Կարեն Սարուխանյանը հրապարակային ներողություն է խնդրել Սոֆյա Հովսեփյանից

«Իմ քայլը» խմբակցության պատգամավոր Կարեն Սարուխանյանը ֆեյսբուքյան գրառմամբ ներողություն է խնդրել Սոֆյա Հովսեփյանից՝ նրան ամուսնանալու խորհուրդ տալու համար։ 

Նշենք, որ ԱԺ 2 պատգամավորների՝ Սոֆյա Հովսեփյանի եւ Կարեն Սարուխանյանի (նախկինում Շիրակի փոխմարզպետի եւ մարզպետի) հեռակա բանավեճը սկսվել է այն բանից հետո, երբ ՀՀ առողջապահության նախարարի խորհրդական Աշոտ Սարգսյանը, կիսվելով Սոֆյա Հովսեփյանի՝ Մարալիկի առողջության կենտրոնի եւ ծննդատան փակման մասին հարցզրույցով, գրել էր.

«Տիկին Սոֆյա Հովսեփյան, երբ դուք դեռ փոխմարզպետ էիք, կարող էիք զբաղվել բժիշկների կադրային քաղաքականությամբ, հագեցնեիք մասնագետներով Մարալիկի ծննդատունը, նրանց շնորհիվ ծնունդները կշատանային և բնականաբար աշխատավարձներն էլ կբարձրանար։ Շուտվանից գիտեիք նման խնդրի մասին, զբաղվեիք։ Ի վերջո ծննդատունը մարզպետարանի ենթակայության տակ է գտվում և մարզպետարանը ունի բուժվարչություն։ Կա պատճառ և կա հետևանք։ Այսօրվա առաջացած խնդիրը նաև ձեր չարածի հետևանք է»:

Նախարարի խորհրդականի այս գրառմանը մեկնաբանություն էր թողել Սոֆյա Հովսեփյանը՝ Կարեն Սարուխանյանի հասցեին մեղադրանքներ նշելով: Նա գրել էր.

«Այո, դուք ճիշտ եք՝ ես զբաղվել եմ, հիմա քանի որ բաց, ապա բաց խոսեմ։ 18 աշխատակիցներին տրվեց ծանուցում, որ պետք է ազատվեն, որպեսզի գումար տնսեսվեր, քանի որ ուռճացած հաստիքներ էին։ Երկու ամիս անց, երբ պետք է հրամանը լիներ ազատման, գործող մարզպետը կանխեց, քանի որ ըստ տնօրենի հավաստման՝ մի կրճատվողի որդի, որի մայրը ամենատարեցն էր, զանգել էր մարզպետին և գործը կանխվեց, մարզպետն առաջարկել էր գոնե այդ մեկին թողնեն, մնացածին կրճատեն, սակայն տնօրենը չէր արել, բոլորին պահել էր, թեև ես հորդորեցի, որ դա արատավոր երևույթի շարունակություն է, պահանջեցի կրճատել բոլորին ու առաջացավ բախում։ Խնդիրը ներկայացրել եմ թե՛ նախարարին, թե՛ մի շարք այլ անձանց։ Հաստատությունը դրա պատճառով ամսական շուրջ 1 մլն մինուս գնաց, սակայն տնօրենը վախեցած մարզպետի հրահանգից չկրճատեց։ Արդյունքում իմ և մարզպետի հարաբերությունները սրվեց։ Դրանից հետո ընտրվել եմ և եկել ԱԺ։ Այդ նույն հարցով մի քանի անգամ դիմել եմ նախարարի խորհրդականներին, փոխնախարարի, բայց զինվորական տղայի զանգը զորեղ էր։ Արդյունքը սա։ Վերջին հորդորս եղել է տնօրենին մեկ ամիս առաջ, ասեց՝ քննարկում կանեմ, քննարկման արդյունքը ծննդատան փակումն էր, և սա կփաստեն բոլոր աշխատակիցները, քանի որ այն ժամանակ նույնպես իմ ջանքերով պահվեց»։

Նույն գրառման տակ Սոֆյա Հովսեփյանին արձագանքել է այն ժամանակ Շիրակի մարզպետ, այժմ «Իմ քայլը» խմբակցության պատգամավոր Կարեն Սարուխանյանը՝ հորդորելով վերջինիս չզբաղվել բամբասանքներով, այլ խոսել ապացույցներով:

«Քանի որ Սոֆյա Հովսեփյանը նշեց նախկին մարզպետին ու ներկայացրեց, որ իմ կողմից է եղել հրահանգ, որ չազատեն աշխատանքից 18 հոգու, ապա հարկ եմ համարում որոշ պարզաբանումներ ներկայացնել այդ մասով։

Սոֆյան որքան էլ որ համակարգել է առողջապահության և կրթության ոլորտը, ի զարմանս ինձ, պարզվում է, որ տեղյակ չի եղել իր կողմից համակարգվող հաստատության ֆինանսական վիճակից և այստեղ ապատեղեկատվություն է փորձում տարածել, որն էլ շեշտեմ, որ բացարձակ անհիմն է և ստեղծագործ ժանրին է բնորոշ։

Այո, 2018 թվականի հունիսի 1-ից ես պաշտոնավարել եմ Շիրակի մարզում որպես մարզպետ ու բավականին բարդ փուլում՝ հետհեղափոխական։

Մարալիկի ԱԿ-ի տնօրենը, ում ես եմ նշանակել ԺՊ (Սոֆյա Հովսեփյանի առաջարկությամբ՝ որպես ոլորտը համակարգող) դեռ իմ կողմից ԺՊ նշանակելուց 1 ամիս հետո, երբ չէր կարող ամբողջական պատկերացում ունենալ ԱԿ-ի աշխատանքների մասին, ինձ դիմել է, որ ցանկանում է աշխատանքից ազատել 18 հոգու, ովքեր տարեց են և դիմել է այն ժամանակ, երբ Մարալիկում առանց այն էլ լարված իրավիճակ էր՝ համայնքի ղեկավարի հրաժարականի պահանջով մարդիկ փողոցներ էին փակում։

Ես առաջնահերթ մտածել եմ տարածքի խաղաղության պահպանման համար և ավելորդ լարվածություններ թույլ չեմ տվել։

Այո, նպատակահարմար չեմ գտել ազատումը և որպես վերադաս խորհուրդ եմ տվել տնօրենի ԺՊ-ին խուսափել ազատումներից, քանի որ դեռ ԺՊ է (ասեմ, որ արդեն 1 տարուց ավել է ԺՊ է, քանի որ մրցույթներին մասնակցել և կտրվել է )։

Բացի դրանից հիմնվել եմ այդ տարի սույն հաստատությունում մարզպետարանի կողմից կատարած ֆինանսական աուդիտի արդյունքների վրա, որտեղ հստակ նշվում է, որ ֆինանսական ծանր պայմանների է հասցրել ԱԿ-ում ոչ թե այդ աշխատողների լինելու հանգամանքը, այլ ծննդատան աշխատանքը՝ կախված ծնելիության քանակի նվազ լինելուց։

Սոֆյա Հովսեփյանը կարող է ծանոթանալ այդ փաստերին։

Իսկ ինչ մնում է, որ ես ինչ որ մեկի զանգով, կամ ինչ որ մեկի համար չեմ արել դա, ապա Սոֆյան ուղղակի սուտ է խոսում, ես երբեք որևէ մեկի զանգով չեմ առաջնորդվել իմ որոշումների կայացման փուլում, որևէ մեկին հովանավորչություն չեմ արել։

Այսքանը, կներեք, որ երկար էր, էլ այստեղ չեմ շարունակելու։ Այն ամենն ինչ գրված է՝ բոլորն ապացուցման ենթակա է։

Իսկ Սոֆյային երկու խորհուրդ կտամ.

1. Հարգիր քո կարգավիճակը և այսուհետ խոսիր ոչ թե բամբասանքների լեզվով՝ այլ փաստերով և ապացույցներով։

2. Ամուսնացիր՝ կանցնի)))»,-գրել էր Սարուխաբյանը։

2 պատգամավորների հեռակա բանավեճը համացանցում բավական բուռն քննարկումների պատճառ էր դարձել: Կարեն Սարուխանյանը նորից է անդրադարձել թեմային՝ եւս մեկ գրառում անելով եւ հրապարակային ներողություն խնդրելով Սոֆյա Հովսեփյանից՝ նրան ամուսնանալու կոչ անելու համար:

«Հաշվի առնելով հանրության վրդովմունքը երեկվա դեպքերի հետ կապված, ստիպված եմ նորից անդրադառնալ դրան։ Անդրադառնում եմ, քանի որ չեմ ցանկանում խոսքերս մեկնաբանվեն այնպես, ինչպես ձեռնտու է ոմանց, նաև հարկ եմ համարում նշել, որ հանրային կերպով այլևս այս թեման փակ է ինձ համար: Եվ ուրեմն ` գրառումս եղել է մեկնաբանության տեսքով՝ Աշոտ Սարգսյանի գրառման տակ, որտեղ Սոֆյա Հովսեփյանը հիշատակում է ինձ և մեղադրում Մարալիկի ԱԿ-ում ստեղծված իրավիճակում՝ քրեորեն պատժելի արարքի համար, որն իբր թե կատարել եմ իմ պաշտոնավարման ընթացքում։ Ես ներկայացրել եմ այն բոլոր փաստարկները, որոնք վերաբերել են Հովսեփյանի մեղադրանքներին, իսկ դրանք ապացուցման ենթակա են։ Մի շատ կարևոր փաստ եմ ուզում արձանագրել. իմ կատարած մեկնաբանության բուն էությանը շատ քչերը փորձեցին ծանոթանալ, իսկ տիկին Հովսեփյանը բնականաբար բուն էության հետ կապված ասելիք չունենալով՝ ամեն ինչ տարավ բարոյականության հարթություն, որի արդյունքում էլ ձևավորվեց միակողմանի վերլուծություն։ Իսկ թե ինչ հարթության մեջ է գտնվում նման անհիմն մեղադրանքներ հնչեցնելը` կարող եք վերլուծել ինքներդ : Տիկին Հովսեփյանից պահանջում եմ իր մեղադրանքները հիմնավոր փաստերով ներկայացնել և պատրաստ եմ ցանկացած տեղ, ցանկացած քննարկման ։ Իսկ երկրորդ խորհրդիս մասով եթե սխալ կերպ է ընկալվել նրա մոտ, ես հրապարակային ներողություն եմ խնդրում` ակնկալելով , որ տիկին Հովսեփյանը նույնպես կունենա այնքան ազնվություն, որ իր խոսքերը չապացուցելու դեպքում հետևի իմ օրինակին և հանրային ներողություն խնդրի ինձ անհիմն մեղադրելու համար»,– գրել է նա:

Տպել
3815 դիտում

Գյումրիում գազի հոտ է տարածված

Վիկ Դարչինյանը հավանական է նորից ռինգ դուրս գա. նպատակ կա Հայաստանում հիմնել ԱՄՆ-ի հետ համագործակցող ակումբ

Քննարկվել է Ջրվեժ խոշորացված համայնքի դպրոցին կից նոր մասնաշենքի կառուցման հնարավորությունը

Էջմիածնի խոզաբուծարանի տարածքում մեքենա է այրվել

Կրետեի հայտնի փարոսը և Ալեքսանդրուպոլի քաղաքապետարանի շենքը լուսավորվել են հայոց եռագույնով (լուսանկարներ)

Պախարակելի է, որ ռամկավար կեղծաւորումով նողկալի խմբակ մը մաղձ և թոյն կը սփռէ մեր պետութեան եւ պետականութեան հասցէին. ՌԱԿ

Ընդդիմության օրակարգ բերած հարցերը խոսում են նրանց բովանդակային սնանկության մասին. Ռուբեն Մեհրաբյան

Ամփոփվել են ՀՀ և ՌԴ ԶՈՒ-երի զորքերի միացյալ խմբավորման իրականացրած միջոցառումների արդյունքները

Զինված ավազակային հարձակում Լոռիում. կասկածյալը փորձել է խեղդամահ անել կնոջը

Կառավարությունը մոտ 236 մլն դրամ է հատկացրել հուշարձանների պահպանման ու վերականգնման համար (տեսանյութ)

Քննարկվել են արտակարգ իրավիճակների ոլորտում հայ-ամերիկյան փոխգործակցության զարգացման հնարավորությունները

Պոլիէթիլենային չթույլատրված տոպրակների օգտագործման համար Երևանում տնտեսվարողները տուգանվում են (տեսանյութ)

