«Ռեալի» ճանաչված նախկին մարզչի համար Հայաստանը յուրահատուկ է. նա ասել է, թե ինչու

Իսպանացի հայտնի մարզիչ Այտոր Կարանկայի համար Հայաստանը բացառիկ երկիր է: Մասնագետը, որը տարիներ առաջ Մադրիդի «Ռեալում» աշխատել է որպես գլխավոր մարզիչ Ժոզե Մոուրինյոյի օգնական, այս մասին նշեց այսօր՝ դեկտեմբերի 9-ին, Երեւանում լրագրողների հետ զրույցի ժամանակ: Նա նշեց, որ երբեք չի մոռանա Իսպանիայի հավաքականի կազմում Հայաստանում անցկացրած հանդիպումը:

«Այստեղ գտնվելը այսքան շատ մարզիչների հետ մեծ հաճույք է: Ես էլ նրանից մեկն եմ: Միշտ հիանալի է այլ մարզիչներից սովորելու հնարավորություն ունենալը, ֆուտբոլն ուրիշ դիտանկյունից տեսնելը: Ինձ համար այստեղ լինելը շատ հաճելի է նաեւ այն պատճառով, որ մեծ հիշողություններ ունեմ. Իսպանիայի հավաքականի կազմում իմ առաջին հանդիպումն անցկացրել եմ այստեղ 25 տարի առաջ: Դա մի օր է, որը միշտ կհիշեմ»,- ասաց նա:

Կարանկան Հայաստան է եկել Հայաստանի ֆուտբոլի ֆեդերացիայի կազմակերպած մարզչական արտոնագրի թարմացման դասընթացին որպես բանախոս մասնակցելու համար: Նրան, ինչպես մի շարք այլ հայտնի մասնագետների, հրավիրել է ՀՖՖ տեխնիկական տնօրեն, իսպանացի հայտնի մասնագետ Խինես Մելենդեսը: Կարանկան վստահ է, որ, եթե Հայաստանում Մելենդեսին ժամանակ տան, նրա ծրագրերն այստեղ արդյունք կտան:

«Բացի նրանից, որ Խինեսն իմ ընկերն է՝ նրանից շատ բան եմ սովորել: 2 տարի նրա օգնականն եմ եղել: Ակադեմիա ստեղծելու հարցում նա աշխարհում լավագույններից է: Կարծում եմ՝ դա ցույց է տվել Իսպանիայում: Պետք է սպասենք, եթե նրան վստահեն, ժամանակ տան, կստացվի: Քչերն են կարողանում մանկապատանեկան ֆուտբոլը ղեկավարել այնպես, ինչպես նա»,- ասաց նա՝ ավելացնելով, որ չգիտի՝ կհամաձայնի, թե ոչ, եթե Մելենդեսից ՀՀ-ում աշխատելու առաջարկ ստանա:

Նույն դասընթացի շրջանակներում Հայաստանում է նաեւ անգլիական «Լիդզ Յունայթեդ ակումբի սպորտային տնօրեն Վիկտոր Օրտան: Նա շեշտեց, որ սա իր համար ոչ միայն սովորեցնելու, այլեւ սովորելու հնարավորություն է: Նաեւ ասաց, որ նախկինում հայկական ֆուտբոլն ուսումնասիրելու առիթ է ունեցել:

Վիկտոր Օրտա

«Ուրախ ենք Խինեսի հրավերի համար: Հպարտ եմ, որ ֆուտբոլում նրա նման կշիռ ունեցող մարդը հիշել է ինձ այս միջոցառման համար: Ուրախ եմ, որ եւս մեկ ֆուտբոլային երկիր այցելելու հնարավոության ունեցա եւ որ կարող եմ ոչ միայն սովորեցնել, այլև սովորել այն մասին, թե ինչ է կատարվում եվրոպական ֆուտբոլում: «Զենիթում» աշխատելու ժամանակ շատ եմ ուսումնասիրել հայկական ֆուտբոլը եւ նկատել եմ, որ այստեղ տաղանդ ու որակ կա»,- ասաց նա:

