Սա միակ երկիրն է, որտեղ իշխանությունն ինձ օգնում է, ընդդիմությունը՝ խանգարում. հայ-իրանական ընկերության տնօրեն

«Rad Sane Vashamir» հայ-իրանական ընկերության տնօրեն Արայիկ Ասրյանը պնդում է՝ Հայաստանը այն երկիրն է, որտեղ իշխանությունն իրեն օգնում է, ընդդիմությունը՝ խանգարում: Այս մասին այսօր գործարանում լրագրողների հետ զրույցում հայտարարեց Արայիկ Ասրյանը՝ նախ ներկայացնելով, թե աշխատանքային ինչ փուլում է գտնվում գործարանը, ինչ խնդիրների են բախվել բացման օրվանից մինչ օրս, ու ինչու են աշխատանքները դանդաղում: Տնօրենն անդրադարձավ նաեւ նախօրեին Ազգային ժողովում «Լուսավոր Հայաստան» խմբակցության պատգամավոր Արմեն Եղիազարյանի՝ վարչապետին ուղղված հարցին, թե ինչպես է պատահել, որ վարչապետը մասնակցել է մի շարք գործարանների բացման արարողությանը, այդ թվում՝ գազաբալոնների արտադրությամբ զբաղվող հայ-իրանական ընկերության, սակայն դրանք կա՛մ չեն աշխատում, կա՛մ վնասով են աշխատում: 

«2018թ.-ի դեկտեմբերին երբ բացումն արեցինք, հրավիրված էին ե՛ւ Իրանից, ե՛ւ ՀՀ Կառավարությունից: Դեկտեմբերի 22-ին իմ իրանցի գործընկեր Հոսեյին Բարատալի Յաղուբփուրը փորձեց անակնկալ անել, որ բացի գազաբալոնների գործարանից, այստեղ նախատեսում են նաեւ ավտոմեքենաներ արտադրել, որը կհավաքվի Հայաստանում ու կիրացվի թե՛ Հայաստանում, թե՛ Հայաստանի սահմաններից դուրս: Դրանից հետո մենք պայմանագիրը կնքեցինք «Սայնա-Արմենիա» գործարանի հետ, ձեռք բերեցինք պայմանավորվածություններ, բայց դրանք մնացին հետաձգված վիճակում, ինչին խանգարեց նախ այս տարվա կորոնավիրուսը, դրանից առաջ էլ՝ իմ իրանցի գործընկեր Հոսեյինիի պահպանողական մտածելակերպը: Այնպես եղավ, որ ինքը՝ որպես ֆիզիկական անձ, խնդիրներ ունեցավ «Սայնա» ընկերության հետ: Ավելի ուշ ես հանդիպում ունեցա տվյալ ընկերության ներկայացուցիչների հետ, որոշվեց, որ պրոյեկտը արվելու է, բայց արդեն առանց Հոսեյնիի: Սրան հաջորդեց արդեն սահմանների փակումը, որի բացվելուց հետո մենք աշխատանքները կսկսենք՝ հավաքող գործարանից դառնալով մեքենաների պահեստամասեր արտադրող ձեռնարկություն»:

Արայիկ Ասրյանի խոսքով՝ 2018թ.-ից մինչ օրս առկա աշխատանքներում առաջացած խնդիրներն ու դանդաղ առաջ շարժվելը կապված են եղել ոչ միայն պարոն Հոսեյնիի ոչ ադեկվատ պահվածքի, այլ նաեւ մոտ 1 տարի ժամանակ պահանջված անհրաժեշտ Եվրասիական տնտեսական միության կողմից տրվող սերտիֆիկատի ձեռքբերման հետ: 

