Քաղաքագետ Ալեքսանդր Քանանյանը հացադուլ է անում՝ բողոքելով հէկերի կառուցման դեմ. նա գնում է բանակցությունների

Արցախի Շահումյանի շրջանի Քարվաճառ քաղաքի բնակիչ, քաղաքագետ Ալեքսանդր Քանանյանը երեկ կեսօրից հացադուլ է անում իր տան բակին կից փոքր հէկերի շինարարական աշխատանքները դադարեցնելու պահանջով:

Նա հայտարարություն էր տարածել հացադուլի դիմելուց մեկ օր առաջ՝ նշելով, որ եթե հէկերի շինարարությունը չկասեցվի 24 ժամվա ընթացքում, իսկ շինտեխնիկան տարածքից դուրս չբերվի 48 ժամվա ընթացքում, ինքը կսկսի հացադուլ: Քանանյանը նշել էր. «Քարվաճառի շրջանի վարչակազմին եմ հանձնել պահանջագիր՝ Քարվաճառի շրջանում փոքր հէկերի ընթացող շինարարական աշխատանքները դադարեցնելու, շինտեխնիկան կառուցման վայրերից հեռացնելու, արցախյան հէկաշինության բնապահպանական եւ ֆինանսական բնույթի հանցագործությունները քննելիք լայն ներկայացուցչականությամբ թափանցիկ հանձնաժողով ստեղծելու եւ այլնի վերաբերյալ»:

Այսօր Քանանյանը նշել է, որ երեկ երեկոյան հավաստի աղբյուրներից տեղեկացել է, որ Արցախի կառավարության առաջարկով ժամանակավորապես դադարեցվել են Տրտուի (Թարթառի) վերին հոսանքի ավազանում ընթացող մի շարք հէկերի կառուցման աշխատանքները։ «Լիովին վստահելով Արցախի պետնախարարին՝ ես դույզն իսկ վստահություն չեմ տածում հէկերը կառուցող քրեական օլիգարխիայի հանդեպ, ուստի այսօր ջանալու եմ հավաստիանալ, որ աշխատանքներն, իրոք, դադարեցված են, իսկ շինտեխնիկան հեռացված է շինհրապարակներից։ Այնուհետեւ, առանց հացադուլից դուրս գալու, ես մեկնելու եմ Ստեփանակերտ՝ պետնախարարի հետ գործող եւ կառուցվող հէկերի շինարարության բնապահպանական եւ ֆինանսական հանգամանքներն ստուգելիք հատուկ հանձնաժողովի ձեւավորման սկզբունքների եւ լիազորությունների հարցը քննարկելու համար։ Եթե բանակցությունները պսակվեն հաջողությամբ, ապա նոր հնարավորություն կունենամ քննարկել հացադուլից դուրս գալու որոշումը»,- հայտարարել է նա։

Քաղաքագետը հավաստել է, որ հանձնաժողովի ստուգման աշխատանքներից ու պատշաճ մասնագիտական եզրակացության հրապարակումից առաջ որեւէ՝ ամենափոքր իսկ չափով շինարարության վերսկսման դեպքում կրկին դիմելու է հացադուլի եւ հանդես է գալու համընդհանուր դիմադրության կոչով։ «Քրեական օլիգարխիան պետք է քաջ գիտակցի, որ նրանք «քցելու» ոչ մի «շանս» չունեն»,- նշել է նա։

Քանանյանը շնորհակալություն է հայտնել իրեն աջակցողներին, այդ թվում՝ Քարվաճառի դպրոցի ավագ դասարանների աշակերտներին, որ միացել էին ապօրինի հէկաշինության դեմ իր պահանջին: «Բոլորիդ խնդրում եմ առայժմ չդիմել դասադուլի՝ պայքարի այս արտահերթ միջոցը վերապահելով իսկապես ճգնաժամային պահերի»,- գրել է նա։

«Շնորհակալություն հարգարժան Քանանյանին հարցը բարձրաձայնելու համար»,- նշել է «Հայկական բնապահպանական ճակատ» քաղաքացիական նախաձեռնության անդամ Լեւոն Գալստյանը:

Արցախի ԱԳ նախարար, առաջիկա ընտրություններում առաջադրված նախագահի թեկնածու Մասիս Մայիլյանը հայտնել է Ալեքսանդր Քանանյանի հետ իր հանդիպման ու մինչեւ ուշ գիշեր նրա հետ թե՛ առողջական վիճակի եւ թե՛ իրավիճակի հանգուցալուծման ուղիներ գտնելու հետ կապված հարցեր քննարկելու մասին։ «Ուրախ եմ արդեն իսկ սկսված բանակցությունների համար եւ հուսով եմ, որ դրանք հաջող ավարտ կունենան։ Կուզեի նշել նաեւ, որ Քանանյանը տեղեկացված է առաջիկա ընտրություններից հետո նոր կառավարության համար բնապահպանական հարցերի առաջնահերթության եւ հէկերի ու բնական պաշարների օգտագործման հանրային վերահսկողության արդյունավետ մեխանիզմների արմատավորման մասին»,- գրել է նա։