Լին Թրեյսին և Էդվարդ Վոհնը մասնակցել են 665.000 ԱՄՆ դոլար արժողությամբ բժշկական սարքավորումների նվիրատվությանը

Մեկ տարի «հայրիկ ու մայրիկ» կանչը չենք լսել. պատերազմում երկու որդիներ կորցրած ամուսինները կրկին զավակ են ունենալու

Ռազմական համալսարանում հավաք-խորհրդակցություն է անցկացվել

ՀՀ տարածքում կան փակ ու դժվարանցանելի ավտոճանապարհներ. Աշոցքում և Ապարանում բուք է

Հեռուստատեսության և ռադիոյի հանձնաժողովի անդամի ընտրության հարցի քննարկումը կշարունակվի վաղը

Գյումրու Գործարանային 2 Ա շենքից հոսպիտալացված կինը տեղափոխվել է Երևան. վերջույթի ամպուտացման անհրաժեշտություն կա

Հայաստանում է ԱՄՆ եվրոպական հրամանատարության պատվիրակությունը (լուսանկարներ)

Ոստիկանության ստորաբաժանումները մեկ օրում բացահայտել են հանցագործության 70 դեպք

Ոստիկանության պաշտոնատար անձանց գործողությունների հետևանքով խեղաթյուրվել են հանցագործության դեպքի հանգամանքները

Բերման է ենթարկվել «Դատապարտյալների հիվանդանոց» քրեակատարողական հիմնարկի պետ Արտակ Սարգսյանը

Արարատ Միրզոյանը ստացել է Անթալիայի դիվանագիտական ֆորումին մասնակցելու հրավեր

Տեխնիկական անսարքության պատճառով Իրանը կդադարեցնի բնական գազի մատակարարումը Թուրքիա

Սյունիքի մարզում ձյուն է տեղում. փակ է Վարդենյաց լեռնանցքը

Դատախազությունը Երեւանի քաղաքապետին առաջարկել է քննարկել Թաղման բյուրոյի ղեկավար կազմի պաշտոնանկության հարցը

Արցախի դիտակետերում ռուս խաղաղապահները վարժանքներ են իրականացրել

ԵՊՀ ռեկտորը հյուրընկալել է Հայաստանում ՌԴ արտակարգ և լիազոր դեսպան Սերգեյ Կոպիրկինին

Դիլիջան ազգային պարկում գտնվող Կովկասյան ազնվացեղ եղջերուների բազմացման կենտրոնում արդեն 26 կովկասյան եղջերու կա

Դոլարի փոխարժեքը կայուն է. եվրոն թանկացել է

Թուրքիայի արտգործնախարարը խոսել է Հայաստան-Թուրքիա հարաբերությունների կարգավորման գործընթացի մասին

Լեռնային առանձին շրջաններում սպասվում է բուք. առաջիկա օրերի եղանակային կանխատեսումը

ԱՄՆ-ն հայտարարել է ՆԱՏՕ-ի խոշորամասշտաբ զորավարժությունների անցկացման մասին

ԱՀԿ-ն խորհուրդ է տվել չսահմանափակել միջազգային ուղևորությունները և այլ միջոցներ ձեռնարկել կորոնավիրուսի տարածման դեմ

Ո՞ր ընկերությունն է լինելու Հայաստանում «VAR» համակարգի տեխնիկական մատակարարը. ՀՖՖ-ն իրազեկող տեսանյութ է հրապարակել

Արցախում առատ ձյան պատճառով որոշակի դժվարություններ են ստեղծվել վարորդների համար

Գնել Սանոսյանը շրջայց է կատարել «Դուբայ Էքսպո 2020» ցուցահանդեսի տաղավարում (լուսանկարներ)

Առաջին անգամ էի զեկուցում, մի փոքր հուզված էի. Հակոբ Սիմիդյանը՝ ԱԺ-ում իր ելույթի ընթացքում ժպտալու մասին

49-ամյա տղամարդը առուվաճառքի շուրջ ծագած վիճաբանության ժամանակ տուժողին դանակահարել է, հետո՝ ներկայացել ոստիկանություն

ԵՄ հատուկ ներկայացուցիչն առաջիկա օրերին հանդիպումներ կանցկացնի Հայաստանի և Ադրբեջանի ղեկավարությունների հետ