Անդրադառնալով ԱԺ «Լուսավոր Հայաստան» խմբակցության պատգամավորի հարցին, որ գործարանը չի աշխատում՝ Արայիկ Ասրյանն ասաց. «Ես աշխարհի տասնյակ երկրներում եղել եմ, տասնյակ երկրների ղեկավարների հետ հանդիպել եմ, այստեղ միակ դեպքն է, որտեղ իշխանությունն ինձ օգնում է, ընդդիմությունը՝ խանգարում, բայց մյուս երկրներում նման բան չկա, իշխանությունը խանգարում է, ընդդիմությունը՝ օգնում: Եղիազարյան Արմեն կամ Մարուքյան Էդիկ, ով ես, ինչ ես, մի օր եկեք ստեղ, 20 հատ բալոն դնեմ դեմներդ, տեսեք, որ աշխատում ենք, տո դու ով ես քեզանով, Էդո ես, Պետո ես, ինչ ես... Եթե այդ մարդը մտել է իմ տուն, ու սա իմ տունն է, ու իմ տան մասին ստահոդ լուրեր է տարածում... Երբ որ ես, չլինելով վանաձորցի, Վանաձորում եմ, 100 մարդ գալիս տեսնում է, որ գործարանը աշխատում է, ինքը, լինելով  վանաձորցի, կամ Արմեն Եղիազարյանը, թող դուռը բացեն, ասեն՝ Արայի՛կ ջան, թողել ես քո տուն-տեղը Ռուսաստանում, եկել ես իմ քաղաքում՝ քարը քարին դնես, մի 20 ընտանիք պահես, քեզ ինչով օգնեմ, ես այդ դեպքում կհասկանայի, որ կա ընդդիմություն, ինչ ընդդիմության մասին է խոսքը, թող այս ընդդիմությունը չգիտեմ՝ ում ոտքերը լվա, ջուրը խմի, որ էս երկիրը ստրկությունից ազատել են: Ես նորից եմ կրկնում՝ իշխանությունը կողքներիս կանգնած գիշեր-ցերեկ աշխատել է, որ մենք կարենանք առանց խոչընդոտի ռազմական նշանակության մեքենաները ներմուծենք Հայաստան՝ որպես տնտեսական նշանակություն, մինչեւ գիշերվա 2-ը ՊԵԿ-ը, պարետ Ավինյանի աշխատակազմը այստեղ են եղել...»,- ասաց Արայիկ Ասրյանը՝ նշելով, որ մայիսի 30-ին ինքը պատասխանել է Արմեն Եղիազարյանի նամակին՝ առաջարկելով գալ ու տեսնել, թե ինչպես է աշխատում գործարանը, սակայն մինչ օրս որեւէ մեկը ո՛չ այցելել է, ո՛չ էլ՝ հետաքրքրվել. «Կամ սեպտեմբերի 4-ին ինչ-որ մարդիկ մտնում են այստեղ առանց դիմակի, իրենց մենակ ավտոմատն էր պակասում, հետո եմ հասկանում, թե ովքեր են, բայց ասում են, որ լրագրողներ են, միկրաֆոնը դեմ են տալիս ու ասում՝ ինձ ասա՝ չեք աշխատում, ասում եմ՝ աղջի՛կ ջան, ոնց չենք աշխատում, եթե աշխատում եմ, ասում ա՝ չէ, դու ասա՝ չեք աշխատում: Հարցնում եմ՝ ով եք, որտեղից եք, ասում են՝ «Արմնյուզից» ենք: Երբ սկսում եմ բացատրել, ասում է՝ սպառնում եք... հետո կես ժամ անց մեկ ուրիշն է զանգում, ասում եմ՝ եկեք տեղում տեսեք...»:

Գործարանն այս պահին ունի 11 աշխատակից, որոնք աշխատում են գազաբալոնների արտադրության վրա: Ըստ տնօրենի՝ թիվն առաջիկայում կավելանա, սակայն դա կարվի իր անձնական միջոցների ու կապերի հաշվին, առանց իրանցի գործընկերոջ, որը, ըստ նրա, շարքային խաբեբա էր, թեպետ շարունակում է մնալ «Rad Sane Vashamir» ընկերության 75 տոկոսի սեփականատերը. «Մի տարի ա՝ Հոսեյինին ասում եմ՝ եղբա՛յր, արի նստենք խոսենք, եթե դու էլ չես կարողանում խոստացածդ անես, սարքավորումները բերես, որովհետեւ էդ սարքավորումները էնտեղ դրած է, այնպես չի, որ չկան այդ սարքավորումները: Նստենք նորմալ կամ իրարից բաժանվենք կամ էլ որոշենք՝ ով ով է, ասում եմ՝ ինչի եկար այսպես խառնեցիր բոլորին: Այդ խեղճ Կարապետյանին այնպես արեց, որ ասաց՝ դուք «Գազպրոմ»-ում խնդիր չունեք, ես կասեմ «Գազպրոմ»-ին, որ միայն հայկական բալոնները կտեղադրեն»,- ասաց Արայիկ Ասրյանը՝ հավելելով, որ ընկերությունը մինչ օրս շահույթ չի ստացել, ներդրումներ, սակայն, շարունակում է անել: Պատվերների խնդիր չունեն, գլխավոր գործընկերն էլ Ռուսաստանն է:

Տպել
4171 դիտում

Իշխանության յուրացման փորձ կատարելու համար մեղադրվողների գործն ուղարկվել է դատարան

Գեղարքունիքի մարզպետն ու Ռուսաստանի դեսպանը քննարկել են տարածաշրջանում սոցիալ-տնտեսական զարգացման հարցերը

Արմավիրի մարզում պատվաստվել է 104 889 քաղաքացի

Ստեփանծմինդա-Լարս ավտոճանապարհը բաց է․ ՀՀ տարածքում կան փակ ավտոճանապարհներ

ԵԱՀԿ Մինսկի խմբի համանախագահող երկրների ԱԳ նախարարները Լեռնային Ղարաբաղի վերաբերյալ հայտարարություն են ընդունել

Գրիգոր Լուսավորիչ եկեղեցում կատարվել է 44-օրյա պատերազմում նահատակված 9 զինծառայողի հոգեհանգստի արարողություն

Լենինգրադյան փողոցում ավտովթար է տեղի ունեցել․ թիվ 63 երթուղայինի վարորդն ու 4 ուղեւոր հոսպիտալացվել են «Արմենիա» ՀԲԿ

Առաջին ձյունը նախընտրական շահարկումների պատճա՞ռ, գործ ունենք նախընտրական քաղաքական սաբոտաժի հետ․ Վանիկ Օհանյան

Միգուցե շատերի համար ես բնավ էլ համարձակ կին չեմ, որովհետեւ իրենց մտքի թռիչքն այլ բան է ուզում. Լուիզա Ներսիսյան

Ստեփանավանի մշակույթի պալատն այսօրվանից կկրի Սոս Սարգսյանի անունը․ Արփի Դավոյան

Ուժի կիրառումը երբեք խաղաղության հասնելու ճանապարհ չի եղել․ Միրզոյանը ելույթ է ունեցել ԱՀԿ նախարարական 28-րդ համաժողովին

Հայաստանի և Էստոնիայի ԱԳ նախարարները անդրադարձել են տարածաշրջանային անվտանգության և կայունության հարցերի

Սերգեյ Լավրովն ու Մևլութ Չավուշօղլուն քննարկել են Անդրկովկասում իրավիճակի կայունացման հարցը

Ավտոմեքենան մոտ 8 մ բարձրությունից ընկել է Աղստև գետը․ ուղեւորները հոսպիտալացվել են

Մհեր Գրիգորյանը Մոսկվայում մասնակցել է Երկրորդ եվրասիական համագումարին

ՊՆ վարչական համալիրում ստորագրվել է 2022թ. Հայաստանի և Լիտվայի միջև երկկողմ ռազմական համագործակցության ծրագիրը

Ոստիկանների արարքները պաշտոնեական լիազորություններն անցնելու հանցակազմ չեն պարունակել, վարույթը կարճվել է