Ալեքսանդր Քանանյանի պահանջին միանալու մասին է հայտարարել հաղորդավար, երգիչ, դերասան Գարիկ Պապոյանը: Իր ֆեյսբուքյան էջում նա գրել է. «Սիրելի ընկերներ, ես 2004-2006 թ. ծառայել եմ Քարվաճառում: Այնտեղ գրեթե չկար բնակչություն, բայց կար երազանք այն բնակեցնելու, քանի որ նույնիսկ առանց մարդկանց էլ՝ այնտեղ կար ԿՅԱՆՔ՝ գիտեք ինչո՞ւ: Որովհետեւ կար Թարթառ (Տրտու) անունով ԳԵՏ: Սա այն գետն էր, որի շնորհիվ զինվորները, այն ժամանակ դեռ չունենալով կոմունալ պայմաններ, միեւնույնն է, լողացած էին, մաքուր, կոկիկ ու թրաշված: Սա այն գետն էր, որի ափին նստում էին իրենց զինվորներին տեսակցության եկած ծնողները: Սա այն գետն էր, որը ձնհալից հետո վարարել գիտեր... Ու, հա, Քարվաճառը բնակեցնելու երազանքի մասին: Սա այն գետն էր, որը պիտի ջրեր Քարվաճառի նոր աճող կյանքը... Բայց 3 ամիս առաջ գնացի Քարվաճառ՝ ԳԵՏԸ ՉԿԱՐ... Ալեքսանդր Քանանյան, միանում եմ Ձեր պահանջին! Հէկերը մեզ զրկում են մեր բնության ԵՐԱԿՆԵՐԻՑ!!! Ընկերներ, խնդրում եմ ՄԻԱՆԱԼ եւ ՏԱՐԱԾԵԼ!!!»:

Տպել
4223 դիտում

Թուրքիայում ահաբեկիչների վնասազերծման ժամանակ նրանցից մեկը պայթեցրել է իրեն (տեսանյութ)

Մեղադրանքներ, բոյկոտ ու վիրավորանք. Ֆրանս-թուրքական հեռակա հակամարտությունը

Սկզբում 5.000, հետո 40․000. Վանաձորում երեխաները էջանշաններ ու օրացույցեր են վաճառում, գումարը փոխանցում հիմնադրամին

Ադրբեջանի սպառնալիքներից չենք վախենում․ Հովհաննիսյանը՝ թուրքական F-16-երը կիրառելու Ալիևի հայտարարության մասին

Հաղթելու ենք նաեւ կրթությամբ ու գիտությամբ․ մեդալակիր հայ երիտասարդները մտադիր են իրենց գիտելիքով հզորացնել հայրենիքը

Հումանիտար ուղեբեռն առաջնահերթության կարգով ուղարկվում է Արցախ. ԱԻ փոխնախարար

Սյունիքի դարպասները հյուսիսից հարավ ամուր փակ են. դուխներդ տեղը, գլուխներդ բարձր. Արայիկ Հարությունյան

Թշնամական երկու ԱԹՍ քիչ առաջ ցած ընկավ. Վահրամ Պողոսյան

Ադրբեջանի կողմից հայկական էջերին ուղարկվող պատերազմական դաժանություններով տեսանյութերը կուղարկվեն միջազգային մարմիններին

Դարբնիկ գյուղում այրվել է մոտ 800 քմ խոտածածկույթ, փայտե շինություն, վառելափայտ և կենցաղային իրեր. ԱԻՆ

Հակառակորդը, այո, մոտեցել է Սյունիքի դարպասներին, բայց իրավիճակը ծայրահեղ չէ․ Արծրուն Հովհաննիսյան

Հայ գեներալի ու ժամկետայինի հակագրոհից փախուստի դիմեցին աշխարհի հզորներից համարվող հատուկջոկատայինները. Հովհաննիսյան

Երեկ երեկոյան հակառակորդին հաջողվեց գրավել Կուբաթլուն և որոշ ուղղություններով առաջանալ․ Արծրուն Հովհաննիսյան

Տեսանյութ է տարածվել, որտեղ ոստիկանության ծառայողը դժգոհում է կացության պայմաններից ու կենցաղային վիճակից. պարզաբանում

Առ այսօր հայտնի է գերեվարված 15 հայ զինծառայողի, 1 բնակչի մասին․ Կառավարությունն ու փաստաբանները դիմել են ՄԻԵԴ

Ամեն տղամարդ պետք է հենց հիմա ոտքի կանգնի ու գնա իր զինկոմիսարիատ, սա իմ հրամանն է. վարչապետ (տեսանյութ)

Աներկբա խոստովանեմ, որ մեր հայրենիքի պաշտպանները մարդու իրավունքների գլխավոր պաշտպաններն են մեզ համար. Արցախի ՄԻՊ

Արցախն ու պատերազմական օրերի պատկերը Դիլաքյան եղբայրների վրձնած նկարներում ու գույներով (լուսանկարներ)

Շարունակվում են հակահամավարակային անվտանգության կանոնների վերահսկման բոլոր գործառույթները. ոստիկանություն

Տիգրան Բարսեղյանը դուբլի հեղինակ դարձավ