Դասընթացներն սկսվել են այսօր եւ կավարտվեն վաղը: Ինչպես նշեց ՀՖՖ գլխավոր քարտուղարի տեղակալ Արթուր Ազարյանը, ի սկզբանե նախատեսված է եղել 250 մարզչի մասնակցություն, սակայն վերջին պահին ցանկացողների թիվն ավելացել է՝ մոտեցել 300-ի: Նա նաեւ նշեց, որ որպես բանախոսներ եկել են այնպիսի մասնագետներ, որոնց հրավիրելը սովորաբար մեծ վարձատրություն է ենթադրում, սակայն Մելենդեսի շնորհիվ նրանք եկել են անվճար:

Լուսանկարը՝ «Հայկական ժամանակ»-ի

Տպել
911 դիտում

Քծնում, շողոքորթում էր ինձ, հետո՝ Աննային, դիմում բացառապես «պարոն վարչապետ ջան»-ով. Ն. Փաշինյանը՝ Հ. Թովմասյանի մասին

Սպաներին հորդորում ենք զերծ մնալ շանտաժի կամ այլ հակաօրինական միջոցով իրավունքները պաշտպանելու փորձերից. Հովհաննիսյան

Եթե ՀՀ սահմանը հատող անձի մոտ առկա են վարակիչ հիվանդություններին բնորոշ ախտանշաններ, ուղեւորը մեկուսացվում է․ԱԱՏՄ

Արմեն Սարգսյանը շնորհավորական ուղերձ է հղել Հնդկաստանի նախագահին՝ Ազգային տոնի առթիվ

Աշոտ Ղուլյանն ու Մասիս Մայիլյանն արձագանքել են Արցախի կարգավիճակի մասին Փաշինյանի խոսքերին

Առաջիկա օրերին ԵՊՀ-ում նիստ կհրավիրվի եւ կհայտարարվի ռեկտորի մրցույթ. թեկնածուին առաջադրվելիք պահանջները վերանայվում են

Ավելի լավ է այդ հարցն ուղղեք Սամվել Կարապետյանին. «Դալմա Գարդեն մոլի» շենքն ընդլայնում են

Առաջիկա 3 օրերին կտաքանա 8-10 աստիճանով, տեղումներ չեն սպասվում

Թուրքիայում գրանցված երկրաշարժի զոհերի թիվն աճել է. տուժել է մի քանի հազար մարդ (լուսանկարներ)

Արմավիրում սահմանային անցակետի փշալարերով արգելված վայր անցած 2 զինված քաղաքացի է հայտնաբերվել

Լիահույս եմ, որ նոր լիցք կհաղորդենք մեր հարաբերություններին. Նիկոլ Փաշինյանը շնորհավորել է Ավստրալիայի վարչապետին

Արգելվել է կենդանական ծագման մթերքի և հումքի ներմուծումը Չինաստանից

Վարչապետը շնորհավորական ուղերձ է հղել Հնդկաստանի վարչապետին՝ երկրի ազգային տոնի առթիվ

2019-ին ունենք հրադադարի ռեժիմի խախտումների զգալի նվազում, ՊԲ արդյունքները գոհացնում են. ՊԲ հրամանատար (տեսանյութ)

Երեւանի Մետրոպոլիտենում տեղի է ունեցել տեխնիկական խափանում․ խնդիրը վերացվել է

Փեսան համընդհանուր զորահավաք է հայտարարում

Էլեկտրաէներգիայի անջատումներ կլինեն Երևանում և մի շարք մարզերում

Վարդենյաց լեռնանցքը փակ է բեռնատարների համար, Սոթք-Քարվաճառը՝ բոլոր մեքենաների համար դժվարանցանելի

Ա. Սարգսյանը անձնակազմերին է ներկայացրել ոստիկանության նորանշանակ ԵՔՎ պետին և ՊՊԾ գնդի հրամանատարին (տեսանյութ)

Արմեն​ Սարգսյանը​ և​ Նունե Սարգսյանն այցելել​ են​ Երուսաղեմի​ Սուրբ​ Հարության​ տաճար