Չինաստանի Ուհան քաղաքում վեց հայ կա. Հայաստանը դեռեւս չունի կորոնավիրուսն ախտորոշելու հնարավորություն

«2019 թվականի նոր կորոնավիրուս» (2019-nCoV)-ը, որը Չինաստանում արդեն 106 հոգու մահվան պատճառ է դարձել, շարունակում է տարածվել: Հայաստանը դեռեւս չունի այս վիրուսի բացահայտման լաբորատոր թեստ՝ ռեագենտ: Այս մասին այսօր լրագրողների հետ զրույցում նշեց Առողջապահության նախարարության հիվանդությունների վերահսկման եւ կանխարգելման ազգային կենտրոնի վարակիչ հիվանդությունների բաժնի պետ Լիանա Թորոսյանը:

Պատճառն այն է, որ մեր երկիրը համարվում է կորոնավիրուսի տարածման ցածր ռիսկայնություն ունեցող. Չինաստանից Հայաստան ուղիղ չվերթներ չկան: Թեստերը նախ տրամադրվում են այն երկրներին, որոնք ունեն դրա կարիքը: Մեր տարածաշրջանի երկրները նույնպես չունեն նման հնարավորություն:

Խնդիրը կարող է լուծվել մոտակա օրերի ընթացքում: Թորոսյանի խոսքով՝ Առողջապահության եւ Արտաքին գործերի նախարարությունների ջանքերով անհրաժեշտության դեպքում Հայաստանը 10 օրվա ընթացքում կապահովվի նման լաբորատոր թեստերով: Մինչեւ այդ՝ մեզ մոտ եղած լաբորատորիաները կարձանագրեն թոքաբորբը, որը կարող է պայմանավորված լինել կորոնավիրուսներով: Իսկ կորոնավիրուսի կասկածներ առաջանալու դեպքում տեղի մասնագետները կարող են նմուշներն ուղարկել Անգլիա, Ռոտերդամ կամ Գերմանիա:

Այս պահին Հայաստանի հիվանդանոցներից մեկում բժիշկների հսկողության տակ են գտնվում Չինաստանի երկու քաղաքացի: Նախարարության պաշտոնյան հաստատեց մեր տեղեկությունը, որ հունվարի 27-ին նրանց չի թույլատրվել հատել Վրաստանի սահմանը, քանի որ ջերմել են:

Ինչպես նշեց Լիանա Թորոսյանը, նրանց հետ ավտոբուսում եղած բոլոր քաղաքացիներն անցել են եռակի ջերմաչափում, խնդիրներ չեն եղել, միայն 2 չինացի է տեղափոխվել հիվանդանոց: Այժմ երկուսի ինքնազգացողությունը բավարար է:

«Չինացիներից մեկը չի ունեցել ջերմություն, մյուսի մոտ 37 աստիճան է գրանցվել: Վերջինս հիմա ռենտգեն ուսումնասիրություն է անցնում, թոքերն են ստուգում: Բացառված չէ, որ նրանք կարող են ունենալ ուղղակի շնչառական վարակ, սակայն երկուսին էլ մեկուսացրել ենք»,- նշեց բանախոսը՝ հավելելով, որ 2-ի մոտ էլ կորոնավիրուսի հավանականությունը փոքր է, քանի որ վերջին շրջանում նրանք ապրել են Վրաստանում, հետո նոր՝ տեղափոխվել Երեւան:

Վարակի հայտնաբերման հետ կապված խնդիրը մի փոքր կարող է բարդանալ, քանի որ ցուրտ է եւ գրիպի սեզոն: Այս օրերին Հայաստանի բժշկական հաստատություններ են դիմել մի շարք քաղաքացիներ, սակայն նրանց մոտ այլ՝ գրիպանման վիրուսներ են հայտնաբերվել:

Նշենք, որ այս պահին Չինաստանի Ուհան քաղաքում 6 հայ կա: Նրանցից 3-ն ուսանողներ են, 3-ը՝ պայմանագրային հիմունքներով աշխատակիցներ: Այս թվերը, սակայն, հաստատ չեն եւ կարող են փոփոխվել: ՀՀ առողջապահության նախարարության տեղեկություններով՝ հայերի մոտ դեռեւս խնդիրներ չկան, նրանք տնից դուրս չեն գալիս, սահմանափակել են միջոցառումներին մասնակցությունը եւ հետեւում են իրենց սննդակարգին:

Ինչպես նշեց նախարարի տեղակալ Լենա Նանուշյանը, նրանք համագործակցում են Արտաքին գործերի նախարարության հետ եւ մշտապես կապի մեջ են այդ քաղաքացիների հետ:

Այս օրերին Կորոնավիրուսի՝ հիվանդ մարդուց առողջ մարդուն փոխանցվելու դեպքեր գրանցվել են միայն Չինաստանում: Թորոսյանի խոսքով՝ այլ երկրներում բերովի դեպքեր են, վարակվել են նաեւ բուժաշխատողներ: Վարակի պատճառով մահվան դեպքեր գրանցվել են այն դեպքերում, երբ տվյալ անձանց մոտ եղել են այլ հիվանդություններ: Խոցելի խմբում են նաեւ տարեցները եւ մանկահասակները: 

