Մանվել Գրիգորյանը տանն է, բայց վիճակը շարունակվում է գնահատվել շատ վատ. պաշտպան

Թեպետ Մանվել Գրիգորյանը սեփական դիմումի համաձայն շաբաթներ առաջ դուրս գրվեց հիվանդանոցից եւ այժմ գտնվում է իր տանը, բայց, պաշտպանի խոսքով, նրա վիճակը շարունակում է գնահատվել շատ վատ:

«Հայկական ժամանակ»-ի հետ զրույցում պաշտպան Գուրգեն Գրիգորյանն ասաց, որ տանը գտնվել ասելը հարաբերական է, որովհետեւ այն բուժումը, որ նա ստանում էր հիվանդանոցում, համապատասխան սարքավորումներով ստանում է նաեւ տանը. «24 ժամ միացված են շնչառական եւ սրտի աշխատանքը կարգավորող սարքերը, կարելի է համարել, որ հիվանդանոցում է»: Հարցին՝ եթե բուժման անհրաժեշտությունը դեռ կար, ինչո՞ւ է դուրս գրվել, Գրիգորյանը պատասխանեց. «Դե, նույն պրոցեդուրան անցնում է, գումարած մաքուր օդը, հիվանդանոցում որտե՞ղ պիտի դա ստանար, հո դուրս չէ՞ր գա, հիվանդանոցի բակում զբոսներ»: Ըստ պաշտպանի՝ նա տանը եւս բժիշկների հսկողության տակ է: Թե կոնկրետ որ բժիշկների, ինքը տեղյակ չէ. «Դե, հարազատներն են տանում-բերում, ես չգիտեմ, ճիշտն ասած, բայց դեղերը, սրսկումները, ոտքերի ուռածությունը, այդ բոլորը կան, շաքարի թիվն էլ ամենաշատը կարողանում են իջեցնել 18-20-ի»,- նշեց նա՝ պնդելով, որ Մանվել Գրիգորյանի մոտ նույն վիճակն է, դրական որեւէ տեղաշարժ չկա:

Պաշտպանի կարծիքով՝ եթե անգամ կորոնավիրուսի խնդիրը չլիներ, այդպիսի առողջական վիճակի պայմաններում դատական նիստերը դժվար թե տեղի ունենային. «Եթե մասնագետ էլ չլինես, իրեն որ տեսնես, կհասկանաս, որ թեկուզ մի ժամ չի կարող նիստի մասնակցել, դա բացառված է, 15 րոպե առանց այդ օդի հնարավոր չէ, չի կարող մնալ»:

Հարցին, թե նիստերի շարունակական հետաձգումների վերջն ինչպե՞ս են պատկերացնում, Գուրգեն Գրիգորյանը պատասխանեց. «Չգիտեմ, ուղղակի մարդուն չպիտի այդ վիճակի հասցնեին, այն ժամանակ որ այդքան բարձրաձայնում էինք, ձեւի համար չէինք բարձրաձայնում, ամեն երեք ամիսը մեկ վատթարացում էր գրանցվում, այն ժամանակ թող մտածեին, ոչ թե բերեին հասցնեին մահվան դուռ, հետո ասեին՝ ոնց կլինի»:

Նշենք, որ վերջին դատական նիստի ժամանակ պաշտպանները հայտարարել էին, որ առողջապահության նախարար Արսեն Թորոսյանին դիմում են հասցեագրել՝ Մանվել Գրիգորյանի՝ արտերկրում բուժվելու հարցով: Գուրգեն Գրիգորյանը մեր զրույցում նշեց, որ նախարարությունից իրենց դիմումին պատասխանել են՝ ասելով, որ այդ հարցը վարույթն իրականացնող մարմնի իրավասության տակ է. «Բովանդակությունը մոտավորապես այն էր, որ եթե դատարանը անհրաժեշտություն գտնի, թող ինքը նման պահանջ ներկայացնի»: Պաշտպանի կարծիքով՝ Գրիգորյանի բուժումն այստեղ անիմաստ է. «Իմ անձնական կարծիքով՝ ուղղվելու հնարավորություն այլեւս չկա, բայց արտերկրի բժիշկներն ասում են՝ շանս, ամեն դեպքում, կա»:

Հիշեցնենք, որ Մանվել Գրիգորյանը դատարանի՝ հունվարի 15-ի որոշմամբ ազատ է արձակվել կալանքից: Մինչ այդ Դատախազության նախաձեռնությամբ արտահերթ նիստ էր հրավիրվել, որի պատճառը Գրիգորյանի առողջական վիճակի վատթարացման վերաբերյալ նոր տեղեկություններն էին: Այժմ նրա նկատմամբ որպես խափանման միջոց է ընտրված չհեռանալու մասին ստորագրությունը: Գրիգորյանը մեղադրվում է ՀՀ քրեական օրենսգրքի մի քանի հոդվածներով. մի խումբ անձանց կողմից նախնական համաձայնությամբ ապօրինի զենք-զինամթերք ձեռք բերելու, իրացնելու, պահելու, փոխադրելու կամ կրելու, առանձնապես խոշոր չափերով յուրացման կամ վատնման, ինչպես նաեւ հարկը կամ տուրքը չվճարելու, առանձնապես խոշոր չափերով շորթման, դրանք կազմակերպելու կամ կազմակերպման օժանդակելու համար:

Փակել են ավտոճանապարհը 

Ակնալիճ համայնքում գտնվող եւ դեռեւս Մանվել Գրիգորյանին պատկանող «Ակնալճի կուղբաբուծական տնտեսություն» ընկերություն տանող ավտոճանապարհը շարունակում է մնալ փակված: Այս մասին մեր զրույցում տեղեկացրեց նրա պաշտպան Գուրգեն Գրիգորյանը:

Նշենք, որ օրեր առաջ ճանապարհի փակվելու մասին Factor.am-ին ահազանգել էին գյուղի բնակիչները՝ ասելով, որ Գրիգորյանի հարազատները հողաշերտով փակել են ավտոճանապարհը, եւ թեպետ ոտքով կարելի է հասնել ջրամբարներին, բայց պետք է մեկ կիլոմետր քայլել: Դա այն ընկերությունն է, որը Մանվել Գրիգորյանը պետությանը նվիրաբերելու պատրաստակամություն էր հայտնել: Դիմումն ընդունվել է, գնահատումը՝ արվել, բայց պետականացումը դեռ ընթացքի մեջ է:

Մեր զրույցում պաշտպան Գուրգեն Գրիգորյանը ավտոճանապարհը փակելը պարզաբանեց բնակիչների՝ բնության հանդեպ անբարեխիղճ վերաբերմունքով, ասաց, որ ոչ մեկի ճանապարհը չեն փակել, դա մարդու սեփական տարածքն է, եւ տարբերություն չկա՝ հողաշերտով կփակեր, թե դարպաս կդներ. «Որ մեկը գա, տեսնի, թե ինչ օրն են գցել. ջրատար խողովակներ կային՝ գողացել են, շինություն կար, քանդել են, ծառերն էլ՝ կտրել, ուղղակի այլանդակ վերաբերմունք է, ենթադրենք՝ Մանվել Գրիգորյանինը չէ, մյուսինն է, պետությանն է, պետության նախաձեռնությունը պիտի լիներ, որ այդ տարածքը պահպանվեր, այսպես ուղղակի ավերում են»: Թե ովքեր են, պաշտպանը չգիտի, ասում է՝ դեպքի վայրում ոչ մեկին չեն տեսել. «Կարծեմ՝ չէ, բայց, ասենք, մեկին տեսնեն, մոտենան, մի բան ասեն,  ինչի՞ է վերածվելու. հաջորդ օրը ամբողջ մամուլը հեղեղվելու է, թե նորից մեկին բան են ասում»: Հարցին՝ այս առիթով երբեւէ Ոստիկանություն դիմե՞լ են, եթե գողություն է եղել, գողության փաստով հաղորդում ներկայացրե՞լ են, պաշտպանը պատասխանեց. «Այո՛, մինչ դա 4 հաղորդում եղել է դեռ անցյալ տարվանից, նյութերը նախապատրաստվել են, մնացել են, եթե դա օգուտ չի տալիս, ի՞նչ անենք, չեք պատկերացնի, թե ինչ ձեւով են քանդում»: Դիտարկմանը, որ նյութերի նախապատրաստումից հետո պիտի որոշում կայացվի՝ քրեական գործ հարուցելու կամ հարուցումը մերժելու մասին, պաշտպանը պատասխանեց, որ գործ չի հարուցվել. «Մերժման որոշում էլ չենք ստացել, այդքան հաղորդում ենք ներկայացրել գողության փաստով, ո՞վ ինչ արեց»: Մեր հարցին, թե ավտոճանապարհը փակելով՝ խնդիրը լուծվե՞ց, պաշտպանը պատասխանեց. «Գոնե մեծ տեխնիկայով չեն մտնի, չեն քանդի, թե չէ ոտքով միշտ էլ կարող են մտնել, դեռ այն ժամանակ, երբ պատգամավոր էր, շատ մարդիկ մտել են այդ տարածք, հանգստացել են, ձուկ էլ են բռնել, ամեն ինչ էլ արել են, ոչ մեկը ոչ մեկին բան չի ասել, բայց հիմա բնությունը փաստացի վերացնում են, դա արդարացնել որեւիցե կերպ, անկախ նրանից, թե ումն է, ես չեմ կարող, դա, մեղմ ասած, բարոյական չէ, վանդալիզմ է բնության հանդեպ»:

Նշված հաղորդումների վերաբերյալ տեղեկություն ստանալու համար դիմեցինք Ոստիկանություն, որտեղից նշեցին, որ միայն հստակ ամիս-ամսաթիվը եւ հաղորդում ներկայացնող անձի տվյալները նշելու դեպքում կարող են պատասխանել հարցին: Դրանց վերաբերյալ տեղեկություն պաշտպանը խոստացավ տրամադրել ավելի ուշ:

Տպել
2548 դիտում

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս

1000-րդ գործն է մակագրվել ամբողջությամբ թվայնացված քաղաքացիական դատարան. Մինասյանը նշել է համակարգի առավելությունները

Հաստատվել է Բլինքենի և Սամանթա Փաուերի մասնակցությունը ՀՀ-ԱՄՆ-ԵՄ եռակողմ հանդիպմանը

Սպանդարյան, Տոլորս և Տաթև ջրամբարներում ձկնապաշտպան կառույցների նախագծում. հայտարարվում է մրցույթ

Ինչպես ապահովել երեխաների անվտանգ երթևեկությունը. Առողջապահության նախարարության խորհուրդը

Ucom ընկերությունը ցանցային վերազինման աշխատանքներ է մեկնարկում մի շարք մարզերում

ՀՀ տարածքում կան փակ և դժվարանցանելի ավտոճանապարհներ

«Ինկած բերդի իշխանուհին»՝ 6 մրցանակի դափնեկիր. հայտնի են «Արտավազդ» թատերական մրցանակաբաշխության հաղթողները

Գեղամ Մանուկյանը երբ լսեց կատարված աշխատանքների մասին, երևի ուրախությունից հուզվել է, և լացը կարող էր գալ․ Քոչարյան

Crocus City Hall-ի ահաբեկչության զոհերի թիվը հասել է 143-ի

Մտածում էի՝ այստեղ միակ հնդիկն եմ լինելու. գրող Արջուն Կրիշնա Լալիի արկածները Հայաստանում (տեսանյութ)

15 օրվա ընթացքում վճարելու դեպքում տուգանքը կնվազի 30 տոկոսով․ երբ կսկի գործել համակարգը

ՀՀ-ն պատրաստ է Ադրբեջանի հետ արդեն համաձայնեցված սկզբունքների հիման վրա գնալ խաղաղության պայմանագրի անհապաղ ստորագրմանը

Որևէ մեկի դեմ ուղղված լինելու պնդումները անհիմն և արհեստածին են․ ԱԳՆ խոսնակը ՀՀ-ԱՄՆ-ԵՄ բարձր մակարդակով հանդիպման մասին

Իրավիճակը հասարակներից չէ, մինչև ապրիլի 5-ը վտանգն առկախված է, ներքին առումով ևս հանգիստ չէ. Հարություն Մկրտչյան

Վերանորոգված և արդիականացված «Մհեր Մկրտչյան» արտիստական թատրոնն իր դռները կբացի առաջնախաղով (տեսանյութ)

ՀՀ-ն կարևորում է ԵՄ դիտորդական առաքելության տեղակայումը Հայաստան-Ադրբեջան սահմանին․ Ալեն Սիմոնյանը՝ Անն-Լորանս Պետելին

13-ամյա թոռը պապին հայտնաբերել է կախված վիճակում

Մոսկվայում պայթյունի սպառնալիքի պատճառով տարհանվել է «Щука» առևտրի կենտրոնը (տեսանյութ)

Գոշ գյուղի լճի մոտակայքում ավտոմեքենան բախվել է ծառին և արգելափակվել ցեխակույտի մեջ

Crocus City Hall-ի ահաբեկչությունից հետո նույնականացվել է 84 զոհի մարմին․ նրանց թվում 9-16 տարեկան 5 երեխա կա