«Լադանիվայի» «Վայ, աման» երգը մեկ օրում 376 հազար դիտում ունեցավ. խմբի ազգությամբ հայ երգչուհին ասում է՝ դա անակնկալ էր

Ֆրանսիական «Լադանիվա» խմբի ներկայացրած նոր տեսահոլովակը, որը նկարահանվել է հայերեն «Վայ, աման» երգի հիման վրա, մեկ օրում 376 հազարից ավելի դիտում ունի: Այն ակտիվորեն տարածվում ու քննարկվում է համացանցի հայկական տիրույթում: Խմբի միակ հայ մասնակիցը վոկալիստ Ժակլին Բաղդասարյանն է։ Աղջիկն արդեն 5 տարի է՝  բնակություն է հաստատել ֆրանսիական Լիլի քաղաքում։ Նախկինում ապրել է Բելառուսում: 

Սա «Լադանիվա» խմբի առաջին հայերեն տեսահոլովակը չէ։ Ավելի վաղ նրանք ներկայացրել էին Իսահակյանի «Բինգյոլի երգը» ստեղծագործությունը: Նոր տեսահոլովակի մտահղացման, նկարահանման աշխատանքների, արձագանքների եւ հետագա ստեղծագործական ծրագրերի մասին զրուցել ենք Ժակլին Բաղդասարյանի հետ:

Ժակլին, ձեր վերջին տեսահոլովակը համացանցում լայն տարածում ստացավ, սպասու՞մ էիք նման արձագանքի:

-«Վայ ամանի» հեղինակը մենք ենք, երգի բառերն ու երաժշտությունը ես եմ գրել, ակորդները՝ Լուի Թոմասը: Շատ զարմացած ենք ու ուրախացած: Առաջին երգը, որ ձայնագրել էինք՝ «Բինգյոլը», էլի շատ լավ էին ընդունել, բայց այս անգամ շատ- շատ են հավանողները, ու տպավորություն է, թե մենք քիչ էինք ու շատացանք: Նման տաք ընդունելություն չէինք սպասում:

- Ստացե՞լ եք մեկնաբանություններ, որոնք միանշանակ չէին:

- Հա, իհարկե: Մենք բոլոր քոմենթներն էլ ընդունում ենք ու վատ չենք զգում, ամեն մեկն իր երաժշտական ճաշակն ունի ու իր նախասիրությունը: Ինձ թվում է՝ եթե բոլորը հավանեին, դա նորմալ չէր լինի:

Իսկ ինչո՞ւ «Լադանիվա»:

- Մի օր ես եւ տեսահոլովակում կիթառ նվագող տղան՝ Լուի Թոմասը, որոշեցինք «Լադանիվան» ստեղծել: Պետք չէ այստեղ խոր իմաստներ փնտրել, ուղղակի մենք գտնում ենք, որ այն լավ է հնչում, համ էլ այդ ավտոն շատ պոպուլյար է Հայաստանում: Մի գիծ ենք գտել, որ Հայաստանի հետ է կապված, այսինքն՝ դա ճանապարհ է բացում, ինչպես մենք ենք փորձում վոյաժներ անել երաժշտության միջոցով, այնպես էլ՝ մեր անունը:

Առաջիկայում ի՞նչ պլաններ ունեք: Նախատեսո՞ւմ եք համերագային ծրագրով Հայաստան գալ:

- Առաջինը ուզում ենք աշխատել մեր ալբոմի վրա, իսկ համերգը Հայաստանում մեզ համար երազանք է ու անչափ ուրախ կլինենք: Բայց դեռ չենք կարող ասել՝ գալու ենք, թե չէ, որովհետեւ դեռ պետք է կազմակերպել: Մարդիկ մեզ անընդհատ հարցնում են: Նախ, ալբոմը պիտի պատրաստ լինի:

Ալբումում քանի՞ երգ եք նախատեսել ներառել:

- Ալբոմում արդեն 7 երգ ունենք, մի քանիսը պատրաստ են, մի մասի վրա դեռ աշխատում ենք: Ուզում ենք ավելացնել: Մի քանիսի երաժշտությունը կա, մատերիալ կա: Եթե մեր ժամանակը կենտրոնացնենք միայն դրա վրա, ապա արագ կլինի:

Ազատ ժամանա՞կն է քիչ:

- Երաժշտությունը ժամանակիցս ամենամեծ մասն է վերցնում, ե՛ւ երգի դասեր եմ տալիս, ե՛ւ կոնսերվատորիայում եմ սովորում, համերգներ եմ ունենում: Անցյալ տարի աֆրիկակական պարերի էի գնում:

Երգը կարծես հավաքական լիներ:

- Ֆրանսիայում տարբեր ազգեր կան, ես այս երկիրը դրա համար եմ սիրում. բոլորս շփվում ենք, իրար նոր բաներ սովորեցնում: Իսկ տեսահոլովակը Ռեյունյոն կղզում (Ֆրանսիայի անդրծովյան երկրամաս) ենք նկարել, այնտեղ տարբեր ազգեր են, եւ իրենց երաժշտական գործիքներով ու այնտեղի երաժիշտների հետ ենք նվագել:

Իսկ ձեր պա՞րը:

 

-Պարը... ինչ գիտեմ, անում եմ: Աֆրիկական, հնդկական, արեւելյան պարեր եմ սիրում, ինչ կարողանում, անում եմ. երաժշտության հետ պարը գալիս է:

Տպել
2372 դիտում

Իքս մարդը բարեգործություն է արել, որի գովազդային գինը կպանահջեր ավելի մեծ գումար․ Նիկոլ Փաշինյան

3 օր առաջ իմ աչքերով տեսել եմ ռազմաարդյունաբերական համալիրի մի նմուշ, որին մի քիչ հեշտ չէր հավատալ․ Նիկոլ Փաշինյան

Հայաստանյան գրանցումով ինքնաթիռներն Աֆրիկայում ներգրավված են եղել ապօրինի գործունեության, զենքի վաճառքի մեջ. վարչապետ

Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

Բոլորը սկսել են հավատալ, որ իմբիրը կորոնավիրուսի պատվաստանյութ է, դրա համար էլ անվերահսկելիորեն թանկացել է․ վարչապետ

Դա ինձ համար կլինի բարոյական ավարտ. Փաշինյանը՝ նախկին իշխանություններին նմանվելու, նրանց թալանածը հետ բերելու մասին

Տիգրան Համասյանի «ոչՊաշտոնական» համերգը Լոս Անջելեսից. Կառավարության ուղիղ եթերում

Ճամբարակում այս տարի կրկնակի կավելանա գարնանացանը

Տնտեսական փլուզումները բացելու են հնարավորություններ․ Նիկոլ Փաշինյան

Ապրիլյանի հանձնաժողով են հրավիրվել Յուրի Խաչատուրովն ու Սերժ Սարգսյանը. դա կլինի աշխատանքների կուլմինացիան

Ես չեմ ասում՝ Արցախի ընտրությունները կատարյալ են եղել. Փաշինյանը պատասխանեց հարցին՝ ինչո՞ւ է աչք փակում կեղծիքների վրա

Աննախադեպ իրավիճակը թելադրեց շտապ լուծումներ գտնել. դատավորը՝ էլեկտրոնային դատավարության մասին

Գործատուի կողմից տրամադրվող տեղեկանքը ենթարկվել է որոշակի փոփոխությունների. պարետի որոշումը

Արցախում ՀՀ-ից ժամանած երկու քաղաքացիներ են մեկուսացվել. նրանց թեստերի պատասխանները կստացվեն վաղը

Մոտ 550 հազար դոլարի ներդրում ենք արել՝ Հայաստանում թեստերի տեղական արտադրություն ունենալու համար․ ՀՀ վարչապետ

Մասնագիտական պատրաստության պարապմունք է անցկացվել 3-րդ զորամիավորումում. ՊՆ

Կրակոցներ Երևանում. մոտ 40 տարեկան տղամարդը հրազենային վնասվածքներով հիվանդանոցում է

Եթե պարգեւավճարներն ուղղվեին թոշակների բարձրացմանը՝ դրանք կբարձրանային 165 դրամով. վարչապետը հաշվարկ ներկայացրեց

Եթե բոլորին տանք օգնություն, կնշանակի, որ ռեսուրսը օգտագործում ենք նաեւ նրանց համար, որոնք դրա կարիքը չունեն․ վարչապետ

Արմավիրում գյուղատնտեսական աշխատանքներն ակտիվորեն շարունակվում են