Ինչպես հայտնեց Լենա Նանուշյանը, այս առումով ԱՆ-ն համագործակցում է մի շարք շահագրգիռ կառույցների հետ: Սննդամթերքի անվտանգության տեսչական մարմնի հետ համատեղ քննարկման արդյունքում հունվարի 26-ից արգելվել է Չինաստանից, ինչպես նաեւ չինական ծագման հումքով այլ երկրներում արտադրված կենդանական ծագման մթերքի, հումքի ներմուծումը ՀՀ տարածք:

ՀՀ պետական սահմանի անցման կետերում ուժեղացվել է հսկողությունը, հատկապես Չինաստանից ժամանող ուղեւորների նկատմամբ: ԱՆ-ը մասնագետները գործուղվել են անցման կետեր՝ Առողջապահական եւ աշխատանքի տեսչական մարմնի աշխատակիցներին մասնագիտական աջակցություն ցուցաբերելու համար:

Քննարկումներ են ընթանում նաեւ ԱՊՀ երկրների հետ, եւ բանախոսները նշեցին, որ, չնայած մամուլում շրջանառվող տեղեկություններին, Վրաստանում այս վիրուսը չի հայտնաբերվել:

Նշենք, որ Առողջապահության համաշխարհային կազմակերպության (ԱՀԿ)-ի տվյալների համաձայն՝ Չինաստանում արդեն արձանագրվել է կորոնավիրուսի 4537 հաստատված դեպք: Այլ տվյալներ է փոխանցում Չինաստանի Ժողովրդական Հանրապետության առողջապահության հարցերով հանձնաժողովը՝ 5997 հաստատված դեպքից 132 մահ:

Դեպքեր են արձանագրվել նաեւ 15 այլ երկրներում, այդ թվում՝ Ֆրանսիայում եւ Գերմանիայում:

Տպել
1214 դիտում

Հայբիզնեսբանկը կվճարի բնակչությանը հատկացվող աջակցության գումարները

ԱԱԾ-ն եւ ոստիկանության ՆԱՎ-ը միջոցառում են իրականացրել ոստիկանության Դավթաշենի բաժանմունքում. Ահարոնյան

Խոզի միսը մարտին էժանացել է շուրջ 700 դրամով, գնաճից հետո նվազել է ալյուրի, ձեթի գինը. ապրանքներիգնի դինամիկան

Շահառուների՝ աջակցության միջոցառում ընտրելու առումով տեխնիկական խնդիր կա, կկարգավորվի. Զարուհի Բաթոյան

Արցախի ԱՆ-ն ուղեցույց կհրապարակի ՀՀ-ից Արցախ մուտք գործողների համար՝ Արցախում տեղաշարժի եւ պահանջների մասին

Հնարավոր է՝ Ռոբերտ Քոչարյանի եւ մյուսների գործը քննող դատավոր Աննա Դանիբեկյանը ապրիլի 17-ին ներկայանա աշխատանքի

Սխալի պատճառով 2 քրոջ անունն էլ նույնն է գրվել, սակայն նրանք ճիշտ են քվեարկել. ԱՀ ոստիկանությունը պարզաբանում է

ՖԻՖԱ-ն թարմացրել է վարկանիշային աղյուսակը. Հայաստանի ֆուտբոլի հավաքականը մնում է 102-րդը

Տարեցների խնամքի կենտրոններում կարանտին է. թեստավորված անձինք չկան

Սերժ Սարգսյանը ապրիլի 16-ին կմասնակցի Ապրիլյանի նիստին. նրա պայմանը բավարարվել է

Տնտեսական աջակցության միջոցառումների ծրագրերով 1 միլիարդ 433 միլիոն դրամի վարկային փաթեթներ են բավարարվել. նախարար

Կառավարության առաջարկով Ազգային ժողովն ապրիլի 13-ին արտահերթ նիստ կգումարի

Ես կարծում եմ, որ կոչերը եւ անելիքները, որոնք թիրախավորված չեն, արդյունավետ չեն լինի․ Գրիգորյան

Միանվագ աջակցության ծրագրերից ոչ մեկում չընդգրկված քաղաքացիների խնդիրները մեղմելու տարբերակներ են քննարկվում

Որեւէ խնդիր չեմ տեսնում պետական պարտքը ավելացնելու հետ կապված, սակայն այս պահին դեռ վաղ է խոսել այդ մասին․ փոխվարչապետ

Սիսիանի ոստիկանների կողմից քաղաքացիների նկատմամբ բռնություն գործադրելու մասին հրապարակումները ուղարկվել են ՀՔԾ

Արարատի մարզում կորոնավիրուսի 4 նոր դեպք է գրանցվել. ընդհանուր առմամբ մարզում 179 դեպք կա

Հակաճգնաժամային 10 միջոցառումներից 6-ը լիարժեք ուժի մեջ է․ Մհեր Գրիգորյան

Ընկած թռչուն տեսնելու դեպքում հայտնել պատկան մարմիններին․ ըստ մասնագետների՝ թռչունների այդ վիճակը կորոնավիրուսից չէ

Աջակցության երկու ծրագիր գործում է, ևս երկուսը կգործարկվի վաղը. 3750 հղի վաղը կարող է սպասարկվել, ցուցակները լրացվում են