Ինչպես են փոխվել գեղեցկության չափանիշները վերջին 100 տարվա ընթացքում

Տարբեր ժամանակաշրջաններում գեղեցկության տարբեր չափանիշներ են եղել: Հին Եգիպտոում գեղեցիկ են համարվել լայն ուսերով, նեղ կոնքերով ու մեծ աչքերով աղջիկները, միջին դարերում նորաձեւ է եղել բաց մաշկը, բաց մազերը եւ այլն: Իհարկե, ինչպես ասում են, տգեղ կանայք չեն լինում, սակայն միշտ էլ եղել են կանայք, որոնք որաշակի ժամանակահատված ամենա-ամենան են եղել, որոնք նորաձեւություն են թելադրել ու որոնց ցանկացել են նվանվել: Ria.ru-ն կազմել է նման հայտնի կանանց ցուցակը, որոնք վերջին 100 տարիների ընթացքում գեղեցկության խորհրդանիշ են եղել:

1920-ականներ

Այս տարիներին նորաձեւ են եղել զարդերը, փետուրները, մուգ մազերը, նեղ իրանը եւ համարձակ դիմահարդարումը: Այդպիսի ոճով են աչքի ընկել դերասանուհի Կլարա Բոուն, պարուհիներ Սալի Ռենդը եւ Այսեդորա Դունքանը:

1930-ականներ

Այս ժամանակաշրջանում ավելի տարածված էին պահպանողական եւ խիստ կերպարները: Դերասանուհիներ Մարլեն Դիտրիխը, Գրետա Գարբոն եւ Քերոլ Լոմբարդն այդ ոճի ներկայացուցիչներ էին:

1940-ականներ

Երկրորդ համաշխարհային պատերազմի տարիներին նախընտրում էին բնականությունը՝ հնարավորինս քիչ դիմահարդարում, լավ սանրվածք: Շատերը փորձում էին նմանվել դերասանուհիներ Վիվիեն Լիին, Ռիտա Հեյվորթին, իսկ ԽՍՀՄ-ում՝ Լյուբով Օռլովային:

1950-ականներ

Պատերազմից հետո կրկին նորաձեւ է դարձել կանացիությունն ու սեքսուալությունը: Այդ ժամանակաշրջանում կանայք նախընտրել են այնպիսի շրջազգեստներ, որոնք ընդծել են մարմինը: Նման կերպարներով աչքի են ընկել դերասանուհիներ Մերլին Մոնրոն, Օդրի Հեփբերնը, իսկ ԽՍՀՄ-ում՝ Լյուդմիլա Գուրչենկոն:

1960-ականներ

Այս ժամանակաշրջանում «խրախուսվել» է հնարավորինս քիչ հագուստը: Այս առաջադրանքը լավ կատարել են դերասանուհիներ Բրիջիդ Բորդոն, Անաստասիա Վերտինսկայան եւ Լեսլի Հորնբին:

1970-ականներ

70-ականներին տարածված են եղել տարբեր ոճեր՝ դասական, սպորտային... կարեւորը աչքի ընկնող: Դիմահարդարման առումով նախընտրել են բնականությունը առօրյա կյանքում, իսկ երեկոյան դիմահարդարումն իր մեջ ներառել է ամեն ինչ՝ փայլեր, վառ ստվերաներկ ու շրթներկ: Այսպիսի կերպարներով հայտնի են եղել դերասանուհիներ Ջեյն Ֆոնդին, Ֆեռա Ֆոսեթը եւ Ջեյն Բիրքին:

1980-ականներ

Նույն տենդենցները շարունակվել են, սակայն դարձել են ավելի ընդգծված՝ ավելի փարթամ մազեր, վառ շպար: Նման ոճի վառ ներկայացուցիչներ են եղել դերասանուհիներ Քիմ Բեսինջերը, Միշել Փֆայֆերը եւ Ելենա Սաֆոնովան:

1990-ականներ

Այս ժամանակաշրջանում դիզայներները խորհուրդ են տվել լինել այնպիսին, ինչպիսին կաս: Արագ նորաձեւ են դարձել ջինսերն ու շապիկները, եւ արդյունքում հնարավոր է եղել աչքի ընկնել միայն արտաքին տեսքով՝ բարեմասնություններով: 90-ականներիմ մեծ իրարանցման պատճառ է դարձել ամերիկացի դերասանուհի Պամելա Անդերսոնը «Մալիբուի փրկրարարները» ֆիլմում իր կերպարով: Նրան նմանվելու համար շատ աղջիկներն սկսել են դիմել պլաստիկ վիրահատությունների: Այս ժամանակաշրջանում գեղեցկության խորհրդանիշն են եղել նաեւ դերասանուհիներ Դեմի Մուրը, Շերոն Ստոունը եւ մոդել Սինդի Քրոուֆորդը:

2000-ականներ

Այնպիսի ժամանակաշրջան է եղել, որ աստղերը հագնում էին ցանկացած ոճով ու կարող էին հայտնվել ամենատարօրինակ սանրվածքներով: Ամեն դեպքում հայտնիներից ոմանք հատուկ կերպ են առանձնացել: Դերասանուհիներ Անջելինա Ջոլին ու Շարլիզ Թերոնը ցանկալի են դարձրել հաստ շուրթերը, նեղ քիթը եւ աչքերի կատվանման շպարը: Սուպերմոդել Քեյթ Մոսն էլ ցույց է տվել, որ ազատ հագուստն ու քիչ դիմահարդարումն ավելի գրավիչ կարող են լինել, քան փայլերն ու շքեղ հագուստը:

2010-ականներ

Փոխվել են պատկերացումները գեղեցիկ մարմնի չափանիշների վերաբերյալ: Հիմա 90-60-90-ն այլեւս նորաձեւ չէ, ու պարտադիր չէ ձգտել դրան: Համարվում է, որ սրա «մեղավորներից» են մեդիադեմք Քիմ Քարդաշյանը եւ դերասանուհի Սկարլեթ Յոհանսոնը: Նորաձեւություն թելադրող մոդելներից է Իրինա Շեյքը: