Կորոնավիրուսից պաշտպանվելու համար դիմակ դեռ անհրաժեշտ չէ, իսկ ախտորոշիչ թեստերը շուտով կհասնեն Հայաստան. Արսեն Թորոսյան

Նոր տիպի կորոնավիրուսի հայտնաբերման լաբորատոր թեստերը հնարավոր է՝ այսօր լինեն Հայաստանում: ՀՀ առողջապահության նախարարությունն իրականացրած քննարկումների արդյունքում պայմանավորվածություն է ձեռք բերել չինական ընկերության հետ, եւ դրանք մի քանի ժամ անց արդեն պետք է լինեն Չինաստանում Հայաստանի դեսպանատանը: Այս մասին այսօր լրագրողների հետ զրույցում նշեց առողջապահության նախարար Արսեն Թորոսյանը:

Նրա խոսքով՝ թեստերի արժեքը, իհարկե, թանկ է, սակայն իրավիճակն այնպիսին է, որ անհրաժեշտ է դրանք ձեռք բերել: Նախարարը նաեւ հավելել է, որ թեստերը կկիրառվեն միայն կլինիկական դեպքերում: Հիշեցնենք, որ, ինչպես քիչ առաջ հայտնել էինք, Առողջապահության համաշխարհային կազմակերպությունը նոր տիպի կորոնավիրուսը հայտարարել է համաշխարհային սպառնալիք, քանի որ Չինաստանից դուրս արձանագրվել է մարդուց մարդ վարակման դեպք:

Թորոսյանի խոսքով՝ այս որոշումը ենթադրում է, որ երկրներն ավելի խիստ մոտենան հարցին, սակայն Հայաստանն այս առումով գտնվում է ցածր ռիսկայնություն ունեցող երկրների շարքում: Այս օրերին տարածված բողոքներին ի պատասխան, թե ստուգումները սահմանային կետերում լիարժեք չեն կատարվում՝ նախարարն ընդգծեց, որ վերջին օրերին իրականացրած գործողությունները, եթե ոչ գերազանց, ապա շատ լավ են կատարվել:

Առայժմ, ըստ նրա, այս միջոցառումները բավարար են, սակայն նախարարությունը քննարկում է Չինաստանի քաղաքացիների մուտքը Հայաստան սահմանափակելու մասին հարցը: Իհարկե, դա չի վերաբերում այդ երկրից մեր հայրենակիցների ժամանմանը, քանի որ նախարարությունը հստակ տվյալներ ունի, թե նրանք երբ են գալիս: Թորոսյանի խոսքով՝ մեր հայրենակիցներն այդ երկրից թեեւ ժամանում են, սակայն հոսքը մեծ չէ, եւ նույնիսկ շատերը դեռեւս մտադրություն չունեն վերադառնալու:

Այն հարցին, թե արդյոք անհրաժեշտություն կա այսօր մեր երկրում դիմակներ կրելու, քանի որ վերջին օրերին մի շարք քաղաքացիներ ահազանգում են, որ դեղատներում դրանք չկան, նախարարը պատասխանեց, որ այս պահին դրա անհրաժեշտությունը չկա: Դեռեւս չի նախատեսվում նաեւ սահմանափակել քաղաքացիների տեղաշարժը, փակել դպրոցները: Լրագրողները նաեւ նախարարին հայտնեցին Հայաստանում տեղի ունեցած մի դեպքի մասին, երբ հայ բժիշկները հրաժարվել են ընդունել չինացի պացիենտին եւ նրա հետ հաղորդակցվել են պատուհանից: Թորոսյանը խնդրեց փոխանցել, թե որ հաստատության մասին է խոսքը՝ նշելով, որ իրեն զարմացրեց լուրը: Նախարարը հավելեց, որ այժմ վերջինս հանդիպումներ է ունենում պոլիկլինիկաների տնօրենների հետ: Կարող է ասել, որ այս պահի դրությամբ մենք պատրաստ ենք դիմակայել վիրուսին:

Տպել
820 դիտում

Արցախի նախագահական ընտրություններում հավանաբար երկրորդ փուլ կլինի. Իոաննիսյան

Վարչապետը շնորհավորական ուղերձ է հղել Հայաստանի ասորական համայնքին՝ ասորական Նոր տարվա առթիվ

Երևանի մետրոպոլիտենը փակ է. 39 տարվա մեջ առաջին անգամ այն ամբողջությամբ չի աշխատում

Կորոնավիրուսի հաստատված դեպքերի թիվը 571 է. գրանցվել է 37 նոր դեպք

Իտալիան, Իսպանիան, Ֆրանսիան, Մեծ Բրիտանիան 1 օրում գրանցել են կորոնավիրուսից մահերի ամենաբարձր ցուցանիշը. Guardian

Մարդիկ շարունակում են անտեսել կանոնները, երկար ժամանակ են անցկացնում բակերում. ՄԻՊ-ը կոչ է անում մնալ տանը

Այսօր ու առաջիկա օրերին Երեւանում եւ մարզերում սպասվում է անձրեւ ու ամպրոպ

Նախագահը ստորագրել է աղմկահարույց փաթեթը եւ պարզաբանել՝ ինչու է այն անհրաժեշտ

Գորիսում Mitsubishi Pajero-ն գլորվել է և բախվել ծառի. կա տուժած

Չորաթան գյուղում տրակտոր է շրջվել. 38-ամյա տղամարդը տեղում մահացել է

ԱՄՆ-ը Հայաստանին տրամադրում է 1,1 միլիոն դոլար՝ կորոնավիրուսի դեմ պայքարի համար

Արցախի նախագահական ընտրություններում առաջատարն Արայիկ Հարությունյանն է. նախնական

Աշխատանքի գնալիս անհրաժեշտ է լինելու ներկայացնել գործատուի կողմից լրացված ձևաթուղթը. պարետի որոշումը

Դադարեցվում է հանրային տրանսպորտի գործունեությունը, թույլատրվում է տաքսիների գործունեությունը. պարետի նոր որոշսւմը

Պարետը նոր որոշում է ընդունել. կտեղադրվեն հատուկ անցակետեր՝ անձանց ու տրանսպորտային միջոցների շարժը վերահսկելու համար

Արցախում կայացած նախագահական ընտրությունների նախնական արդյունքներ

Առանձնացվել են տարբեր վայրեր, որոնք կարող են արդյունավետ ծառայել քաղաքացիների մեկուսացման համար

Միայն «մենք» չենք կարող կոտրել այս տեմպը, դա կարող ենք անել «մենք բոլորս»․ Արսեն Թորոսյան

Ինչու է ԱՄՆ-ը ցանկանում արդիականացնել Գերմանիայում գտնվող իր միջուկային զինանոցը

ԱԺ-ն ամբողջությամբ ընդունեց մարդկանց տեղաշարժն ու հեռախոսազանգերը ֆիքսելու մասին օրինագիծը