16-ամյա աղջկա սպանության համար մեղադրվողի հայրը ֆեյսբուքյան կեղծ օգտատիրոջ կողմից սպառնալիքներ է ստացել

16-ամյա աղջկա սպանության համար մեղադրվող Ռաֆայել Սուքիասյանի հայրը՝ Արա Սուքիասյանը, ֆեյսբուքյան կեղծ օգտատիրոջ կողմից սպառնալիքներ է ստացել:

Այս մասին «Հայկական ժամանակ»-ի հետ զրույցում ասաց Արա Սուքիասյանը՝ հայտնելով, որ Ոստիկանության Կենտրոնի բաժնում այդ առիթով այսօր բացատրություն է տվել:

Հիշեցնենք, որ 16-ամյա աղջիկը իր վարձակալած բնակարանում սպանվել է հունվարի 5-ին՝ ժամը 23։00-ի սահմաններում: Դատաբժշկի նախնական եզրակացության համաձայն՝ աղջիկը մահացել է խեղդամահ արվելու հետեւանքով։ Ոստիկանությունը հայտնել է, որ սպանության կասկածանքով հաջորդ օրը ձերբակալվել է ՊՆ պայմանագրային ծառայող Ռաֆայել Սուքիասյանը, ում մոտ խուզարկությամբ հայտնաբերվել է սպանված աղջկա պլանշետը: Նա տվել է ինքնախոստովանական ցուցմունք։ Այսօր նրան մեղադրանք առաջադրվեց ՀՀ քրեական օրենսգրքի 104 հոդվածի 2-րդ մասի 8-րդ կետով (սպանություն, որը կատարվել է շահադիտական դրդումներով), եւ որպես խափանման միջոց ընտրվել կալանավորումը:

Մեղադրյալի հոր՝ Արա Սուքիասյանի հետ մեր զրույցը՝ ստորեւ.

Պարո՛ն Սուքիասյան, ի՞նչ բովանդակությամբ է եղել սպառնալից հաղորդագրությունը, ե՞րբ եք այն ստացել:

- Քանի որ վերջերս ես անընդհատ լրատվամիջոցների հետ հաղորդակցվում եմ ու հայտարարում, որ որդուս գործը սարքած է, ինձ այսօր ինչ-որ ֆեյք օգտատեր ֆեյսբուքով հաղորդագրություն է գրել, թե «ձեր աղջկան հեռու պահեք էս գործից, նրան փնտրում է էդ սպանված աղջկա ընկերը»: Ես էդ հաղորդագրությունը նկարեցի, ցույց տվեցի ոստիկաններին: Գյումրիում նրանք շատ օպերատիվ արձագանքեցին, նույնիսկ երկու բրիգադ եկավ, տեղեկանք կազմեց, բայց քանի որ աղջիկս Երեւանում է ապրում ու աշխատում, դա Գյումրու ոստիկանների իրավասության տակ չէ, խորհուրդ տվեցին դիմել Երեւանի բաժին, եւ քանի որ որդուս տեսակցության հույսով գալիս-գնում էինք Երեւան, ներկայացանք նաեւ Կենտրոնի բաժին եւ հայտնեցինք, որ նման բովանդակությամբ հաղորդագրություն ենք ստացել, որը ընկալում ենք որպես սպառնալիք: Ոնց որ ակնարկեն՝ տղուդ կորցրիր, զգույշ եղի՝ աղջկադ էլ չկորցնես:

- Ձեր որդուն հանդիպել ի վերջո ստացվե՞ց:

- Տեսա, որ եկավ, մտավ քննիչի մոտ, կարճ խոսեցի հետը. նա նա չէր, լրիվ ուրիշ մարդու պես էր, վախեցած: Այդ հանդիպումով ես համոզվեցի, որ որդիս այդ իրավիճակի մեջ իրեն շատ անպաշտպան էր զգում: Իմ տպավորությամբ՝ զգում էր ուրիշի փոխարեն պատասխան տվողի կարգավիճակում: Ես հարցրի՝ դո՞ւ ես, ասաց՝ չէ: Էդ էր ինձ պետք: Հիմա նրան հանրային պաշտպան է տրամադրվել, գուցե ինչ-որ տեղ հույս ներշնչի, ենթադրում եմ՝ որդիս նրա միջոցով կհաստատի, որ Ոստիկանությունում ճնշում է եղել, դժվար թե հերքի: Ես զգացի, որ էդ ինքնախոստովանանքը շատ բիրտ ձեւով է եղել, բայց դե, երեւի չի կարողանում պնդել, չգիտեմ:

- Ձեր որդուն մեղադրանք է առաջադրվել շահադիտական դրդումներով սպանության համար, եւ տվյալ դեպքում նախաքննական մարմինը նրա մոտ հայտնաբերել է սպանված աղջկա պլանշետը: Այս առիթով ի՞նչ կասեք:

- Ես ենթադրում եմ, որ այդ պլանշետը նրա մոտ դրվել է, Ոստիկանությունը սարքել է, քննիչն էլ աշխատում է եղած փաստերի հետ: Ես որ իրեն հարցնում եմ՝ հիմա դուք համոզվա՞ծ եք թե՞ չէ, ասում է՝ դա դատարանը կորոշի: Նա շատ կիրթ, կոռեկտ է, շատ բան չի ասում, մնում է իր շրջանակների մեջ, գուցե դա պրոֆեսիոնալիզմն է, ինչը չեմ կարող ասել ոստիկանների մասին. ես գնացի, իմ աղջկա անվտանգության համար նման հայտարարություն արեցի, դիմում գրեցի, ասացին, որ այդ դիմումս պիտի աստիճանաբար ուղարկվի, ինձ հետո նամակով կպատասխանեն, դա էլ, իմ ընկալմամբ, մոտ յոթ օր կտեւի: Դուք պատկերացնո՞ւմ եք մեր լարված վիճակը. ոչ մի երաշխիք չտվեցին բացի նրանից, որ հարգալից ընդունեցին, ես տպավորություն էլ չստացա, թե նրանք էդ ֆեյք գրողին կգտնեն:

- Ըստ Ձեզ՝ ի՞նչ շահագրգռվածություն պիտի ունենար Ոստիկանությունը Ձեր  որդու նկատմամբ «գործ սարքելու» համար:

- Որ ինձ գրել էին, թե էդ աղջկա ընկերը փնտրում է աղջկաս, ես հարցնում եմ՝ ո՞վ է, շա՞տ վախենալու մարդ է, ասում են՝ բա իհարկե, ինքը թափով մարդու տղա է, այսինքն՝ ես հասկանում եմ, որ էդ նույն մարդու միջոցով է էդ բնակարանը վարձվել, ես հեչ բան չիդեմ, զոռ եմ տալիս երեւակայությանս: Աղջիկս էլ հիմա կաշկանդված է, չգիտի, թե իր աշխատանքի գնալ-գալը ինչպես են կազմակերպելու: Բացի այդ, ես նաեւ ֆեյսբուքյան օգտատերերից երկուսի մոտ ակնարկներ եմ նկատել, որոնք իրականությանը մոտ էին. մեկը գրել էր, որ էդ տանը էլի մարդիկ են ապրում, երկու տղամարդ, մեկն էլ գրել էր, թե հնարավոր է՝ էդ աղջիկը հարուստ ու ազդեցիկ հովանավորյալ ունենա: Բայց դե, ֆեյսբուքում պարապ մարդիկ շատ են, գուցե ուղղակի էդպես գրել են: Ես հիմա շատ սարսափած վիճակում եմ, կուզեմ էդ աղջկա եղբորը տեսնել, ասել, որ իմ տղան չէ:

- Դուք կամ Ձեր որդին սպանվածին կամ նրա ընկերոջը չե՞ք ճանաչել, երբեւէ չե՞ք առնչվել նրանց հետ:

- Բացարձակ, ոչ ես, ոչ տղաս այդ աղջկան եւ նրա եղբորը չենք ճանաչել: Ես հմի էնպես բաներ կը կասկածեմ որ, գտնիմ հնդկական ֆիլմի սցենարների ոճի պես: Ես հեչ չեմ բացառում, որ էդ աղջկա հովանավորյալը ազդեցիկ մեկն է՝ կամ փողով, կամ պաշտոնով: Բայց որ հարեւանները խուսափում էին մամուլով երեւալ, առնչվել, նշանակում է, որ շատ կասկածելի ու վտանգավոր բնակիչներ ունի էդ տունը:

- Պարոն Սուքիասյան, քանի որ պնդում եք, որ Ձեր որդու նկատմամբ ճնշում է գործադրվել, Մարդու իրավունքների պաշտպանին դիմել ե՞ք:

- Ես արդեն անձամբ Արման Թաթոյանին եմ գրել՝ հայտնելով, որ չեմ հավատում կատարվածին, եւ այդ համակարգի մեջ որդուս մենակ ու անպաշտպան եմ տեսնում:

«Հայկական ժամանակ»-ը փորձեց կապ հաստատել նաեւ տուժող կողմի հետ, ինչը, սակայն, չհաջողվեց:

 

 Միլենա Խաչիկյան

Տպել
3926 դիտում

Հանկարծամահ է եղել հայտնի լուսանկարիչ Գերման Ավագյանը

Հրդեհ Արարատի մարզի Սիփանիկ գյուղում

Իսրայելը Գոլանի բարձունքներից հրթիռներ է արձակել Դամասկոսի ուղղությամբ

Լարսը բաց է բոլոր տեսակի տրանսպորտային միջոցների համար. կուտակված մոտ 1000 բեռնատար կա

Վիրահայոց թեմը հրավիրում է հարիսա ուտելու

Դովեղ գյուղում այրվել է խոտածածկ տարածք եւ խաղողի այգի

Լեռնային Ղարաբաղը չի կարող զիջել իր անվտանգությունը. վարչապետը հրապարակել է «Մյունխենյան սկզբունքներ»-ը

Ինչո՞ւ քաղաքական ուժերը խուսափեցին «Ոչ»-ի պատասխանատվությունից

Կորոնավիրուսի կասկածանքով Ադրբեջանում 2 երիտասարդի են հոսպիտալացրել

ՀՀ տարածքում շարունակվում են փակ և դժվարանցանելի մնալ ավտոճանապարհներ

Արագածոտնում 9 դպրոցականների վիճաբանությունն ավարտվել է դանակահարությամբ. 16-ամյա տղան հիվանդանոցում է

ԵԽ-ն կարգապահական տույժի է ենթարկել Թուրքիայի դրոշը պատռած հույն պատգամավորին

Վանաձորում թալանել են տեղի հայտնի անհատ ձեռներեցի բնակարանը՝ տանելով 20 000 դոլարի ոսկյա զարդեր և խոշոր գումար

Սարի թաղ տանող ճանապարհի սկզբնամասում տեղի էր ունեցել քարաթափում

Զոհրաբ Մնացականյանը հանդիպել է Ղազախստանի ԱԳ նախարար Մուխտար Թլեուբերդիի հետ

Արմեն Սարգսյանը շնորհավորական ուղերձ է հղել Լիտվայի նախագահին՝ Անկախության օրվա կապակցությամբ

ԱԳ նախարար Զոհրաբ Մնացականյանը հանդիպել է Կիպրոսի ԱԳ նախարար Նիկոս Խրիստոդուլիդեսի հետ

Առաջիկա օրերին կտաքանա 5-7 աստիճանով, որոշ շրջաններում ձյուն կտեղա

Զոհրաբ Մնացականյանի հանդիպումը Մալթայի արտաքին գործերի և եվրոպական հարցերով նախարար Էվարիստ Բարտոլոյի հետ

Բանակն ու օրենքի առջեւ բոլորի հավասարության սկզբունքը