Հայաստանի դեմ հիբրիդային պատերազմ է մղվում

09/01/2020 schedule18:27

Տարին սկսվեց տարածաշրջանում լարվածության աննախադեպ աճով: Թե ինչպես կզարգանան իրադարձությունները՝ ժամանակը ցույց կտա, բայց փաստն այն է, որ իրավիճակը խիստ անկանխատեսելի է, եւ այդ ամենը տեղի է ունենում մեր տարածաշրջանում՝ Հայաստանի «քթի տակ»: Ակնհայտ է, որ եթե անգամ ամեն ինչ ավարտվի ընդամենը Իրանի նկատմամբ Արեւմուտքի պատժամիջոցների խստացմամբ, դա նույնպես որոշակի ազդեցություն կունենա Հայաստանի վրա, բայց չի բացառվում նաեւ ռազմական գործողությունների հավանականությունը, իսկ դա նշանակում է, որ իրավիճակը կարող է կտրուկ սրվել նաեւ հայ-ադրբեջանական շփման գծում: Որքանո՞վ է Հայաստանը պատրաստ իրադարձությունների այդպիսի զարգացմանը:

ՀՀ զինված ուժերը եւ պետական մյուս ինստիտուտները, վստահաբար, պատրաստ են իրադարձությունների ցանկացած զարգացման: Ավելի քան 25 տարի շարունակվող «ոչ պատերազմ, ոչ խաղաղություն» վիճակը մեզ ստիպել է ամեն պահի պատրաստ լինել ֆորսմաժորային զարգացումների: Բայց միայն պետական ինստիտուտների պատրաստվածության մակարդակը բավարար չէ, որովհետեւ ժամանակակից պատերազմները, որպես կանոն, հիբրիդային են, այսինքն՝ հակառակորդը գործում է ոչ միայն շփման գծում եւ ոչ միայն ռազմական մեթոդներով, այլեւ կիրառում է տեղեկատվական տեխնոլոգիաներ, փորձում է ազդել հանրային գիտակցության վրա, հակառակորդ երկրում դաշնակիցներ գտնել, նրանց միջոցով հասարակության մեջ անվստահություն սերմանել սեփական իշխանությունների նկատմամբ եւ այլն: Որքանո՞վ են խոցելի մեր պետությունն ու հասարակությունն ա՛յս առումով:

Թե լարվածության աճին զուգընթաց քանի նոր Դիանա Հարությունյաններ կբացահայտվեն՝ այնքան էլ էական չէ: Շատ ավելի էական է այն, որ Հայաստանի քաղաքական-հասարակական շրջանակներում, ցավոք, բավականաչափ պարարտ հող կա հակառակորդ(ներ)ի կողմից մեր դեմ հիբրիդային պատերազմ վարելու համար: Ընդ որում՝ այդ շրջանակները կարելի է բաժանել երկու մասի: Մի մասը շատ հստակորեն ծառայում է այլ պետությունների շահերին (իսկ դրանք միշտ չէ, որ համընկնում են Հայաստանի շահերի հետ), մյուս մասը պարզապես գործում է Հայաստանի պետական շահերի դեմ՝ առաջնորդվելով բացառապես սեփական քաղաքական-կուսակցական շահերով եւ «ինչքան վատ, այնքան լավ» սկզբունքով: Ընդ որում՝ այնպես չէ, որ ձեռքերը ծալած սպասում են, թե երբ ինչ-որ վատ բան կլինի, որ անմիջապես աշխուժանան, ամեն ինչի համար մեղադրեն իշխանություններին ու ասեն «բա ինչի՞ մեր ժամանակ տենց չէր»:

Նրանք նաեւ ակտիվորեն աշխատում են, որ այդ «ինչ-որ վատ բանը» տեղի ունենա: Օրինակ՝ մատնագրեր են ուղարկում Մոսկվա (թե ինչ թաքնված հակառուսական քաղաքականություն են իրականցնում Հայաստանի իշխանությունները, եւ ինչ «անհասկացող» են ռուսները, որ չեն պատժում նրանց), միջազգային կառույցներին են մատնագրեր ուղարկում (թե մարդու իրավունքների ինչ ահավոր խախտումներ են տեղի ունենում Հայաստանում), հայտարարություններ են տարածում, թե տեսեք՝ Հայաստանում դատական համակարգն անկախ չէ, հետեւաբար՝ օտարերկրյա ներդրումները պաշտպանված չեն, եւ չարժե ներդրումներ անել Հայաստանում, իշխանությունների եւ բանակի գեներալիտետի միջեւ առկա անվստահության մասին են խոսում, Արցախի իշխանություններին են կոչ անում տարաձայնություններ ունենալ ՀՀ իշխանությունների հետ, եւ այսպես շարունակ: Ու ամենացավալին այն է, որ այդ ամենն արվում է ոչ թե ֆեյսբուքյան ֆեյք օգտատերերի, այլ տասնյակ հայկական լրատվամիջոցների եւ իրական հասարակական-քաղաքական գործիչների միջոցով:

Տպել
1921 դիտում

Էրդողանը բողոքել է, թե Ֆրանսիան զենք է ուղարկում Հայաստանին, քննադատել նրան

Երևանի Աբովյան և Արամի փողոցների խաչմերուկի մոտակայքում 3 ավտոմեքենա է բախվել

Առողջապահության նախարարն այցելել է վիրավոր զինծառայողներին բուժող մարզային բժշկական կենտրոններ

Մեծ հայրենասեր եւ բարերար Ջորջ Բաղումյանը հերթական 1 միլիոն դոլարն է նվիրաբերել «Իմ քայլը» հիմնադրամին

Զինծառայողի ծնողի դրդմամբ լաբորատորիայի վարիչն ու լաբորանտը covid-19-ի կեղծ եզրակացություն են կազմել․ ԱԱԾ

Հաստատվել է կորոնավիրուսի 2314 նոր դեպք. մեկ օրում գրանցվել է 23 վիրուսակիր մարդու մահ

ԱՄՆ-ն պետք է վճռական քայլեր ձեռնարկի, որպեսզի ստիպի Ադրբեջանին պահպանել հրադադարի ռեժիմը. Ֆրենկ Փելոնի

Գիշերը հրետանի է կիրառվել Մարտունու շրջանի 4 համայնքների ու Ասկերանի շրջանի Ավետարանոց գյուղի ուղղությամբ․ ԱԻՊԾ

Ինչպես ԱՄՆ դեսպանատան հայտարարությունը կապվեց հայերի հետ, ադրբեջանական պարզունակ կեղծարարության մասին (տեսանյութ)

Տեղային նշանակության մարտեր են ընթանում ճակատային գծի բոլոր ուղղություններում. հրետակոծվել են բնակավայրեր

Վաղ առավոտյան թարմ ապրանք. Ա. Հովհաննիսյանը լուսանկարներ է հրապարակել առգրավված զինմեքենայից

Ա. Հովհաննիսյանը ներկայացրեց Ղարաբաղում ակտիվ մարտական գործողությունները՝ ըստ քարտեզի (տեսանյութ)

Այսօր եւս չեզոքացվել է 1 դիվերսիոն հետախուզական խումբ, սակայն նրանց դեմ մարտերը դեռ շարունակվում են. Հովհաննիսյան

Արցախի ԱԳՆ-ն դիմել է ԿԽՄԿ-ին` Արցախի ՊԲ-ի զինծառայողների և քաղաքացիական անձի մասնակցությամբ տեսանյութերի կապակցությամբ

Գրադ եւ սմերչ կայանքներից հրթիռակոծվել են Մարտունին, Թաղավարդը, ռազմական ավիացիայով՝ Մարտակերտը

Պատերազմի առաջին օրերից մինչ այսօր միայն «Շենգավիթ» ԲԿ-ում ծնվել է 15 արցախցի փոքրիկ

Ժողովուրդը պետք է հասկանա՝ թուրքական ապրանքները բոյկոտելով հանդերձ, շուկայի եղածը պիտի սպառենք․ Ղազարյան

ՊՆ-ն հերքում է հայկական ինքնաթիռի խոցման մասին ադրբեջանական ապատեղեկատվությունը

ԱՄՆ-ի հայ բժիշկների նվիրաբերած համակարգչային տոմոգրաֆը զինվորների բուժմանը կծառայի Կապանում

Գվատեմալայի Սայախչե քաղաքը ճանաչել է Արցախի ժողովրդի ինքնորոշման իրավունքը