Երիտասարդ ու գեղեցիկ կինը կեղծ ռուբլով առեւտուր է արել, ստացել մանրը եւ արագ հեռացել. վաճառողը կեղծիքը հետո է նկատել

16/03/2020 schedule22:40

Ծանոթ մրգավաճառի խանութում տարօրինակ լարվածություն նկատեցինք. վաճառողն ու կրպակի տերն ինչ-որ բան էին քննարկում, ինքնախարազանման մթնոլորտ էր: Լրագրողական հետաքրքրասիրությամբ՝ սկսեցինք հարցուփորձ անել. պարզվեց՝ քիչ առաջ իրենց խանութից մոտ 35 հազար դրամի գողություն է կատարվել՝ ինքնատիպ ներկայացում բեմադրելու միջոցով:

Վաճառողուհին պատմեց, որ խանութ է մտել մի կին եւ սկսել արագ-արագ տոպրակները լցնել ամենալավ մրգերով՝ անընդմեջ խոսելով հեռախոսով: Նրա զրույցից տպավորություն է եղել, որ ինչ-որ տեղ իրեն են սպասում ու շտապեցնում են, ինքն էլ կրկնում էր՝ գալիս եմ, հիմա կհասնեմ, հասկացա, շտապում եմ, եւ նման բաներ:

«Փորձեցի արագ կշռել, հարմար փաթեթավորել, ամեն ինչ արագ-արագ անել: Երբ դրամանապանակը բացեց, որ վճարի, ասեց՝ վա՜յ, մոտս դրամ չկա, միայն ռուբլի ա, կլինի՞ էս անգամ ռուբլով վճարեմ: Շատ եմ խնդրում, մտեք դրությանս մեջ, շատ եմ շտապում, ինձ են սպասում, քաշեցի էդ մարդկանց: Չհասկացա էլ՝ ոնց, ասես՝ հիպնոսի տակ, էդ ամենը արագ-արագ անելով, էդ խառը պահին, ասեցի՝ լավ, իմ խելքով՝ «ընդառաջեցի», ինքն էլ ուրախացավ՝ շնորհակալություն, բան, աչքերը փայլեցին, ես էլ նայում էի աչքերին. վառ կապույտ լինզաներ էր դրել ու իրեն շատ էին սազում»,- պատմեց վաճառողուհին:

Տոպրակները կշռելու, վերցնելու, հեռախոսով արդարանալու, «ռուբլու կուրսը հարմար հաշվելու», մանրի շուրջ պայմանավորվելու հետ մեկտեղ կինը 5000-անոց ռուբլին տվել է վերջին պահին, վերցրել ավելի քան 20 հազար դրամ մանրն ու ավելի քան 10 հազար դրամի առեւտուրը եւ շտապ նստելով այդ պահին մոտեցած տաքսին՝ հեռացել: «Ինքը գնաց թե չէ, նկատեցի, որ 5000-անոցը հասարակ թուղթ է: Բայց մինչեւ սեղանի հետեւից դուրս եկա, խանութից դուրս վազեցի, տաքսին չկար, համարներն էլ չտեսա»,- շարունակեց նա: «Համարները տեսնեիր էլ, օգուտ չունի, հաստատ ծանոթ մարդ էր, գիտեր՝ որ վայրկյանին մոտենա մուտքին»,- միջամտեց կրպակի տերը:

Խնդրեցինք ցույց տալ «թղթադրամ»-ը. ակնհայտ թուղթ էր՝ այդպիսիք տրցակներով վաճառվում են խաղալիքների ու կենցաղային մանրուքների խանութներում: «Գիտե՞ք ինչի եմ ավելի շատ վատ զգում. ախր ամուսինս Ռուսաստանից ամեն ամիս ռուսական է ուղարկում, գնում-վերցնում-փոխում եմ, ես անընդհատ էդ փողի հետ գործ եմ ունենում, ո՞նց չնկատեցի,- ասաց կինն ու անմիջապես էլ սկսեց արդարանալ,- ախր շքեղ հագնված, երիտասարդ, գեղեցիկ կին էր՝ 30-35 տարեկան, տպավորություն էր, որ ինչ-որ միջոցառման է գնում, դրա համար էլ էս ընտիր-ընտիր մրգերն է տանում. երեւի էդ պատճառով հեչ մտքովս չանցավ»:

«Ոստիկանություն դիմե՞լ եք. ուրիշներին էլ այսպես չխաբի»,- հարցրինք: Վաճառողուհին գլուխը կախեց, իսկ կրպակի տերն ասաց. «Ես խնդիր չունեմ, էս պահին էլ կարամ զանգեմ, բայց իրա վրա (վաճառողուհու) մի միլիոն դրամ տուգանք կգա, որ ռուբլիով առեւտուր ա արել, դրան էլ գումարած՝ ՀԴՄ չի խփել... չէր էլ կարա խփեր»:

«Հայկական ժամանակ»-ը Ոստիկանությունից հարցրեց, թե վերջերս նմանատիպ դեպքի մասին իրենց հայտնի դարձե՞լ է, եղե՞լ է տուժած քաղաքացի, որ չնայելով տուգանքի ենթարկվելու վախին, դիմել է իրենց: Ոստիկանության հասարակության հետ կապի եւ լրատվության վարչությունից հաղորդեցին, որ ոչ միայն եղել են ահազանգեր, այլեւ՝ բացահայտվել են նման սխեմայով խարդախության դեպքեր. «Եղել են ե՛ւ Երեւան քաղաքի, ե՛ւ մարզերի կրպակներից նմանատիպ գողությունների բացահայտման դեպքեր: Աշխատում են հենց այդպես՝ վերջին պահին տալիս են ռուսական ռուբլի՝ եւ առավելապես հենց 5000-անոց կամ 2000-անոց, վերցնում մանրն ու արագ հեռանում»: Այսպես, վերջին ամիսներին Հայաստանում ռուսական «հուշանվեր-թղթադրամներով» գնում են ոչ միայն միրգ-բանջարեղեն, այլեւ՝ օծանելիք, կոնյակ, ծխախոտ եւ... ծաղիկ:

Մանրավաճառ մեր քաղաքացիներին հիշեցնենք, որ 2004թ. նոյեմբերի 24-ին ընդունված «Արժութային կարգավորման եւ արժութային վերահսկողության մասին»  օրենքի 3-րդ գլխի դրույթների համաձայն՝ մեր երկրում առեւտրային գործարքների համար թույլատրելի միակ դրամը ՀՀ դրամն է: Անշտապ կամ հապշտապ պետք է կիրառել միայն ՀՀ դրամը, ինչը, փաստորեն, նաեւ թույլ կտա խուսափել թե՛ գեղեցիկ ու գեղագետ խարդախների կողոպուտից, թե՛ խաբված լինելու տհաճությունից, թե՛ տույժ ու տուգանքներից:

Իսկ տուգանքները, նշենք որ, փոքր չեն (կրպակատիրոջ իմացածի կրկնակին են). «Վարչական իրավախախտումների վերաբերյալ» օրենսգրքի 165-րդ հոդվածի համաձայն՝ գործարքները ՀՀ դրամով իրականացնելու պահանջը չկատարելն առաջացնում է տուգանքի նշանակում խախտման գումարի չափով, բայց ոչ պակաս, քան նվազագույն աշխատավարձի (1000 դրամի) երկուհազարապատիկի (2 մլն դրամի) չափով, ընդ որում` յուրաքանչյուր պահանջի մի քանի խախտումներ թույլ տալու դեպքում յուրաքանչյուր խախտում համարվում է մեկ խախտում: Մեկ տարվա ընթացքում նույն խախտումը կատարելու դեպքում նախատեսվում է առնվազն 4 միլիոն դրամ տուգանք: 

Տպել
2259 դիտում

Բորիս Ջոնսոնը վերակենդանացման բաժանմունքից տեղափոխվել է հիվանդասենյակ

Գյումրիի թաղամասերից մեկում իր տանը հայտնաբերվել է բնակչի դին

Արցախի «Աղավնո» հսկիչ անցակետում ծառայող 4 ոստիկաններ ինքնամեկուսացել են՝ ապահովության նկատառումներով

Տավուշի մարզում կորոնավիրուսով վարակված 6 մարդ կա. մեկուսացած է 96, ինքնամեկուսացած՝ 188 մարդ. մարզպետ

Գյումրիում բժշկական դիմակով անձինք կողոպտել են ՀՀ ՊՆ N զորամասի կին զինծառայողին

Պարետի որոշմամբ՝ 6 ժամով արգելվել է Իջևանի և Ստեփանավանի 2 խանութի, Երևանի մեկ սուպերմարկետի գործունեությունը

Ձնեմարդ՝ ծաղկած այգիների տակ. Արցախում եւս ցրտահարություն է գրանցվել (լուսանկար)

Մարդկանց կորոնավիրուսային մեկուսացման շնորհիվ բնությունը շնչում է, օդը մաքրվում է, պանդաները՝ զուգավորվում

Արաբական կոալիցիան եւս Եմենում հրադադար է հայտարարել

Երեւանը բժշկական պարագաներ է ստացել չինական Չոնգցին գործընկեր քաղաքից

Կորոնավիրուսի համաճարակի հետեւանքով աշխարհում կարող է աղքատանալ 500 միլիոն մարդ

Դանակահարություն Արտաշատում. բերման է ենթարկվել 37-ամյա տղամարդ

ՌԴ-ում մնացած նորածինն ու մայրն արդեն Հայաստանում են, ինքնամեկուսացման մեջ. ՄԻՊ-ը ևս մեկ ընտանիք է վերամիավորել

Հակաճգնաժամային միջոցառումների շրջանակներում բաշխվել է 10 միլիարդ 700 միլիոն դրամի աջակցություն. վարչապետ

Ո՞ր դեպքերում են թույլատրվում միջմարզային և դեպի Երևան ուղևորափոխադրումները (տեսանյութ)

Հրետանային ստորաբաժանումների զինծառայողները պարապմունքներ են անցկացրել

Միջադեպեր, ծեծկռտուք Սիսիանում. կիզակետում Սիսիանի ոստիկանապետի պաշտոնակատարն է

Չգիտեմ, թե ինչն է իմ ԱԱԾ-ում հանդիպման շուրջ անհանգստության եւ անառողջ աժիոտաժի իմաստը. Հակոբ Ճաղարյանը

Հանրային պաշտպանները 108 միջնորդություն են ներկայացրել. կալանավորված 29 անձի խափանման միջոց արդեն փոխվել է

Գագիկ Սուրենյանը գյուղատնտեսներին խորհուրդ է տալիս բացօթյա սածիլում չկատարել. ցուրտ օդային հոսանքները պահպանվելու են