  բուժում ստանալուց հետո սպիներ, իհարկե, կմնան, որովհետեւ այրվածքները խորն են: Իսկ այս ամբողջ ողբերգության պատճառը, որքան հասկացանք, դարձել են մի քանի ոչխար: Սպանված Քյարամ Ավդալյանի հարազատները, որոնք գտնվում էին այրված կնոջ եւ երեխաների մոտ, այլայլված էին, ուստի նրանց պատմություններն էլ կցկտուր էին: Այնպես որ, չենք կարող պնդել, թե ստորեւ ներկայացվածը սպանության դեպքի մանրամասների ճշգրիտ վերարտադրությունն է:

Այսպես, Կոտայքի մարզի Զովունի գյուղի բնակիչ 42-ամյա Քյարամ Ավդալյանը իր բազմանդամ ընտանիքի հետ ժամանակավորապես ապրել է Գեղարքունիքի մարզի Վարսեր գյուղի դաշտերում խփած վրանում եւ ոչխար պահել: Ոչխարի հոտը մտել է Լճաշեն գյուղի մի նախրապանի դաշտամասը: Նա էլ, որպես վնասի փոխհատուցում, եկել է եւ քշել-տարել եզդիների ամբողջ սուրուն: Այդ ժամանակ ընտանիքի հայրը` Քյարամ Ավդալյանը, մեկնած է եղել Հրազդան: Երեխաները զանգահարել են հորը` եղելությունը պատմելու: Բայց մինչ նա կգար, ընտանիքի կանանց հաջողվում է ետ վերադարձնել իրենց ոչխարները: Դրանից հետո, երբ նախրապանը մի գառ է պահանջել, ու երեխաները բացատրել են, որ առանց հոր չեն կարող տալ, գառը տարել է առանց նրանց համաձայնության:

Դրանից հետո արդեն վերադարձած Քյարամը Նիվա մակնիշի իր ավտոմեքենայով Վարսերում ապրող ծանոթներից մեկի ու նրա թոռան հետ գնացել է` տեսնելու` ինչո՞ւ է լճաշենցին տարել իրենց ոչխարը: Բանը հասել է ծեծկռտուքի: Ծանոթի թոռը հարվածել է նախրապանին: Հետո վերջինս գանգատ է գնացել իրենց գյուղապետ Կորյուն Մարգարյանին, որն այդ ժամանակ մի քանի հոգու հետ ուտել-խմելիս է եղել: Գյուղապետն էլ իր այդ խմբով գնացել է վրեժ լուծելու: Նրանք ճանապարհին հանդիպել են միայն Քյարամին, ով իր երկու ծանոթներին արդեն իրենց տուն է հասցրած եղել: Այդպես գյուղապետն ու նրա ընկերները կանգնեցրել են Քյարամի մեքենան, իջեցրել նրան ու դաժանաբար ծեծել: Դեպքը տեղի է ունեցել Քյարամի կացարանից մոտ մեկ կիլոմետր հեռավորության վրա:

Ծեծված ու ջարդված Քյարամը կարողացել է չոքեչոք տուն հասնել եւ աղջկան պատմել` ովքեր են իրեն ծեծողները` նշելով նաեւ Լճաշենի գյուղապետի անունը: Ապա խնդրել է իրեն հիվանդանոց հասցնել: Բայց անմիջապես էլ մահացել է: Թեեւ, ամեն դեպքում, հարազատները, դա ուշաթափություն համարելով, նրան հիվանդանոց են տեղափոխել: Այդ ժամանակ, չգիտես ինչ պատճառով, դարձյալ վերադարձել է գյուղապետը եւ պահանջել, որպեսզի Քյարամը դուրս գա` համոզված լինելով, որ իրենից թաքնվում է: «Եթե դուրս չգա, կսպանեմ երեխայիդ»,- ըստ Քյարամի հարազատների` նրա հարսին սպառնացել է գյուղապետ Մարգարյանը: Ահա այս ամբողջ պատմությունից հետո է, որ Քյարամ Ավդալյանի հարազատներն ու ազգակիցները արդարադատություն են պահանջում, եթե ոչ` նրանք, ինչպես մեզ վստահեցրեց Ավդալյանների բարեկամուհիներից մեկը, խոստանում են ինքնադատաստան տեսնել:

«Ասում եմ` բռնեք, էլի: Պետություն ա, թող բռնեն, էլի, գոնե մի քիչ իմ սիրտը դինջանա, էլի»,- ասում է ցավի մեջ տապակվող տիկին Գյուլիզարը` նշելով, որ այդ դեպքում իր վիշտը համեմատաբար կթեթեւանար: Այնինչ` «Ոչ մի բան էլ ինձ չեն անում, ի՞նչ պիտի անեն, որ»,- ըստ սպանվածի մոր, ասել է գյուղապետը: Իսկ Քյարամ Ավդալյանի հարազատներն նշում են, թե որպես մեղավորի կալանավորել են 70-ամյա մի նախրապանի, որը, իրենց կարծիքով, անմեղ է, իսկ իրական մեղավորներն ազատության մեջ են: Ասում են նաեւ, որ իրենց երկու ազգական հանդիպել են ՀՀ գլխավոր դատախազ Աղվան Հովսեփյանին ու հարցրել, թե ինչո՞ւ չեն բռնում Լճաշենի գյուղապետին: Դատախազն էլ պատասխանել է, թե կարո՞ղ է մարզպետին էլ բռնեն:

Հ.Գ. Իմիջիայլոց, ոստիկանները երեկ հսկողություն էին սահմանել հիվանդանոցի մուտքի մոտ` ներս մտնել ցանկացողներից ճշտելով նրանց այցի պատճառը: Եթե մենք ոստիկաններից շուտ չլինեինք գնացած, մեզ էլ չէին թողնելու խոսել հրկիզվածների ու նրանց հարազատների հետ: Եւ դա, ինչպես փորձում էին հավատացնել ոստիկանները, միայն մարդկային մղումներից ելնելով. «Դեպքը ծանր է, թող մի քիչ լավանան»: Բայց, ի գիտություն մեր «բարի» ոստիկանների, ասենք, որ լրագրողի մասնագիտական աշխատանքին խոչընդոտելը քրեորեն պատժելի արարք է:

Աննա Զախարյան

Տպել
2416 դիտում

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