Պապիկյանը ԱՄՆ դեսպանին է ներկայացրել է սահմանագոտում առկա իրավիճակը և խնդիրների կարգավորման հայկական կողմի մոտեցումները

Հաագայում տարածվել է ՀՀ հայտարարությունը՝ Արցախում Ադրբեջանի կիրառած քիմիական տարրեր պարունակող զենքի վերաբերյալ. ԱԳՆ

Միրզոյանը Բլինքենին է ներկայացրել ՀՀ ինքնիշխան տարածք ադրբեջանական զինուժի ներթափանցման հետևանքով ստեղծված իրավիճակը

Տեղի են ունեցել «ԵՄ-ն՝ հանուն երիտասարդության» ծրագրի գործողությունների ներկա իրավիճակը և 2022-ի պլանները քննարկում

Կոդավորված դաջվածքի բանալի բառը գտնելով՝ հնարավոր էր կարդալ կնոջ անունը. զոհված հետախույզի կինը գիրք է գրել նրա մասին

Հայաստան կժամանի ՌԴ ԱԻՆ պատվիրակությունը. կանցկացվի Միջազգային գիտաժողով երկրաշարժի 33-րդ տարելիցի կապակցությամբ

Սյունիքի մարզի Սիսիան-Գորիս ավտոճանապարհին մառախուղ է

Փոփոխություն Վանաձորից դեպի Վրաստան և հետադարձ ուղղությամբ երթևեկության սխեմայում

Արարատ Միրզոյանը հանդիպել է ԱՄՆ պետքարտուղար Էնթոնի Բլինքենի հետ

Մհեր Գրիգորյանը Մոսկվայում մասնակցել է ԵԱՏՀ խորհրդի նիստին

ՍԱՏՄ-ն ստուգայցեր է իրականացրել Կենտրոն վարչական շրջանի իրացման ցանցում և հանրային սննդի օբյեկտներում

Դոլարն ու եվրոն շարունակում են թանկանալ․ Կենտրոնական բանկը սահմանել է նոր փոխարժեքներ

Արարատի բնակիչը «Ալեն Սիմոնյանի», «Հայկ Սարգսյանի», «Սասի Արտակի» և այլ անուններով սոցցանցերում գրանցել է կեղծ էջեր․ ՔԿ

Քարաթափում է տեղի ունեցել Եղեգնաձոր-Գետափ ավտոճանապարհին

Ճապոնիայի դեսպանատան աջակցությամբ Արմավիրում կբարելավվի կոշտ թափոնների կառավարման համակարգը

«Քովիդ-19»-ի դեմ պատվաստվելուց 7 օր անց անձը կարող է դառնալ արյան դոնոր

ՀԱՊԿ-ում նախագահող Հայաստանի ԱԳ նախարարի համակարգմամբ տեղի է ունեցել անդամ պետությունների ԱԳ նախարարների հանդիպումը

ՀՀ Էկոնոմիկայի նախարարության աջակցությամբ Արաբական Միացյալ Էմիրություններում կկազմակերպվի SSSholidays միջոցառումը

Սահմանվել են հունվարին անցկացվելիք պետական ավարտական քննությունների ժամկետները

Վարչապետի մոտ քննարկվել են քաղաքաշինության ոլորտի խոշորամասշտաբ ներդրումային ծրագրերի առաջարկներ (լուսանկարներ)

Ավարտվել է Ստեփանավանի թիվ 2 դպրոցի տնօրենի և աշխատակիցների կողմից կատարված չարաշահումների գործի նախաքննությունը. ՔԿ

Հեռուստատեսության զարգացման գործում ներդրած նշանակալի ավանդի համար պարգևատրվել են Հանրայինի աշխատակիցները

Սյունիքում բացվել է առաջին մագնիսա-ռեզոնանսային տոմոգրաֆիայի բաժանմունքը (լուսանկարներ)