Վանաձորի քաղաքապետարանի ու ենթակա հիմնարկների 1300 աշխատակիցների աշխատավարձերը կբարձրանան. ինչ միջոցներով է դա արվելու

Վանաձորի քաղաքապետարանի ու համայնքապատկան հիմնարկների գրեթե 1300 աշխատակիցների աշխատավարձը հունվարի 1-ից կբարձրանա 20 տոկոսով: Նման որոշում համայնքի ավագանին կայացրել է ավագանու վերջին նիստում, այնուհետ արդեն կայացրած որոշումը համարել աննախադեպ: Աշխատավարձերի բարձրացումը, իհարկե, գովելի քայլ է, հատկապես, երբ համայնքն ի վիճակի է գնալ այդ քայլին: Վանաձորը, բարեբախտաբար, կուտակված աշխատավարձերի պարտքեր արդեն 2 տարի է՝ չունի: 

Մեկ դիտարկում՝ օրենսդրական համապատասխան փոփոխության շնորհիվ հունվարի 1-ից բարձրացվել է նվազագույն աշխատավարձի շեմը՝ 55 հազար դրամից դառնալով 68 հազար դրամ: Հետեւաբար, այստեղ գործ ունենք ոչ միայն քաղաքապետի ու ավագանու բարի կամքի դրսեւորման հետ, այլ ինչ-որ տեղ նաեւ՝ կառավարության որոշման կատարման:

Ավագանու վերոնշյալ որոշմամբ սահմանվել են նաեւ նոր դրույքաչափեր՝ Վանաձորի համայնքապետարանի աշխատակազմի և ենթակա հիմնարկների աշխատավարձերի համար՝ վերանայելով բոլորի դրույքաչափերը միջինը 20 տոկոսով:

Վանաձորի քաղաքապետ Մամիկոն Ասլանյանը Հժ-ի հետ զրույցում հաստատեց՝ հունվարի 1-ից բոլոր աշխատակիցների աշխատավարձերն են բարձրանալու. «Նվազագույն աշխատավարձ ստացողներինը, կառավարության որոշման համաձայն ենք բերում 68 հազար դրամի շեմին, եւ դրան համապատասխան, համամասնորեն, մեր բոլոր աշխատակիցների աշխատավարձն ենք բարձրացնում՝ ըստ աստիճանակարգերի: Մեր աշխատակիցները մոտ 10 տարի աշխատավարձերի բարձրացում չեն ունեցել, կարծում եմ՝ կարեւոր եւ ճիշտ իրադարձություն էր»:

Քաղաքապետի խոսքով՝ աշխատավարձերը բարձրացվել են համայնքի բյուջեի հաշվին: «Բնականաբար, բյուջեն դոտացիոն բյուջե է, կառավարությունը մեզ նաեւ դոտացիա է տալիս, բայց աշխատավարձը մենք վճարում ենք Վանաձորի բյուջեից»,- ասաց քաղաքապետը՝ նշելով, որ թեպետ կառավարության՝ Վանաձորին տրամադրվող դոտացիան ավելացել է, սակայն աշխատավարձերի մասով չի արվել. «Մեր ավելացրած աշխատավարձը մի քիչ ավելի է ավելացված դոտացիայի չափից, բայց կարծում եմ՝ կառավարությունը նաեւ այլ եկամուտների տողով, նվազագույն աշխատավարձի գոնե տարբերությունը մեզ կփոխանցի: Առայժմ չունենք այդ պատկերը, բայց մենք պատրաստ էինք աշխատավարձի բարձրացման գնալուն»:

Մամիկոն Ասլանյանն ասում է՝ մասնագիտական հաշվարկներ են արվել, որպեսզի խուսափեն ֆորս-մաժորային իրավիճակներից: Ըստ նրա՝ 1300 աշխատակիցների գրեթե կեսի աշխատավարձը հասցվելու է նվազագույն աշխատավարձի՝ 68,000-ի շեմին: Ասլանյանը հպարտությամբ է փաստում՝ արդեն 2-րդ տարին է, ինչ բյուջեն փակում են առանց պարտքերի, այդ թվում՝ աշխատավարձի: 

Վանաձորի քաղաքապետարանի աշխատակազմի քարտուղար Արթուր Օհանյանը ՀԺ-ի հետ զրույցում հայտնեց, որ առայժմ չեն կարող ասել, թե կառավարությունը հաջորդ տարվա համար որքան դոտացիա կհատկացնի, թիվը դեռ հստակեցված չէ: «Օրենքը պետք է նախ ուժի մեջ մտնի, ու մենք հասկանանք, թե ինչքան է ավելացել ու ինչքան է հատկացվելու: 2020 թ.-ի աշխատավարձերի բարձրացման մասով, բնական է, կառավարությունը գումար նախատեսելու է»,- ասաց Արթուր Օհանյանը՝ նշելով, սակայն, որ 1300 աշխատակիցների ոչ թե 50 տոկոսն է նվազագույն աշխատավարձ ստացող, այլ 70 տոկոսը:

ՀԺ-ի դիտարկմանը՝ որ փաստորեն աշխատակիցների 70 տոկոսի աշխատավարձերը բարձրացվել են ոչ թե բարի կամքի դրսեւորմամբ, այլ պարզապես կառավարության որոշումն են կյանքի կոչում, աշխատակազմի քարտուղարն ասաց. «Կոնկրետ համայնքապետարանի մասով մեթոդական ուղեցույց կա, թե որ խմբի աշխատակիցն ինչ համամասնությամբ պետք է աշխատավարձ ստանա, ու այդ համամասնությունը պահելու համար բոլորինն ենք բարձրաձրել»:

Արթուր Օհանյանի խոսքով՝ 1300 աշխատակիցների աշխատավարձերի 20 տոկոս բարձրացման համար կպահանջվի լրացուցիչ 250-300 մլն դրամ: «Սրա մի մասը կոնկրետ դոտացիայի միջոցով կտրվի, բայց այստեղ այլ հարց կա. նախկինում, երբ մեր պարտքերը կուտակվում էին, պետությունը մի ամբողջ տարի տալիս էր, հաջորդ տարիներին չէր տալիս այդ տարբերությունը, եւ մենք հիմա փորձում ենք նաեւ 2021-ի կանխատեսումներն անել, որ եթե պետությունը հաջորդ տարիներին չտա, մենք փաստի առաջ չկանգնենք»,- ասաց նա: Նշեց, որ աշխատավարձերի բարձրացումը ստացվում է 50/50՝ համայնք-կառավարությունը, չնայած որ «Պետությունը նվազագույն աշխատավարձի մասով կփոխհատուցի, բայց էն մյուսի մասով մենք պետք է լրացնենք»:

Տպել
1319 դիտում

Ստեփանավանի դենդրոպարկի մուտքի մոտ սահմանափակումներ են դրվել. նախօրեին 10 000 մարդ էր այցելել այնտեղ (լուսանկարներ)

Գեղարքունիքի մարզում կորոնավիրուսի 6 նոր դեպք է հաստատվել

Մինչ այս քրեական հետապնդման մարմինների կողմից իրականացված գործողությունները եղել են ու մնում են իրավաչափ. Գոռ Աբրահամյան

Շիրակի մարզում առաջին անգամ սոյա կմշակվի. ծրագիրը փորձնական է

Անցյալի եւ ապագայի միջեւ գիծ պետք է քաշվի, պետք է հասկանալ՝ ինչ է տեղի ունեցել 1996-ին, 1999-ին, 2008-ին...Ա. Ջուլհակյան

Երևանում տերմինալներից գողություն կատարողների խումբ է բռնվել. ձերբակալվել են 22 և 26-ամյա երկու երիտասարդներ

Այգեձոր բնակավայրի «Այգեձորի գոմեր» կոչվող հանդամասում մոտ 5 հա խոտածածկ տարածք է այրվել

ՍԱՏՄ մշտադիտարկումներն ու կրկնայցերը Երեւան քաղաքում. կրկնակի խախտում է թույլ տվել 2 կազմակերպություն

Նախագահը կրթության փորձագետ Անահիտ Բախշյանի հետ խոսել է Լանզարոտի կոնվենցիայի վերաբերյալ իր մտահոգությունների մասին

Հյուրանոցային համալիրի սեփականատիրոջ կազմակերպմամբ տնօրենին զրկել են ազատությունից, ապա ունեզրկել

Ոստիկանությունում Ռուբեն Հայրապետյանին առնչվող նոր քրեական գործ է հարուցվել

Առողջապահության նախարարը հանդիպել է ՀՎԿԱԿ-ի մասնաճյուղերի տնօրեններին

Գալուստ Սահակյանի որդին ներգրավվել է որպես մեղադրյալ ՔԿ-ում քննվող քրեական գործով

Սննդի անվտանգության տեսչական մարմինը մշտադիտարկումներ է իրականացրել Երեւանում․ հայտնաբերվել են մի շարք խախտումներ

ԱԻՆ-ը շրջայց է իրականացնում ՀՀ տարածքում (Տեսանյութ)

ՀՀ վարչապետը ցավակցական հեռագիր է հղել Իսպանիայի կառավարության նախագահին

Նախագահը ստորագրել է սեռական բռնություններից երեխաների պաշտպանության մասին կոնվենցիան վավերացնելու օրենքը և վավերագիրը

Մենք գնում ենք այս ճանապարհով՝ փոխանցելով «կրիր դիմակ, փրկիր կյանքեր» ուղերձը

Կորոնավիրուսի դեմ պայքարող բուժաշխատողների վարձատրությունը 2-3 անգամ բարձրացել է. ռեանիմատոլոգների պակաս կա

Կորոնավիրուսից մահացած մոր հուղարկավորության ժամանակ վարակված աղջիկները եւս մահացել են